پنجاب کے شہراوکاڑہ میں دعوتِ اسلامی  کی مجلس رابطہ بالعلماء کی دعوت پر ڈاکٹر مولانا مصباح الحق صاحب اور حضرت ڈاکٹر مولانا سلیمان مصباحی صاحب کی فیضان مدینہ اوکاڑہ تشریف آوری ہوئی۔

رکنِ شوریٰ و فیصل آباد ریجن کے نگران حاجی محمدرفیع العطاری نے دونوں شخصیات سے ملاقات کی اور انہیں دعوتِ اسلامی کے مختلف شعبہ جات بالخصوص فلاحی شعبے FGRF کے متعلق بریفنگ دی۔

ڈاکٹر مولانا مصباح الحق صاحب اور حضرت ڈاکٹر مولانا سلیمان مصباحی صاحب کو فیضانِ مدینہ اوکاڑہ میں قائم فیضان آن لائن اکیڈمی سمیت مختلف شعبہ جات کا وزٹ بھی کروایا گیا جس پر دونوں شخصیات نے دعوت اسلامی کے کاموں کو سراہا اور مزیدترقی کے لئے دعائیں کیں۔ 

24جولائی 2021ء مطابق 14ذوالحجۃ الحرام 1442ھ کی شب عالمی مدنی مرکز فیضانِ مدینہ میں ہفتہ وار مدنی مذاکرے کا سلسلہ ہوا جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کو علم و حکمت سے بھرپور مدنی پھول عطا فرمائے۔ عالمی مدنی مرکز فیضانِ مدینہ کراچی میں سینکڑوں جبکہ بیشتر مقامات ہزاروں عاشقانِ رسول نے جمع ہوکر اس مدنی مذاکرے میں شرکت کی سعادت حاصل کی۔

مدنی مذاکرے کےمزید مدنی پھول ملاحظہ کیجئے

سوال : امیراہل سنت حضرت علامہ مولانا محمد الیاس عطارقادری رضویدامت برکاتہم العالیہ نے اپنے والدصاحب(حاجی عبدالرحمٰن قادِری رحمۃ اللہ علیہ) کا تذکرہ کن الفاظ میں فرمایا ؟

جواب :جب میں ڈیڑھ/ دوسال کا تھا تو والدصاحب انتقال کرگئے تھے ،کولمبو(Sri Lanka)کے لوگوں سے سنا ہے کہ جب حنفی میمن مسجد کولمبو کے امام صاحب نہیں ہوتے تھے توان کی غیر موجودگی میں میرے والدصاحب فی سبیلِ اللہ نمازپڑھا دیا کرتے تھےکیونکہ وہ وہاں پر ایک فرم میں ملازمت کرتے تھے ،میرے خالواحمدصاحب نے بتایا کہ تمہارے والدصاحب جب قصیدیۂ غوثیہ پڑھاکرتے تھے تو ان کی چارپائی زمین سے بلندہوجاتی تھی ،ہمارے پڑوسی عبدالستاربتاتے ہیں کہ آپ کے والدصاحب نگاہیں نیچی کرکے چلاکرتے تھے،مذہبی ذہن کے مالک تھے ،بات بات پرحدیث بیان کرتے تھے ،پوری داڑھی والے تھے ۔(امیراہلسنت کے والدصاحب حاجی عبدالرحمن قادری رحمۃ اللہ علیہ کا یومِ وفات 14ذوالحجہ ہے ۔)

سوال:گھرمیں الیکٹرک پنکھوں کے بارے میں کیا احتیاط کرنی چاہئے؟

جواب: کسی ماہر الیکٹریشن سے چیک کروالینا چاہئے کہ گھرکے تمام پنکھے درست لگے ہوئے ہیں یا نہیں ،جب الیکٹریشن چیک کررہا ہوتو خودبھی وہاں موجودہوں ۔

