شیخ طریقت  امیر اہل سنت دامت برکاتہم العالیہ کی ترغیب پر 22 جنوری 2024ء کو فیضان مدینہ فیصل آباد میں گیارہویں شریف اجتماع کا اہتمام ہوا جس میں جامعۃالمدینہ بوائز کے طلبۂ کرام و دیگر ذمہ داران و عاشقان رسول نے شرکت کی ۔

اجتماع کا آغاز تلاوت و نعت شریف سے ہوا ۔نعت خواں اسلامی بھائیوں نے حمد و نعت کے بعد پیران پیر شیخ عبدالقادر جیلانی رحمۃُ اللہِ علیہ کی منقبت بھی پڑھی ۔

اس موقع پر نگران پاکستان مشاورت و رکن شوریٰ حاجی محمد شاہد عطاری نے ”پیران پیر شیخ عبدالقادر جیلانی کی سیر ت “کے موضوع پر بیان فرمایا جس میں آپ کی نیکی کی دعوت اور دیگر دینی خدمات کے بارے میں بھی بتایا ۔

آخر میں نگران پاکستان مشاورت نے فاتحہ پڑھی اور پیران پیر شیخ عبدالقادر جیلانی اور دیگر امت مسلمہ کے لئے ایصال ثواب کیا اور دعا کروائی۔ (رپورٹ:عبد الخالق عطاری ، کانٹینٹ:رمضان رضا عطاری)

21 جنوری  2024ء کو فیصل آباد کے علاقے احمدآباد میں حاجی اشتیاق عطاری کی والدہ کی وفات پر نگران پاکستان مشاورت حاجی محمد شاہد عطاری نے دیگر ذمہ داران کے ہمراہ ان کی رہائش گاہ پر جاکر ملاقات کی ۔

دوران ملاقات نگران پاکستان نے حاجی اشتیاق عطاری سمیت دیگر لوحقین سے تعزیت کرتے ہوئے انہیں صبر کرنے کی تلقین کی اور نیکی کی دعوت دیتے ہوئے انہیں ہفتہ وار اجتماع میں شرکت کرنے کا ذہن دیا نیز مرحومہ کے ایصال ثواب کے لئے فاتحہ خوانی اور دعائے مغفرت کروائی ۔ (رپورٹ:عبد الخالق عطاری ، کانٹینٹ:رمضان رضا عطاری)

دعوتِ  اسلامی کے شعبہ اسپیشل پرسنز ڈیپارٹمنٹ کی جانب سے 20جنوری 2024ء بروز ہفتہ تحصیل میاں چنوں میں علاقائی دورے کا سلسلہ ہوا جس میں صوبائی ذمہ دار محمد وقاص عطاری اور ذیلی شعبہ نابینا کے صوبائی ذمہ دار قاری خالد عطاری نے نابینا افراد سے ملاقاتیں کیں۔

دوران گفتگو ذمہ داران نے نابینا افراد کو شعبہ اسپیشل پرسنز کا تعارف کروایا اور ذیلی شعبہ نابینا افراد کی تحصیل سطع کی ذمہ داری بھی دی نیز انہیں ہفتہ وار سنتوں بھرے اجتماع میں شرکت کرنے کی دعوت بھی دی جس پر انہوں نے میاں چنوں کے نابینا اسلامی بھائیوں کو ہفتہ وار اجتماع میں لانے کی نیت بھی کی۔(رپورٹ:ملتان ڈویژن ذمہ دار محمد جمال عطاری مدنی شعبہ اسپیشل پرسنز، کانٹینٹ:رمضان رضا عطاری)

شعبہ اسپیشل پرسنز ڈیپارٹمنٹ  دعوت اسلامی کے تحت میلسی میں مدنی مشورہ ہوا جس میں شعبہ اسپیشل پرسنز ڈیپارٹمنٹ کے تحصیل ذمہ داران نے شرکت کی ۔

صوبائی ذمہ دار محمد وقاص عطاری اور ملتان ڈویژن ذمہ دار محمد جمال عطاری مدنی نے مدنی مشورے میں شعبے میں کئے جانے والے دینی کاموں میں مزید بہتری لانے کے حوالے سے ترغیب دلائی جس پر ذمہ دار اسلامی بھائیوں نے اچھی اچھی نیتیں کیں ۔ (رپورٹ:ملتان ڈویژن ذمہ دار محمد جمال عطاری مدنی شعبہ اسپیشل پرسنز، کانٹینٹ:رمضان رضا عطاری)

