تعارف: حضرت زكريا علیہ السّلام اللہ پاک کے مقرب نبی اور برگزیدہ بندے ہیں جو حضرت یحییٰ علیہ السّلام کے والد ماجد ہیں آپ نہایت زاہد و عابد اور تقویٰ و پرہیز گاری اختیار کرنے والے تھے اور مستجاب الدعوات تھے ۔ قراٰنِ پاک میں حضرت زکریا علیہ السّلام کا ذکر دو مقامات پر آیا ہے ۔ سوره آل عمران اور سورۃ الانبيآء۔ چنانچہ ارشاد ہوتا ہے : هُنَالِكَ دَعَا زَكَرِیَّا رَبَّهٗۚ-قَالَ رَبِّ هَبْ لِیْ مِنْ لَّدُنْكَ ذُرِّیَّةً طَیِّبَةًۚ-اِنَّكَ سَمِیْعُ الدُّعَآءِ(۳۸) ترجَمۂ کنزُالایمان: یہاں پکارا زکریا اپنے رب کو بولا اے رب میرے مجھے اپنے پاس سے دے ستھری اولاد بے شک تو ہی ہے دعا سننے والا۔(پ3،آلِ عمرٰن:38)

جب حضرت زکریا علیہ السّلام نے حضرت مریم بنت عمران رضی الله عنہا کو اپنے زیر کفالت لیا تو دیکھا کے اُن کے پاس بے موسم کے پھل موجود ہیں ، استفسار پر حضرت مریم نے جواباً کہا کہ یہ من عند اللہ ہیں اور اس ہی کی کرم نوازی ہے۔ یہ تمام ماجرا سننے کے بعد حضرت زکریا نے اسی محراب کے پاس تبرکاً دعا مانگی اس عقیدے کے ساتھ جو رب حضرت مریم کو بے پھل موسم دینے پر قادر ہے وہ رب مجھے میرے بڑھاپے اور میری بیوی کے بانجھ ہونے کے باوجود اولاد دینے پر بھی قادر ہے ۔(ماخوذ تفسیر صراط الجنان)

تفسیر سے معلوم ہونے والی صفات:

(1) حضرت زکریا علیہ السّلام اپنے رب کی رحمت سے پر امید رہنے والے تھے ۔

(2) آپ علیہ السّلام بہت ہی صابر و شاکر انسان تھے ۔

(3)آپ علیہ السّلام اپنے رب کی طرف رغبت رکھنے والے اور دعا گو تھے ۔

(4)آپ علیہ السّلام دور اندیش بھی تھے کیوں کے اپنے وارث کا طلب کرنا تا کہ وہ وارث انکے انتقال کے بعد بھی تبلیغ توحید جاری رکھے اس بات پر دلالت کرتا ہے ۔

اسی کا ذکر سورۃُ الانبیآء میں بھی ہے ۔ چنانچہ ارشاد ہوتا ہے: وَ زَكَرِیَّاۤ اِذْ نَادٰى رَبَّهٗ رَبِّ لَا تَذَرْنِیْ فَرْدًا وَّ اَنْتَ خَیْرُ الْوٰرِثِیْنَۚۖ(۸۹) ترجمۂ کنزالایمان: اور زکریا کو جب اس نے اپنے رب کو پکارا اے میرے رب مجھے اکیلا نہ چھوڑ اور تو سب سے بہتر وارث۔

حضرت زكريا علیہ السّلام نے یہ دعا فرمائی کہ اے اللہ مجھے اکیلا نہ چھوڑ اور میرے لئے کوئی وارث(اولاد) بنادے اور تو سب سے بہتر وارث ہے ۔ یعنی اگر تو اپنی مشیت سے میرا کوئی وارث یعنی اولاد نہ بھی بنائے تب بھی میں تیری رضا پر راضی ہوں کیوں کے تو سب سے بہتر وارث ہے۔ (ماخوذ تفسیر نعیمی )

