کئی سالوں سے خدمتِ دین کرنے والی عاشقانِ رسول کی دینی تحریک دعوتِ اسلامی کے تحت 6اکتوبر  2023ء بروز جمعہ صوبہ پنجاب کی ساہیوال ، سرگودھا اور فیصل آباد ڈویژنزکا آن لائن مدنی مشورہ منعقد ہوا ۔

تفصیلات کے مطابق اس مدنی مشورے میں نگرانِ صوبۂ پنجاب ، ساہیوال ، سرگودھا اور فیصل آباد ڈویژن و ڈسٹرکٹ کی نگران نیز میٹروپولیٹن نگران اسلامی بہنوں کی شرکت رہی۔

اسلامی بہنوں سے گفتگو کرتے ہوئے نگرانِ پاکستان مجلسِ مشاورت اسلامی بہن نے ٹیلی تھون کی کارکردگی کا جائزہ لیا اور شخصیات اجتماع کے متعلق چند اہم نکات پر کلام کیا۔

نگرانِ پاکستان مجلسِ مشاورت نے ذمہ دار اسلامی بہنوں کو ٹیلی تھون کا ہدف پورا کرنے کے حوالے سے مختلف مدنی پھولوں سے نوازا جس پر انہوں نے اچھی اچھی نیتوں کا اظہار کیا ۔

6اکتوبر  2023ء بروز جمعہ عاشقانِ رسول کی دینی تحریک دعوتِ اسلامی کے تحت صوبہ پنجاب کی بہاولپور، ڈی جی خان اور ملتان ڈویژنز کی اسلامی بہنوں کا آن لائن مدنی مشورہ ہوا جس میں نگرانِ صوبۂ پنجاب ، بہاولپور، ڈی جی خان اور ملتان ڈویژن و ڈسٹرکٹ کی نگران نیز میٹروپولیٹن نگران اسلامی بہنوں نے شرکت کی۔

دعوتِ اسلامی کی نگرانِ پاکستان مجلسِ مشاورت اسلامی بہن نے دینی کاموں کے متعلق کلام کرتے ہوئے ٹیلی تھون کی کارکردگی کا جائزہ لیا اور شخصیات اجتماع کے متعلق چند اہم نکات پر گفتگو کی۔

نگرانِ پاکستان مجلسِ مشاورت نے ذمہ دار اسلامی بہنوں کو ٹیلی تھون کا ہدف پورا کرنے کے حوالے سے مختلف مدنی پھولوں سے نوازا جس پر انہوں نے اچھی اچھی نیتیں کیں ۔

دعوتِ اسلامی کے تحت 4اکتوبر 2023ء  بروز بدھ راولپنڈی شہر کے راجہ بازار ٹاؤن میں قائم جامعۃ المدینہ گرلز اُم عطار میں ذمہ دار اسلامی بہنوں کا دینی کاموں کے سلسلے میں شیڈول ہوا۔

اس دوران نگرانِ پاکستان مجلسِ مشاورت اسلامی بہن نے ذمہ دار اسلامی بہنوں کے ہمراہ جامعۃ المدینہ گرلز میں دعوتِ اسلامی کے ہفتہ وار سنتوں بھرے اجتماع میں شرکت کی جس میں نگرانِ پاکستان مجلسِ مشاورت نے ”اخلاق مصطفیٰ صلی اللہ علیہ و سلم کی جھلکیاں “ کے موضوع پر بیان کیا ۔

بعدِ اجتماع جامعۃ المدینہ گرلز کے اسٹاف کا مدنی مشورہ منعقد ہوا جس میں نگرانِ پاکستان مجلسِ مشاورت نے دینی کاموں کے حوالے سے ترغیب دلائی اور15 اکتوبر 2023ء کو ہونے والے ٹیلی تھون کے اہدا ف دیئے ۔

عاشقانِ رسول کی دینی تحریک دعوتِ اسلامی کے تحت 10 اکتوبر 2023ء بروز منگل بلاک 4 کراچی میں ایک اہلِ ثروت اسلامی بہن کے گھر پر محفلِ نعت کا اہتمام کیا گیا جس میں علاقے کی اسلامی بہنوں سمیت ذمہ دارانِ دعوتِ اسلامی کی بھی شرکت رہی۔

ابتداءً تلاوتِ قراٰن و نعتِ رسول مقبول صلی اللہ علیہ و سلم کے بعد نگرانِ عالمی مجلسِ مشاورت اسلامی بہن نے ”سیرتِ مصطفیٰ صلی اللہ علیہ و سلم“ کے موضوع پر بیان کیااور حضور صلی اللہ علیہ و سلم کی زندگی کے چند واقعات بتائے۔

علاوہ ازیں نگرانِ عالمی مجلسِ مشاورت نے وہاں موجود اہلِ ثروت اسلامی بہنوں کو دعوتِ اسلامی کے نیک اجتماعات میں شرکت کرنےاور 15 اکتوبر 2023ء کو ہونے والے ٹیلی تھون میں اپنا حصہ جمع کروانے کی ترغیب دلائی۔محفل کے اختتام پر ڈسٹرکٹ نگران اسلامی بہن نے دعا کروائی اور شرکا اسلامی بہنوں نے اُن سے ملاقات بھی کی۔

