پنجاب پاکستان کے شہر گجرات میں قائم دعوتِ سلامی کے جامعۃ المدینہ بوائز میں رکنِ مرکزی مجلسِ شوریٰ حاجی جنید عطاری مدنی کی آمد ہوئی جس دوران رکنِ شوریٰ نے دورہ حدیث (Final Year) کے طلبۂ کرام کے درمیان سنتوں بھرا بیان کرتے ہوئے انہیں کنزالمدارس بورڈ کا تعارف کروایا اور طلبۂ کرام کی جانب سے ہونے والے مختلف سوالات کے جوابات دیئے۔

بعدازاں کنسلٹنٹ و لیگل ایڈوائزر کنزالمدارس بورڈ پروفیسر جاوید اسلم باجوہ عطاری نے طلبۂ کرام کی ایجوکیشنل اور Enhasment skills کو بہتر کرنے کے حوالے سے تربیت و رہنمائی کی۔(رپورٹ:حافظ ساجد سلیم عطاری مدنی، کانٹینٹ:غیاث الدین عطاری)

دعوت اسلامی کے زیراہتمام 28 جولائی تا یکم اگست  2021ء تک یوکے اسکاٹ لینڈ ریجن میں گلاسگو اور ایڈنبرگ ( Glasgow and Edinburgh)میں ہفتہ وار سنتوں بھرے اجتماعات کا انعقاد کیا گیا جن میں کم و بیش98 اسلامی بہنوں نے شرکت کی۔

مبلغات دعوت اسلامی نے ”فیضان عثمان غنی رضی اللہ عنہ“کے موضوع پر بیانات کئے اور اجتماعات میں شریک اسلامی بہنوں کو دعوتِ اسلامی کے دینی کاموں کے بارے میں بریفنگ دیتے ہوئے دعوتِ اسلامی کے دینی ماحول سے وابستہ رہنے، ہفتہ وار اجتماع میں باقاعدگی سے شرکت کرنے اور دینی کاموں میں عملی طور پر شرکت کرنے کی ترغیب دلائی۔

دعوتِ اسلامی کے زیرِ اہتمام گزشتہ دنوں اسلام آباد ریجن وزیر آباد کابینہ ذمہ  دار اسلامی بہنوں کا مدنی مشورہ ہوا جس میں اسلام آباد ریجن نگران اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے تربیت کی اور ذیلی حلقوں کو مضبوط بنانے کے حوالے سے کلام کیا نیز سالانہ ڈونیشن کی کارکردگی بڑھانے اور شخصیات اجتماعات کا انعقاد کرنے کا ذہن دیا۔

عالمی مدنی مرکز فیضان مدینہ کراچی میں 18 مارچ 2021ء کو ٹریننگ سیشن کا سلسلہ ہوا جس میں شعبہ مدنی چینل کےمختلف ڈیپارٹمنٹ کے اسٹاف نے شرکت کی۔

مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے سنتوں بھرا بیان کرتے ہوئے فرمایا کہ ہم اپنی اچھی زندگی گزارنے کے لئے بے شمارکوششیں کرتے رہتے ہیں وہیں ہمیں آخرت کے بارے میں بھی فکر کرنے چاہیئے کیونکہ آخرت کی زندگی ابدی ہے۔نگران شوریٰ نے شرکا کو نمازوں کی پابندی کرنے اور اس کی درستگی کے لئے شعبہ کورسز کے تحت ”فیضان نماز کورس“ کرنے کی ترغیب دلائی۔اس موقع پر رکن شوریٰ حاجی محمد امین عطاری بھی موجود تھے۔

دعوتِ اسلامی کے شعبہ کفن دفن للبنات کے زیر اہتمام 13 مارچ 2021ء کو اسپین (Spain) کے ڈویژن بارسلونا (Barcelona) کے علاقے ترینیتات (Trinitat) میں بذریعہ اسکائپ کفن دفن اجتماع کا انعقاد کیا گیا جس میں کم و بیش 24 اسلامی بہنوں نے شرکت کی۔

ذیلی سطح پر مقرر اصلاحِ اعمال ذمہ دار اسلامی بہن نے سنتوں بھرا بیان کیا اور اجتماعِ پاک میں شریک اسلامی بہنوں کو غسل میت کا طریقہ، کفن کاٹنے اور پہنانے کا طریقہ سکھایا گیا نیز مستعمل پانی کے مسائل اور اسراف کے متعلق احکامات بھی بیان کئے۔