ملتان میں  دعوت اسلامی کے زیر اہتمام مدرسۃ المدینہ بوائز برائے نابینا افراد میں سیکھنے سکھانے کے حلقے کا انعقاد ہوا جس میں شعبہ اسپیشل پرسنز ڈیپارٹمنٹ کے صوبائی ذمہ دار محمد وقاص عطاری اور ملتان ڈویژن ذمہ دار مولانا محمد جمال عطاری مدنی نے بچوں کی دینی و اخلاقی اعتبار سے تربیت کی اور انہیں باقاعدگی سے ہفتہ وار اجتماع میں شرکت کرنے اور مدنی مذاکرہ سننے کا ذہن دیا جس پر انہوں نے اچھے تاثرات کا اظہار کیا ۔ (رپورٹ:ملتان ڈویژن ذمہ دار محمد جمال عطاری مدنی شعبہ اسپیشل پرسنز، کانٹینٹ:رمضان رضا عطاری)

عاشقانِ  رسول کی دینی تحریک دعوت اسلامی کے اسپیشل پرسنز ڈیپارٹمنٹ کے تحت فیضان مدینہ کبیر والا میں اجتماع کا انعقاد ہوا جس کثیر تعداد میں ڈیف اسپیشل پرسنز نے شرکت کی۔

معلومات کے مطابق خایوال ڈسٹرکٹ مشاورت کے نگران اسلامی بھائی نے ”والدین “کے موضوع پر بیان کیا جس میں شرکا کو والدین کے ادب و احترام کا ذہن دیتے ہوئے انہیں ہفتہ وار اجتماع میں شرکت کرنے کی دعوت دی جبکہ شعبہ اسپیشل پرسنز کے صوبائی ذمہ دار نے اشاروں کی زبان میں بیان کی ترجمانی کی۔

مزید شعبہ روحانی علاج کا تعارف بھی کروایا گیا اور تعویذات عطاریہ کا بستہ بھی لگایا گیا جہاں سے گونگے بہرے اسلامی بھائیوں نے اپنے اپنے مسائل بیان کر کے تعویذات عطاریہ حاصل کئے ۔(رپورٹ:ملتان ڈویژن ذمہ دار محمد جمال عطاری مدنی شعبہ اسپیشل پرسنز، کانٹینٹ:رمضان رضا عطاری)

تفصیلات کے مطابق 27 جنوری 2024ء کو دعوتِ اسلامی کے عالمی مدنی مرکز فیضان مدینہ کراچی میں قائم اسلامک ریسرچ سینٹر ”المدینۃ العلمیۃ“  میں ماہانہ مدنی مشورے کا سلسلہ ہوا جس میں نگران مجلس المدینۃ العلمیۃ مولانا آصف خان عطاری مدنی نے شرکا کو مدنی پھول دیئے۔

مدنی مشورے میں المدینۃ العلمیۃ کے ریسرچ اسکالرز نے شرکت کی۔

اس موقع پر شرکا کی جانب سے سوالات بھی کئے گئے جن کے مولانا آصف خان عطاری مدنی نے جوابات ارشاد فرمائے۔

مدنی مشورے کے بعد ماہانہ گیارہویں شریف کا اہتمام کیا گیا جس میں ختمِ قادریہ شریف پڑھا گیا۔ اس موقع پر حضرت امام جعفر صادق ، حضرت غوثِ اعظم اور حضرت خواجہ غریب نواز رحمۃ اللہ علیہم سمیت دیگر بزرگانِ دین کو ایصال ثواب کیا گیا۔

آخر میں دعا کا سلسلہ ہوا جس میں بالخصوص اسلامک ریسرچ سینٹر کے اسکالرز کے مرحومین کے لئے بھی مغفرت کی دعا کی گئی ۔

اللہ و رسول کے فضل وکرم اور فیضانِ اولیاء سے عاشقانِ رسول کی دینی تحریک دعوت اسلامی دنیابھر میں قرآن وسنت کا پیغام عام کرنے میں مصروف ہے۔دعوتِ اسلامی کے تحت ہونے والے مختلف دِینی کاموں کی اپڈیٹس عاشقانِ رسول تک پہنچانے کے لیے نئے نئے اِقدامات اپنائے جاتے ہیں،انہی میں سے ایک تنظیمی ویب سائٹ www.dawateislami.org بھی ہے۔

