دعوتِ اسلامی کے زیر اہتمام گزشتہ دنوں کراچی کے علاقے بلاک 4 میں دعائےشفا اجتماع کا انعقاد کیا گیا جس میں مقامی اسلامی بہنوں نے شرکت کی۔

ساؤدرن افریقہ ریجن نگران اسلامی بہن نے سنتوں بھرا بیان کیا اور اجتماعِ پاک میں شریک اسلامی بہنوں کو بیماریوں پر صبر کرنے اور عبادتوں میں دِل لگانے کے حوالے سے نکات فراہم کئے ۔ اجتماع کے اختتام پر مریضوں کےلئے خصوصی دعائیں مانگیں گئی۔

امیرِ اہلِ سنت حضرت علامہ محمد الیاس عطار قادری  دَامَتْ بَرَکَاتُہُمُ الْعَالِیَہ ہر ہفتے کسی ایک رسالے کے مطالعے کی ترغیب ارشاد فرماتے ہیں اور مطالعہ کرنے والوں کو اپنی دعا وں سے بھی نوازتے ہیں۔

اس ہفتے کا رسالہ ” محرم کے فضائل “ ہے۔ رسالے کا مطالعہ کرنے یا سننے والوں کو امیر اہلِ سنت دَامَتْ بَرَکَاتُہُمُ الْعَالِیَہ نے اپنی دعاوں سے بھی نوازا ہے۔ دعائے عطار کے حقدار بننے کے لئے اس رسالے کا ضرور مطالعہ کیجئے۔

دعائے عطار

یااللہ پاک! جو کوئی 17 صفحات کا رسالہ ” محرم کے فضائل “کے پڑھ یا سُن لے اس کی کربلاوالوں کے طفیل آفتوں اور بلاؤں سے حفاظت فرما اور اس کو بے حساب بخش دے۔ اٰمِیْن بِجَاہِ النَّبِیِّ الْاَمِیْن صلَّی اللہ تعالٰی علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے بالکل مفت ڈاون لوڈ کیجئے:

Download

رسالہ آڈیو میں سننے کے لئے کلک کریں:

Audio Book

احادیث و اقوال، سنتیں،آداب اور دعائیں وغیرہ کے163 مدنی پھولوں   پرمشتمل

شیخ طریقت، امیراہل سنت علامہ محمدالیاس عطار قادری رضوی دَامَتْ بَرَکَاتُہُمُ الْعَالِیَہ کا رسالہ

163 مدنی پھول

اِس رسالے کی چندخصوصیات:

٭دیدہ زیب ودِلکش سرورق (Title) وڈیزائننگ (Designing) ٭عصرحاضرکے تقاضوں کے پیشِ نظر جدیدکمپوزنگ وفارمیشن ٭عبارت کے معانی ومفاہیم سمجھنے کیلئے ’’علاماتِ ترقیم‘‘(Punctuation Marks) کا اہتمام ٭اُردو،عربی اور فارسی عبارتوں کو مختلف رسم الخط (Fonts)میں لکھنے کا اہتمام ٭پڑھنے والوں کی دلچسپی برقرار رکھنے کیلئے عنوانات (Headings) کا قیام ٭بعض جگہ عربی عبارات مع ترجمہ کی شمولیت ٭آیات کے ترجمہ میں کنزالایمان کی شمولیت ٭حسب ضرورت مشکل اَلفاظ پر اِعراب اور بعض پیچیدہ اَلفاظ کے تلفظ بیان کرنے کا اہتمام ٭قرآنی آیات مع ترجمہ ودیگر تمام منقولہ عبارات کے اصل کتب سے تقابل(Tally) کا اہتمام ٭آیات، اَحادیث،توضیحی عبارات،فقہی جزئیات کےحوالوں (References) کا خاص اہتمام ٭ َغلاط کوکم سے کم کرنے کیلئے پورے رسالے کی کئی بار لفظ بہ لفظ پروف ریڈنگ

40صفحات پر مشتمل یہ رسالہ2011سے لیکر اب تک اردو زبان کے9مختلف ایڈیشنز میں2 لاکھ35ہزار سے زائد

جبکہ دیگر12زبانوں میں8ہزارسے زائد شائع ہوچکا ہے

مکتبۃ المدینہ کی کسی بھی شاخ سے17روپے ہدیۃ پر حاصل کیجئے اوردوسرو ں کو بھی ترغیب دلائیے۔