اس آیت سے یہ بھی معلوم ہوا کہ حضرت زکریا علیہ السّلام راضی برضائے رب تھے ۔ سورۃُ الانبیآء میں اللہ کریم نے حضرت سلیمان، لوط، نوح، ابراہیم، اسماعیل، ایوب، ادریس، ذوالکفل اور ذوالنون علیہم السّلام کا ذکر فرمانے کے بعد حضرت زكريا علیہ السّلام کا بھی ذکر فرمایا اور ان تمام انبیآء کے متعلق ارشاد فرمایا : اِنَّهُمْ كَانُوْا یُسٰرِعُوْنَ فِی الْخَیْرٰتِ وَ یَدْعُوْنَنَا رَغَبًا وَّ رَهَبًاؕ-وَ كَانُوْا لَنَا خٰشِعِیْنَ(۹۰) ترجَمۂ کنزُالایمان: تو ہم نے اس کی دعا قبول کی اور اُسے یحیی عطا فرمایا اور اس کے لیے اس کی بی بی سنواری بےشک وہ بھلے کاموں میں جلدی کرتے تھے اور ہمیں پکارتے تھے امید اور خوف سے اور ہمارے حضور گڑگڑاتے ہیں۔(پ17، الانبیآ:90)

مذکورہ آیت میں جنابِ زکریا علیہ السّلام کی چند صفات مذکور ہیں۔ (1) وہ نیکی کے کاموں میں جلدی کرنے والے تھے۔(2) امید اور خوف سے اللہ کو پکارنے والے تھے۔ (3) اللہ کے حضور عاجزی کرنے والے تھے۔

اللہ پاک ہمیں حضرت زکریا علیہ السّلام کی ان با برکت صفات کو اپنانے کی توفیق عطا فرمائے ان پر بے شمار رحمتیں نازل فرمائے اور انکے صدقے میں ہماری بے حساب مغفرت فرمائے۔ اٰمین بجاه خاتم النبیین صلَّی اللہ علیہ واٰلہٖ وسلَّم

خوشبولگانا ہمارے پیارے آقا کریم صلَّی اللہ علیہ واٰلہٖ وسلَّم کی سنت ہے۔ دینِ اسلام نے بھی پاکیزگی و نفاست اختیار کرنے پر زور دیا ہے۔ اچھی خوشبو بھی پاکیزگی کا حصہ ہے۔

خلیفۂ امیر اہلسنت مولانا حاجی عبید رضا عطاری مدنی مُدَّ ظِلُّہُ العالی نے خوشبو کی معلومات سے متعلق 14 صفحات کا رسالہ ”امیر اہلسنت سے خوشبو کے بارے میں سوال جواب“ پڑھنے /سننے کی ترغیب دلائی ہے اور پڑھنے/سننے والوں کو اپنی دعاؤں بھی نوازا ہے۔

دعائے جانشینِ امیر اہلسنت

یااللہ پاک جو کوئی 14 صفحات کا رسالہ ”امیر اہلسنت سے خوشبو کے بارے میں سوال جواب“ پڑھ یا سن لے اس کے ظاہر کے ساتھ ساتھ باطن کو بھی مُعطر فرما اور بے حساب بخش دے۔

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

دعوت اسلامی کےشعبہ پروفیشنلز فورم کے  زیر اہتمام 10 اور 11جون 2023ء عالمی مدنی مرکز فیضان مدینہ کراچی میں بروز ہفتہ بعد نماز ظہر تا بروز اتوار بعدِ نماز عصر سنتوں بھرا اجتماع منعقد ہونے جارہا ہے جس میں پاکستان بھر سے مختلف شعبے کے پروفیشنلز شرکت کریں گے۔

دو دن کے اجتماع میں پروفیشنلز حضرات کے در میان شیخ طریقت امیر اہلسنت علامہ محمد الیاس عطار قادری دامت بَرَکَاتُہمُ العالیہ مدنی مذاکرے میں مدنی پھول ارشاد فرمائیں گے۔ اس کے علاوہ مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی و اراکین، استاذ الحدیث مفتی محمد حسان عطاری مدنی مُدَّ ظِلُّہُ العالی ، نگران ویلز یوکے حاجی سید فضیل رضا عطاری، نگران شعبہ پروفیشنلز فورم محمد ثوبان عطاری اور دیگر مبلغین دعوت اسلامی وقتاً فوقتاً سنتوں بھرے بیانات فرمائیں گے۔

