دین اسلام وہ واحد دین ہے جس میں ہر بنی نوع انسان کے حقوق کو واضح فرمایا گیا ہے انہی میں سے اولاد کے حقوق بھی ہیں۔ اولاد والدین کا قیمتی اثاثہ ہیں لہذا شریعت مطہرہ کی طرف سے والدین پر کچھ حقوق عائد ہوتے ہیں جنہیں مستحسن طریقے سے پورا کرنا ضروری ہے۔ اللہ پاک فرماتا ہے: یٰۤاَیُّهَا الَّذِیْنَ اٰمَنُوْا قُوْۤا اَنْفُسَكُمْ وَ اَهْلِیْكُمْ نَارًا وَّ قُوْدُهَا النَّاسُ وَ الْحِجَارَةُ عَلَیْهَا مَلٰٓىٕكَةٌ غِلَاظٌ شِدَادٌ لَّا یَعْصُوْنَ اللّٰهَ مَاۤ اَمَرَهُمْ وَ یَفْعَلُوْنَ مَا یُؤْمَرُوْنَ(۶) (پ 28، التحریم: 6) ترجمہ: کنز العرفان: اے ایمان والو!اپنی جانوں اور اپنے گھر والوں کواس آگ سے بچاؤ جس کا ایندھن آدمی اور پتھر ہیں، اس پر سختی کرنے والے، طاقتور فرشتے مقرر ہیں جو اللہ کے حکم کی نافرمانی نہیں کرتے اور وہی کرتے ہیں جو انہیں حکم دیا جاتا ہے۔

آئیے اولاد کے چند حقوق ملاحظہ کرتے ہیں:

1) دینی تعلیم و تربیت: اولاد کا سب سے اہم و مقدم حق ان کی دینی تعلیم و تربیت ہے۔ اسلام کی بنیادی تعلیم اور ارکان کا جاننا ہر مسلمان پر فرض ہے۔ تربیت اولاد کے متعلق ارشاد نبوی ﷺ ہے: اپنی اولاد کو تین خصلتوں کی تعلیم دو: اپنے نبی ﷺ کی محبت، اہل بیت کی محبت اورقرآن پاک کی تعلیم۔ (جامع صغیر، ص 25، حدیث:311)

مزید فرمایا: اپنی اولاد کو نماز کا حکم دو جب وہ سات سال کے ہوں اور انہیں نماز پر مارو جب وہ دس سال کے ہوں اور علیحدگی کر دو ان کے درمیان خواب گاہوں میں۔ (ابو داود، 1/208، حدیث: 494)

2) ادب سیکھانا: اولاد کا ایک حق یہ بھی ہے کہ اسے بڑوں کی عزت اور چھوٹوں سے شفقت کا ذہن دیا جائے۔ چنانچہ فرمان مصطفیٰ ﷺ ہے: اولادکا والد پر یہ حق ہے کہ اس کا اچھا نام رکھے اور اچھا ادب سکھائے۔ (شعب الایمان، 6/400، حدیث: 8658)

ایک جگہ مزید فرمایا: کسی باپ نے اپنے بچے کو ایسا عطیہ نہیں دیا، جو اچھے ادب سے بہتر ہو۔ (ترمذی، 3/383، حدیث: 1959)

مشہور مفسر قرآن ،حکیم الامّت مفتی احمد یار خان نعیمی رحمۃ اللہ علیہ اس حدیث پاک کے تحت فرماتے ہیں: اچھے ادب سے مراد بچے کو دیندار،متقی،پرہیزگار بنانا ہے۔ اولاد کے لئے اس سے اچھا عطیہ کیا ہو سکتا ہے کہ یہ چیز دین و دنیا میں کام آتی ہے۔ ماں باپ کو چاہئے کہ اولاد کو صرف مالدار بنا کر دنیا سے نہ جائیں، انہیں دیندار بنا کر جائیں، جو خود انہیں بھی قبر میں کام آوے کہ زندہ اولاد کی نیکیوں کا ثواب مردہ کوقبر میں ملتا ہے۔ (مراۃ المناجیح،6/565ملتقطاً)

3) نرمی سے پیش آنا: اولاد کا حق یہ بھی ہے کہ ان کے ساتھ نرمی اختیار کی جائے۔ بلا وجہ سختی سے یہ باغی بھی ہو سکتے ہیں جو کہ ان کے لیے دنیا و آخرت میں تباہی کا سبب ہے۔ چنانچہ نبی کریم ﷺ نے فرمایا: اپنی اولاد کے ساتھ نیک سلوک کرو۔ (ابن ماجہ، 4/189، حدیث: 3671)

