قرآن و سنت کی روشنی میں شرعی مسائل کا حل بتانے کے لئے آج 16جون 2021ء   بروز بدھ شام 6:00 بجے دارالافتاء اہل سنت کے مولانا مفتی نوید چشتی صاحب، دارالافتاء اہلسنت کے آفیشل Facebook پیج پر لائیو سلسلہ فرمائیں گے ۔ اس سلسلے میں عاشقان رسول بذریعہ کمنٹ سوال کرکے اپنے شرعی مسائل کا حل جان سکیں گے۔

سلسلے میں شرکت کرنے کے لئے نیچے دیئے گئے لنک پر کلک کیجئے:

آج رات بعد نماز عشاء دعوت اسلامی کے زیر اہتمام ڈیلکس میرج ہال، نزد الحفیظ گارڈن، باغ والی پلی، جی ٹی روڈ لاہور میں محفل نعت منعقد ہونے جارہا ہے۔

اس اجتماع میں رکن شوریٰ حاجی یعفور رضا عطاری خصوصی بیان فرمائیں گے۔

محفل نعت میں خصوصی طور پر سوسائٹی اونرز، انوسٹر اور پراپرٹی ڈیلرز شرکت کریں گے۔

عالمی مدنی مرکز فیضان مدینہ کراچی میں 14 جون 2021ء کو جامعۃ المدینہ فیضانِ مدینہ  عالمی مدنی مرکز کے طلبہ کرام کے لئے ایک علمی نشست کا اہتمام کیا گیا جس میں مرکزی جامعۃ المدینہ فیضان مدینہ میں زیرِ تعلیم درجہ ثالثہ سے دورۃ الحدیث شریف تک کے طلبۂ کرام، نے شرکت کی۔

نشست میں ماہنامہ فیضان مدینہ کے نائب مدیر و ناظمِ اعلیٰ مولانا راشدعطاری مدنی نے ”تحریر و تصنیف کی اہمیت“ پر سنتوں بھرا بیان فرمایااور طلبہ کو موجودہ دور میں جدید ٹیکنالوجی کے درست استعمال کا طریقہ بتایا۔ انہوں نے طلبہ کو اپنی مصروفیات سے تحریر وتصنیف کے لئے وقت نکالنے کا ذہن بھی دیا۔

دعوت اسلامی کا ہفتہ وار سنتوں بھرا اجتماع، جس کے ذریعے عاشقان رسول میں علمِ دین کی آگاہی کے ساتھ ساتھ عمل کا جذبہ بھی بڑھتا ہے۔

اِنْ شَآءَ اللہ عَزَّ وَجَلَّ 17 جون 2021ء بروز جمعرات دعوت اسلامی کے ہفتہ وار سنتوں بھرے اجتماع میں مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی مدنی مرکز فیضان مدینہ فیصل آباد سے سنتوں بھرا بیان فرمائیں گے۔ اس اجتماع کو مدنی چینل پر براہ راست نشر کیا جائیگا۔  اس اجتماع کا آغاز بعد نماز عشاء رات 9:45 بجے ہوگا۔

اس  کے علاوہ  فیضان مشتاق مسجد دھوراجی کالونی کراچی میں  بعد عشاء ہونے اجتماعِ پاک میں ترجمان دعوتِ اسلامی و رکن شوریٰ مولانا حاجی عبدالحبیب عطاری ، فیضانِ مکہ مدینہ رحمان سٹی شاہدرہ لاہور میں بعد مغرب ہونے والے اجتماع میں نگران لاہور ریجن و رکن شوریٰ حاجی یعفور رضا عطاری  اور مدنی مرکز فیضانِ مدینہ جوہر ٹاون لاہور میں  نگران پروفیشنلز مجلس محمد ثوبان عطاری سنتوں بھرا بیان فرمائیں گے۔  

آپ بھی اپنے علاقےمیں ہونے والے سنتوں بھرے اجتماع میں ضرور شرکت فرمائے۔

پچھلے دنوں دعوت اسلامی کےتحت مدنی مرکز فیضان مدینہ فیصل آباد میں ساہیوال زون کا مدنی مشورہ ہوا جس میں ریجن نگران، ریجن آفس نگران، جھنگ کے زون کارکردگی ذمہ دار، نگران زون، تمام نگران کابینہ، شعبہ مدرسۃ المدینہ بالغان کے ریجن ذمہ دار اور متعلقہ زون کے زون و کابینہ ذمہ داران نے شرکت کی۔

نگران پاکستان مشاورت حاجی محمد شاہد عطاری نے کابینہ و زون وائز 12 دینی کاموں کی کارکردگی، مدرسۃ المدینہ بالغان کی کارکردگی اور جنوری تا اپریل 2021ء کا تقابلی جائزہ لیا،12 دینی کاموں میں سے ہر دینی کام میں نمایاں کابینہ کی حوصلہ افزائی کی اور آئندہ اہداف بڑھانے کے حوالے سے مدنی پھول ارشاد فرمائے۔

دعوت اسلامی کے تحت 14 جون 2021ء کو مدنی مرکز فیضان مدینہ فیصل آباد میں شعبہ میڈیا ڈیپارٹمنٹ کا مدنی مشورہ ہوا جس میں شعبہ میڈیا ڈیپارٹمنٹ کے حاجی عمر عطاری مدنی، حاجی جاوید عطاری مدنی اور دیگر اسلامی بھائیوں نے شرکت کی۔