تمام پروفیشنلز حضرات سے اس اجتماع میں شرکت کی درخواست ہے۔

دعوت اسلامی کےشعبہ رابطہ برائے ٹرانسپورٹ  کے زیر اہتمام 17 اور 18جون 2023ء عالمی مدنی مرکز فیضان مدینہ کراچی میں بروز ہفتہ بعد نماز ظہر تا بروز اتوار بعدِ نماز عصر سنتوں بھرا اجتماع منعقد ہونے جارہا ہے جس میں پاکستان بھر سے ٹرانسپورٹ کے شعبے سے تعلق رکھنے والے عاشقان رسول شریک ہوں گے۔

اجتماع میں شرکت کرنے والے عاشقان رسول مدنی مذاکرے میں شریک ہوکر امیر اہلسنت دامت بَرَکَاتُہمُ العالیہ کے مدنی پھولوں سے فیض یاب ہوں گے۔ اس کے ساتھ ساتھ وقتاً فوقتاً اراکینِ شوریٰ و مبلغین دعوت اسلامی سنتوں بھرا بیان کرتے ہوئے اسلامی بھائیوں کی شرعی و معاشرتی حوالے سے رہنمائی فرمائیں گے۔

تمام ٹرانسپورٹرز سے اجتماع میں شرکت کرنے کی خصوصی درخواست ہے۔

دعوت اسلامی کے شعبہ سیکورٹی ڈیپارٹمنٹ کے زیر اہتمام 4 جون 2023ء بروز اتوار عالمی مدنی مرکز فیضان مدینہ کراچی میں سنتوں بھرے اجتماع کا انعقاد کیا گیا جس میں سیکورٹی ڈیپارٹمنٹ کے اسلامی بھائیوں نے شرکت کی۔

مرکزی مجلس شوریٰ کے نگران مولانا حاجی محمد عمران عطاری مُدَّ ظِلُّہُ العالی نے سنتوں بھرا بیان کیا اور شرکا کو نیکی کے کاموں میں حصہ لینے اور شیطان کے شر سے اپنے نفس کو بھی بچانے کا ذہن دیا۔

عالمی سطح پر تبلیغِ دین کا کام کرنے والی عاشقانِ رسول کی دینی تحریک دعوتِ اسلامی کے تحت سوات کے شہر سیدو شریف میں نگرانِ شعبہ ماہنامہ فیضانِ مدینہ مولانا مہروز عطاری مدنی ذمہ داران کے ہمراہ دینی کاموں میں مصروف ِ عمل ہیں۔

اسی دوران نگرانِ شعبہ مولانا مہروز عطاری مدنی نے ذمہ دار اسلامی بھائیوں کے ہمراہ حضرت عبد الغفور اخوند رحمۃاللہ علیہ کے مزار شریف پر حاضری دی اور فاتحہ خوانی پڑھی۔( کانٹینٹ:غیاث الدین عطاری)

2 جون 2023ء بروز جمعۃ المبارک دعوتِ اسلامی کے شعبہ فیضان آن لائن اکیڈمی بوائز کی برانچ فیضان مدینہ حیدرآباد میں مدنی مشورہ ہوا جس میں شفٹ قادری کے تمام مدنی عملے نے شرکت کی ۔

اس مدنی مشورے میں ڈویژن ذمہ دار مولانا عابد حسین عطاری و برانچ ناظم مولانا عامر شاہ عطاری مدنی نے مدنی عملے کی تربیت و رہنمائی کرتے ہوئے انہیں نظم و ضبط کی اہمیت و ضرورت سمجھائی نیز شفٹ میں بھرپور انداز میں نظم وضبط قائم کرنے کا ذہن دیا اور مدنی عملے کے تعلیمی و انتظامی معاملات پر کئے گئے سوالات کے جوابات بھی دیئے ۔