اس ویب سائٹ کو ٹیکنالوجی کےجدیدتقاضوں کو مدنظر رکھتے ہوئے خوبصورت انداز سے ڈیزائن کیاگیاہے۔اس ویب سائٹ پربالخصوص ذمہ دارانِ دعوت اسلامی کو اپڈیٹ رکھنے کے لیے مختلف موضوعات پر ڈیٹا اپ لوڈ کیا جاتاہے،آئیے!اس کی ایک جھلک ملاحظہ کیجئے۔

· دعوتِ اسلامی کاتنظیمی اسٹرکچر

· تنظیمی اپڈیٹس

· امیراہلسنت مولانا الیاس قادِری دامت برکاتہم العالیہ کا تعارف

· جانشینِ امیراہلسنت مولاناعبیدرضا عطاری مدنی کاتعارف

· دعوت اسلامی کی مرکز ی مجلس شوری کاتعارف

· تنظیمی تقسیم کاری

· پاکستان اور انٹرنیشنل افئیرز میں کام کرنے والے شعبہ جات کی معلومات

· تنظیم سے وابستہ افراد کی ذمہ داریوں کی تقسیم کاری اور ان کے کام کرنے کاانداز اورتربیت سے متعلق امیراہلسنت مولانا الیاس قادِری،نگرانِ شوریٰ حاجی محمد عمران عطاری اوردیگر اراکینِ شوریٰ کی تنظیمی تربیتی ویڈیوز کو بھی اپ لوڈکیاگیا ہے۔

· اس ویب سائٹ کی ایک خصوصیت یہ بھی ہے کہ اس میں نگران پاکستان مشاورت ورکن شوری حاجی محمد شاہد عطاری نے جودعوت اسلامی کے ذمہ داران کومختلف اوقات میں 12دینی کام کورس کروائے ہیں،اس کی ویڈیوزاپ لوڈ ہیں۔

· مختلف تنظیمی ایونٹس جیسے رمضان اعتکاف،اجتماعی قربانی وچرم قربانی ،ہفتہ واراجتماعات،بڑی راتوں کے اجتماعات اورعطیات جمع کرنے سے متعلق ویڈیوز کواپلوڈکیاگیا ہے۔

· ویب سائٹ پر 12دینی کام کورس اردوزبان کے علاوہ تامل زبان (Tamil Language) میں بھی اپ لوڈہے۔

· UC نگران کورس،فیضان ِنماز کورس اورذیلی نگران کورس بھی اپلوڈ ہیں۔

مزید تفصیلات کے لیےویب سائٹ وزٹ کیجئے ۔https://www.dawateislami.org/

پاکستان مشاورت آفس/13رجب شریف 1445ھ،25جنوری 2024ء

اللہ تعالٰی سے دعا ہے کہ مجھے اس تحریر میں حق سچ بیان کرنے کی توفیق عطا فرمائے آمین ثم 

ایت کے معنی یہ ہے کہ اے بنی اسرائیل کیا تمہاری پہلے لوگ حضرت یعقوب علیہ الصلوۃ والسلام کے اخری وقت ان کے پاس تھے جس وقت انہوں نے اپنے بیٹوں کو بلا کر ان سے اس لام و توحید کا اقرار لیا تھا اور یہ اقرار لیا تھا جو ایت میں مذکور ہے (( پارہ نمبر1 سورہبقرہ آیتنمبر133 ))((و الہ ابائک )) اور تمہارے باپ دادا کے معبود حضرت اسماعیل علیہ الصلوۃ والسلام کو حضرت یعقوب علیہ الصلوۃ والسلام کے اباء یعنی باپوں میں داخل کیا حالانکہ آپ علیہ الصلوۃ والسلام حضرت یعقوب علیہ الصلوۃ والسلام کے حقیقی والد نہ تھے یہ اس لیے کہ آپ علیہ الصلوۃ والسلام ان کے چچا ہیں اور چچا بامنزلہ باپ کے ہوتا ہے جیسا کہ حدیث شریف میں ہے آپ علیہ السلام کا نام حضرت اسحاق علیہ السلام سے پہلے ذکر فرمایا دو وجہ سے ایک تو یہ کہ آپ حضرت اسحاق علیہ الصلوۃ والسلام سے 14 سال بڑے ہیں اور دوسرا اس لیے کہ آپ سید عالم صلی اللہ علیہ وسلم کے اباء میں سے ہیں اللہ پاک قرآن پاک میں ارشاد فرما تا ہے