دعوت اسلامی کے زیراہتمام مارچ  2021ء کے دوسرے ہفتے اٹلی (Itlay) کی ڈویژن میلان (Milan)کے علاقے گلراتے (Gallarate ) میں بذریعہ اسکائپ سنتوں بھرے اجتماع کا انعقاد کیا گیاجس میں22 اسلامی بہنوں نے شرکت کی ۔

یورپین یونین ریجن نگران اسلامی بہن نے ”آقاﷺ کا سفر معراج“ کے موضوع پر بیان کرتے ہوئے اجتماعِ پاک میں شریک اسلامی بہنوں کو سفر معراج کا خلاصہ بیان کیا نیز حضرت سیدنا امام اعظم ابو حنیفہ رحمۃ اللہ علیہ کا مختصر تعارف بیان کیا۔

شعبہ انٹرنیشنل افیئرز ڈیپارٹمنٹ دعوت اسلامی  کا عالمی مدنی مرکز فیضان مدینہ کراچی میں 12، 13، 14 مارچ 2021ء کو مدنی مشورہ ہوا جس میں پاکستان سمیت ترکی، عرب شریف، انڈونیشیا، اسپین اور سری لنکا کے ریجن ذمہ داران نے براہ راست جبکہU.S.A، U.K، ہند، بنگلہ دیش اور دیگر ممالک کے ریجن ذمہ داران نے آن لائن شرکت کی۔

مدنی مشورے مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی اور اراکین شوریٰ حاجی بلال عطاری، حاجی وقار المدینہ عطاری، حاجی محمد امین قافلہ عطاری، حاجی مولانا عبدالحبیب عطاری نے وقتاً فوقتاً شرکا کی تربیت کی اور مدنی پھول بیان کئے۔ 

دارالافتاء اہل سنت دعوت اسلامی کے زیر اہتمام آج بعد نمازعشاء رات 9:30 بجے الصفہ مدرسۃ المدینہ مہاجر کیمپ نمبر5 بلال مسجد،کراچی میں ”زکٰوۃ سیمینار“منعقد ہونے جارہا ہے۔

سیمینار میں دارالافتاء اہل سنت کے مفتی کفیل عطاری زکٰوۃ کے شرعی و فقہی مسائل پر خصوصی گفتگو فرمائیں گے۔

زکوۃ سیمنار میں جن مسائل پر گفتگو ہونگی ان کی تفصیلات درج ذیل ہیں:

٭زکوۃ کی شرائط کیا ہیں اور ان کی تفصیل! ٭وہ کون کون سے مال ہیں جن پر زکٰوۃ نکالی جائے گی؟ ٭مستحق زکٰوۃ کون کون ہیں؟ ٭زکٰوۃ کی ادائیگی کے اہم مسائل ٭نصاب اور حاجت اصلیہ کسے کہتے ہیں؟ ٭زکوۃ کن 6چیزوں پر فرض ہے؟ ٭کون کون سے رشتہ دار ہیں جن کو زکوٰۃ دیناجائز ہے؟

دعوت اسلامی برمنگھم یوکے ریجن  کے نگران حاجی سید فضیل رضا عطاری نے ڈویژن سطح کے اسلامی بھائیوں کا آن لائن مدنی مشورہ لیا جس میں 105 اسلامی بھائیوں نے شرکت کی۔

مدنی مشورے میں دینی کاموں کی موجودہ پیشرفت کے بارے میں اپڈیٹ فراہم کی گئیں اور اگلے تین ماہ کے اہداف دیئے گئے۔

بعد ازاں رکن شوریٰ حاجی مولانا عبد الحبیب عطاری نے بھی شرکا کو اپنے مدنی پھولوں سے نوازا۔

دارالافتاء اہل سنت دعوت اسلامی کے زیر اہتمام 19 مارچ 2021ء بروز جمعہ بعد نمازعشاء رات 9:30 بجے Pearl Banquetآدم جی نگر، دھوراجی کالونی کراچی میں ”زکٰوۃ سیمینار“منعقد ہونے جارہا ہے۔

سیمینار میں مفتی محمد شفیق عطاری مدنی صاحب زکٰوۃ کے شرعی و فقہی مسائل پر خصوصی گفتگو فرمائیں گے۔

زکوۃ سیمینار میں جن مسائل پر گفتگو ہونگی ان کی تفصیلات درج ذیل ہیں:

