دعوت اسلامی کے شعبہ تعلیم کے زیر اہتمام گلگت کے ایک پرائیویٹ کالج میں سنتوں بھرے اجتماع کا انعقاد کیا گیا جس میں اسٹوڈنٹس اور ٹیچرز نے شرکت کی۔

نگران شعبہ تعلیم عبد الوہاب عطاری نے ”کردار سازی“ کے موضوع پر سنتوں بھرا بیان کیا اور شرکا کو سیرت مصطفٰے صلَّی اللہ علیہ واٰلہٖ وسلَّم کے مطابق زندگی گزارنے کی ترغیب دلائی۔

دعوت اسلامی کے شعبہ پروفیشنلز کے زیر اہتمام 27 جون 2021ء کو ڈیفنس کراچی فیز 6 کی جامع مسجد فیضان قرآن میں پروفیشنلز اجتماع کا انعقاد کیا گیا جس میں پروفیشنلز سمیت مختلف شعبہ جات سے تعلق رکھنے والے اسلامی بھائیوں نے شرکت کی۔

نگران شعبہ پروفیشنلز محمد ثوبان عطاری نے بیان کیا اور دینی تعلیم کی اہمیت کے حوالے سے گفتگو کی۔ محمد ثوبان عطاری نے شرکا کو تین دن کے مدنی قافلے میں سفر کرنے کا ذہن بھی دیا۔(رپورٹ: محمد حماد عطاری، ڈیفنس کابینہ)

30 جون 2021ء کو بانی دعوت اسلامی امیر اہلِ سنت حضرت علامہ محمد الیاس عطار قادری دَامَتْ بَرَکَاتُہُمُ الْعَالِیَہ کی بھانجی نجمہ بائی 55 سال کی عمر میں کولمبو میں وفات پاگئیں۔اِنَّا لِلہِ وَاِنَّا اِلَیْہِ رٰجِعُوْن

انتقال کی خبر ملنے پر امیر اہل سنت دَامَتْ بَرَکَاتُہُمُ الْعَالِیَہ نے اپنے ویڈیو پیغام ذریعے مرحومہ کو ایصالِ ثواب کیا اور دعائے مغفرت فرمائی ۔امیر اہل سنت دَامَتْ بَرَکَاتُہُمُ الْعَالِیَہ نے اپنے ویڈیو پیغام میں عاشقان رسول سے بھی ایصالِ ثواب کرنے کی بھی درخواست کی۔

رکن شوریٰ حاجی ابوماجد محمد شاہد عطاری مدنی اور شعبہ دعوتِ اسلامی کے شب وروز کےاراکین امیر اہل سنت سے تعزیت کا اظہار کرتے ہیں اور دعا گو ہیں اللہ پاک مرحومہ کی مغفرت فرمائے اور جنت میں سیدۂ کائنات رضی اللہ تعالٰی عنہا کا پڑوس نصیب فرمائے۔ آمین

Watch Video

دعوتِ اسلامی کے  زیر اہتمام 27 جون 2021ء کو اسپین کے ڈویژن بادالونا (Badalona) میں بذریعہ اسکائپ اجتماعی قربانی کے حوالے سے ذمہ دار اسلامی بہنوں کا مدنی مشورہ ہوا جس میں بادالونا ڈویژن کی جملہ ذمہ دار اسلامی بہنوں نے شرکت کی۔

ڈویژن نگران اسلامی بہن نےقربانی کے متعلق اہم نکات بیان کئے نیز ذمہ داراسلامی بہنوں کو اہداف دئیےاور یہ بھی بتایا کہ اجتماعی قربانی کا مقصد یہ ہے کہ مسلمانوں کی قربانی کو شرعی اصولوں کے مطابق ادا کرنا اور ضائع ہونے سے بچانا ہے۔

دعوت اسلامی کے شعبہ اصلاحِ اعمال للبنات کے زیر اہتمام  جون 2021ء کے آخری ہفتے اسپین کے ڈویژن بارسلونا کے علاقوں ترینیتات (Trinitat)، مونتقادہ (Montcada)، کورنییا (Cornella) میں بذریعہ اسکائپ اصلاحِ اعمال اجتماعات کا انعقاد کیا گیا جن میں کم و بیش 41 اسلامی بہنوں نے شرکت کی۔

اصلاح اعمال پر مقرر ذمہ دار اسلامی بہن نے سنتوں بھرے بیانات کئے اور اجتماعات میں شرکت کرنے والی اسلامی بہنوں کو رسالہ نیک اعمال کا مقصد،ان پر عمل کرنے کے آسان طریقے اور ان پر کیسے عمل بڑھایا جائے اس حوالے سے نکات فراہم کئے۔

دعوتِ اسلامی کے زیرِ اہتمام جون 2021ء  کے آخری ہفتے اسپین کے ڈویژن بادالونا کے کئی علاقوں میں سنتوں بھرے اجتماعات کا انعقاد کیا گیا جن میں آرتیگاس (Artigues)، لا سالوت (La Salut)، سانت کرست (Sant Crist)، سانتا کلوما (Snata Coloma) اور بیسوسمار (BesosMar) وغیرہ علاقے شامل ہیں۔ان اجتماعات میں کم و بیش208 اسلامی بہنوں نے شرکت کی۔

