13 جون 2022ء کو دعوت اسلامی کے زیر اہتمام یونان Greece کے ایک مقام پر سنتوں بھرے اجتماع کا انعقاد کیا گیاجس میں مختلف شخصیات، بزنس مین،پروفیشنلز حضرات اور دیگر عاشقان رسول سمیت ذمہ داران دعوت اسلامی نے شرکت کی۔

مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی نے سنتوں بھرا بیان کیا اور شرکا کو دینی کاموں میں شرکت کرتے ہوئے اپنی زندگی سیرت مصطفٰے ﷺ کے مطابق گزارنے کی ترغیب دلائی۔اجتماع میں اختتام پر نگران شوریٰ نے دعا کروائی اور صلوۃ و سلام کا سلسلہ ہوا جبکہ عاشقان رسول نے نگران شوریٰ سے ملاقات بھی کی۔

12 جون 2022ء کو دعوت اسلام کے زیر اہتمام ایتھنز، یونان Athens Greeceکے مدنی مرکز فیضان مدینہ میں ذمہ داران کے درمیان سنتوں بھرے اجتماع کا انعقاد کیا گیا جس میں اٹلی، اسپین، ہالینڈ، ناروے، ڈنمارک، پرتگال، فرانس، جرمنی، بیلجیم، سویڈن اور یونان کے مختلف شہروں سمیت یوکے اور یورپ کے دیگر ممالک سے نگران کابینہ اور مختلف سطح کے ذمہ داران نے شرکت کی۔

اس موقع پر رکن شوریٰ حاجی مولانا عبد الحبیب عطاری اور نگران یورپ ریجن بھی موجود تھے۔

مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی نے اسلامی بھائیوں کو اللہ پاک کے آخری نبی ﷺ کی سیرت کا مطالعہ کرنے اور اس کے مطابق اپنی زندگی گزارنے کا ذہن دیا۔دوران اجتماع نگران شوریٰ نے شرکا کی دینی کاموں کے حوالے سے رہنمائی کرتے ہوئے دینی کاموں کو مضبوط بنانے، مزید بہتری لانے اوریورپ سے 12 ماہ کے مدنی قافلے سفر کروانے کی ترغیب دلائی جس پر ذمہ داران نے اپنی اپنی نیتوں اظہار کیا۔

آخر میں رکن شوریٰ حاجی مولانا عبد الحبیب عطاری نے بھی دینی کاموں کے حوالے سے شرکا کی تربیت فرمائی۔

پچھلے دنوں دعوت اسلامی کے زیر اہتمام کِرتِ، یونان Crete Greece میں قائم مدنی مرکز فیضان غوث الاعظم میں سنتوں بھرے اجتماع کا انعقاد کیا گیا جس میں مختلف شعبہ ہائے زندگی و بزنس کمیونٹی سے وابستہ افراد و شخصیات سمیت دیگر عاشقان رسول اور ذمہ داران دعوت اسلامی نے شرکت کی۔

نگران شوریٰ حاجی مولانا محمد عمران عطاری مُدَّ ظِلُّہُ العالی نے سنتوں بھرابیان کیا اور شرکا کو حلال روزی کمانے کی فضیلت بتائی۔ دوران بیان نگران شوریٰ نے شرکا کو گناہوں سے بچنے کے لئے دعوت اسلامی کے دینی ماحول سے وابستہ ہونے اور ہفتہ وار سنتوں بھرے اجتماع میں شرکت کرنے کی ترغیب دلائی جبکہ اختتام پر صلوۃ و سلام اور دعا کا سلسلہ بھی ہوا۔ اجتماع کے اختتام پر نگران شوریٰ سے عاشقان رسول نے ملاقات کی سعادت حاصل کی۔

پچھلے دنوں دعوت اسلامی کے زیر اہتمام ویلیئرز لی بیل Villiers le bel پیرس فرانس میں سنتوں بھرے اجتماع کا انعقاد کیا گیا جس میں مختلف شعبہ ہائے زندگی اور بزنس کمیونٹی سے وابستہ افراد سمیت مقامی ذمہ داران اور دیگر عاشقان رسول نے شرکت کی۔