٭زکوۃ کی شرائط کیا ہیں اور ان کی تفصیل! ٭وہ کون کون سے مال ہیں جن پر زکٰوۃ نکالی جائے گی؟ ٭مستحق زکٰوۃ کون کون ہیں؟ ٭زکٰوۃ کی ادائیگی کے اہم مسائل ٭نصاب اور حاجت اصلیہ کسے کہتے ہیں؟ ٭زکوۃ کن 6چیزوں پر فرض ہے؟ ٭کون کون سے رشتہ دار ہیں جن کو زکوٰۃ دیناجائز ہے؟

13مارچ 2021ء کی شب عالمی مدنی مرکز فیضانِ مدینہ میں ہفتہ وار مدنی مذاکرے کا سلسلہ ہوا جس میں بانیِ دعوتِ اسلامی حضرت علامہ مولانا محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کو علم و حکمت سے بھرپور مدنی پھول عطا فرمائے۔ عالمی مدنی مرکز فیضانِ مدینہ کراچی میں سینکڑوں جبکہ بیشتر مقامات پر ہزاروں عاشقانِ رسول نے جمع ہوکر اس مدنی مذاکرے میں شرکت کی سعادت حاصل کی۔

مدنی مذاکرے میں امیرِ اہلِ سنت نے مدنی پھول دیتے ہوئے کہا کہ اگر والدین وفات پاجائیں توان کو راضی کرنے کے لئے ان کی قبرپرجانے کا معمول رکھیں اورفاتحہ پڑھیں، اپنے آپ کو گُناہوں سے بچائیں کیونکہ ہرجمعہ کو اولادکے اعمال والدین کو پیش کئے جاتے ہیں ،یہ اولادکی نیکیوں پر خوش اورگناہوں پر رنجیدہ ہوتے ہیں ،جو طاقت رکھتاہووہ ان کے ایصال ِثواب کے لئے مسجدیا مدرسہ بنادے،جوفرض حج کرچکا ہووہ ماں باپ کی طرف سےحج اداکرے ۔

مدنی مذاکرے کےمزید مدنی پھول ملاحظہ فرمائیں

سوال : کیاخطیب اورائمہ کرام کودیگربیانات کےساتھ ساتھ نمازوطہارت کےمسائل بھی بیان کرنےچاہئیں ؟

جواب :جی ہاں! تمام خطیبوں کو چاہئے کہ وہ اپنے بیانات میں تیاری کے ساتھ شرعی احکام بھی سکھائیں ،غسل ، نمازاورسُنّتوں کے بارے میں بتائیں ۔ہربیان میں 4سے5 منٹ نمازکے مسائل بیان کرنے اورسُنتیں سکھانےکے لیے مختص کریں،پھردیکھیں لوگ کتنے متوجہ ہوں گے۔ جب دعوتِ اسلامی کا آغازہواتو میں نمازکے بعد مسجدمیں کھڑاہوجاتا اورلوگوں کو کبھی وضو،کبھی غسل اورکبھی نمازسکھانے کا اعلان کرتا،لوگ دعایا بقیہ نمازکے بعدرک جاتے تھے۔

سوال: امتحان میں کامیابی کا کوئی وظیفہ بتادیجئے ؟

جواب: اہل ِایمان کے لئے سب سے بڑاوظیفہ نمازہے ،مردحضرات پانچوں نمازیں باجماعت ،تکبیرِاُولیٰ کے ساتھ پہلی صف میں اداکریں،اِنْ شَاۤءَ اللہُ الْکَرِیْم دنیاوآخرت میں کامیابی حاصل ہوگی ،جوبھی وظیفہ کریں اس کے ساتھ پانچ وقت کی نمازضروری ہے ،مقاصدکے حصول کے لئے چاہیں تو یہ وظیفہ کرسکتے ہیں ، نمازِعصرکے بعدوہیں بیٹھے بیٹھے یااللہُ یَارَحْمٰنُ یَارَحِیْمُ پڑھتےرہیں، سورج غروب ہوتو اپنی حاجت کی دعاکریں، اِنْ شَاۤءَ اللہُ الْکَرِیْم کامیابی ہوگی

سوال: تلاوت کرنا اوردُرُودشریف پڑھناکیسے وظیفے ہیں ؟

جواب: یہ دونوں بہت بڑے اوربہترین وظیفے ہیں ،تلاوت کے بارے میں ہے کہ اگرکوئی تلاوت کررہا ہے اوراسے دعا کا وقت نہ ملا تو اسے مانگنے سے زیادہ ملے گا اوردُرُودشریف پڑھنے کے فضائل بھی بہت ہیں ،ہرمرض کی دعا ہے صَلِّ عَلیٰ مُحَمَّد ۔

