دعوت اسلامی کے شعبہ پروفیشنلز فورم کے زیر اہتمام 26/27 اگست 2023ء کو مدنی مرکز فیضان مدینہ فیصل آباد میں دو دن کا ”فرض علوم کورس“ منعقد ہوا جس میں آئی ٹی ایکسپرٹ، انجینئرز، سول انجینئرز اور مختلف شعبہ جات کے پروفیشنلز نے شرکت کی۔

نگران پاکستان مشاورت حاجی محمد شاہد عطاری نے فرض علوم کے حوالے سے شرکا کی رہنمائی کی اور انہیں دنیاوی تعلیم کے ساتھ ساتھ علمِ دین سیکھنے کابھی ذہن دیا۔

فیصل آباد کے مدنی مرکز فیضانِ مدینہ میں گزشتہ روز دعوتِ اسلامی کے تحت ہونے والے ہفتہ وار سنتوں بھرے اجتماع کے حوالے سے میٹنگ ہوئی جس میں شعبہ تعلیم اور شعبہ مدرسۃ المدینہ بوائز کے ذمہ دار اسلامی بھائی آن لائن شریک ہوئے۔

میٹنگ میں شریک ذمہ دار اسلامی بھائیوں کی تربیت کے لئے مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے مختلف امور پر کلام کیا اور ذمہ داران کی ذہن سازی کی۔

نگرانِ پاکستان مشاورت حاجی محمد شاہد عطاری نے گفتگو کرتے ہوئے ذمہ دار اسلامی بھائیوں کو ہفتہ وار سنتوں بھرے اجتماع میں شرکا کی تعداد بڑھانے کے متعلق مدنی پھول دیئے جس پر انہوں نے اچھی اچھی نیتوں کا اظہار کیا۔ (رپورٹ: عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

دعوتِ اسلامی کے مدنی مرکز فیضانِ مدینہ فیصل آباد پنجاب   میں گزشتہ روز ایک میٹنگ ہوئی جس میں فیضانِ مدینہ فیصل آباد کے ایچ او ڈی ذمہ داران، نگرانِ پاکستان مشاورت آفس اور پاکستان مشاورت آفس کے اراکین سمیت دیگر ذمہ داران کی شرکت ہوئی۔

فیصل آباد میں دعوتِ اسلامی کے دینی کام کرنے والے یوسی نگران، ڈسٹرکٹ نگران اور دیگر ذمہ دار اسلامی بھائیوں سے 12 دینی  کاموں کا فالو اپ لینے کے لئے مدنی مرکز فیضانِ مدینہ فیصل آباد میں ایک مدنی مشورہ ہوا۔

ذمہ دار اسلامی بھائیوں کی تربیت کے لئے مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کیا اور دعوتِ اسلامی کے 12 دینی کاموں کا جائزہ لیتے ہوئے تقرری کے اہداف دیئے۔

حاجی محمد شاہد عطاری نے دینی کاموں میں اچھی کارکردگی کےحامل یوسی نگران اسلامی بھائیوں کی حوصلہ افزائی کی اور انہیں تحائف دیئےجبکہ یوسی نگران اسلامی بھائیوں کی طرف سے ہونے والے سوالات کے جوابات بھی دیئے۔

نگرانِ پاکستان مشاورت حاجی محمد شاہد عطاری نے دینی کاموں کی کارکردگی بیان کرتےہوئے کہا کہ:الحمد للہ اس سال 2023ء میں سابقہ سال کے مقابلے میں 300 مدنی قافلوں میں اضافہ ہوا ہے اور ہفتہ وار سنتوں بھرے اجتماع میں بھی بہتری آئی ہے۔

مدنی مرکز فیضانِ مدینہ فیصل آباد میں پچھلے دنوں امیرِ اہلِ سنت دامت بَرَکَاتُہمُ العالیہ کے بڑے بھائی مرحوم عبد الغنی، مفتیِ دعوتِ اسلامی مرحوم مفتی فاروق عطاری مدنی، محمد نعیم کے مرحوم والد، میاں طاہر حمیدکی والدہ مرحومہ، سجاد راؤوف انصاری کے مرحوم والدین،حفیظ عطاری کے مرحوم والدین، ملک جمیل قادری کے دوست مرحوم مرزا محمد ایوب اور دیگر عاشقانِ رسول کے مرحومین کے لئے ایصالِ ثواب اجتماع ہوا۔

اس موقع پر دعوتِ اسلامی کے ذمہ داران، شخصیات اور مختلف شعبہ ہائے زندگی سے تعلق رکھنے والے افراد سمیت قرب و جوار کے کثیر عاشقانِ رسول موجود تھے۔

