پچھلے دنوں برمنگھم سٹی کونسل کے سابق معاون رہنما انصر علی خان نے دعوت اسلامی کے مدنی مرکز فیضان مدینہ اسٹچفورڈ برمنگھم کا دورہ کیا جہاں انہیں دینی کاموں کا تعارف، حالیہ دنوں میں ہونے والے دینی و فلاحی کام اور آئندہ کے منصوبوں پر بریفنگ دی گئی۔

انصر علی خان نے دعوت اسلامی کی خدمات کو سراہا اور نہایت خوشی کا اظہار کرتے ہوئے مکمل تعاون کی یقین دہانی کروائی۔ اس موقع پر سابق برمنگھم سٹی کونسل کا کہناتھا کہ میری ایک خواہش تھی کہ برمنگھم میں ایسا دینی ادارہ قائم ہو جو معاشرتی اعتبار سے مؤثر خدمات سرانجام دے،اَلْحَمْدُ لِلّٰہ اس خواہش کو دعوت اسلامی پورا کررہی ہے ۔ 

پچھلے دنوں شعبہ معاونت برائے اسلامی بہنیں کے تحت ملتان میں مدنی مشورہ ہوا جس میں ملتان ریجن کے ذمہ داران نے شرکت کی۔

رکن شوریٰ حاجی ابو ماجد محمد شاہد عطاری مدنی نے شعبے میں دینی کام کرنے کے حوالے سے مدنی پھول عطا فرمائے اور اراکین زون سے زون وائز اور دیگر دینی کاموں کی کارکردگی کا جائزہ لیا۔ رکن شوریٰ نے ریجن میں تقرری اور اراکین کابینہ کو مضبوط کرنےپرگفتگو کی۔

مدنی مشورے میں عارضی دار السنہ قائم کرنے اور مدرسۃ المدینہ بالغات کے حوالے سے بھی کلام کیا گیا۔

پچھلے دنوں دعوت اسلامی کے شعبہ معاونت برائے اسلامی بہنیں کے تحت ملتان میں مدنی مشورہ ہوا جس میں اراکینِ ریجن، پاکستان شعبہ ذمہ دار ، نگران مجلس سیکورٹی محمد عادل عطاری اور شعبہ H.Rکے ذمہ دار محمد ارشد عطاری نے شرکت کی۔

مرکزی مجلس شوریٰ کے رکن حاجی ابو ماجد محمد شاہد عطاری مدنی نے شعبے کو بہتر سے بہترین بنانے پر گفتگو کی اور تمام ریجن میں عارضی دارالسنہ بنانے کے حوالے سے مقامات کے بارے میں معلومات لی۔رکن شوریٰ نے شعبہ معاونت برائےاسلامی بہنیں کےتحت H.Rکے نظام کو بہتر بنانے اور شعبہ دار السنہ ناظم الاموراور بواب کے اجارے کے حوالے سے بھی بات چیت کی۔مدنی مشورےمیں ذمہ داران کو اپنے اراکین زون اور اراکین کابینہ سے رابطہ مضبوط کرنے پر توجہ بھی دلائی گئی۔

پچھلے دنوں شعبہ تحفظ اوراق مقدسہ کے زیر اہتمام ملتان میں مدنی مشورہ ہوا جس میں متعلقہ شعبے کے اسلامی بھائیوں نے شرکت کی۔

مرکزی مجلس شوریٰ کے رکن حاجی ابو ماجد محمد شاہد عطاری مدنی نے مدنی عطیات اور پچھلے چار ماہ کی کارکردگی کا جائزہ لیتے ہوئے شعبے میں مزید بہتری لانے کے حوالے سے گفتگو کی۔ رکن شوریٰ نے نمایاں کارکردگی کے حامل اسلامی بھائیوں کو تحائف دیئے اور شعبے میں آنے والی کمزوریوں کو دور کرنے کا ذہن بھی دیا ۔اس موقع پر شعبہ تحفظ اوراق مقدسہ کے لئے آفیشل طور پر UAN نمبر بھی جاری کیا گیا۔