سوال : کیا قربانی کا گوشت غریبوں کو دینا چاہئے ؟

جواب: جی ہاں! مستحب یہ ہے کہ غریبوں کو بھی گوشت دیا جائے ،البتہ اگرکوئی ساراگوشت اپنے پاس رکھ لے تو اس سے بدگمانی نہ کی جائے اورنہ ہی اس کی بُرائی کی جائے اورنہ اسے کنجوس کہاجائے ،شادیوں میں بھی غریبوں کو یادرکھنا چاہئے ،ایک دیگ غریبوں اورایک دیگ سیدوں کے لیے پکائی جائے ،شادی میں آس پاس کے غریبوں کو دعوت دی جائے۔

سوال: کیا ظلم کرنا بُرے خاتمےکا سبب ہے ؟

جواب: جی ہاں ! امام اعظم ابوحنیفہ رحمۃ اللہ علیہ فرماتے ہیں :بُرے خاتمے کا سب سے بڑاسبب ظلم کرنا ہے ،ظلم کرنا بہت خطرناک ہے ،یہ قیامت کے اندھیرے ہیں ،آجکل ظلم کرنے کاگناہ عام ہے بعض اوقات مظلوم ایک طرح سے مظلوم ہوتاہے اورایک طرح سےظالم ،اللہ پاک ہمیں ظلم کرنے اوردیگرگنا ہوں سے بچائے۔

سوال : کیا کسی صحابی کا نام صراحۃ ً(واضح طورپر)قرآنِ کریم میں آیا ہے ؟

جواب: جی ہاں !محبوبِ رسول حضرت زیدبن حارثہ رضی اللہ عنہ کا نام قرآنِ کریم میں آیا ہے ۔

سوال : اُونٹ(Camel) کی قربانی کس طرح کی جائے ؟

جواب : اُونٹ کوکھڑاکرکے بایاں(Left) پاؤں اورمنہ باندھ دیا جائے اوراسے نحرکیا جائے ۔

سوال: اِس ہفتے کےرِسالے” امیراہلِ سنت کا پہلاسفرِ مدینہ ‘‘ پڑھنے یاسُننے والوں کوجانشین امیرِاہلِ ِسُنّت مدظلہ العالینے کیا دُعا دی ؟

جواب: یااللہ پاک! جو کوئی 21 صفحات کا رسالہ  ” امیراہل سنت کا پہلاسفرِ مدینہ ‘‘ پڑھ یا سُن لے اُسے باربارحج اورزیارتِ مدینہ نصیب فرما اور اسے بے حساب بخش دے ۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

دعوت اسلامی کے شعبہ رابطہ برائے شخصیات بلوچستان کے ریجن ذمہ دار محمد وقار عطاری نے کوئٹہ شوران ہاؤس میں وزیر اعظم پاکستان کے معاون خصوصی سردار یار محمد رند سے ان کی رہائش گاہ پر ملاقات کی۔

محمد وقار عطاری نے انہیں دعوت اسلامی کے دینی و فلاحی خدمات کے متعلق بریفنگ دی اور عالمی مدنی مرکز فیضان مدینہ کراچی کے وزٹ کی دعوت پیش کی۔ (رپورٹ: محمد وقار عطاری، شعبہ رابطہ برائے شخصیات بلوچستان)

پچھلے دنوں میڈیا ڈیپارٹمنٹ دعوت اسلامی کے زیر اہتمام سیالکوٹ میں بول نیوز کے نمائندے ندیم عطا غوری کی والدہ مرحومہ کے لئے ایصالِ ثواب اجتماع کا انعقاد کیا گیا جس میں میڈیا سے وابستہ افراد اور دیگر ذمہ داران نے شرکت کی۔

مرکزی مجلس شوریٰ کے رکن حاجی محمد اظہر عطاری نے ”والدین کی قدر“ کے موضوع پر بیان کیااور شرکا کو دعوت اسلامی کے دینی ماحول سے وابستہ ہونے کا ذہن دیتے ہوئے انہیں اپنے مرحومین کے لئے زیادہ سے زیادہ ایصالِ ثواب کرنے کی ترغیب دلائی۔ (رپورٹ: اسرار عطاری، میڈیا ڈیپارٹمنٹ)