عاشقانِ رسول کی دینی تحریک دعوتِ اسلامی کے تحت مدنی مرکز فیضانِ مدینہ فیصل آباد میں پاکستان مشاورت کے اراکین کا مدنی مشورہ ہوا جس میں ذمہ دار اسلامی بھائیوں سمیت شعبہ ہفتہ وار اجتماع  کے ذمہ داران کی خصوصی طور پر شرکت ہوئی۔

تفصیلات کے مطابق مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے دعوتِ اسلامی کے دینی کاموں کا جائزہ لیتے ہوئے بتایا کہ پاکستان بھر میں کم و بیش 597 مقامات پر ہفتہ وار سنتوں بھرے اجتماعات منعقد ہورہے ہیں جن میں شرکا کے ہدف کے اعتبار سے سب سے نمایاں کارکردگی کراچی کی رہی۔

اس دوران نگرانِ پاکستان مشاورت حاجی محمد شاہد عطاری نے 12 ہویں شریف میں ہونے والے دینی کاموں، بالخصوص 12 مدنی مذاکروں کے متعلق گفتگو کی اور مختلف شہروں سے اسپیشل ٹرین چلانے کا ذہن دیا۔

مفتیِ دعوتِ اسلامی مفتی محمد فاروق عطاری کے ایصالِ ثواب کے لئے 6 اگست 2023ء بروز اتوار مدنی مرکز فیضانِ مدینہ فیصل آباد میں سنتوں بھرے اجتماع کا انعقاد کیا گیاجس میں مختلف ڈیپارٹمنٹس کے اسلامی بھائیوں سمیت کورسز کے شرکا نے شرکت کی۔

تلاوت و نعت شریف سے اجتماع کا آغاز کرنے کے بعد مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے سنتوں بھرا بیان کیا جس میں انہوں نے مفتیِ دعوتِ اسلامی کی سیرت کے چند پہلوؤں پر گفتگو کی۔

نگرانِ پاکستان مشاورت حاجی محمد شاہد عطاری نے امیرِ اہل سنت اور دعوتِ اسلامی کے ساتھ مفتیِ دعوتِ اسلامی کی محبت کا تذکرہ کرتے ہوئے اُن کے حالاتِ زندگی کے بارے میں بتایا۔

بعدازاں نگرانِ پاکستان مشاورت حاجی محمد شاہد عطاری نے اختتامی دعا کروائی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

دعوتِ اسلامی کے تحت 3 اگست 2023ء بروز جمعرات مدینہ ٹاؤن فیصل آباد میں قائم  مدنی مرکز فیضانِ مدینہ میں ہفتہ وار سنتوں بھرے اجتماع کا انعقاد کیا گیا جس میں مختلف شعبہ ہائے زندگی سے تعلق رکھنے والے عاشقانِ رسول اور ذمہ دار اسلامی بھائیوں نے شرکت کی۔

معلومات کے مطابق پاکستان مشاورت آفس کے نگران مولانا حاجی عمر عطاری مدنی نے تلاوتِ قراٰنِ پاک سے اجتماع کا آغاز کیا جبکہ نعت خواں اسلامی بھائی نے حضور پُر نور صلی اللہ علیہ و سلم کی بارگاہ میں نذرانۂ عقیدت پیش کیا۔

تلاوت و نعت کے بعد مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”امام حسین رضی اللہ عنہ اور قراٰنِ کریم“ کے موضوع پر سنتوں بھرا بیان کیا اور حاضرین کو امام حسین کی تعلیمات اور اُن کی سیرتِ مبارکہ کے مطابق اپنی زندگی گزارنے کی ترغیب دلائی جس پر انہوں نے اچھی اچھی نیتیں کیں۔

دعوتِ اسلامی لوگوں کو علمِ دین سکھانے اور  انہیں بزرگانِ دین رحمہم اللہ المبین کےبتائے ہوئے طریقۂ کار کے مطابق اپنی زندگی گزارنے کا جذبہ دلانے والی عاشقانِ رسول کی دینی تحریک ہےجو وقتاً فوقتاً لوگوں کی دینی و اخلاقی تربیت کے لئے مختلف اجتماعات کا انعقاد کرتی رہتی ہے۔

اسی سلسلے میں 3 اگست 2023ء بروزجمعرات مدینہ ٹاؤن فیصل آباد میں قائم دعوتِ اسلامی کے مدنی مرکز فیضانِ مدینہ میں ہفتہ وار سنتوں بھرے اجتماع کا اہتمام کیا جائے گاجس میں تلاوت، نعت، بیان اور ذکر و دعا سمیت مختلف دینی ایکٹیوٹیز کا بھی سلسلہ رہے گا۔