4) دعا کرنا: دعائے خیر کرنا بھی اولاد کا ایک حق ہے اور کبھی ناگواری کا معاملہ ہو جانے پر بھی بددعا کی طرف رجوع نہ کیا جائے کہ منقول ہے ایک شخص نے حضرت عبداللہ بن مبارک رحمۃ اللہ علیہ کی خدمت میں حاضر ہو کر اپنے بیٹے کی شکایت کی تو آپ نے اس سے پوچھا: کیا تم نے اس کے لیے بددعا کی ہے؟ اس نے کہا: ہاں! فرمایا: اس کو تم نے ہی خراب کیا ہے۔ (مکاشفۃ القلوب، ص 594)

5) خرچ کرنا: حق اولاد میں سے یہ بھی ہے کہ ان کی ضروریات کے مطابق ان پر خرچ کیا جائے۔ جیسا کہ فرمان خاتم النبیین ﷺ ہے: اے ابن آدم! تیرا ضرورت سے زائد مال کو (راہ خدا میں) خرچ کرنا تیرے لیے بہتر ہے اور تیرا اس مال کو روکے رکھنا تیرے لیے برا ہے اور بقدر ضرورت روکنے پر تجھے ملامت نہیں کیا جائے گا اور (خرچ کرنے میں) اپنے اہل و عیال سے ابتدا کر اور اوپر والا ہاتھ نچلے ہاتھ سے بہتر ہے۔

اللہ پاک ہمیں سب کے حقوق کی پاسداری کرنے کی توفیق مرحمت فرمائے۔ آمین بجاہ خاتم النبیین ﷺ

تفصیلی معلومات کے لیے سیدی اعلیٰ حضرت امام احمد رضا خان رحمۃ اللہ علیہ کا جامع رسالہ مشعلۃ الارشاد فی حقوق الاولاد کا مطالعہ کیجئے۔

اللہ تعالیٰ کی عطا کردہ نعمتوں میں سے اولاد بھی ایک نعمت ہے اولاد اللہ کی طرف سے عطا کردہ تحفہ ہیں ہمیں چاہئے کہ اپنی اولاد کو نیک اور پرہیز گار بنائے۔ حضرت جابر بن سمرہ سے روایت ہے کے رسول اکرم نے فرمایا: کوئی شحص اپنی اولاد کو ادب دے وہ اسکے لیے ایک صاع صدقہ کرنے سے بہتر ہے۔ (ترمذى، 3/382، حدیث:1958) اسی طرح اولاد کے متعلق اور مختلف حقوق ملاحظہ فرمائیں:

1۔ والدین پر یہ حق ہے کہ اولاد کو اچھی تربیت دیں یونہی شریعت کا پابند بنائیں انہیں دینی ماحول میں رکھیں اس کے متعلق رسول اکرم ﷺ نے فرمایا: ہر بچہ فطرت پر پیدا ہوتا ہے اس کے والدین اسے یہودی بنائیں نصرانی یا مجوسی۔ (بخاری، 3/298، حدیث: 4775) اس حدیث مبارکہ کا مطلب یہ ہے بچہ تو مسلمان پیدا ہوتا ہے بعد میں اسکے والدین جس طرح چاہے اسے بنا دیں۔

2۔ والدین پر لازم ہے کہ اولاد کو نماز کا حکم دیں نبی کریم ﷺ نے فرمایا: اپنی اولاد کو نماز کا حکم دو جب وہ سات سال کے ہوں اور ان کو نماز چھوڑنے پر ما رو جب وہ دس سال کے ہوں۔ (ابو داود، 1/208، حدیث: 494) عبداللہ بن مسعود فرماتے ہیں: اپنے بچوں کی نماز کے بارے میں حفاظت کرو۔

3۔ دنیا و آخرت میں بلندی کا باعث اولاد کی نیک تربیت ہے جس طرح دنیا میں عزت سکون و راحت کا ذریعہ بنتی ہے اس طرح مرنے کے بعد بھی صد قہ جاریہ بن جاتی ہے، رسول اکرم ﷺ نے فرمایا: جب انسان فوت ہو جاتا ہے اسکے عمال ختم ہو جاتے ہیں سوائے تین اعمال کے ان میں سے ایک نیک اولاد ہے۔ (مسلم، ص 684، حدیث: 4223)

