20جنوری 2024ء کو فیضانِ مدینہ  روہیلانوالی (پنجاب) میں تین دن کا روحانی علاج کورس کا اہتمام کیا گیا جس میں ڈی جی خان ڈویژن کے مختلف شعبہ جات سے تعلق رکھنے والے افراد نے داخلہ لیا۔

مولانا محمد انیس مدنی عطاری نے شعبہ روحانی علاج کورس میں شریک اسلامی بھائیوں کی تربیت کرتے ہوئے ان کی تعویذاتِ عطاریہ لکھنے کے سلسلے میں اہم امور پر رہنمائی کی نیز دم کرنے اور کاٹ والے عمل کرنے کا طریقہ مع احتیاطیں سمجھائیں۔(رپورٹ: سمیر علی عطاری آفس ذمہ دار، کانٹینٹ:رمضان رضا عطاری)

مدنی  مرکز فیضانِ مدینہ بورے والا میں 16،15،14جنوری 2024ء کو تین دن کے روحانی علاج کورس کا سلسلہ کیا گیا جس میں ملتان ڈویژن کے مختلف شعبہ جات سے تعلق رکھنے والے عاشقانِ رسول نے کورس کرنے کی سعادت حاصل کی ۔

کورس میں شریک اسلامی بھائیوں کی تربیت کرتے ہوئے شعبہ روحانی علاج ذمہ دار محمد شبیر عطاری نے تعویذات عطاریہ لکھنے کے حوالے سے مختلف امور پر رہنمائی کی ۔

علاوہ ازیں شرکا کو دم اور کاٹ والے عمل کرنے کا طریقہ ان کی احتیاطوں کے ساتھ بیان کیا نیز 12 دینی کاموں کا ذہن دیتے ہوئے امت کی غمخواری کا جذبہ بھی دلایا۔ (رپورٹ: سمیر علی عطاری آفس ذمہ دار، کانٹینٹ:رمضان رضا عطاری)

15جنوری 2024ء  کو سبحانی مسجد اورنگی ٹاؤن کراچی میں جزوقتی روحانی علاج کورس ہوا جس میں کراچی کے مختلف شعبہ جات سے تعلق رکھنے والے اسلامی بھائی شریک ہوئے ۔

محمد طارق عطاری نے تعویذات عطاریہ لکھنے کے حوالے سے اسلامی بھائیوں کی مختلف امور پر رہنمائی کی نیز دم کرنے اور کاٹ والے عمل کا طریقہ اور اس کی احتیاطیں بیان کیں۔ساتھ ہی شعبہ روحانی علاج کے حوالے سے اپڈیٹس بیان کی گئیں۔(رپورٹ: سمیر علی آفس ذمہ دار، کانٹینٹ:رمضان رضا عطاری)

مدنی   مرکز فیضانِ مدینہ ساہیوال میں 21،20،19 جنوری 2024ء کو تین دن کا روحانی علاج کورس ہوا جس میں ساہیوال ڈویژن کے مختلف شعبہ جات سے تعلق رکھنے والے عاشقانِ رسول نے شرکت کی ۔

محمد عامر عطاری (شعبہ روحانی علاج) نے کورس میں شریک اسلامی بھائیوں کی تربیت کرتے ہوئے انہیں تعویذات عطاریہ لکھنے کے حوالے سے مختلف امور پر رہنمائی دی جبکہ دم کرنے، کاٹ والے عمل کرنے کا طریقہ اور اس کی احتیاطیں بیان کیں نیز شعبہ روحانی علاج کے متعلق اپڈیٹس سے آگاہ کیا۔ ساتھ ہی ساتھ 12 دینی کاموں میں عملاً حصہ لینے کا ذہن دیا ۔(رپورٹ: سمیر علی آفس ذمہ دار، کانٹینٹ:رمضان رضا عطاری)

دعوتِ اسلامی کے  شعبہ رابطہ بالعلماء کے تحت صوبائی ذمہ دار مولانا محمد محب عطاری مدنی نے ڈویژن ذمہ دار مولانا عبد الوحید مدنی عطاری ڈسٹرکٹ ذمہ دار مولانا اصغر عطاری مدنی اور تحصیل ذمہ دار مولانا طالب مدنی عطاری کے ہمراہ سانگھڑ میں مفتی عبد الرزاق مہران سکندری صاحب (مہتمم مدرسہ و شارح بخاری) سے ملاقات کی ۔

دورانِ ملاقات مولانا محمد محب عطاری مدنی نے مفتی صاحب کو کنزالمدارس بورڈ اور مکتبۃ المدینہ کی مطبوعہ عربی کتب کا تعارف پیش کیا نیز انہیں عالمی مدنی مرکز فیضانِ مدینہ کراچی کا وزٹ کرنے کی دعوت پیش کی ۔

