دعوتِ اسلامی کے زیر اہتمام  30 جون 2021ء کو اسپین (Spain) کےڈویژن بادالونا (Badalona) میں دینی حلقے کا انعقاد کیا گیا جس میں تقریباً 33 ذمہ دار اسلامی بہنوں نے شرکت کی۔

ڈویژن سطح پر مقرر نگران اسلامی بہن نے سنتوں بھرا بیان کیا اور دینی حلقے میں شریک اسلامی بہنوں کو دعوتِ اسلامی کے دینی کاموں میں حصہ لینے کاذہن دیا نیز اپنے ڈونیشن دعوتِ اسلامی کو جمع کروانے کے حوالے سے مدنی پھول دیئے جس پر اسلامی بہنوں نےاپنی اچھی نیتوں کااظہار کیا ۔

دعوت اسلامی کے شعبہ کفن دفن للبنات کے  زیر اہتمام 30 جون2021ء کواسپین کے ڈویژن بارسلونا (Barcelona) کےمختلف علاقوں ترینیتات(Trinitat)، مونتقادہ (Montcada)، بئیر امات (Virrei Amat) اور ہاسپیتالیت (Hospitalet) میں کفن دفن تربیتی اجتماعات کا انعقاد کیا گیا جن میں کم و بیش36 اسلامی بہنوں نے شرکت کی۔

مبلغات دعوت اسلامی نے سنتوں بھرے بیانات کئے اور تربیتی اجتماعات میں شریک اسلامی بہنوں کو غسلِ میت کا طریقہ، کفن کاٹنے اور پہنانے کا طریقہ سکھایا نیز مستعمل پانی کے مسائل اور اسراف کے متعلق احکامات بھی بیان کئے۔

دعوتِ اسلامی کے شعبہ شارٹ کورسز کے زیرِ اہتمام یکم جولائی 2021ء کو نارتھ امریکہ ریجن کے ملک کینیڈا( Canada) میں 7دن پر مشتمل کورس بنام”فیضانِ ایمانیات“کا آغاز ہوا جس میں کم و بیش 15 اسلامی بہنیں شرکت کررہی ہیں۔

کورس میں شریک اسلامی بہنوں کو عقائد ِتوحید و نبوت، الله پاک کے صفات اور اس کے علاوہ بہت ساری معلومات فراہم کی جارہی ہے۔

دعوتِ اسلامی کے شعبہ شارٹ کورسز کے زیرِ اہتمام 28 جون2021ء سے نارتھ امریکہ  ریجن کے ملک امریکہ میں 30 دن پر مشتمل کورس بنام”فیضانِ تجوید و نماز“ کا سلسلہ جاری ہے جس میں کم و بیش 18 اسلامی بہنیں شرکت کررہی ہیں۔

اس کورس میں اسٹوڈنٹس کو تجوید(مدنی قاعدہ)، فقہ(وضو،غسل ،اذکارِ نماز مع پریکٹیکل )اور دیگر اہم شرعی مسائل سیکھنے کا موقع فراہم کیا جارہا ہے۔

دعوت اسلامی کے زیر اہتمام پچھلے دنوں کینیڈاکے شہربرامپٹن(Brampton) میں بذریعہ اسکائپ ہفتہ وار سنتوں بھرے اجتماع کا انعقاد کیا گیا جس میں کم و بیش 30 اسلامی بہنوں نے شرکت کی۔

مبلغۂ دعوتِ اسلامی نے”ایک زمانہ ایسا آئے گا“ کے موضوع پر بیان کیا اور اجتماعِ پاک میں شریک اسلامی بہنوں کو صبر شکر کے ساتھ زندگی گزارنے کا ذہن دیا نیز اپنی آخرت کو بہتر بنانے کے لئے نیک اعمال کا رسالہ پُر کرنے کی ترغیب دلائی۔

دعوت اسلامی کے زیر اہتمام گزشتہ دنوں  کینیڈاکےشہرمونٹریال(Montreal) اوربرامپٹن (Brampton) کے ذیلی حلقے میں بذریعہ اسکائپ ہفتہ وار سنتوں بھرے اجتماعات کا انعقاد کیا گیا جن میں کم و بیش 43 اسلامی نے شرکت کی۔

مبلغاتِ دعوت اسلامی نے ”نیکیوں کی حرص کیسے پیدا ہو؟“ کے موضوع پر بیانات کئے اور اجتماعات میں شریک اسلامی بہنوں کو زیادہ سے زیادہ نیکیوں کی طرف توجہ دلائی نیز دعوتِ اسلامی کے دینی ماحول سے منسلک رہنے اور نیک اعمال کا رسالہ پُر کرنے کی ترغیب دلائی۔