4۔ رسول اکرم ﷺ نے فرمایا: جب تمہاری اولاد دس سال کی ہو جائے تو اسے نماز چھوڑنے پر مارو اور ان کے بستر الگ کر دو۔(ابو داود، 1/208، حدیث: 494)

5۔ اولاد کا حق وراثت میں اولاد اگر بیٹا ہو تو 2 حصہ اور اگر بیٹی ہو تو ایک حصہ ہے رسول پاک ﷺ نے فرمایا: اولاد زندہ پیدا ہو تو اس پر نماز بھی پڑھی جائے اور وراث بھی بنایا جائے۔ (ابن ماجہ، 2/222، حدیث: 1508)

اولاد اللہ تعالیٰ کی نعمتوں میں سے ایک عظیم نعمت ہے جس کی پیدائش پر خوشی اور مسرت کا اظہار کرنا اور اس کے فضل و شکر بجالانا، تقاضائے بندگی میں ہے، لیکن ان كی تربیت کرنا ہماری ایک اہم ذمہ داری ہے۔

یٰۤاَیُّهَا الَّذِیْنَ اٰمَنُوْا قُوْۤا اَنْفُسَكُمْ وَ اَهْلِیْكُمْ نَارًا وَّ قُوْدُهَا النَّاسُ وَ الْحِجَارَةُ عَلَیْهَا مَلٰٓىٕكَةٌ غِلَاظٌ شِدَادٌ لَّا یَعْصُوْنَ اللّٰهَ مَاۤ اَمَرَهُمْ وَ یَفْعَلُوْنَ مَا یُؤْمَرُوْنَ(۶) (پ 28، التحریم: 6) ترجمہ: کنز العرفان: اے ایمان والو!اپنی جانوں اور اپنے گھر والوں کواس آگ سے بچاؤ جس کا ایندھن آدمی اور پتھر ہیں، اس پر سختی کرنے والے، طاقتور فرشتے مقرر ہیں جو اللہ کے حکم کی نافرمانی نہیں کرتے اور وہی کرتے ہیں جو انہیں حکم دیا جاتا ہے۔

تفسیر صراط الجنان میں ہے: یعنی اے ایمان والو! اللہ تعالیٰ اور ا س کے رسول ﷺ کی فرمانبرداری اختیار کرکے، عبادتیں بجالا کر، گناہوں سے باز رہ کر،اپنے گھر والوں کو نیکی کی ہدایت اور بدی سے ممانعت کرکے اور انہیں علم و ادب سکھا کراپنی جانوں اور اپنے گھر والوں کواس آگ سے بچاؤ جس کا ایندھن آدمی اور پتھر ہیں۔

یہاں آدمی سے کافر اور پتھر سے بت وغیرہ مراد ہیں اور معنی یہ ہے کہ جہنم کی آگ بہت ہی شدید حرارت والی ہے اور جس طرح دنیا کی آگ لکڑی وغیرہ سے جلتی ہے جہنم کی آگ اس طرح نہیں جلتی بلکہ ان چیزوں سے جلتی ہے جن کا ذکر کیا گیا ہے۔

مزید فرمایا کہ جہنم پر ایسے فرشتے مقرر ہیں کہ جو جہنمیوں پر سختی کرنے والے اور انتہائی طاقتورہیں اور ان کی طبیعتوں میں رحم نہیں، وہ اللہ تعالیٰ کے حکم کی نافرمانی نہیں کرتے اور وہی کرتے ہیں جو انہیں حکم دیا جاتا ہے۔ (تفسیر خازن، 4/287)

اسلام نے اولاد کے حقوق مقرر کیے ہیں ان میں سے پانچ حقوق درج ذیل ہیں:

1۔ والد پر اولاد کا پہلا حق یہ ہے کہ ان کے لیے نیک ماں کا انتخاب کرے جو اسلام کے اصولوں کے مطابق انکی پرورش کرے۔

2۔ زندگی کی حفاظت یعنی استقرار حمل کے بعد اسے ضائع کرنے یا ولادت کے بعد اسے قتل کرنے سے پرہیز کرے۔ اللہ تعالیٰ ارشاد فرماتا ہے: وَ لَا تَقْتُلُوْۤا اَوْلَادَكُمْ مِّنْ اِمْلَاقٍؕ-نَحْنُ نَرْزُقُكُمْ وَ اِیَّاهُمْۚ-(پ 8، الانعام: 151) ترجمہ: اور اپنی اولاد کو تنگ دستی کے ڈر سے قتل نہ کرو، ہم ہی تمہیں اور انہیں رزق دیتے ہیں۔