آخر میں کنزالمدارس بورڈ پاکستان کی معلومات پر مشتمل کتاب تحفے میں دی جس پر مفتی عبد الرزاق مہران سکندری صاحب نے خدمات ِ دعوت اسلامی کو سراہتے ہوئے دعاؤں سے نوازا۔(کانٹینٹ:رمضان رضا عطاری)

دینِ اسلام کی تعلیمات کو منظم انداز میں عام کرنے والی عاشقانِ رسول کی عالمگیر تحریک دعوتِ اسلامی کے زیر اہتمام آج رات 25جنوری2024ء بروز جمعرات دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں اراکینِ شوریٰ و مبلغین دعوتِ اسلامی سنتوں بھرے بیانات فرمائیں گے۔ اجتماعات میں بیانات کے ساتھ ساتھ قرآنِ پاک کی تلاوت، نعت خوانی، ذکر و اذکاراور خصوصی طور پر دعا کا اہتمام کیا جاتا ہے۔

تفصیلات کے مطابق آج رات مدنی چینل پر براہِ راست نشر ہونے والے ہفتہ وار اجتماع میں جامع مسجد غوثیہ مہاجر کیمپ نمبر ساڑے 4 بلدیہ ٹاؤن کراچی سے رکن شوریٰ حاجی اطہر عطاری سنتوں بھرا بیان فرمائیں گے۔

اس کے علاوہ عالمی مدنی مرکز فیضان مدینہ کراچی سے رکن شوریٰ مولانا حاجی عبدالحبیب عطاری ،مدنی مرکز فیضان مدینہ پنڈی گھیپ سے رکن شوری حاجی وقار المدینہ عطاری ،جامع مسجد فیضان مدینہ ڈھوک جمعہ جہلم سے رکن شوری مولانا اسد مدنی ،فیضان مدینہ شاہ ابوالبرکات لو کو ورکشاپ مغلپورہ لاہور سے رکن شوریٰ حاجی منصور عطاری،فیض مدینہ مسجد کریلا اسٹاپ نارتھ کراچی سے رکن شوری حاجی برکت عطاری ،کلثوم مسجد شاہ فیصل کالونی نمبر 3 کراچی سے رکن شوریٰ مولانا حاجی عقیل عطاری مدنی ،حنفیہ مسجد مین قائد آباد ابراہیم حیدری ٹاؤن 2 سے رکن شوریٰ حاجی رفیع عطاری ،رضائے مصطفی مسجد کورنگی نمبر 4سے رکن شوریٰ حاجی محمد فضیل عطاری سنتوں بھرا بیان فرمائیں گے۔

تمام عاشقانِ رسول سے اپنے علاقوں میں ہونے والے قریبی ہفتہ وار اجتماع میں شرکت کرنے کی درخواست ہے۔

گلستانِ مدینہ مسجد   اقبال ٹاؤن لاہور میں سحری اجتماع ہوا جس میں ا سکول کے طلبہ،مدرسۃ المدینہ کے قاری صاحب،یوسی نگران،سب ٹاؤن نگران سفیر عطاری نے شرکت کی ۔

سب ٹاؤن ذمہ دار محمد وقاص عطاری نے بعد نماز عشا ” آداب مسجد“ کے موضوع پر بیان کیا ۔بعدازاں اسلامی بھائیوں نے اعتکاف کی نیت کرکے آرام کیااور فجر سے پہلے بیدار ہو کر نماز تہجد ادا کی اور سحری کرکے رجب المرجب کا نفل روزہ رکھنے کی سعادت حاصل کی ۔

بعدازاں شرکا نے تلاوت قرآن پاک کی اور صدائے مدینہ بھی لگائی نیز باجماعت نماز فجر ادا کرکے تفسیر کے حلقہ میں شرکت بھی کی۔ ( کانٹینٹ:رمضان رضا عطاری مدنی ) 

سندھ کے شہر ٹھٹھہ مکلی کے معروف عالم دین مفتی عبد الرحمن ٹھٹھوی صاحب سے شعبہ رابطہ بالعلماء کے صوبائی ذمہ دار مولانا محمد محب عطاری مدنی اور تحصیل نگران نظام الدین عطاری نے ملاقات کی۔

دوران گفتگو انہیں کنزالمدارس بورڈ درس نظامی کے نصاب اور دیگر شعبہ جات کا تعارف پیش کیا اور عالمی مدنی مرکز فیضانِ مدینہ کراچی کا وزٹ کرنے کی دعوت پیش کی ۔انہوں نے دعوت اسلامی کے دینی کاموں کو سراہا اور دعاؤں سے نوازا ۔( کانٹینٹ:رمضان رضا عطاری مدنی )

عاشقانِ  رسول کی دینی تحریک دعوت اسلامی کی جانب سے 19 جنوری 2024ء بروز جمعۃ المبارک فیصل آباد سٹی میں براق ویلی اور ایمان انڈسٹری کے اونر مقبول حسین ڈوگر کے گھر سیکھنے سکھانے کا حلقہ ہواجس میں ڈویلپرز نے شرکت کی ۔