یکم اگست 2021ء سے شعبہ FGRFکے تحت ملک بھر میں شجر کاری مہم کا آغاز ہونے جارہا ہے جس کی وجہ سے اراکین شوریٰ اور دیگر ذمہ داران مختلف مقامات کا جائزہ لیتے ہوئے وہاں پودے بھی لگارہے ہیں۔

اسی سلسلے میں پچھلے دنوں دعوت اسلامی کی مرکزی مجلس شوریٰ کے رکن حاجی محمد رفیع عطاری کوٹ مومن ضلع سرگودھا پہنچے جہاں انہوں نے نگران بھلوال زون مولانا انصر خان عطاری مدنی اور نگران کوٹ مومن کابینہ مولانا سیف اللہ عطاری مدنی کے ہمراہ پودے لگائے اور شرکا کو مزید پودے لگانے کی ترغیب دلائی۔ (رپورٹ: فضیل رضا عطاری مدنی، رکنِ زون شعبہ مدنی چینل عام کریں)

ریسکیو1122 کے تعاون سے دعوت اسلامی کے فلاحی شعبہ فیضان گلوبل ریلیف فاؤنڈیشن کے زیر اہتمام جامعۃ المدینہ فیضان مدینہ لالہ زار بھلوال میں  فرسٹ ایڈ ٹریننگ سیشن کا انعقاد کیا گیا جس میں جامعۃ المدینہ کے طلبہ و اساتذۂ کرام، رکنِ زون شعبہ FGRF ڈاکٹر عمر شہزاد عطاری اور ناظم جامعۃ المدینہ مولانا محبوب رضا عطاری مدنی نے شرکت کی۔

ریسکیو1122 کے اہلکاروں نے شرکا کو فرسٹ ایڈ اور ڈیزاسٹرز منیجمنٹ کی ابتدائی ٹریننگ کروائی۔

ڈیزاسٹرز منیجمنٹ کی ابتدائی ٹریننگ میں ابتدائی طبی امداد کی تعارف، سانحہ یا ایمرجنسی کے بعد پہلے سنہری گھنٹے کی اہمیت، زخم پر پٹی باندھنے کا طریقہ، ہڈی ٹوٹ جانے پر ابتدائی طبی امداد کا طریقہ، سانس اور نبض کی بحالی کا طریقہ (CPR ) ، آگ بجھانے والے آلے کے استعمال کا طریقہ شامل تھا۔ (رپورٹ: فضیل رضا عطاری مدنی، رکنِ زون شعبہ مدنی چینل عام کریں)

پچھلے دنوں شعبہ مدرسۃ المدینہ شارٹ ٹائم کے تحت واہ کینٹ زون میں مدنی مشورہ ہوا جس میں اسلام آباد ریجن کے تمام ناظمین اور ناظم اعلیٰ نے شرکت کی۔

شعبہ مدرسۃ المدینہ شارٹ ٹائم کے ریجن ذمہ دار محمد وقار عطاری شجر کاری مہم کے حوالے سے شرکا کی رہنمائی فرمائی اور اہداف طے کئے۔

محمدوقار عطاری نے شرکا کو شجر کاری مہم میں خود بھی شرکت کرنے اور تمام قاری صاحبان سمیت بچوں کو بھی اس میں شرکت کروانے کی ترغیب دلائی۔ (رپورٹ: شعیب اشرف نقشبندی، ناظم پنڈیگھیب کھوڑ کابینہ)

پچھلے دنوں دعوت اسلامی کے شعبہ فیضان اسلام پاکستان کے نگران محمد نعمان عطاری کی سجاول کابینہ کا دورہ کیا جہاں انہوں نے نیو مسلم اسلامی بھائیوں کی تربیت کی۔ نگران شعبہ محمد نعمان عطاری نے مدنی پھول بیان کئےاور ان کی خیر خواہی کرتے ہوئے تحائف بھی دیئے۔