نگران پاکستان مشاورت حاجی محمد شاہد عطاری نے ماہانہ کارکردگی کا جائزہ لیااور آئندہ کے اہداف طے کئے۔ نگران پاکستان مشاورت نے مسائل و تجاویز اور شعبے کو مزید بہتر کرنےکے حوالے سے گفتگو فرمائی۔

13 جون 2021ء کو  لاہور کے ایک میرج ہال میں سنتوں بھرا اجتماع منعقد کیا گیا جس میں عاشقانِ رسول کی بڑی تعداد شریک ہوئی۔ اجتماعِ پاک میں دعوتِ اسلامی کی مرکزی مجلسِ شوریٰ کے رکن و ترجمان دعوتِ اسلامی مولانا عبدالحبیب عطاری نے سنتوں بھرا بیان فرمایا۔

رکنِ شوریٰ نے شرکا کو نمازوں کی پابندی کرنے، دعوتِ اسلامی کے مدنی ماحول سے منسلک رہنے، ہفتہ وار اجتماع میں پابندی سے شرکت کرنے اور مدنی مذاکروں میں شرکت کرتے رہنے کی ترغیب دلائی جس پر عاشقانِ رسول نے اچھی اچھی نیتوں کا اظہار کیا۔ 

11جون2021ء  کو مدنی مرکز فیضانِ مدینہ حضرو میں عظیم الشان سنتوں بھرا اجتماع ہوا جس میں کراچی سے تشریف لائے ہوئے ترجمان دعوتِ اسلامی و رکن شوریٰ مولانا حاجی عبدالحبیب عطاری نے خصوصی بیان فرمایا۔

رکنِ شوریٰ نے شرکا کو نمازوں کی پابندی کرنے، دعوتِ اسلامی کے مدنی ماحول سے منسلک رہنے، ہفتہ وار اجتماع میں پابندی سے شرکت کرنے اور مدنی مذاکروں میں شرکت کرتے رہنے کی ترغیب دلائی جس پر عاشقانِ رسول نے اچھی اچھی نیتوں کا اظہار کیا۔

اجتماعِ پاک میں مقامی عاشقان رسول کی بڑی تعداد نے شرکت کی سعادت حاصل کی جبکہ اختتام پر عاشقان رسول نے رکن شوریٰ سے ملاقات بھی کی۔

دعوتِ اسلامی کے شعبہ اصلاحِ اعمال للبنات کے تحت کراچی کے علاقے نیو کراچی، سرجانی اور اورنگی ٹاؤن میں مدنی مشوروں کاسلسلہ ہوا جن میں تین کابینہ مشاورت ، نو ڈویژن اور 28 علاقائی مشاورت کی اسلامی بہنوں نے شرکت کی۔

ریجن ذمہ داراسلامی بہن نے شعبے کو مضبوط بنانے کےحوالے سے اسلامی بہنوں کی ذہن سازی کی نیز اصلاح ِاعمال اور مدنی مذاکرے کی اہمیت بتاتے ہوئے مدنی مذاکرہ دیکھنے کاذہن دیاجبکہ جائزہ کارکردگی اور رسالہ کارکردگی کو مضبوط بنانے کےاہداف دیئے۔

دعوتِ اسلامی کے شعبہ شارٹ کورسز کے تحت گزشتہ دنوں کراچی ریجن شارٹ کورسز مشاورت کا بذریعہ انٹر نیٹ مدنی مشورہ ہوا جس میں زون مشاورت شعبہ شارٹ کورسز کی ذمہ دار اسلامی بہنوں نے شرکت کی ۔

کراچی ریجن مشاورت شعبہ شارٹ کورسز کی ذمہ دار اسلامی بہن نے اسلامی بہنوں کو کورس بنام ’’ایثار کے رنگ بڑی عید کے سنگ‘‘ کے نکات بتائے اس کے علاوہ مدرسات کی انٹری، کورس کے مقامات کی انٹری اورذمہ داراسلامی بہنوں کی انٹری پر باہم تبادلہ خیال کیا ۔آخر میں رہائشی کورس کے داخلوں کے اہداف بھی دیئے ۔

دعوتِ اسلامی کے شعبہ علاقائی دورہ للبنات کے تحت گزشتہ دنوں کراچی ساؤتھ زون1 کی محمود آباد کابینہ میں نیکی کی دعوت کاسلسلہ ہوا جس میں مقامی اسکول کی 2 ٹیچرز اور مختلف اسلامی بہنوں پر انفرادی کوشش کےذریعے نمازو روزہ کی پابندی کرنے کاذہن دیا گیا نیز انہیں ہفتہ وار سنتوں بھرے اجتماع میں شرکت کرنے کی دعوت دی گئی جس پر انہوں نے اچھی نیتوں کااظہار کیا۔

دعوتِ اسلامی کے شعبہ دارالسنہ للبنات کے تحت گزشتہ دنوں کراچی ریجن میں رہائشی کورس کا انعقاد ہوا جس میں اسلامی بہنوں کو تجوید ،فقہ ، نماز سے متعلق بہار شریعت سے مسائل بتائے گئے اور شجرہ عطاریہ کےاوراد سکھائےگئے ۔