اس اجتما ع میں نگران پاکستان مشاورت حاجی محمد شاہد عطاری کی آمد ہوئی ۔ نگران پاکستان نے ڈویلپرز کی دینی و اخلاقی اعتبار سے تربیت کرتے ہوئے ان کو اپنی زندگی کے شب و روزاللہ و رسول عَزَّوَجَلَّ و صلَّی اللہ علیہ واٰلہٖ وسلَّم کی فرماں برداری والے کاموں میں گزارنے کا ذہن دیا جس پر انہوں نے عمل کرنے کی اچھی اچھی نیتیں پیش کی ۔

اس موقع پر مقبول ڈوگر صاحب نے براق ویلی میں مسجد کا پلاٹ دعوت اسلامی کو پیش کیا جبکہ براق ویلی کی مسجد کا نام نگران پاکستان نے ”فیضان معراج “رکھا ۔آخر میں اس سوسائٹی میں دارالافتاء کے مولانا شاکر مدنی عطاری نے خود زکاۃ کورس کروانے کا اعلان کیا۔(رپورٹ : محمد فاروق عطاری نیوسوسائٹیز ڈیپارٹمنٹ آفس ذمہ دار، کانٹینٹ:رمضان رضا عطاری مدنی )

پچھلے  دنوں شعبہ مدنی کورسز دعوت اسلامی کے تحت کراچی میں شعبہ ذمہ داران ،ڈسٹرکٹ/ٹاؤن /یوسی ذمہ داران اور جزوقتی معلمین کا الگ الگ مدنی مشورہ ہوا ۔

نگران شعبہ مدنی کورس قاری سعید عطاری نے دورانِ تربیت اسلامی بھائیوں کو شعبے میں مزید بہتری لانے کے لئے مختلف مدنی پھول دیئے نیز شرکا کو کراچی سٹی شعبہ مدنی کورسز کی کاوشوں پر تیار کردہ ویڈیو ڈاکیو منٹری بھی دکھائی ۔آخر میں کورسز ودیگر دینی کاموں میں نمایاں کارکردگی والوں کو تحائف بھی پیش کئے۔(رپورٹ:شعبہ مدنی کورسز کراچی سٹی، کانٹینٹ:رمضان رضا عطاری مدنی )

سیون سیزن  مارکی جڑانوالہ میں 18جنوری 2024ء کو دعوت اسلامی کے تحت ہفتہ وار سنتوں بھرے اجتماع کا اہتمام ہوا جس میں جامعۃالمدینہ و مدرسۃالمدینہ بوائز کے طلبہ و اساتذہ ٔ کرام سمیت کثیر عاشقان رسول نے شرکت کی ۔

اس اجتماع میں نگران پاکستان مشاورت و رکنِ شوریٰ حاجی محمد شاہد عطاری نے”تین دوست “ کے مو ضوع پر بیان کیا ۔دورانِ بیان نگران پاکستان نے اسلامی بھائیوں کو سنتوں پر عمل کرنے، نمازوں کی پابندی کرنے کے ساتھ ساتھ حسن ِاخلاق و حسن معاشرت کے بارے میں مدنی پھول دیئے نیز دعوت اسلامی کے تحت علاقوں میں قائم کردہ مدرسۃالمدینہ بالغان میں قرآن پاک کی تعلیم حاصل کرنے کا ذہن دیا۔

اجتماع کے اختتام پر ذکر کروایا گیا نیز دعا اور صلاۃ وسلام بھی پڑھا گیا جبکہ نگران پاکستان مشاورت نے اسلامی بھائیوں سے ملاقات بھی کی۔ (رپورٹ: محمد اظہر سعید عطاری شعبہ تعلیم خیبرپختونخوا، کانٹینٹ:رمضان رضا عطاری مدنی )

فیصل آباد  پنجاب کے علاقہ لوئر کنال روڈ رائل ولاز 12 A میں 19 جنوری 2024ء کو شخصیات میں مدنی حلقے کا اہتمام کیا گیا جس میں مذہبی، سیاسی و سماجی شخصیات کے علاوہ تاجران ، ذمہ داران دعوت اسلامی و دیگر عاشقان رسول نے شرکت کی ۔

تفصیلات کے مطابق مدنی حلقے میں نگران پاکستان مشاورت حاجی محمد شاہد عطاری نے سنتوں بھرا بیان کیا جس میں نیکی کرنے اور نیکی کے کاموں میں حصہ لیتے رہنے کے بارے میں ذہن دیا نیز دعوت اسلامی کےتحت ہونے والے دینی کاموں میں عملاً شرکت کرنے کی ترغیب بھی دلائی جس پر شرکانے بھلے جذبات کا اظہا کیا۔آخر میں نگران پاکستان مشاورت نے دعا بھی کروائی ۔(رپورٹ: محمد اظہر سعید عطاری شعبہ تعلیم خیبرپختونخوا، کانٹینٹ:رمضان رضا عطاری مدنی )