UAN#03175022226

انٹرنیشنل  ٹریول ڈیپارٹمنٹ دعوت اسلامی کے زیر اہتمام گزشتہ دنوں مدنی مرکزفیضان مدینہ اوکاڑہ میں مدنی مشورہ ہوا جس میں ڈیپارٹمنٹ کے مقامی ذمہ داران نے شرکت کی۔ بیرونِ ملک مجلس کے ایک ذمہ دار اسلامی بھائی محمد احسن عطاری نے شرکا کی تربیت کی اور مختلف موضوعات پر مدنی پھول دیتے ہوئے شعبے کے کام بہتر انداز میں کرنے پر گفتگو کی۔ 

دعوتِ اسلامی کے زیر اہتمام گزشتہ دنوں سید اسد عطاری نے  اقصٰی مسجد ریگل چوک پراجتماعی قربانی کے سلسلے میں ساؤتھ زون ، کچھ کابینہ کا مدنی مشورہ لیا جس میں مدنی مرکز کے سافٹ ویئر کے حوالے سے تربیت کرتے ہوئے سوالات کے تسلی بخش جوابات بھی دئیے۔

شعبہ ماہنامہ فیضان مدینہ  دعوتِ اسلامی کے زیر اہتمام گزشتہ دنوں کراچی مدنی مرکز فیضان مدینہ میں ماہنامہ فیضان مدینہ شعبہ شکایات و فیڈبیک کا ماہنامہ فیضان مدینہ کی شکایات موصول ہونے اور انکے کے حل کے حوالے سے مدنی مشورہ ہوا جس میں ذمہ دار ان نے شرکت کی۔

نگران مجلس مولانا محمد مہروز عطاری مدنی نے شکایات کو جلد از جلد حل کرنے اور شکایات کی انواع و اقسام مرتب کرکے شکایات کے مستقل حل کےلئے مدنی پھول دئیے۔ (رپورٹ: محمد بلال عطاری )

دنیا   کی سمتیں اسقدر سمٹ گئی ہیں کہ اب انگشت کے پور ے سے ایک بٹن دبائیے اور اپنا مدعا پائیے،علم کی اس تیزرفتاری میں ہر صاحب علم اپنی علمی بساط کو کوزے میں سمٹا ہوادیکھ رہا ہے ،پہلے سینکڑوں کتابیں کھنگالی جاتی تھیں تو کہیں گوہر نایاب ملتا تھا ،اب اسی موتی کی تلاش اتنی آسان ہوگئی کہ سرچ آپشن میں لکھتے ہی آپ کو آپ کا مدعا مل جاتاہے۔ آئی ٹی ڈپارٹمنٹ دعوت اسلامی بھی کچھ ایسے ہی علم کی اشاعت میں اپنا کردار ادا کررہا ہے ،روز افزوں نئی نئی آئی ٹی کی ایپلی کیشنز اور ویب سائٹس متعارف کرواکر عاشقان رسول کی دینی وسماجی خدمت کررہا ہے۔جیسےقربانی کلیکشن ایپ ( Qurbani Collection App) کو ہی لیجئے سنت ابراہیمی کی ادائیگی میں یہ ایپ کس قدر معاون ہے۔ اس کی ایک مثال قربانی کے جانوروں سے متعلق تفصیلات پہلے پوچھی جاتی تھیں، اب ایک بٹن دبانے سےمعلوم ہوجاتی ہے۔اس کے علاوہ قربانی سے متعلق دارالافتاء کے مستند فتاوی ، قربانی کرنے کا مکمل طریقہ نیز قربانی کی کھالیں دینی مصرف میں جمع کروانے کا آسان حل اور بہت ساری خوبیوں کے ساتھ آئی ٹی ڈپاٹمنٹ کی پیشکش حاضر خدمت ہے۔ عید قربان اور قربانی کلیکشن ایپ سنت ابراہیمی کی ادائیگی میں آپ کے ساتھ ساتھ۔اس ایپلی کیشن کو ابھی پلے اسٹور سے ڈاؤنلوڈ کیجئے اور اپنے قریبی ساتھیوں کو شیئر کیجئے۔ 