اس رسالے کی PDF دعوتِ اسلامی کی ویب سائٹ سے مفت ڈاؤن لوڈ بھی کیا جاسکتا ہے۔

Download Now

دعوت اسلامی کی مجلس رابطہ بالعلماء کے تحت مدنی مرکز فیضان مدینہ جوہر ٹاؤن لاہور میں مدنی مشورہ ہوا جس میں مجلس رابطہ بالعلماء لاہور ریجن کے ذمہ داران نے شرکت کی۔نگران مجلس رابطہ بالعلماء پاکستان  محمد افضل عطاری مدنی نے سابقہ کارکردگی کا جائزہ لیا اور ذمہ داران کو نئے اہداف دیئے۔

پچھلے دنوں خانوادہ فرید حضرت خواجہ غلام فرید آف کوٹ مٹھن کی زوجہ کا انتقال ہوگیا تھا۔

اسی سلسلے میں مجلس رابطہ بالعلماء رکن زون نے دیگر ذمہ داران کے ہمراہ ان کی رہائش گاہ جاکر ان سے ملاقات کی اور والدہ کے انتقال پر تعزیت کی ۔ ذمہ داران نےمرحومہ کے ایصالِ ثواب کے لئے فاتحہ خوانی اور دعائیں کیں۔

شاہ جمال مظفرگڑھ کے جامعہ غوثیہ فیض القرآن میں درس نظامی کے آغاز میں افتتاحی تقریب کا انعقاد کیا گیا جس میں آستانہ عالیہ پیر بارو شریف کے سجادہ نشین محمد حسن الحسنی باروی صاحب اور دیگر سیاسی، سماجی اور  مذہبی شخصیات نے شرکت کی۔

اس موقع پر مجلس رابطہ بالعلماء ملتان ریجن کے رکن نے تقریب میں آنے والی شخصیات سے ملاقاتیں کیں اور دعوت اسلامی کی دینی خدمات کے بارے میں تعارف پیش کیا۔

اسی طرح مجلس رابطہ بالعلماءملتان ریجن کے رکن نے محلہ شاہی میں موجود جامعہ جمالیہ منور العلوم میں حاضری دی جہاں انہوں نے جامعہ کے مہتمم مولانا منور علیم قریشی صاحب، مولاناعبد الغنی قریشی صاحب اور مولانا عبد المناف قریشی صاحب سے ملاقات کی۔ رکن ریجن نے انہیں ماہنامہ فیضان مدینہ کے حوالے تفصیلی بریفنگ دی جس پر علمائے کرام نے اپنے اچھے اچھے تاثرات کا اظہار کیا۔

بعد ازاں رکن ریجن ملتان نے مظفر گڑھ میں حضرت غوث حمزہ رحمۃ اللہ علیہ کےمزار شریف پر حاضری دی اور مزار شریف کے گدی نشین، خدمت گزاراور محکمہ اوقاف کے منیجر سید امجد سے ملاقات کی۔ دوران ملاقات عرس کے موقع پر مدنی کاموں اور اصلاح معاشرہ پر گفتگو ہوئی۔

دعوت اسلامی کی مجلس رابطہ بالعلماء ملتان ریجن کے رکن نے جامعہ اسلامیہ محمدیہ مصباح القرآن شاہ جمال مظفر گڑھ کے مہتمم مفتی محمد صفدر سعیدی عطاری صاحب سے ملاقات کی۔ رکن ریجن نے انہیں دعوت اسلامی کے مدنی کاموں کے حوالے سے بریفنگ دی اور ماہنامہ فیضان مدینہ تحفے میں پیش کیا۔ 

دعوت اسلامی کی مجلس قافلہ کے  زیر اہتمام لاہور ریجن مرید کے کابینہ میں مدنی حلقہ ہواجس میں ریجن ذمہ دار محمد آصف عطاری، مجلس دارالسنہ کے آفس ذمہ دار عظیم عطاری اور مجلس قافلہ 12 ماہ کے ذمہ دار سمیت دیگر ذمہ داران نے شرکت کی۔ ریجن ذمہ دار محمد شہباز عطاری نے شرکا کی تربیت کی اور لاک ڈاؤن ختم ہونے کے بعد مدنی کاموں کو بڑھانے کا ذہن دیا۔ ریجن ذمہ دار نے جن علاقوں کی سمتیں ابھی تک سوفٹ ویئرمیں انٹر نہیں ہے اس کو مکمل کرنے کے حوالے سے اہداف دیئے۔