دعوت اسلامی کے زیر اہتمام گزشتہ دنوں کینیڈاکے شہر ریجینا ( Regina) اورسرے( Surrey) میں بذریعہ اسکائپ ماہانہ سنتوں بھرے اجتماعات کا انعقاد کیا گیا جن میں13 اسلامی بہنوں نے شرکت کی۔

مبلغاتِ دعوت اسلامی نے ”نرمی پیدا کریں“ کے موضوع پر بیانات کئے اور اجتماعات میں شریک اسلامی بہنوں کو حسنِ اخلاق اپنانے اور اپنے اندر نرمی پیدا کرنے کا ذہن دیا نیز ہفتہ وار رسالہ پڑھنےاور دعوتِ اسلامی کے دینی ماحول سے وابستہ رہنے کی ترغیب دلائی ۔

دعوت اسلامی کے زیر اہتمام پچھلے دنوں  کینیڈاکے شہر تھورن کلف ( Thorncliffe) میں مقامی زبان میں بذریعہ اسکائپ ہفتہ وار سنتوں بھرے اجتماع کا انعقاد کیا گیا جس میں کم و بیش 12 اسلامی بہنوں نے شرکت کی۔

مبلغۂ دعوت اسلامی نے ” There will come a time “کے موضوع پر بیان کیا اور اجتماعِ پاک میں شریک اسلامی بہنوں کو نیکیوں بھری زندگی گزارنے اور اپنی آخرت کو بہتر بنانے کے لئے نیک اعمال کا رسالہ پُر کرنے کی ترغیب دلائی۔

دعوت اسلامی کے زیراہتمام جون2021ء کے آخری ہفتے سویڈن (Sweden )میں بذریعہ اسکائپ ہفتہ وار سنتوں بھرے اجتماع کا انعقاد کیا گیا جس میں کم و بیش 11 اسلامی بہنوں نے شرکت کی۔

کابینہ سطح شارٹ کورسز پر مقرر ذمہ داراسلامی بہن نے ”نیکیوں کی حرص کیسے پیدا ہو؟“ کے موضوع پر بیان کرتے ہوئے اجتماعِ پاک میں شریک اسلامی بہنوں کو بزرگان دین کےنیکی کرنے کی حرص کے واقعات بیان کئے نیز زیادہ سے زیاده نیکیاں کرنے اور غفلت میں وقت نہ گزرانے کا ذہن دیا۔

دعوتِ اسلامی کی مرکزی مجلسِ شوریٰ کے مرحوم رکن ،محبوبِ عطار حاجی  زم زم عطاری رحمۃ اللہ علیہ کا 21 ذوالقعدۃ الحرام کو یومِ وصال ہے۔ ان کے ایصالِ ثواب کے سلسلے میں آج مجلس ازدیادِ حب کے زیرِ اہتمام کئی مقامات پر ایصالِ ثواب اجتماع کا اہتمام کیا جائے گا۔

تفصیلات کے مطابق آج رات بعد نمازِ عشاء بلال مسجد نیو کراچی ساڑھے پانچ نمبرسیکٹر 5G میں اجتماعِ پاک ہوگا جس میں رکنِ شوریٰ حاجی علی عطاری سنتوں بھرا بیان فرمائیں گے۔ جامع مسجد الفاروق لال کرتی صدر لاہور کینٹ میں بھی ایصال ثواب اجتماع ہوگاجس میں رکنِ شوریٰ حاجی منصور عطاری سنتوں بھرا بیان فرمائیں گے۔ یہ اجتماعِ پاک عشاء کی نماز کے فوراً بعد شروع ہوگا۔

گزشتہ روز  یکم جولائی 2021ء کو عالمی مدنی مرکز فیضانِ مدینہ کراچی میں مدرسۃ المدینہ کے ناظمین کے درمیان ٹریننگ سیشن ہوا جس میں دعوتِ اسلامی کی مرکزی مجلسِ شوریٰ کے رکن حاجی محمد علی عطاری نے شرکا کی تربیت فرمائی۔

گزشتہ روز شعبہ  رابطہ بالعلماء کے نگران ِ پاکستان مولانا حافظ محمد افضل عطاری مدنی نے گلشن اقبال کراچی میں قائم جامعہ انوار القرآن کا دورہ کیا جہاں جامعہ کے مہتم مولانا ڈاکٹر رضوان نقشبندی صاحب، مولانا صابر نورانی صاحب (ناظم تعلیمات ) ، مفتی اسمعیل نوارانی صاحب (دارالافتاء انوارالقرآن) سے ملاقات کی اور انہیں دعوت اسلامی کا اہم ترین شعبہ اسلامک ریسرچ سینٹر المدینۃالعلمیہ کی نئی کتب کا تعارف کروایا اور آخری نبی کی پیاری سیرت ، اور ماہنامہ فیضان مدینہ تحفے میں پیش کیا۔