ہفتہ وار مدنی مذاکرے میں امیر اہل ِسنت  دَامَتْ بَرَکَاتُہُمُ الْعَالِیَہ کسی ایک مدنی رسالے کے مطالعے کی ترغیب ارشاد فرماتے ہیں اور رسالہ پڑھنے اور سننے والوں کو اپنی دعاؤں سے بھی نوازتے ہیں۔ مطالعہ کرنے یا سننے والے خوش نصیبوں کی کارکردگی امیر اہل ِسنت دَامَتْ بَرَکَاتُہُمُ الْعَالِیَہ کی بارگاہ میں پیش بھی کی جاتی ہے۔

پچھلے ہفتے امیر اہل ِسنت دَامَتْ بَرَکَاتُہُمُ الْعَالِیَہ نے رسالہ”خوفناک جانور“ پڑھنے یا سننے کی ترغیب دلائی۔

اسی سلسلے میں پاکستان و بیرون ملک کی کم و بیش4لاکھ45ہزار670 اسلامی بہنوں نے رسالہ ”خوفناک جانور“ پڑھنے یا سننے کی سعادت حاصل کی۔

دعوت اسلامی  کی مجلس مدرستہ المدینہ بالغان کے تحت 10اگست 2020ء بروز پیر شمالی لاہور شاہدرہ مریدکے جیاء موسی میں مدنی حلقہ ہواجس میں رکن کابینہ ،ناظم اور معلم نے شرکت کی ۔

مبلغ دعوت اسلامی محمد فہیم عطاری رکن زون مدرستہ المدینہ بالغان نے سنتیں اور آداب کے موضوع پر سنتوں بھرا بیان کرتے ہوئے شرکا کو مسواک شریف کرنے، زلفیں سجانے، درود پاک پڑھنے، قران پاک کی تلاوت کرنے کے متعلق مدنی پھول دیئے اس موقع پر محمد فہیم عطاری رکن زون مدرستہ المدینہ بالغان نے فکر آخرت کا ذہن دیتے ہوئے رسالہ فکر مدینہ کے مطابق زندگی گزارنے کا ذہن دیا اور مدنی انعامات کا رسالہ تقسیم کیا۔(رپورٹ:احمد رضا عطاری رکن کابینہ مدرستہ المدینہ بالغان)

دعوت اسلامی کے زیر اہتمام 8اگست 2020ء بروز ہفتہ  بلوچستان کے شہر حب چوکی فیضان مدینہ مگسی کالونی میں گوادر زون کا ماہانہ مدنی مشورہ ہوامدنی مشورے کا آغاز تلاوت کلام پاک اور نعت رسول مقبول سے کیا گیا اس مدنی مشورے میں کراچی ریجن کے عشر ذمہ دار محمود عطاری نے بھی شرکت کی۔

نگران زون حاجی محمد امتیاز عطاری نے نگران کابینہ و دیگر ذمہ داران کی تربیت کرتے ہوئے کہا کہ نگران کابینہ اپنی کابینہ کا عشر ذمہ دار اور ڈویژن نگران اپنی ڈویژن کا عشر ذمہ دار ہے۔ ہر وقت عشر کے حوالے سے کوششیں کرنا ہماری ذمہ داری ہے۔

جبکہ اس موقع پر عشر ذمہ دار محمود عطاری نے کپاس اور چاول کے عشر کے حوالے سے توجہ دلاتے ہوئے کہا کہ اس وقت تمام ذمہ داران اطراف کا جدول بنائیں۔(رپورٹ محمد جہانزیب عطاری مجلس میڈیا ڈیپارٹمنٹ گوادر زون)

مجلس میڈیا ڈیپارٹمنٹ حیدر آباد زون کے رکن و رکن مجلس محمد عارف عطاری اور رکن کابینہ عبدالغنی عطاری نے 09 اگست 2020ء بروز اتوار حیدر آباد پریس کلب میں بیوروچیف وسیم خان ، آج نیوز اور روزنامہ خبریں اخبار  کے اشفاق شاہ اور روزنامہ پسند اخبار کے دفاتر میں میڈیا سے وابستہ افراد سے ملاقاتیں کیں اور انہیں نیکی کی دعوت دیتے ہوئے دعوت اسلامی ویلفیئر کی خدمات سے آگاہ کیا۔(رپورٹ: اسرار عطاری پاک آفس ذمہ دار میڈیا ڈیپارٹمنٹ آف دعوت اسلامی)

میڈیا ڈیپارٹمنٹ آف دعوت اسلامی کےذمہ داران نے 8 اگست  2020ء بروز ہفتہ ملتان پریس کلب میں صحافیوں سے ملاقات کی اور انہیں نیکی کی دعوت پیش کی۔اس موقع پرملتان زون ذمہ دارریاض عطاری،رکن مجلس،رکن زون اور دیگر ذمہ داران نے تقریبا 14 صحافیوں کے ساتھ مل کر بذریعہ مدنی چینل مدنی مذاکرے میں شرکت کی سعادت حاصل کی۔(رپورٹ: اسرار عطاری پاک آفس ذمہ دار میڈیا ڈیپارٹمنٹ آف دعوت اسلامی)

دعوت اسلامی  کی مجلس کفن دفن کے تحت 9 اگست 2020ء بروز اتوار مجلس کفن دفن کے ریجن ذمہ دار محمد دانش تفسیر عطاری نے سیالکوٹ کابینہ جامعۃ المدینہ برتھ میں ناظم صاحب سے ملاقات کرتے ہوئے برتھ قبرستان میں دو گورکنوں سے ملاقات کی اور انہیں نیکی کی دعوت دیتے ہوئے دعوت اسلامی کے شعبہ کفن دفن کا تعارف کروایا نیز قبر کے متعلق شرعی احکام سے آگاہ کیا ۔