دورانِ گفتگو ڈویژن ذمہ دار نے شرکا کو دعوتِ اسلامی کے لئے قربانی کی کھالیں جمع کرنے، اجتماعی قربانی میں حصہ لینے اور دیگر اسلامی بھائیوں کو حصہ دلوانے کی ترغیب بھی دلائی جس پر انھوں نے اچھی اچھی نیتوں کا اظہار بھی کیا۔(رپورٹ: محمد وقار یعقوب مدنی برانچ ناظم فیضان آن لائن اکیڈمی،کانٹینٹ:رمضان رضا عطاری) 

عاشقانِ رسول کی دینی تحریک دعوتِ اسلامی کے تحت گزشتہ روز دینی کاموں کے سلسلے میں سوات میں موجود نگرانِ شعبہ ماہنامہ فیضانِ مدینہ مولانا مہروز عطاری مدنی نے مقامی ذمہ داران کے ہمراہ ننکانہ شہر کی مختلف مارکیٹس کا دورہ کیا جہاں انہوں نے تاجران سمیت دیگر عاشقانِ رسول سے ملاقات کی۔

1 جون 2023ء بروز جمعرات فیضان آن لائن اکیڈمی بوائز کی برانچ کلاتھ مارکیٹ میں ڈاکٹر عزیر محمود ازہری صاحب (حیدرآباد جامعہ رکن الاسلام کے مہتمم اعلیٰ ڈاکٹر ابوالخیر محمد زبیر ازہری صاحب کے صاحبزادے) کی تشریف آوری ہوئی۔

حیدرآباد ڈویژن کے ذمہ دارمولانا عابد حسین عطاری مدنی نے عزیر محمود ازہری صاحب کو برانچ کا وزٹ کروایا اور فیضان آن لائن اکیڈمی اور دعوت اسلامی کے تحت دنیا بھر میں ہونے والے دینی و فلاحی کاموں کی تفصیلات سے آگاہ کیا۔

اس موقع پر ڈاکٹر عزیر صاحب نے دعوتِ اسلامی کی دینی خدمات پر اپنے خیالات کا اظہار فرمایا اور نیک خواہشات و دعاؤں سے نوازا۔(رپورٹ: محمد وقار یعقوب مدنی برانچ ناظم فیضان آن لائن اکیڈمی،کانٹینٹ:رمضان رضا عطاری)

نیکی کی دعوت عام کرنے کے سلسلے میں پچھلے دنوں سوات میں دعوتِ اسلامی کے تحت شعبہ ماہنامہ فیضانِ مدینہ کے نگران مولانا مہروز عطاری مدنی نے ذمہ داران کے ہمراہ مقامی سیاسی شخصیات سے ملاقات کی۔

مولانا مہروز عطاری مدنی نے شخصیات کو دعوتِ اسلامی کے شعبہ جات کے بارے میں بریفنگ دیتے ہوئے عالمی سطح پر ہونے والی دینی و فلاحی خدمات کے بارے میں معلومات فراہم کیں۔

بعدازاں ماہنامہ فیضانِ مدینہ کے نگرانِ مولانا مہروز عطاری مدنی نے جامعہ نضرۃ العلوم سوات کا وزٹ کیا جہاں انہوں نے اساتذۂ کرام اور طلبۂ کرام کے درمیان سیکھنے سکھانے کا حلقہ لگایا۔( کانٹینٹ:غیاث الدین عطاری)

دعوتِ اسلامی کے شعبہ اصلاحِ  اعمال کے تحت فیضانِ مدینہ جوہر ٹاؤن لاہور میں یوم قفل مدینہ اجتماع کا سلسلہ ہواجس میں صوبائی ذمہ دار محمد بلال عطاری نے عاشقانِ رسول کو زبان کی حفاظت کرنے پر مدنی پھول دیئے اور امیر اہلسنت دامت برکاتہم العالیہ کا لکھا ہوا بہت ہی پیارا رسالہ خاموش شہزادہ پڑھنے کی ترغیب دلائی۔(رپورٹ: غلام شبیر عطاری شعبہ اصلاح اعمال لاہور ڈویژن،رپورٹ:رمضان رضا عطاری)

ضلع سوات، صوبہ خیبرپختونخوا میں واقع کبل(Kabal) میں دعوتِ اسلامی کے ذمہ دار اسلامی بھائیوں کی S.H.O شریف اللہ سے ملاقات ہوئی۔