شرکا میں کثیر اسلامی بھائیوں نے 63دن کا تربیتی کورس کرنے کی نیت بھی کی۔

شعبہ رابطہ برائے شخصیات کراچی ریجن کے ذمہ دار نے حاجی یعقوب عطاری کے ہمراہ جمال الدین صدیقی (M.P.A)سے ان کے آفس میں ملاقات کی۔

حاجی یعقوب عطاری نے انہیں شعبہ FGRFکے تحت یکم اگست 2021ء سے ملک بھر میں شروع ہونے والی شجر کاری مہم کے حوالے سے بریفنگ دی اور اس میں شرکت کرنے کی دعوت دی۔

اس موقع پر شعبہ رابطہ برائے شخصیات کے عبد الرحمن عطاری اور غلام محبوب عطاری بھی موجود تھے۔

سابقہ وزیر اعلیٰ سندھ ممتاز علی بھٹو کے انتقال پر ان کی رہائش گاہ گوٹھ میر پور بھٹو لاڑکانہ پر ایصالِ ثواب کا سلسلہ ہوا جس میں عزیز و اقارب اور دیگر شخصیات نے شرکت کی۔

شعبہ رابطہ برائے شخصیات لاڑکانہ ڈسٹرکٹ و ڈویژن ذمہ دار نےنگران زون اور نگران کابینہ کے ہمراہ مرحوم کے صاحبزادے میرا میر بخش بھٹو سندھ نیشنل فرنٹ سے تعزیت کی اور ان کو دعوت اسلامی کی طرف سے ایصالِ ثواب کا تحفہ پیش کیا جس پر انہوں نے دعوت اسلامی کا شکریہ ادا کیا۔

اس موقع پر ذمہ داران نے مرحوم ممتاز علی بھٹو کے چھوٹے بھائی علی حیدر بابا، میجر جاوید خان جمالی، افتخار خان لنڈ(رہنما پاکستان پیپلز پارٹی) اور ہوت خان میرالی (صدر سندھ نیشنل فرنٹ)سے ملاقات کی اور دعوت اسلامی کا تعارف پیش کرتے ہوئے مدنی رسائل تحفے میں پیش کیا۔

کسی بھی ادارے کا اپنے  افراد کو بدلتے ہوئے حالات کے مطابق تیار کرنے کے لئے ان کی مستقل Training and Development پر توجہ دینا ادارے کی ترقی میں اہم کردار ادا کرتا ہے ۔ اچھے ادارے اپنے عملے کی صلاحیتوں کو بڑھانے اور ان کی شخصیت میں نکھار پیدا کرنے کے لیے وقتافوقتا ٹریننگ پروگرامز کا انعقاد کرتے رہتے ہیں ۔الحمدللہ عزوجل دارالمدینہ انٹرنیشنل اسلامک اسکول سسٹم میں بھی عملے کی ٹریننگ کے لئے مختلف پروگرامز کا اہتمام کیا جاتا ہے۔

16 اور 17 جولائی 2021کو دارالمدینہ ہیڈآفس کراچی میں اراکینِ شعبہ دارالمدینہ کے لئے ٹریننگ سیشن کا اہتمام کیا گیا جس میں Organizational Communicaiton،Feedback اور Working Relationship جیسے اہم موضوعات پر ٹریننگ دی گئی۔

دعوتِ اسلامی کےتحت گزشتہ دنوں اسلام آباد ڈویژن بحریہ ٹاؤن میں شخصیات کے درمیان دینی حلقےکاانعقادہواجس میں عالمی مجلس مشاورت کی نگران اسلامی بہن نے احترام مسلم ،مسلمانوں کےعیوب کی پردہ پوشی کرنےاورگناہوں سے بچنے سے متعلق اسلامی بہنوں کی ذہن سازی کی نیز دعوتِ اسلامی کےشعبہ جات کاتعارف پیش کرتےہوئےانہیں ہفتہ وار سنتوں بھرے اجتماع میں شرکت کرنےاور دینی کاموں میں حصہ لینے کی ترغیب دلائی ۔