مبلغاتِ دعوت اسلامی نے ”نیکیوں کی حرص کیسے پیدا ہو؟“کے موضوع پر بیانات کئے اور اجتماعات میں شرکت کرنے والی اسلامی بہنوں کو دعوت اسلامی کے ہفتہ وار سنتوں بھرے اجتماع میں شرکت کر کے علم دین حاصل کرنے کی ترغیب دلائی۔

دعوتِ اسلامی کے زیرِ اہتمام جون 2021ء  کے آخری ہفتےاسپین کے ڈویژن بارسلونا (Barcelona) کے کئی علاقوں میں سنتوں بھرے اجتماعات کا انعقاد کیا گیا جن میں مونتقادہ (Montcada)، ترینیتات (Trinitat)، بئیر امات (Virrei Amaat) اور کورنییا (Cornella) وغیرہ علاقے شامل ہیں۔ان اجتماعات میں 78 اسلامی بہنوں نے شرکت کی۔

مبلغاتِ دعوت اسلامی نے ”نیکیوں کی حرص کیسے پیدا ہو؟“کے موضوع پر بیانات کئے اور اجتماعات میں شرکت کرنے والی اسلامی بہنوں کو دعوت اسلامی کے ہفتہ وار سنتوں بھرے اجتماع میں شرکت کر کے علم دین حاصل کرنے کی ترغیب دلائی۔

دعوتِ اسلامی کے زیر اہتمام  28 جون2021ء کو آسٹریا (Austria) کے شہرویانا(Vienna ) میں بذریعہ اسکائپ ماہانہ دینی حلقے کا انعقاد کیا گیا جس میں تقریبا 6 اسلامی بہنوں نے شرکت کی۔

مبلغۂ دعوت اسلامی نے فقہ میں نماز کی شرائط سکھائی اور مدنی مذاکرے کی دوہرائی کروائی نیز دینی کاموں میں عملی طور پرحصہ لینے کا ذہن دیا۔

دعوت اسلامی کے شعبہ اصلاحِ اعمال للبنات کے زیر اہتمام  پچھلے دنوں آسٹریا (Austria) کے شہرویانا(Vienna ) میں بذریعہ اسکائپ اصلاحِ اعمال اجتماع کا انعقاد کیا گیا جس میں 20 اسلامی بہنوں نے شرکت کی۔

مبلغہ دعوتِ اسلامی نے ”کھانے پینے کی سنتوں “کے موضوع پر بیان کیا اور اجتماعِ پاک میں شریک اسلامی بہنو ں کو کھانے پینے کے آداب سکھائیں نیز نیک اعمال کا رسالہ روزانہ پُر کرنے اور ہر مہینے کی آخری تاریخ کو ذمہ دار اسلامی بہن کو جمع کروانے کی ترغیب دلائی ۔

دعوت اسلامی کے زیر اہتمام  گزشتہ دنوں ناروے (Norway) میں مقامی زبان نارویجن میں سنتوں بھرے اجتماع کا انعقاد کیا گیاجس میں تقریباً 17 اسلامی بہنوں نے شرکت کی ۔

مبلغۂ دعوتِ اسلامی نے”والدین کا ادب“ کے موضوع پر سنتوں بھرا بیان کیا اور اجتماعِ پاک میں شرکت کرنے والی اسلامی بہنوں کو اپنے والدین کا ادب و احترام کرنے کا ذہن دیا نیز ہفتہ وار رسالہ پڑھنے اور دینی کاموں میں حصہ لینے کی ترغیب دلائی۔

دعوت اسلامی کے زیر اہتمام جون2021ء کےآخری ہفتے ناروے (Norway) میں 4 مقامات پر بذریعہ اسکائپ سنتوں بھرے اجتماعات کا انعقاد کیاگیاجن میں حا گیرود( Haugerud)، شیسمو کھوشے(Skjesmokorset)، فاریسٹ(Furuset) ، گرورد ( Grorud) وغیرہ علاقے شامل ہیں۔ ان اجتماعات میں کم و بیش 48 اسلامی بہنوں نے شرکت کی ۔

مبلغات دعوت اسلامی نے ”ایک زمانہ ایسا آئے گا؟“ کے موضوع پر بیانات کئے اور اجتماعات میں شریک اسلامی بہنوں کو دعوت اسلامی کے دینی کاموں سے متعلق آگاہی فراہم کرتے ہوئےاس دور میں فتنوں سے بچنے کے لئے دینی ماحول سے ہردم وابستہ رہنے کا ذہن دیا۔

دعوت اسلامی کے زیر اہتمام پچھلے دنوں ناروے  کے شہر اوسلو (Oslo)میں ماہانہ دینی حلقے کا انعقاد کیا گیاجس میں کم وبیش 11 اسلامی بہنوں نے شرکت کی۔

مبلغۂ دعوت اسلامی نے ”توبہ“ کے موضوع پر بیان کیا اور دینی حلقے میں شریک اسلامی بہنوں کو توبہ کرنے کے فضائل بتائیں نیز اسلامی بہنوں کو وضو کا طریقہ بھی سکھایا۔ آخر میں مبلغۂ دعوتِ اسلامی نےدینی حلقے میں شریک اسلامی بہنوں کو دعوت اسلامی کے دینی کاموں کو مزید بڑھانے کے لئے دیگر اسلامی بہنوں پر بھی انفرادی کوشش کرنے کی ترغیب دلائی۔