حضرت عبد اللہ بن مسعود رضی اللہ عنہ کہتے ہیں کہ میں نے اللہ کے رسول ﷺ سے سوال کیا: اللہ تعالیٰ کے نزدیک سب سے بڑا گناہ کیا ہے؟ اللہ کے رسول ﷺ نے جواب دیا: اللہ کے ساتھ شریک ٹھہرائے حالانکہ اسی نے تجھے پیدا کیا، میں نے کہا: یہ تو بہت بڑا جرم ہے، پھر اسکے بعد کیا؟ آپ ﷺ نے فرمایا: تو اپنے بچے کو اس ڈر سے قتل کردے کہ وہ تیرے ساتھ کھائے گا، میں نے عرض کیا: پھر اسکے بعد کیا؟ آپ نے فرمایا: یہ کہ تو اپنے پڑوسی کی بیوی کے ساتھ زنا کرے۔ (جہنم میں لے جانے والے اعمال، 2/474)

3۔ ایک حق یہ ہے کہ بچے کی ولادت کے بعد اسکا اچھا نام رکھے کہ ولادت کہ بعد نام والد کی طرف سے بچے کے لیے پہلا تحفہ ہے۔

4۔ والدین پر اولاد کا ایک حق یہ ہے کہ انکے لیے مناسب قیام طعام اور تعلیم و تربیت کا انتظام کرے۔

5۔ اولاد کا ایک حق یہ بھی ہے کہ اولاد کے ساتھ نرمی اور شفقت کے ساتھ پیش آے۔

10 جنوری 2025ء کو نیکی کی دعوت عام کرنے والی عاشقانِ رسول کی دینی تحریک دعوتِ اسلامی کے تحت صوبہ بلوچستان   کی ذمہ داران کا بذریعہ انٹرنیٹ مدنی مشورہ ہوا جس میں صوبائی، ڈویژن، ڈسٹرکٹ اور میٹروپولیٹن نگران اسلامی بہنیں شریک ہوئیں۔

راولپنڈی شہر سے بذریعہ انٹرنیٹ نگرانِ پاکستان مجلسِ مشاورت اسلامی بہن نے رمضان ڈونیشن 2025ء کے اہداف کا فالو اپ لینے کے حوالے سے کلام کیا۔اس کے علاوہ نگرانِ پاکستان مجلسِ مشاورت نے رمضان ڈونیشن اہداف لینے، اہداف کو پورا کرنے اور ماتحت ذمہ داران میں اہداف تقسیم کرنے کا طریقہ کار بتایا نیز ڈونیشن کے دوران آنے والے مسائل کا حل بھی بیان کیا۔ 

پاکستان کے صوبہ گلگت بلتستان میں ہونے والے دینی کاموں کے سلسلے میں 10 جنوری 2025ء کو  دعوتِ اسلامی کے تحت صوبائی، ڈویژن، ڈسٹرکٹ اورتحصیل نگران اسلامی بہنوں کا آن لائن مدنی مشورہ منعقد کیا گیا۔

اس موقع پر نگرانِ پاکستان مجلسِ مشاورت اسلامی بہن نے ذمہ دار اسلامی بہنوں سے گفتگو کرتے ہوئے رمضان ڈونیشن 2025ء کے اہداف کا فالو اپ لیا جبکہ رمضان ڈونیشن اہداف لینے، اہداف کو پورا کرنے اور ماتحت اسلامی بہنوں میں اہداف تقسیم کرنے کا طریقۂ کار بھی بتایا ۔ 

پاکستان کے صوبہ خیبرپختونخوا میں ہونے والے دینی کاموں کا جائزہ لینے کے لئے 11 جنوری 2025ء کو  دعوتِ اسلامی کے تحت صوبائی، ڈویژن، ڈسٹرکٹ اور میٹروپولیٹن نگران اسلامی بہنوں کا آن لائن مدنی مشورہ ہوا۔

11 جنوری 2025ء   کو عالمی سطح کی دینی تحریک دعوتِ اسلامی کے تحت کراچی کے علاقے صدر میں موجود جامعۃ المدینہ گرلز رینج روڈ میں دورۃ الحدیث شریف کی طالبات کے ساتھ بذریعہ انٹرنیٹ ایک سیشن ہوا۔