دوسری جانب ڈویژن نگران حاجی فاروق عطاری سے کفن دفن پریکٹیکل اجتماع کے حوالے سے مشورہ کرتے ہوئے حاجی فاروق عطاری کے بچوں کے ماموں محمد شکیل عطاری کے رسم قل( ایصال ثواب اجتماع) میں شرکت کی سعادت حاصل کی اور لواحقین کے سے تعزیت کا اظہار کیا ۔

واضح رہے ! ایصال ثواب اجتماع میں مرکزی مجلس شوریٰ کے رکن مبلغ دعوت اسلامی ابوالبیان حاجی محمد اظہر عطاری نے سنتوں بھرا بیان کیا بعد بیان عاشقان رسول سے ملاقات بھی فرمائی مجلس کفن دفن کے ریجن ذمہ دار محمد دانش تفسیر عطاری نےبھی رکن شوریٰ سے ملاقات کی سعادت حاصل کی ۔(رپورٹ:محمد دانش تفسیر عطاری مجلس کفن دفن اسلام آباد ریجن)

دعوت اسلامی کی مجلس رابطہ بالعلماء کے تحت پچھلے دنوں ریجن ذمہ دار طیب مدنی مجلس رابطہ بالعلماء کی دعوت پر مولانا معراج الدین سرکانی (مہتم دارالعلوم امانیہ پیشاور ) مولانا تاج محمد نظامی (مہتمم دارلعلوم کنزالایمان پیشاور) و دیگر کی فیضان مدینہ جو ہر ٹاؤن آمد کا سلسلہ ہوا ۔

ریجن ذمہ دار نے ان کا استقبال کیا اور وزٹ کروایا جس پر مولانا معراج الدین سرکانی اور مولانا تاج محمد نظامی نے مدنی چینل کو تاثرات دیئے۔

واضح رہے! اس موقع پر دعوت اسلامی کی مرکزی مجلس شوریٰ کے رکن حاجی یعفور رضا عطاری سے علمائے کرام کی ملاقات بھی ہو ئی ۔

دعوت اسلامی کے تحت اسپین کے شہر پامپلونا میں قائم ایک اسلامک سینٹر میں مدنی حلقے کا سلسلہ ہوا جس میں پامپلونا کے مقامی ذمہ داران ، اہل علاقہ اور دیگر اسلامی بھائیوں نے شرکت کی۔مبلغین دعوت اسلامی نے ا س مدنی حلقے میں اسلامی بھائیوں کو سنتیں اور دیگر آداب سکھائے اور نیکی کی دعوت دی۔

دعوت اسلامی کی مجلس رابطہ بالعلماء کے تحت پچھلے دنوں مجلس رابطہ بالعلماء کے ریجن ذمہ دار سیدمحمدخالد شاہ مدنی نے مولانا مفتی محمد ظہیر احمد بابر مہتمم دارالعلوم نور المساجدسے ملاقات کی  اور انہیں دعوت اسلامی کی دینی اور فلاحی خدمات سے آگاہ کرتے ہوئے ماہنامہ فیضان مدینہ تحفے میں پیش کیا ۔ جس پر مولانا مفتی محمد ظہیر احمد بابر صاحب نے دعوت اسلامی کی دینی خدمات بالخصوص علاقائی دورہ برائے نیکی کی دعوت اور المدینۃ العلمیہ کی کاوشوں کو خوب سراہا جبکہ سیدی امیر اہلسنت کی درازی عمر بالخیر کی دعا فرمائی۔

دعوت اسلامی کی مجلس رابطہ بالعلماء کے تحت30 پچھلے دنوں مجلس رابطہ بالعلماء کے ریجن ذمدار سیدمحمدخالد شاہ مدنی نے مولانا مفتی صغیر احمد نقشبندی مہتمم دارالعلوم غوثیہ رضویہ چیچہ وطنی سے ملاقات کی اور  انہیں دعوت اسلامی کی دینی اور فلاحی خدمات سے آگاہ کرتے ہوئے ماہنامہ فیضان مدینہ تحفے میں پیش کیا ۔ جس پر مولانا مفتی صغیر احمد نقشبندی صاحب نے دعوت کی خدمات کو سراہا اور دعاوں سے نوازا۔

وفاقی دار الحکومت اسلام آباد میں قائم انٹر نیشنل اسلامک یونیورسٹی میں بیرون ممالک سے آئے ہوئے اسٹوڈنٹس میں دعوت اسلامی کی مجلس بیرون ملک کے تحت عید قرباں کے موقع پر گوشت کی تقسیم کا سلسلہ ہوا جن میں عرب شریف، رشین اسٹیٹس اور دیگر ممالک کے طلبہ شریک تھے۔ غیرملکی اسٹوڈنٹس نےعید قرباں کے موقع پردعوت اسلامی کی طرف سے  ملنے والے گوشت کو قبول کیا اور ذمہ داران کا شکریہ کیا۔

واضح رہے کہ دعوت اسلامی جہاں دنیا بھر میں دین اسلام کی اشاعت کرتے ہوئے نیکی کی دعوت کوعام کررہی ہے وہیں ان مواقعوں پر اپنے مسلمان بھائیوں کی خیر خواہی بھی کرتی ہے ۔