دعوتِ اسلامی کے مدنی مرکز فیضانِ مدینہ فیصل آباد میں  مجلس جدول و جائزہ کے مفتشین کا مدنی مشورہ ہوا جس میں نگران پاکستان انتظامی کابینہ حاجی محمدشاہد عطاری نے ان عاشقان رسول کی کارکردگی کا جائزہ لیتے ہوئے ان کی تربیت کی اور شعبے میں مزید بہتری کے متعلق نکات دئیے نیز شعبے کے کاموں کے حوالے سے آئندہ کے اہداف بھی طے کئے۔

فیصل آباد ریجن مدنی مرکز فیضانِ مدینہ  فیصل آباد میں دعوتِ اسلامی کے تحت تین دن 12 مدنی کام کورس کا انعقاد ہوا جس میں جامعۃ المدینہ کے اساتذہ ٔکرام اور ناظمین نے شرکت کی۔ نگران ِپاکستان انتظامی کابینہ نے دعوتِ اسلامی کا تعارف پیش کرتے ہوئےفرمایا کہ دعوت ِاسلامی کے 12 مدنی کام، 108شعبہ جات اور جتنے بھی اجلاس، جتنی بھی انفرادی کوششیں اور جتنی بھی کتب ہے سب ہی دعوتِ اسلامی کے کام ہیں۔امیر اہل سنّتدَامَتْ بَرَکَاتُہُمُ الْعَالِیَہ نے اسلامی بھائیوں اور اسلامی بہنوں کو مدنی مقصد عطا فرمایا ہے کہ” مجھے اپنی اور ساری دنیاکے لوگوں کی اصلاح کی کوشش کرنی ہے“۔نگران پاکستان نے اساتذۂ کرام کو12 مدنی کام پر عمل کرنے اور اپنی اور دوسرے لوگوں کی بہت اچھے طریقے سے اصلاح کرنے کا ذہن دیا۔

”امام حسین سے دوستی حضور اکرم سے دوستی ہے، امام حسین سے دشمنی حضور اکرم سے دشمنی ہے، امام حسین سے محبت کرنا حضور اکرم سے محبت کرنا ہے، اور میرے آقا محمد سے محبت کرنا اللہ سے محبت کرنا ہے۔“یہ کہنا تھا نگران پاکستان انتظامی کابینہ حاجی محمد شاہد عطاری کا جو فیضان مدینہ مدینہ ٹاؤن فیصل آباد میں ”جانِ عالم ہو فدا خاندان اہل بیت“ کے عنوان سے ہونےوالے سنتوں بھرے اجتماع میں بیان فرمارہے تھے۔ اس موقع پر ذمہ داران اور عاشقان رسول کی بڑی تعداد نے شرکت کی۔ 

دعوتِ اسلامی کی مجلس رابطہ برائے تاجران کے تحت مدنی مرکزفیضانِ مدینہ فیصل آباد میں سنّتوں بھرا اجتماع ہوا جس میں اہلِ علاقہ، جامعۃ المدینہ کے طلبہ و اساتذہ ٔکرام اور دیگر ذمّہ داران نے شرکت کی۔ رکنِ شوریٰ مولانا حاجی عبدالحبیب عطاری نے سنّتوں بھرا بیان کیا۔

دعوتِ اسلامی کی مجلس اعتکاف کے تحت مدنی مرکز فیضانِ مدینہ  فیصل آباد میں اجلاس ہوا جس میں مختلف شعبہ جات کے نگرانِ مجالس نے شرکت کی ۔ نگرانِ پاکستان انتظامی کابینہ حاجی محمد شاہد عطاری نے شرکا کی تربیت کی اور 1440ھ میں دعوتِ اسلامی کے تحت ہونے والے اعتکاف کی کارکردگی کا جائزہ لیا جبکہ 1441ھ کے لئےاعتکاف کے اہداف طےکئے۔ 

دعوتِ اسلامی کی مجلس جامعۃ المدینہ کے تحت مدنی مرکز فیضانِ مدینہ مدینہ ٹاؤن فیصل آباد کے مرکزی جامعۃ المدینہ کے درجۂ دورۃالحدیث شریف میں تربیت کا سلسلہ ہوا جس میں درجہ دورۃ الحدیث شریف کے طلبائے کرام نے شرکت کی ۔رکنِ شوریٰ حاجی محمد اسد عطاری مدنی نے آدابِ گفتگو اور عالم ِدین کے مقاصد پر سنّتوں بھرا بیان کرتے ہوئے شرکا کی تربیت کی اور دعوتِ اسلامی کے مدنی کا موں میں بڑھ چڑھ کر حصہ لینے کی ترغیب دلائی۔ 