اس دوران نگرانِ پاکستان مجلسِ مشاورت اسلامی بہن نے طالبات کو جامعۃ المدینہ گرلز سے فارغ التحصیل ہونے کے بعد دعوتِ اسلامی کے مختلف شعبہ جات میں دینی کام کرنے کی ترغیب دلائی اور انہیں تحائف سے بھی نوازا۔

آخر میں دورۃ الحدیث شریف کی طالبات نےدینی کاموں میں بڑھ چڑھ کر حصہ لینے کے لئے نگرانِ پاکستان مجلسِ مشاورت کو اچھی اچھی نیتیں پیش کیں۔

عاشقانِ رسول کی دینی تحریک دعوتِ اسلامی کے تحت 9 جنوری 2025ء کو آن لائن مدنی مشورہ ہوا جس میں نگرانِ پاکستان مجلسِ مشاورت، سب کانٹیننٹ نگران اور شعبہ ذمہ دار اسلامی بہنیں شریک ہوئیں۔

ابتداءً دعوتِ اسلامی کی نگرانِ عالمی مجلسِ مشاورت اسلامی بہن نے ویلکم رمضان کورس اور فرشتوں کی عید کورس کے متعلق کلام کرتے ہوئے زیادہ سے زیادہ مقامات پر یہ کورسز کروانے نیز مختلف زبانوں میں ان کورسز کو ٹرانسلیٹ کروانے پر مشاورت کی۔

علاوہ ازیں عالمی سطح کی مدنی کورسز ذمہ دار اسلامی بہن نے بھی شرکا اسلامی بہنوں کی مختلف امو رپر رہنمائی کی اور انہیں دعوتِ اسلامی کے دینی کاموں میں عملی طور پر حصہ لینے کا ذہن دیا۔

تعلیمِ قراٰن عام کرنے اور لوگوں کے دلوں میں علمِ دین کی شمع  جلانے والی عالمی سطح کی دینی تحریک دعوتِ اسلامی کے تحت ملک و بیرونِ ملک میں نیکی کی دعوت عام کرنے کا سلسلہ جاری و ساری ہے۔

معلومات کے مطابق پاکستان بھر میں عاشقانِ رسول کی دینی تحریک دعوتِ اسلامی کے تحت دسمبر 2024ء میں اسلامی بہنوں کے درمیان جو جو دینی کام ہوئے اُن کی تفصیل درج ذیل ہیں۔

٭روزانہ گھر درس دینے والی اسلامی بہنوں کی تعداد:10 لاکھ 32 ہزار 479 (10,32,479)۔

٭روزانہ امیرِ اہلِ سنت دامت بَرَکَاتُہمُ العالیہ کا بیان / مدنی مذاکرہ سننے والی اسلامی بہنوں کی تعداد:2 لاکھ 17 ہزار 409 (217,409)۔

٭بڑی عمر کی اسلامی بہنوں کے لئے لگنے والے مدرسۃ المدینہ بالغات کی تعداد:12 ہزار 626 (12,626)۔

٭ان مدرسۃ المدینہ بالغات میں پڑھنے والی اسلامی بہنوں کی تعداد:1 لاکھ 10 ہزار 246 (110,246)۔

٭اسلامی بہنوں کے ہفتہ وار سنتوں بھرے اجتماعات کی تعداد:11 ہزار 186 (11,186)۔

٭ان اجتماعات میں شرکت کرنے والی اسلامی بہنوں کی تعداد:4 لاکھ 16 ہزار 402 (416,402)۔

٭ہفتہ وار علاقائی دورہ برائے نیکی کی دعوت میں شریک اسلامی بہنوں کی تعداد:36 ہزار 782 (36,782)۔

٭ہفتہ وار رسالہ پڑھنے / سننے والی اسلامی بہنوں کی تعداد:7 لاکھ 42 ہزار 72 (742,072)۔

٭اسلامی بہنوں سے وصول ہونے والے نیک اعمال کے رسائل کی تعداد:1 لاکھ 76 ہزار 417 (176,417)۔

٭اسلامی بہنوں کے درمیان ہونے والے کورسز کی تعداد:2 ہزار 345 (2,345)۔

ماہِ  دسمبر میں اسلامی بہنوں کے مختلف شعبہ جات میں ہونے والے کورسز کی مجموعی کارکردگی کچھ یوں رہی ۔