شعبہ قرآن ٹیچر ٹریننگ کے مدنی پھولوں سے متعلق 9 اکتوبر 2023ء بروز پیر مدنی مشورہ ہوا جس میں اورسیز کی تمام شعبہ قراٰن ٹیچر ٹریننگ کورسز ذمہ داران، پاکستان کی صوبائی نگران اور شعبے کی اہم ذمہ داران نے بذریعہ انٹرنیٹ جبکہ کراچی سٹی کی ٹاؤن سطح تک کی ذمہ دار اسلامی بہنوں نے براہِ راست فیضانِ صحابیات پی آئی بی کالونی میں شرکت کی۔

اس مدنی مشورے میں نگرانِ عالمی مجلسِ مشاورت اورعالمی سطح کی قراٰن ٹیچر ٹریننگ کورسز ذمہ دار اسلامی بہنوں نے شرکا کی تربیت و رہنمائی کرتے ہوئے شعبے کے دینی کاموں میں مزید بہتری لانےکے لئے مدنی پھول دیئے۔

دعوتِ اسلامی کے زیرِ اہتمام کراچی کے علاقے کلفٹن میں 7 اکتوبر 2023ء بروز ہفتہ محفلِ نعت کا انعقاد کیا گیا جس میں اسلامی بہنوں کی کثیر تعداد نے شرکت کی جبکہ خصوصی طور پر صاحبزادیِ عطار سلمہا الغفار اور نگرانِ عالمی مجلسِ مشاورت کی بھی آمد ہوئی۔

قراٰنِ کریم کی تلاوت سے محفل کا آغاز ہوا اور نگرانِ عالمی مجلسِ مشاورت اسلامی بہن نے ”اختیاراتِ مصطفیٰ صلی اللہ علیہ و سلم“ کے موضوع پر سنتوں بھرا بیان کیا جس میں انہوں نے اللہ عزوجل کی طرف سے حضور صلی اللہ علیہ و سلم کو ملنے والے اختیارات کے بارے میں شرکائے محفل کو بتایا۔

بیان کے بعد صاحبزادیِ عطار سلمہا الغفار نے اختتامی دعا کروائی نیز اسلامی بہنوں سے ملاقات کرتے ہوئے انہیں ہفتہ وار سنتوں بھرے اجتماع میں شرکت کرنے اور فیضان آن لائن اکیڈمی گرلز میں داخلہ لینے کا ذہن دیا۔

8 اکتوبر 2023ء بروز اتوار کراچی کے علاقے پی آئی بی نیو کالونی میں دعوتِ اسلامی کے تحت ہونے والی محفلِ نعت میں خصوصی طور پر صاحبزادیِ عطار سلمہا الغفار اور نگرانِ عالمی مجلسِ مشاورت اسلامی بہن کی شرکت ہوئی۔

معلومات کے مطابق محفلِ نعت میں دعوتِ اسلامی کی نگرانِ عالمی مجلسِ مشاورت اسلامی بہن نے ”سیرتِ مصطفیٰ صلی اللہ علیہ وسلم“ کے موضوع پر سنتوں بھرا بیان کیا اور اسلامی بہنوں کو نمازوں کی پابندی کرنے اور سنتوں بھرے اجتماعات میں شرکت کرنے کی ترغیب دلائی۔محفل کے اختتام پر صاحبزادیِ عطار نے دعا کروائی جبکہ شرکا اسلامی بہنوں نے اُن سے ملاقات بھی کی۔

بعدِ محفل صاحبزادیِ عطار سلمہا الغفار اور نگرانِ عالمی مجلسِ مشاورت نے دیگر ذمہ دار اسلامی بہنوں کے ہمراہ ایک اسلامی بہن سے اُن کی دلجوئی کے لئے ملاقات کی اور انہیں دعوتِ اسلامی کے دینی کاموں کے لئے اچھی اچھی نیتیں کروائیں۔

پیارے آقا مکی مدنی مصطفیٰ صلی اللہ علیہ و سلم کا جشنِ ولادت منانے کے لئے 6 اکتوبر 2023ء بروز جمعہ DHA کراچی میں اسلامی بہنوں کے درمیان محفلِ نعت کا اہتمام کیا گیا جس میں شخصیات، لیڈی ڈاکٹرز، وکیل اور ٹیچرز اسلامی بہنوں سمیت دعوتِ اسلامی کی ذمہ داران نے کثیر تعداد میں شرکت کی۔

تفصیلات کے مطابق محفل کے آغاز میں مبلغۂ دعوتِ اسلامی نے تلاوتِ قراٰنِ پاک کی اور نعت خواں اسلامی بہن نے نبیِ کریم صلی اللہ علیہ و سلم کی بارگاہ میں نذرانۂ عقیدت پیش کر کے حاضرین کے دلوں کو منور کیا۔