معلومات کے مطابق اس اجتماعِ پاک میں دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری ”امام حسین رضی اللہ عنہ اور قراٰنِ کریم“ کے موضوع پر سنتوں بھرا بیان فرمائیں گے۔اجتماع کے اختتام پر تمام اسلامی بھائی نگرانِ پاکستان مشاورت حاجی محمد شاہد عطاری سے ملاقات بھی کریں گے۔

واضح رہے یہ اجتماعِ پاک پاکستانی وقت کے مطابق رات تقریباً 8:00 بجے تلاوتِ قراٰنِ سے شروع کیا جائے گا۔مدینہ ٹاؤن فیصل آباد کے قریب رہنے والے عاشقانِ رسول ہفتہ وار سنتوں بھرے اجتما ع میں خود بھی شرکت کریں اور دوسروں کو بھی شرکت کروا کر ثوابِ دارین حاصل کریں۔(کانٹینٹ:غیاث الدین عطاری)

مدنی مرکز فیضانِ مدینہ فیصل آباد میں پچھلے دنوں دعوتِ اسلامی کے تحت شعبہ تعلیم اور شعبہ مدنی قافلہ کے ذمہ دار اسلامی بھائیوں کا آن لائن مدنی مشورہ ہوا جس میں شعبہ جات کے دیگر اہم ذمہ داران نے بھی شرکت کی۔

دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے اسلامی بھائیوں کی تربیت و رہنمائی کرتے ہوئے اُن سے شعبہ جات کی کارکردگیوں کا جائزہ لیا اور شعبہ جات کے تحت ہونے والے دینی کاموں کو سراہا۔

اس کے علاوہ نگرانِ پاکستان مشاورت حاجی محمد شاہد عطاری نے دیگر موضوعات پر بھی کلام کیا جن میں سے بعض درج ذیل ہیں:

٭شعبہ تعلیم کے ماہانہ اہداف کی تکمیل کے لئے مدنی مشورے کرنا٭مدنی قافلہ اجتماع کرنا٭ذمہ دار اسلامی بھائیوں کو فعال و متحرک کرنا٭شعبہ تعلیم کے مدنی قافلوں کی ماہانہ کارکردگی بنانا۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

گزشتہ روز فیصل آباد میں واقع دعوتِ اسلامی کے مدنی مرکز فیضانِ مدینہ میں فیضانِ نماز کورس کا انعقاد ہوا جس میں شرکا اسلامی بھائیوں کو طہارت و نماز کے مسائل، نماز کا عملی طریقہ اور دیگر چند ضروری مسائل سکھائے گئے۔

معلومات کے مطابق اس کورس میں گوجرانوالہ ڈویژن کے تاجران اور شعبہ تاجران دعوتِ اسلامی کے ذمہ داران سمیت قرب و جوار کے دیگر اسلامی بھائیوں نے شرکت کی۔

مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے مسائلِ نماز کے ساتھ ساتھ دیگر مختلف موضوعات پر اسلامی بھائیوں کو مدنی پھولوں سے نوازا اور انہیں دعوتِ اسلامی کے 12 دینی کاموں میں حصہ لینے کا ذہن دیا۔

کورس کے اختتام پر اسلامی بھائیوں کے ٹیسٹ کا سلسلہ ہوا جس میں نمایاں کارکردگی کے حامل عاشقانِ رسول کے درمیان تحائف تقسیم کئے گئے۔بعدازاں نگرانِ پاکستان مشاورت حاجی محمد شاہد عطاری نے دعا کروائی نیز اسلامی بھائیوں نے نگرانِ پاکستان مشاورت سے ملاقات بھی کی۔(رپورٹ:عبدالخالق عطاری نیوز فالو اپ ذمہ دار نگرانِ پاکستان مشاورت، کانٹینٹ:غیاث الدین عطاری)

مدنی مرکز فیضانِ مدینہ فیصل آباد میں پچھلے دنوں دعوتِ اسلامی کے تحت  شعبہ تنظیمی سافٹ ویئر ڈویلپمنٹ کے ذمہ داران کی میٹنگ ہوئی جس میں پاکستان سطح کے ذمہ دار حاجی شعیب عطاری اور پاکستان مشاورت سے رکنِ شعبہ محمد بلال عطاری سمیت دیگر ذمہ دار اسلامی بھائیوں کی شرکت رہی۔

تفصیلات کے مطابق دعوتِ اسلامی کی مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے دورانِ مدنی مشورہ شعبے کے دینی کاموں کی کارکردگی کا جائزہ لیا جبکہ ذمہ داران نے انہیں تنظیمی سافٹ ویئرز کی نئی اپڈیٹ سے آگاہ کیا۔