(1)شعبہ مدرسۃ المدینہ گرلز :

دسمبر 2024 پاکستان میں اجیر اسلامی بہنوں کے لئے ٹیچر ٹریننگ سیشن اور نظامت سیشن منعقد کیے گئے۔ یہ سیشنز فزیکل اور آن لائن کروائے گئے۔ یہ سیشنز اردو زبان میں منعقد کیے گئے۔جبکہ بیرونِ ملک میں ترکیب نہیں ہوئی۔

(2)شعبہ فیضانِ صحابیات :

دسمبر 2024 پاکستان میں تمام اسلامی بہنوں کیلئے رہائشی فیضا ن نماز کورس، فیضان ایمانیات کورس اور کفن دفن کورس منعقد کیے گئے۔ یہ کورسز فزیکل اور اردو زبان میں کروائے گئے۔

جبکہ بیرونِ ملک میں ذمہ داران ، teenagers اور تمام اسلامی بہنوں کیلئے دینی کام کورس اور سیشن، Prayer Enlighten course for teenagers، سیکھنےسکھانےکادینی حلقہ کورس، The dazzling path(kul waqti).، فیضان نماز کورس اور سیشن اور کفن دفن کورس منعقد کروائے گئے۔ یہ سیشنز اور کورسز فزیکل کروائے گئے۔ یہ کورسز بنگلہ، اردو اور انگلش میں منعقد کیے گئے۔

(3)شعبہ قرآن ٹیچر ٹریننگ :

دسمبر 2024 پاکستان میں ایسی اسلامی بہن جنہو ں نے ناظرہ قرآن پاک تجوید کے ساتھ پڑھا ہو اور تدریس کی خواہش رکھتی ہو اور تمام اسلامی بہنوں کیلئے مدنی قاعدہ کورس،قرآن ٹیچنگ کورس،تجوید القرآن کورس،کل وقتی کورسز اور رہائشی کورس منعقد کروائے گئے۔یہ کورسز آن لائن اور فزیکل کروائے گئے۔ یہ کورسز اردو زبان میں کروائے گئے۔

جبکہ بیرونِ ملک ایسی اسلامی بہن جس نے مدنی قاعدہ پڑھا ہو اور ناظرہ قرآن کریم پڑھ سکتی ہو کیلئےمدنی قاعدہ کورس،قرآن ٹیچنگ کورس اور تجوید القرآن کورس منعقد کروائے گئے۔ یہ کورسز آن لائن اور فزیکل منعقد کروائے گئے۔ یہ کورسز اردو،بنگلہ اور انگلش زبان میں کروائے گئے۔

(4)شعبہ روحانی علاج :

دسمبر 2024 پاکستان میں مدنی انتخاب میں OK ہونے والی اسلامی بہنوں کے لیے روحانی علاج سیشن منعقد کیا گیا۔ یہ سیشن فزیکل اور اردو زبان میں کروایا گیا۔

جبکہ بیرونِ ملک میں یہ سیشن فزیکل اور اردو زبان میں منعقد کیا گیا۔

(5)شعبہ کفن دفن :

دسمبر 2024 پاکستان میں عوام و لواحقات اسلامی بہنوں کے لئےغسل میت و کفن کورس اجتماع اور عدت و سوگ کے مسائل سیشنز منعقد کیے گئے۔ یہ سیشنز فزیکل اور آن لائن کروائے گئے۔ یہ سیشنز اردو زبان میں منعقد کیے گئے۔

جبکہ بیرونِ ملک میں عوام و ذمہ داران کے لئے غسل میت و کفن سیشن اور عدت و سوگ کے مسائل پر سیشن منعقد کیے گئے۔ یہ سیشنز فزیکل اور آن لائن کروائے گئے۔ یہ سیشنز اردو، بنگلہ اور انگلش زبان میں منعقد کروائے گئے۔

(6)شعبہ مدنی کورسز :