اس کے بعد شعبہ تعلیم للبنات کی رکنِ عالمی مجلسِ مشاورت اسلامی بہن نے ”محبتِ مصطفیٰ صلی اللہ علیہ و سلم “ کے موضوع پر سنتوں بھرا بیان کیا جس میں انہوں نے اس حوالے سے صحابۂ کرام کے مختلف واقعات بتائے۔

رکنِ عالمی مجلسِ مشاورت نے اسلامی بہنوں کی تربیت کرتے ہوئے انہیں دعوتِ اسلامی کی دینی و فلاحی خدمات بالخصوص DHA میں ہونے والی دینی خدمات بذریعہ پریزنٹیشن بتائی۔

اہلِ خانہ کی جانب سے شرکائے محفل کے درمیان مکتبۃ المدینہ کے کُتُب و رسائل تقسیم کئے گئے اور انہوں نے دعوتِ اسلامی کے سنتوں بھرے اجتماعات میں شرکت کرنے نیز درودِ پاک کی کثرت کرنے کی اچھی اچھی نیتیں کیں۔ 

عاشقانِ رسول کی دینی تحریک دعوتِ اسلامی کے تحت 26ستمبر 2023  بروز منگل شعبہ روحانی علاج للبنات سے تعلق رکھنے والے دینی کاموں کے سلسلے میں آن لائن مدنی مشورہ ہوا جس میں تمام صوبہ اورسٹی نگران کی اسلامی بہنوں نے شرکت کی ۔

معلومات کے مطابق اس مدنی مشورے میں نگرانِ پاکستان مجلسِ مشاورت اسلامی بہن نے شعبہ روحانی علاج للبنات کے بستوں سے موصول ہونے والے مسائل کو جلد از جلد حل کرنے اور تقرریاں مکمل کرنے پر اسلامی بہنوں کی تربیت کی۔

نگرانِ پاکستان مجلسِ مشاورت نے جن ڈویژن،ڈسٹرکٹ اور تحصیل/ٹاؤن میں شعبہ روحانی علاج للبنات کے بستے نہیں ہیں وہاں بستے کھلوانے کے لئے صوبہ اور سٹی نگران اسلامی بہنوں کو تعاون کرنے کا ذہن دیا۔ 

دعوتِ اسلامی کے تحت 26ستمبر 2023ء   بروز منگل شعبہ روحانی علاج للبنات کی اسلامی بہنوں کا آن لائن مدنی مشورہ ہوا جس میں تمام صوبہ / سٹی نگران ، شعبہ روحانی علاج کی ملک، صوبہ اور ڈویژن ذمہ دار ان نے شرکت کی۔

شرکا اسلامی بہنوں کی تربیت کرتے ہوئے نگرانِ پاکستان مجلسِ مشاورت اسلامی بہن نے شعبہ روحانی علاج للبنات کی ماہانہ کارکردگی کا جائزہ لیتے ہوئے ڈویژن، ڈسٹرکٹ اور تحصیل/ٹاؤن میں شعبہ روحانی علاج للبنات کے بستے شروع کروانے پر کلام کیا جس پر ذمہ دار اسلامی بہنوں نے اچھی اچھی نیتیں کیں۔

نگرانِ پاکستان مجلسِ مشاورت نے مزید گفتگو کرتے ہوئے سفر شیڈول مضبوط کرنے اور تقرریاں مکمل کرنے پر اسلامی بہنوں کو توجہ دلائی نیز آئندہ کے اہداف بھی دیئے ۔ 

4 اکتوبر 2023ء بروز بدھ کراچی کےعلاقے  موسیٰ لین ، لیاری میں ہونےوالے دعوتِ اسلامی کے تحت اسلامی بہنوں کے ہفتہ وار اجتماع میں صاحبزادیِ عطار سلمہا الغفار اور نگرانِ عالمی مجلسِ مشاورت اسلامی بہن کی خصوصی شرکت ہوئی۔

مبلغۂ دعوتِ اسلامی نے سنتوں بھرا بیان کرتے ہوئے اسلامی بہنوں کی دینی و اخلاقی اعتبار سےتربیت کی نیز صاحبزادیِ عطار سلمہا الغفار نے اختتامی دعا کروائی اور اسلامی بہنوں سے ملاقات فرمائی۔

کراچی کے علاقےصدر  میں 1 اکتوبر 2023ء بروز اتوار عاشقانِ رسول کی دینی تحریک دعوتِ اسلامی کے تحت محفلِ نعت کا انعقاد کیا گیا جس میں علاقے کی اسلامی بہنوں نے شرکت کی۔

تلاوتِ قراٰن و نعتِ رسولِ صلی اللہ علیہ و سلم کے بعد نگرانِ عالمی مجلسِ مشاورت اسلامی بہن نے ”پیارےآقا علیہ الصلوٰۃ و السلام کی سخاوت“ کے موضوع پر سنتوں بھرا بیان کرتے ہوئے سخاوت کے متعلق حضور صلی اللہ علیہ و سلم کے واقعات بتائے۔