((وذکر عبدنا ابراھیم و اسحق و یعقوب ))

ترجمہ [[ اور ہمارے بندوں ابراھیم اسحق اور یعقوب کو یاد کرو ]] (( سورہ ص پارہ نمبر 23 آیت نمبر 47 ))

اس ایت اور اس کے بعد والی دو ایات کا خلاصہ یہ ہے کہ اے پیارے حبیب صلی اللہ تعالی علیہ وسلم ہماری عنایتوں والے خاص بندوں حضرت ابراہیم علیہ الصلاة والسلام ان کے بیٹے حضرت اسحاق علیہ الصلوۃ والسلام اور ان کے بیٹے حضرت یعقوب علیہ الصلوۃ والسلام کو یاد کریں کہ انہیں اللہ تعالی نے علمی اور عملی قوت عطا فرمائی جن کی بنا پر انہیں اللہ تعالی کی معرفت اور عبادت پر قوت حاصل ہوئی بے بیشک ہم نے انہیں ایک کھری بات سے چن لیا اور وہ بات اخرت کے گھر کی یاد ہے کہ وہ لوگوں کو آخرت کی یاد دلاتے اور کثرت سے آخرت کا ذکر کرتے اور دنیا کی محبت نے ان کے دلوں میں جگہ نہیں پائی اور بیشک وہ ہمارے نزدیک بہترین چنے ہوئے بندوں میں سے ہیں

( (وَاِنَّھُمْ عِنْدَنَا )) اور بیشک وہ ہمارے نذدیک"

امام فخرالدین رازی رحمۃاللہ علیہ فرماتے ہیں:

اس آیت سے علما نے انبیا کرام علیھم الصلٰة السلام کی عِصمَت(یعنی گناہ سے پاک ہونے)پر استدلال کیا ہے کیونکہ اللہ تعالیٰ نے اس آیت میں کسی قید کے بغیر[ اخیار ]فرمایااور یہ بہتری ان کے تمام افعال اور صفات کو عام ہے

حضرت اسحاق علیہ السلام حضرت اسماعیل علیہ السلام سے چودہ سال چھوٹے تھےجب حضرت ابراہیم علیہ السلام کو حضرت اسحاق علیہ السلام کی خوشخبری دی گئ اس وقت حضرت ابراہیم علیہ السلام کی عمر مبارک سو (100)سال تھی اور آپ کی والدہ کی عمر مبارک نوے(90) سال تھی۔

اللہ پاک قرآن پاک میں ارشاد فرماتا ہےکہ ہم نے حضرت اسحاق علیہ السلام کی خوشخبری دی کہ وہ غیب کی خبریں بتانے والے اور ہمارے خاص اجر والے نبی ہونگے ۔اور ہم نے حضرت اسحاق علیہ السلام اور ان کی اولاد پر اپنی برکت نازل کی۔ان میں کچھ اچھا کام کرنے والے ہیں اور کچھ لوگ اپنی جانوں پر کھلا ظلم کرتے ہیں۔ (( سورہ صفت آیت 112 تا 113 ))

اللہ تعالیٰ نے قرآن پاک میں بہت سے مقامات پر حضرت اسحاق علیہ السلام کی تعریف کی ہے۔

اس سے پہلے ہم آپ کو حضرت ابوھریرہ رضی اللہ عنہ سے مروی ایک حدیث بیان کرتے ہیں:

کریم ابن کریم ابن کریم ابن یوسف بن یعقوب بن اسحاق بن ابراہیم علیہ السلام اہلِ کتاب کا کہنا ہے کےحضرت اسحاق علیہ السلام نے اپنے بابا کی زندگی میں ہی رفقا بنت بنو ابیل سے شادی کرلی تھی۔

اس وقت آپ کی عمر چالیس سال تھی اور رفقا بانجھ تھی۔

آپ نے اپنے رب سے اولاد کی دعا کی تو آپ کے رب تعا لیٰ نے آپ کی دعا قبول کرتے ہوۓ دو جڑواں بیٹے دۓ۔