دسمبر 2024 میں پاکستان میں تمام اسلامی بہنوں کیلئے طہارت سیشن،زندگی کی کہانیاں،جنت و دوزخ کیا ہیں؟،میرا راستہ میری منزل،نماز سیشن،حسن کردار سیشن، عمرہ سیشن، بیٹی کا کردار، فیضان زکوۃ، جنت کا راستہ، مریض کی نماز سیشن،فیضان ایمانیات سیشن، خود کو سنواریں، نیکیاں اور نیت،hidden wall،stages of life،فضائل صبر و شکر، حب اہل بیت سیشن، new year’s resolution، تربیت اولاد، قصیدہ بردہ شریف، تفسیر سورہ مطففین،تفسیر سورہ دخان، تفسیر سورہ ملک،تفسیر سورہ حاقہ، تفسیر سورہ النزعٰت، تفسیر سورہ فجر،تفسیر سورہ بروج، تفسیر سورہ انشقاق، تفسیر سورہ منافقون، تفسیر سورہ واقعہ، تفسیر سورہ بلد، تفسیر سورہ شمس،تفسیر سورہ لیل، تفسیر سورہ الضحیٰ، تفسیر سورہ طارق، سیرت مصطفیﷺ،marriage in islam،زندگی پر سکون بنائیے،حسن کردار،فیضان ایمانیات،مفتاح الجنہ، تفسیر سورہ یاسین، تفسیر سورہ یونس، تفسیر سورہ رحمٰن اور تفسیر سورہ مریم سیشنز اور کورسز ہوئے۔ جبکہ بچوں کیلئے زندگی کی کہانیاں اور path of Jannah سیشنز ہوئے، یہ سیشنز اور کورسز فزیکل اور آن لائن منعقد کروائے گئے۔ نیز یہ سیشنز اور کورسز اردو زبان میں کروائے گئے۔

جبکہ بیرونِ ملک یہ سیشنز اور کورسز فزیکل اور آن لائن کروائے گئے۔ یہ سیشنز اور کورسز اردو، بنگلہ، انگلش،عربی، میمنی، تامل اور بلوچی زبان میں منعقد کروائے گئے۔

(7)شعبہ گلی گلی مدرسہ :

دسمبر 2024 میں پاکستان میں بچوں کیلئے path of jannahسیشن منعقد کروایا گیا۔یہ سیشن فزیکل اور اردو زبان میں کروایا گیا۔

جبکہ بیرونِ ملک میں یہ سیشن فزیکل اور اردو زبان میں کروایا گیا۔

(8)شعبہ جامعہ المدینہ :

دسمبر 2024 پاکستان میں طالبات ودیگراسلامی بہنیں کیلئے فہم قرآن سیشن منعقد کیا گیا۔ یہ سیشن فزیکل اور آن لائن ہوا۔ یہ سیشن اردو زبان میں منعقد کروایا گیا۔

جبکہ بیرونِ ملک میں طالبات کیلئے نمازکا عملی طریقہ سیشن کروایا گیا۔ یہ سیشن فزیکل اور آن لائن منعقد کیا گیا۔ یہ سیشن اردو زبان میں کروایا گیا۔

(9)شعبہ نیو سوسائٹیز :

دسمبر 2024 پاکستان میں تمام اسلامی بہنوں کیلئے زندگی کی کہانیاں،نماز کورس، طہارت کورس اور کفن دفن ٹریننگ سیشنز اور کورسز کروائے گئے۔ جبکہ بچوں کیلئے زندگی کی کہانیاں اور جنت کا راستہ سیشنز کروائے گئے۔ یہ سیشنز اور کورسز فزیکل اور اردو زبان میں کروائے گئے۔

(10)شعبہ تعلیم :

دسمبر 2024 پاکستان میں ٹیچرز اور پروفیشنلز،ڈاکٹرز اور اسٹوڈنٹس کیلئے seed of Faith اور Preparation of Heavenکورسز کروائے گئے۔ یہ کورسز فزیکل اور آن لائن منعقد کروائے گئے۔ یہ کورسز اردو زبان میں کروائے گئے۔

جبکہ بیرونِ ملک میں اسٹوڈنٹس کیلئے نبوت اور رسالت، day of judgement، paradise، وضو اور سائنس، my friend my identity، بیٹی کو کیسا ہونا چاہیئے، اخلاقیات، والدین کے حقوق، نئے سال کے بارے میں، basics of Islam، tolerance، Let’s talk about Prophet Isa علیہ السلام اور qualities of a good student کورس اور سیشنز کروائے گئے۔یہ کورس اور سیشنز آن لائن اور فزیکل منعقد کیے گئے۔ یہ کورس اور سیشنز انگلش اور اردو زبان میں کروائے گئے۔

(11)شعبہ حج و عمرہ :