مرکزی مجلس شوریٰ کے نگران حاجی مولانامحمد عمران عطاری مُدَّ ظِلُّہُ العالی نے ”جیسا کروگے ویسا بھرو گے“ کے موضوع پر سنتوں بھرا بیان کیا اور شرکا کو دینِ اسلام کی تعلیمات کے مطابق زندگی گزارنے کی ترغیب دلائی۔ آخر میں صلوۃ و سلام اور دعا کا سلسلہ ہوا۔

اختتام پر نگران شوریٰ نے عاشقان رسول سے ملاقات بھی کی۔

10 جون 2022ء بروز جمعہ دعوتِ اسلامی کے تحت کراچی کے علاقے بہادر آباد میں تخصص اور کلیۃ الشریعہ کے درجے  کا افتتاح کیا گیا جس میں صاحبزادیِ عطار سلمھاالغفار اور نگران عالمی مجلس مشاورت سمیت دیگر اسلامی بہنوں نے شرکت کی۔

اس دوران صاحبزادیِ عطار سلمھاالغفارنے وہاں موجود اسلامی بہنوں کے درمیان ’’علمِ دین کی اہمیت‘‘کے موضوع پر مدنی پھول دیتے ہوئے اُن پر انفرادی کوشش کی اور انہیں دعوتِ اسلامی کے دینی کاموں کو زیادہ سے زیادہ بڑھانے کا ذہن دیا۔

گزشتہ دنوں  دعوت اسلامی کے شعبہ رابطہ برائے شخصیات ملتان ڈویژن کےذمہ دارفداعلی عطاری نے مجلس رابطہ ملتان کےذمہ داران حاجی مسعودعطاری ،محمدصفدرعطاری،حاجی محمدسعیدمنن کےہمراہ سابق مشیر وزیر اعلیٰ پنجاب محمدندیم قریشی سےملاقات کی اور ان کے والد کے انتقال پر ان سےتعزیت و فاتحہ خوانی کی۔

اس کے ساتھ ساتھ ذمہ داران نے سابق وزیر خارجہ شاہ محمود قریشی،ممبر قومی اسمبلی محمد عامر ڈوگر سے بھی ملاقات کی اور شاہ محمود قریشی کوعالمی مدنی مرکزفیضان مدینہ کراچی وزٹ کرنے کی دعوت پیش کی ۔ اختتام پر ماہنامہ فیضان مدینہ و دیگر کتب و رسائل تحفےمیں پیش کئے۔(کانٹینٹ: محمد مصطفی انیس ) 

10 جون 2022 ء بروز جمعہ شعبہ رابطہ برائے شخصیات کے ڈویژن ذمہ دار نے FGRF پاکستان سطح کے نگران محمد شفاعت عطاری ، صوبائی ذمہ دار FGRF ، ڈسٹرکٹ نگران بہاولپور حاجی اعجاز عطاری کے ہمراہ CDA چولستان مہر خالد ، امتیاز حسین لاشاری ، ایڈیشنل کمشنر فیصل عطاء خان، ایڈیشنل ڈپٹی کمشنر فاروق قمر کنبوہ اور دیگر افسران سے ملاقاتیں کیں ۔

ذمہ دار اسلامی بھائی نے شخصیات کو چولستان کی حالیہ صورت حال پر دعوت اسلامی کی طرف سے کی جانے والی خدمات کے حوالے سے بریفنگ دی اور دعوت اسلامی کے مختلف شعبہ جات کا تعارف کرایا۔ آخر میں مکتبۃالمدینہ کی مطبوعہ رسائل تحفے میں پیش کئے ۔(کانٹینٹ: محمد مصطفی انیس ) 

پچھلے دنوں  ڈی ایس پی سٹی قیصر امین بٹ کے سٹی سرکل سیالکوٹ میں ڈی ایس پی کے نئے عہدےملنے پر ان سے مرکزی مجلس شوری کے رکن حاجی اظہر عطاری نے ملاقات کی اور انہیں مبارک باد دی ۔

دورانِ ملاقات رکن شوری نے انہیں نیکی کی دعوت پیش کرتے ہوئے اپنا سفر مدینہ اور سفر ترکی کے حوالے سے زیارت مقبرہ صحابہ ٔکرام اور تبرکات کے متعلق بتایا نیز اختتام پر رکن شوریٰ نے دعائیں خیر کروائی ۔(کانٹینٹ: محمد مصطفی انیس ) 