شعبہ رابطہ برائے حکیم دعوتِ اسلامی کے زیر اہتمام لاڑکانہ فیضان مدینہ ڈیرہ اللہ یار زون میں شعبہ ذمہ دار حکیم محمد حسان عطاری نےنگران کابینہ اور نگران زون سے ملاقات و مشاورت کی سکھر زون میں نگران زون سے نگران مجلس نے رکن زون کے تقرر کے لئے کال پر مشاورت کی اور اطباء کرام سے ملاقاتیں کیں۔ کشمور زون ڈھیرکی کابینہ میں اطباء کرام کے درمیان مدنی حلقہ لگایا۔

دعوت اسلامی کے مدنی مرکز فیضان مدینہ جوہر ٹاؤن لاہور میں قائم مرکزی جامعۃ المدینہ میں ٹریننگ سیشن کا سلسلہ ہوا جس میں دورۃ الحدیث شریف اساتذۂ کرام اور اسٹوڈنٹس نے شرکت کی۔

نگران مجلس پروفیشنلز و موٹیویشنل اسپیکر محمد ثوبان عطاری نے ” The true definition of success “ کے موضوع پر بیان کیا۔

دعوت اسلامی کے زیر اہتمام 12 جون 2021ء کو فیضان بسم اللہ مسجد سول لائنز کراچی میں سیمینار کا انعقاد کیا گیا جس میں کثیر تعداد میں عاشقان رسول نے شرکت کی۔

ماہر علومِ تجارت مفتی علی اصغر عطاری مُدَّظِلُّہُ الْعَالِی نے ”اسلام کا نظام حلال و حرام“ کے موضوع پر بیان کیا اورعقائد، عبادات، مناکحات، شخصی پرسنل امور، جرم و سزائیں اور معاملات کے حوالے سے گفتگو فرمائی۔

یہ سیمنار دیکھنے کے لئے Watch video پر کلک کیجئے

11 جون 2021ء کو خلیفۂ قطب مدینہ، محدث و مفسر،کئی کتب کے مصنف شیخ طریقت حضرت علامہ مولانا ابو ہاشم سید ابراہیم بن عبد اللہ الخلیفہ الاحسائی حسنی شافعی شاذلی ترکی کے شہر استنبول میں انتقال فرماگئے۔ اِنَّا لِلہِ وَاِنَّا اِلَیْہِ رٰجِعُوْن۔

آپ رحمۃ اللہ علیہ کی نماز جنازہ بعد نماز ظہر جامع مسجد فاتح میں ادا کی گئی جس میں ہزاروں کی تعداد میں عاشقان رسول موجود تھے۔ آپ رحمۃ اللہ علیہ کی تدفین آپ کی وصیت کے مطابق حضرت سیدنا ابو ایوب انصاری رضی اللہ عنہ کے روضہ پاک کے قرب میں موجود قبرستان میں آپ کے پیر و مرشد حضرت شیخ القادر عیسیٰ شاذلی رحمۃ اللہ علیہ کی قبر کے پہلو میں کی گئی۔

انتقال کی خبر ملنے پر امیر اہلِ سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے آپ رحمۃ اللہ علیہ کے شہزادگان شیخ عبد اللہ، شیخ محمد اور شیخ یحیٰ سمیت تمام لواحقین سے تعزیت کی اور انہیں صبر کی تلقین فرمائی۔ امیر اہلِ سنت نے حضرت سید ہاشم بن عبد اللہ الاحسائی رحمۃ اللہ علیہ کو ایصالِ ثواب کرتے ہوئے بلندیٔ درجات کے لئے دعائیں کیں۔