دسمبر 2024 میں پاکستان میں عمرہ پر جانے والیوں کے لیےاور تمام اسلامی بہنوں کیلئے حج/عمرہ سیشن اور رفیق الحرمین کورس منعقد کروائے گئے۔ یہ سیشن اور کورس فزیکل اور آن لائن منعقد کروائے گئے۔ یہ سیشن اور کورس اردو زبان میں کروایا گیا۔

دین اسلام ایک مکمل ضابطہ حیات ہے جہاں وہ انسانیت کے دوسرے شعبوں میں رہنمائی کرتا ہے وہاں یہ اولاد کے حقوق کے لیے بھی رہنمائی کرتا ہے۔ ہم بغیر کسی طوالت کے اولاد کے حقوق کا تذکرہ کرتے ہیں۔

1۔ سب سے پہلا اور اہم حق اولاد یہ ہے جسکا بچے کی پیدائش کے فوری بعد اسلامی اقدار بھی تقاضہ کرتا ہے جیسے کہ جب وہ پیدا ہو تو اس کو پاک و صاف کرکے اسکے کانوں میں اذان کہی جائے اسے گھٹی دی جائے نیز اسکی پیدائش کے ساتویں دن عقیقہ کرکے ایک اچھا اور اسلامی نام بمطابق اسماء النبی و صحابہ کرام و اولیائے کرام تجویز کیا جائے۔

2۔اولاد کے بنیادی حقوق میں سے ایک حق یہ بھی ہے کہ ماں باپ اپنی بساط کے مطابق اسکی پرورش کریں اسے اچھی طرح اپنی استطاعت کے مطابق کھلائیں پلائیں اور اسکو اچھی تعلیم سکھائیں۔

3۔سب سے اہم رکن والدین کی اولاد کو اچھی تربیت کرنا بھی ہے۔ آج جہاں کئی مشرقی و مغربی ممالک کے لوگ پریشان نظر آتے ہیں کہ آخر ہماری اولاد کی تربیت میں کیا کمی رہ گئی ہے آئیے قرآن سے ایک مثال کے ذریعے سیکھتے ہیں کہ اولاد کی تربیت کیسے کی جائے؟

قرآن کے سائے میں اولاد کی تربیت کرنے کا طریقہ: سورہ لقمان کی کچھ آیات میں اولاد کی تربیت کا بہترین سبق دیا گیا ہے یہ وہ آیات ہیں جن میں حضرت لقمان رحمۃ اللہ علیہ کی نصیحت کو اللہ تعالیٰ نے ذکر فرمایا ہے کہ کس طرح حضرت لقمان نے محبت اور نرم دلی سے اپنے بیٹے کو تربیت دی۔

ان آیات شریفہ میں لقمان کے جو الفاظ ذکر فرمائے گئے ہیں ان الفاظ میں سب سے پہلی قابل توجہ بات لقمان کا اپنے بیٹے کو بار بار ”اے میرے بیٹے! کہہ کہہ کر بات کرنا ہے، اپنی اولاد کو اس طرح مخاطب کرنے کے انداز کے ذریعے ہمیں یہ سبق دیا گیا کہ ہم لوگ جب اپنی اولاد کے ساتھ بات کریں خاص طور پر جب انہیں کوئی نصیحت کریں یا انہیں کسی کام کی تربیت دیں تو اپنے اور ان کے رشتے کی یاد دہانی کرواتے رہیں تا کہ ہماری اولاد کے ذہن میں یہ واضح تر ہوتا جائے کہ مجھے یہ سب کچھ سمجھانے والے میرے اپنے والدین ہیں کوئی دشمن نہیں ہیں، پس جو کچھ یہ مجھے سمجھا رہے ہیں وہ یقیناً میرے لیے بہتر ی والا ہے، اس کے ساتھ ساتھ اس انداز تخاطب کا ایک مثبت نفسیاتی اثر اولاد اور والدین کے درمیان محبت میں اضافہ بھی ہے لہذا اس طریقے اور اسکے علاوہ اگر ہم انبیائے کرام و اولیائے عظام کے واقعات پڑھیں تو ہم اولاد کی اچھی تربیت میں کس قدر کامیاب ہوسکتے ہیں۔

4۔ جب اولاد کچھ بڑی ہوجائے تو اسے فن و ہنر سکھائے جس سے وہ اپنا روزگار کما سکے جیسے تجارت وغیرہ۔