دعوت اسلامی کے زیر اہتمام 10جون 2022ء  بروز جمعہ ریجن نگران اور ادارتی شعبہ ذمہ داراسلامی بہنوں کا بذریعہ انٹر نیٹ مدنی مشورہ منعقد ہوا جس میں دعائے شفا اجتماع سے متعلق اہم امور پر گفتگو کی گئی۔

اس مدنی مشورے میں نگران عالمی مجلس مشاورت اسلامی بہن نے دعائے شفا اجتماع کے شیڈول کے حوالے سے کلام کرتے ہوئے کون کون سے روحانی علاج شامل کرنے ہیں وہ بتائے نیز جہاں آن لائن اجتماع ہوگا اس کے طریقۂ کار سے متعلق مدنی پھول دیئے۔

پچھلے دنوں ایس ایس پی ریجنل پٹرولنگ آفس فیصل آباد میں شہید اے ایس آئی حامد نصیر کے ایصال ثواب کے لئے دعوت اسلامی کے تحت محفل  نعت کا اہتمام کیا گیا جس میں نگران سٹی مشاورت حافظ عرفان عطاری مدنی نے سنتوں بھرا بیان کیا ۔

محفل نعت میں شہید حامد نصیر اے ایس آئی کی فیملی ، شہید سب انسپکٹر رانا حفیظ کی فیملی ، شہید رفاقت کی فیملی اور شہید اسحاق کی فیملی نے شرکت کی۔

اس کے علاوہ ایس ایس پی مرزا انجم کمال ، ڈی ایس پی ملک محمد امین ، ڈسٹرکٹ فیصل آباد اور ڈسٹرکٹ چینوٹ کے مختلف چوکی انچارجز ، ایس ایس پی آفس کے اسٹاف شاہد ندیم ، ارشاد اللہ، کلیم اللہ ، آصف پروکا ، غلام مرتضیٰ اور رضوان اللہ ورک نے شرکت کی ۔ (کانٹینٹ: محمد مصطفی انیس ) 

11 جون 2022 ءبروز ہفتہ  مظفر گڑھ میں ڈویژن ذمہ دار شعبہ کورسز اور مقامی ذمہ داران نے ڈی ایس پی سٹی سرکل ریحان رسول افغان اور پی ۔اے۔ٹو ، ڈی ۔ایس۔پی مرزا شریف سے ملاقات کی ۔

دورانِ ملاقات انہیں دعوت اسلامی کے تحت ہونے والے نماز کورس کے بارے میں آگاہی دیتے ہوئے نماز کورس کی اہمیت اور دعوت اسلامی کا تعارف کروایا نیز شیخ الحدیث والتفسیر مفتی محمد قاسم عطاری مد ظلہ العالی کی نئی تصنیف ”سورتوں کا تعارف “ کتاب پیش کی اور عملے کے دیگر افراد کو بھی مکتبۃ المدینہ کے رسائل پیش کئے۔

اس کے علاوہ راجن پور میں ڈسٹرکٹ ذمہ دار شعبہ رابطہ برائے شخصیات نے ذمہ داران کے ساتھ۔ ڈی۔سی۔او۔جمیل احمد سے ملاقات کی

اس موقع پر ان کو دعوت اسلامی کے مختلف شعبہ جات کا تعارف کروایا۔ بالخصوص شعبہ ایف۔جی۔آر ۔ایف کی پلانٹیشن کے حوالے سے کیں گئیں کاوشوں کے بارے میں بریفنگ دی نیز درخواست برائے این۔او۔سی قربانی مارک کروائی۔(کانٹینٹ: محمد مصطفی انیس ) 

پچھلے دنوں گوجرانوالہ میں شعبہ رابطہ برائے شخصیات  کے ذمہ دار اسلامی بھائیوں نے کمشنر گوجرانوالہ منصور قادر ، ایس ایس پی قیوم گوندل،ایس ایس پی آپریشنز ملک معاذ ظفر اور ایس ایچ او تھانہ کوتوالی سکندر ورک سے ملاقات کی ۔

دورانِ ملاقات دعوت اسلامی کے تحت ہونے والے دینی و فلاحی کاموں کا تعارف کروایااور ہفتہ وار سنتوں بھرے اجتماع میں شرکت کرنے کی دعوت دی جس پر انہوں نے اجتماع میں شرکت کرنے کی نیت کی ۔(کانٹینٹ: محمد مصطفی انیس )