سوال:کیا شعبان کا چانددیکھنے کا ثواب ہے ؟

جواب: جی ہاں !5مہینوں کا چانددیکھنا،واجبِ کفایہ(یعنی اگر کچھ لوگوں نے تلاش کر لیا تو سب کا واجب ادا ہو گیا اور اگر کسی نے بھی تلاش نہ کیا تو سب ترکِ واجب کے مُرتکب ہونے کے سبب گناہ گار ہوئے) ہے: (1)شعبان(2)رمضان(3)شوال(4)ذِیقعدہ(5)ذُو الْحِجَّہ۔(بہارِشریعت،974/1)

سوال: کیا کوئی دنیوی کام شروع کرناہوتو اس کےبارے میں مفتی صاحب سے پوچھ لینا چاہئے؟

جواب: دِین کی سوچ ہونا اورآخرت کی فکرکرنا یہ بہت بڑی سعادت ہے، کوئی بھی کام شروع کرناچاہتے ہوں تو پہلے مفتی صاحب سے پوچھ لینا چاہئے۔

سوال: ماہِ شعبان کی تیاری کس طرح کریں ؟

جواب: اس کے لئے مکتبۃ المدینہ کے رسائل "آقاکا مہینا اورفیضان ِشعبان" کامُطالَعہ کیا جائے،ماہِ شعبان میں تلاوتِ قرآن اور دُرُود شریف کی کثرت کی جائے، نفل روزے رکھے جائیں ،خوب عبادت کی جائے۔

سوال: میں اپنےدوست کا خیال رکھتاہوں مگروہ میراخیال نہیں رکھتا،میں کیا کروں ؟

جواب: ایسے دوست کی دوستی چھوڑدینی چاہئے ،ایک قول ہے کہ اُس سے دوستی نہ کروجو تمہاری فضیلت نہ جانتاہوالبتہ دوستی فقط اللہ پاک کے لئے ہونی چاہئے ، اس لئے نہ ہوکہ وہ مالدارہے وہ کھلاتاپلاتاہے،اس کی باتوں میں لُطف آتاہے اوراس کی ہنسانے والی باتیں اچھی لگتی ہیں یا معاذاللہ وہ اَمْرَدہے ۔

سوال : بہت سے کام ہوں تو سب سے پہلے کون ساکام کرناچاہئے ؟

جواب :یہ دیکھا جائے کہ ان کاموں کی شرعی حیثیت کیا ہے ،جو اُس وقت شرعی طورپر لازم ہوتو اُسے پہلے کیا جائے مثلاًنمازکا وقت ہے تو پہلے نمازپڑھی جائے،اس کے بعداس اصول" نفع حاصل کرنے کے بجائے اپنے آپ کونقصان سے بچانا ضروری ہے " کو سامنے رکھتے ہوئے فیصلہ کریں کہ کون ساکام کروں ؟ عام طورپر بندہ وہ کام کرتاہے جس میں لطف زیادہ آتا ہےیاجس میں تن ِآسانی ہولیکن میں نے جواصول بیان کیا ہے اُسے پیش ِنظررکھیں گے تو فائدہ زیادہ ہوگا۔

سوال: اِس ہفتے کارِسالہ ” ڈرائیور کی موت “پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہنے کیا دُعا دی ؟

جواب:یااللہ پاک ! جو کوئی 17صفحات کا رسالہ” ڈرائیور کی موت“ پڑھ یا سُن لے، اُس کوایمان و عافیت کے ساتھ مدینے میں جلوہ ٔمحبوب صلَّی اللہ علیہ واٰلہٖ وسلَّم میں شہادت اور جنت البقیع میں دفن ہونا نصیب فرما۔اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم

دعوت ِاسلامی کے شعبہ شارٹ کورسز کےتحت گزشتہ دنوں کراچی ریجن میں دو دن کے رہائشی مدنی مشورےکاانعقادہوا جس میں شعبہ شارٹ کورسز کوئٹہ زون ذمہ داراور ان کے ساتھ شعبہ شارٹ کورسز کراچی کی دیگر زونز اور شارٹ کورسز کی پاکستان سطح کی ذمہ داراسلامی بہنوں نے شرکت کی ۔

شارٹ کورسز کی زون ذمہ داراسلامی بہن نے شارٹ کورسز کے تحت ہونے والےدینی کام کو مزید بہتر انداز میں کرنے کیلئے مدنی پھول دئیے نیز عالمی ، پاک و ریجن سطح ذمہ داراسلامی بہنوں نے بھی اس مدنی مشورے میں ذمہ دار اسلامی بہنوں کونکات دیئے۔