آپ کے بڑے بیٹے کا نام عیسو تھا ۔عرب اسے عیص کہ کر بلاتے تھے۔ آپ روم کے جدِامجد تھے۔ آپ کے دوسرے بھائی آپ کی ہم شکل تھے کیونکہ وہ آپ کے جڑواں بھائی تھے وہ حضرت یعقوب علیہ السلام ہیں۔ بنو اسرائیل آپ کی طرف منسوب ہے۔

اہلِ کتاب کے مطابق حضرت اسحاق علیہ السلام اپنے بڑے بیٹے عیسو سے زیادہ پیار کرتے تھے۔اس لیۓ کہ وہ آپ کے بڑے بیٹے تھے۔اور حضرت اسحاق علیہ السلام کی بیوی رفقا حضرت یعقوب علیہ السلام سے زیادہ پیار کرتی تھی کیونکہ وہ آپ کے چھوٹے بیٹے تھے۔

اللہ تعالٰی ہمیں انبیاء کرام علیہ السلام کے راستے پر چلنے کی توفیق عطا فرمائے اور ہمیں ان کی شان بیان کرنے کی توفیق عطا فرمائے

(( آمین ثم آمین ))

فلاحی کاموں کے ذریعے امتِ مسلمہ کی خیرخواہیِ کرتے ہوئے دعوتِ اسلامی نے اپنے شعبے FGRF کے تحت اورنگی ٹاؤن سیکٹر 14/B کراچی (نزد بنگلہ بازار روڈ)میں ”مدنی کلینک“ کا افتتاح کردیا ہے جہاں شرعی تقاضوں کے عین مطابق مرد و خواتین کے لئے الگ الگ اسٹاف سمیت کم فیس میں علاج معالجے کی بہترین سہولت فراہم کی جائے گی۔

افتتاحی تقریب میں دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری نے سنتوں بھرا بیان کیا جس میں ڈاکٹر حضرات، ذمہ داران اور علاقے کے اسلامی بھائی شریک ہوئے۔

دعوتِ اسلامی کے عالمی مدنی مرکز فیضان مدینہ کراچی میں 27 جنوری 2024ء کو عظیم الشان ”اجتماع ختم بخاری شریف“ کا انعقاد کیا گیا جس میں ملک کے مختلف شہروں سے تعلق رکھنے والے طلبائے کرام نے شر کت کی جبکہ اجتماع ختم بخاری کو ملک و بیرون مدنی چینل پر مختلف مقامات پر دیکھا گیا۔

اجتماع ختم بخاری میں خلیفہ امیر اہلسنت، مفتیانِ کرام، نگرانِ شوریٰ و اراکین شوریٰ اور دیگر عاشقانِ رسول بھی موجود تھے۔ اجتماع کا باقاعدہ آغاز تلاوتِ قرآن پاک اور نعتِ رسول مقبول صلَّی اللہ علیہ واٰلہٖ وسلَّم سے ہوا۔

ختم بخاری شریف کے اجتماع میں استاذ الحدیث مفتی محمد حسان عطاری مدنی مُدَّ ظِلُّہُ العالی نے ”بخاری شریف“ اور امام بخاری کی سیرتِ مبارکہ پر روشنی ڈالی اور طلبہ کے سامنے مزید علم حاصل کرنے کے فضائل و آداب پر بیان کیا۔

شیخ طریقت امیر اہلسنت حضرت علامہ مولانا محمد الیاس عطار قادری دامت بَرَکَاتُہمُ العالیہ نے تقریب میں بخاری شریف کی آخری حدیث پڑھ کر سنائی اور طلبہ کو خاص نصیحت کرتے ہوئے فرمایا کہ درسِ نظامی (عالم کورس) کرنے کے بعد علم دین کا یہ سلسلہ رکنا نہیں چاہیے بلکہ اس کو جاری رکھا جائے۔ آپ نے مزید کہا کہ رمضان المبارک کی آمدآمد ہے میری خواہش ہے کہ طلبائے کرام ایک کا ماہ اعتکاف کریں۔

عاشقانِ رسول کی عالمی تحریک دعوتِ اسلامی کے زیرِ اہتمام 22 جنوری 2024ء کو ویلز UK کے سٹی نیوپورٹ (Newport) میں بچوں کو قراٰنِ پاک کی تعلیم دینے کے سلسلے میں مدرسۃ المدینہ کا افتتاح ہوا جس کےلئے Grand اجتماع کا انعقاد کیا گیا۔