دعوت اسلامی کی مجلس قافلہ کے زیر اہتمام جوہر ٹاؤن لاہور کے مدنی مرکز فیضان مدینہ میں قائم درجہ دورۃ الحدیث شریف میں مدنی حلقے کا سلسلہ ہوا جس میں ریجن ذمہ دار عاطف عطاری مدنی، ریجن ذمہ دار محمد آصف عطاری، مجلس قافلہ 12 ماہ جنید عطاری مدنی اور جامعۃ المدینہ کے اساتذہ کرام اور طلبہ نے شرکت کی۔ ریجن ذمہ دار محمد شہباز عطاری مدنی نے سنتوں بھرا بیان کیا اور طلباء کو آئندہ سال 12 ماہ کے قافلے میں سفر کرنے کی ترغیب دلائی جبکہ 12 ماہ میں سفر کا شیڈول بھی بیان کیا۔ (رپورٹ: محمد آصف عطاری، لاہور ریجن ذمہ دار مجلس قافلہ)

دعوت اسلامی کی مجلس قافلہ کے تحت وزیر آباد کابینہ میں مدنی مشورہ ہوا جس میں ریجن ذمہ دار محمد آصف عطاری، مجلس قافلہ 12 ماہ کے زون ذمہ دار فضل الرحمن عطاری اور ڈویژن قافلہ ذمہ داران نے شرکت کی۔ ریجن ذمہ دار محمد شہباز عطاری نے شرکا کی تربیت کی اور مدنی کاموں کا جائزہ لیا۔ ریجن ذمہ دار نے علاقائی دورہ کی کارکردگی کو مضبوط کرنےاور نیت ایپلیکیشن ڈاؤن لوڈ کرکے نیتیں ایڈ کرنے کا ذہن دیا۔(رپورٹ: محمد آصف عطاری، لاہور ریجن ذمہ دار مجلس قافلہ)

دعوت اسلامی کے زیر اہتمام وزیر آباد کابینہ گوجرانوالہ زون میں علاقائی دورہ کا سلسلہ ہوا جس میں ریجن ذمہ دار محمد شہباز عطاری، ریجن ذمہ محمد آصف عطاری اور مجلس قافلہ 12 ماہ کے زون ذمہ دار فضل الرحمن عطاری نے شرکت کی۔ ذمہ داران نے مقامی افراد کو نیکی کی دعوت پیش کی اور نمازوں کی پابندی کرنے کی ترغیب دلائی۔ (رپورٹ: محمد آصف عطاری، لاہور ریجن ذمہ دار مجلس قافلہ)

فیضانِ مدینہ ملتان میں گزشتہ ساڑھے چھ سال سے امامت کے فرائض انجام دینے والے جواں سال امام صاحب محمد شہباز عطاری مدنی روڈ ایکسیڈنٹ میں شدید زخمی ہوکر 13 اگست بروز جمعرات  انتقال کرگئے۔اِنَّا لِلہِ وَاِنَّا اِلَیْہِ رٰجِعُوْن۔ ذرائع کے مطابق مرحوم شاہ جمال سے آتے ہوئے علی والا چوک ملتان شریف کے قریب حادثے کا شکار ہوئے۔

مرحوم کی نماز جنازہ ان کے آبائی گاؤں کوٹ چھٹہ جھوک اترا روڈ پیر محمد غوری بستی خلیل آباد ناڑی دھمرایہ میں ادا کی گئی۔ ایک ذمہ دار اسلامی بھائی نے مجلس شب وروز کو بتایا کہ مرحوم کی وصیت تھی کہ ان کی نماز جنازہ جامعۃ المدینہ ملتان کے استاد صاحب مولانا ایاز مدنی پڑھائیں اور اسی وصیت کے مطابق مولانا ایاز مدنی صاحب نے مرحوم کی نمازِ جنازہ پڑھائی۔ نمازِ جنازہ میں نگرانِ کابینہ ملتان، نگرانِ کابینہ ڈیرہ غازی خان، نگرانِ کابینہ کوٹ چھٹہ سمیت دیگر عاشقانِ رسول نے شرکت کی۔