دنیا بھر میں قراٰن وسنّت کی تعلیمات کو عام کرنے والی عاشقان رسول کی مدنی تحریک دعوتِ اسلامی کے تمام ذمہ داران کومدنی کاموں کے سلسلے میں پیشگی جدول دئیے جاتے ہیں جس کے بعد ان کا باقاعدہ جائزہ بھی ہوتا ہے۔ اس سلسلے میں ایک مجلس قائم ہے جسے ”مجلس جدول و جائزہ“ کہا جاتاہے۔

پچھلے دنوں مجلس جدول و جائزہ کے تحت مدنی مرکزفیضان مدینہ، مدینہ ٹاؤن فیصل آباد میں ذمّہ داران کا اجلاس ہوا جس میں پاکستان بھر کے ذمّہ داران نے شرکت کی۔ نگرانِ پاکستان انتظامی کابینہ حاجی محمد شاہد عطاری نے ان ذمہ داران کی تربیت فرمائی اور شعبے میں مزید بہتری کے متعلق نکات پیش کئے۔

دنیا بھر میں قراٰن وسنت کی تعلیمات کو عام کرنے والی عاشقان رسول کی مدنی تحریک دعوت اسلامی کم و بیش 107 مجالس کے ذریعے دین متین کی خدمت میں مصروف عمل ہے۔ ان تمام مجالس کی کارکردگی دیکھنے کے لئے  بھی ایک مجلس کا قیام کیا ہوا ہے جو دعوت اسلامی کے تمام شعبہ جات کو دیکھتی ہے۔ گزشتہ دنوں فیصل آباد میں واقع مدنی مرکزفیضان مدینہ میں مجلس پاکستان کارکردگی کا اجلاس ہوا جس میں نگران پاکستان انتظامی کابینہ و رکن شوری حاجی محمد شاہد عطاری نے تمام ذمہ داران کی تربیت فرمائی اور انہیں مدنی نکات ارشاد فرمائے۔ اجلاس میں شعبہ پاکستان، ریجن کارکردگی آفس، شعبہ جاب ڈسکرپشن، شعبہ کارکردگی فارم و مدنی پھول کے ذمہ داران نے شرکت کی۔ نگران پاکستان نے مجلس کارکردگی کا تعارف پیش کیا اور ان عاشقان رسول کو درگزر سے کام لینے اور بداخلاقی پر صبر کرنے کا ذہن بھی دیا۔

دعوتِ اسلامی کی مدنی مرکز فیضانِ مدینہ،  مدینہ ٹاؤن فیصل آباد میں ہفتہ وار سنّتوں بھرے اجتماع کا انعقاد کیا گیا جس میں نگرانِ پاکستان انتظامی کابینہ حاجی محمد شاہد عطاری نے چل مدینہ کے قافلے سے واپس آکر اس اجتماعِ پاک میں شرکت کرتے ہوئے شرکا سے ملاقات کی جبکہ عاشقانِ رسول نے رکنِ شوریٰ کو حج کی ادائیگی پر مبارک بادبھی پیش کی۔

اسی طرح نگران ِپاکستان انتظامی کابینہ نےمدنی مرکز فیضانِ ِمدینہ کا دورہ کیا اور اس میں قائم دعوتِ اسلامی کے مختلف شعبہ جات کے اسلامی بھائیوں سے ملاقات کی اور انہیں مدینہ پاک زاد ہَااللہ شرفاً وَّ تعظیماً کی کھجوریں تحفے میں پیش کی۔

دعوتِ اسلامی کی مجلس مکتوبات و تعویزات عطاریہ کے تحت مدنی مرکز فیضا نِ مدینہ مدینہ ٹاؤن میں مدنی حلقہ لگایا گیا  جس میں ذمّہ داران اور دیگر عاشقانِ رسول نے شرکت کی ۔مبلغ دعوتِ اسلامی نےسنّتون بھرا بیان کرتے ہوئے دعوتِ اسلامی کے مختلف شعبہ جات اور مدنی کاموں کاتعارف پیش کیانیز مدنی حلقے کے اختتام پر مکتوبات و تعویزات عطاریہ کا مدنی بستہ لگایا گیاجس میں پریشان حال اور بیمار اسلامی بھائیوں کو تعویزاتِ عطاریہ دیئے گئے۔

دعوتِ اسلامی کی مجلس نیک کام  کے تحت جامعۃ المدینہ قباء فیصل آباد میں مدنی حلقہ ہوا جس میں جامعۃ المدینہ کے طلبہ اور اساتذہ کرام نے شرکت کی ۔ مبلغ دعوتِ اسلامی نے سنّتوں بھرا بیان کیا اور 92نیک کام پر عمل کرنےاور لکھ کر گفتگو کرنے کی ترغیب دلائی۔ حلقے کے آخر میں مبلغ دعوتِ اسلامی نے طلبہ میں سربند تقسیم کئے ۔