پچھلے دنوں ضلع جعفر آباد  ڈیرہ الہ یار شعبہ رابطہ برائے شخصیات دعوت اسلامی کے ذمہ داراسلامی بھائی نے قبائلی رہنما و بینک آفیسر میر حنبیر خان رِنْد سے ملاقات کی ۔

دوران ملاقات ذمہ دار اسلامی بھائی نے دعوت اسلامی کے دینی کاموں کے حوالے سے گفتگو کی اور انہیں 29،28،27 جنوری 2023ء کو عالمی مدنی مرکز فیضان مدینہ کراچی میں ہونے والے مدنی مذاکروں میں شرکت کرنے کی دعوت دی جس پر انہوں نے شرکت کرنے کی نیت کی ۔ (رپورٹ : محمد وقار عطاری شعبہ رابطہ برائے شخصیات بلوچستان/ کانٹینٹ : محمد مصطفیٰ انیس)

اسپیشل پرسنز ڈیپارٹمنٹ کے تحت 24 جنوری 2023ء بروز منگل جوہر ٹاؤن لاہو رمیں قائم مدنی مرکز فیضانِ مدینہ میں اسپیشل ایجوکیشنسٹ کا میٹ اپ ہوا جس میں اسپیشل  ایجوکیشن سے وابستہ سرکاری افسران، ڈائریکٹرز، ٹرینرز، یونیورسٹیز کے پروفیسرز، ڈاکٹر حضرات، تھیراپسٹ اور پرائیویٹ اداروں کے سربراہان سمیت دیگر پروفیشنلز نے شرکت کی۔

دورانِ میٹ اپ دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے مختلف موضوعات پر گفتگو کرتے ہوئے اسپیشل پرسنز کے تعلیمی، مذہبی، فلاحی، اخلاقی اور بحالی اقدامات پر تبادلۂ خیال کیا۔

بعدازاں میٹ اپ میں شریک پروفیشنل حضرات نے رکنِ شوریٰ سے ملاقات کی جبکہ رکنِ شوریٰ نے اُن کے درمیان مکتبۃالمدینہ کے کُتُب و رسائل تقسیم کئے جس پر انہوں نے خوشی کا اظہار کیا۔(رپورٹ:محمد رضوان عطاری مدنی اسپیشل پرسنز ڈیپارٹمنٹ پاکستان آفس، کانٹینٹ:غیاث الدین عطاری)

22 جنوری 2023ء بروز اتوار یوسی 4 چنیسر ٹاؤن کراچی کے وارڈ نمبر 4 میں دعوتِ اسلامی کے زیرِا ہتمام ایصالِ ثواب اجتماع کا انعقاد کیا گیا جس میں وارڈ، یوسی، ٹاؤن مشاورت و نگران  اور مسجد کی انتظامیہ سمیت اہلِ محلہ نے شرکت کی۔

اس اجتماعِ پاک کی ابتداء تلاوتِ قراٰن اور نعتِ رسولِ مقبول صلی اللہ علیہ و سلم سے کی گئی جبکہ مبلغِ دعوتِ اسلامی مولانا ثاقب شاہ عطاری مدنی نے ”مقامِ مصطفیٰ“ اور ”دنیا کی مذمت“ کے موضوعات پر سنتوں بھرا بیان کیا۔

علاوہ ازیں مبلغِ دعوتِ اسلامی نے عاشقانِ رسول کو 12 دینی کاموں میں عملی طور پر حصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ:محمد اشفاق علی عطاری، شعبہ تعلیم، چنیسر ٹاؤن، کانٹینٹ:غیاث الدین عطاری)

اسپیشل پرسنز ڈیپارٹمنٹ دعوتِ اسلامی کے تحت گزشتہ روز پشاور کے علاقے حیات آبا دمیں واقع اسپیشل ایجوکیشن سینٹر میں سیکھنے سکھانے کا حلقہ لگایا گیا جس میں اسٹوڈنٹس سمیت دیگر اسلامی بھائیوں نے شرکت کی۔

پچھلے دنوں شعبہ مدرسۃالمدینہ بوائز دعوتِ اسلامی کے تحت ایک ماہ (20 دسمبر 2022ء تا 20 جنوری 2023ء) کا مدنی قافلہ پاکستان کے شہر گجرات سفر پر روانہ ہوا جس میں گجرات ڈویژن ذمہ مدرسۃالمدینہ بوائز قاری محمد شفاقت عطاری سمیت دیگر اسلامی بھائیوں نے شرکت کی۔

دورانِ مدنی قافلہ اسلامی بھائیوں نے مختلف مساجد میں نیکی کی دعوت دیتے ہوئے عاشقانِ رسول کودعوتِ اسلامی کے دینی کاموں میں شمولیت اختیار کرنے، بالخصوص ایک ماہ کے مدنی قافلے میں سفر کرنے کا ذہن دیا جس پر کئی اسلامی بھائیوں نےاچھی اچھی نیتیں کیں۔

اس کے علاوہ شرکائے مدنی قافلہ کو درس وبیان دینے کا طریقہ سکھایا گیا نیز انہیں ہر سال ایک ماہ کے مدنی قافلے میں سفر کرنے اور دعوتِ اسلامی کے دینی کاموں میں بڑھ چڑھ کر حصہ لینے کی نیت کروائی گئی۔

واضح رہے اس مدنی قافلے میں اسلامی بھائیوں کی کوشش سے کم و بیش 153 عاشقانِ رسول نے ہاتھوں ہاتھ ایک ماہ کے مدنی قافلے میں سفر کرنے کی سعادت حاصل کی۔(رپورٹ:قاری محمد شفاقت عطاری ڈویژن ذمہ دار مدرستہ المدینہ بوائز، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے شعبہ مدنی کورسز کے تحت مدنی مرکز فیضانِ مدینہ علی ٹاؤن سرگودھا میں جاری 63دن پر مشتمل تربیتی کورس کے شرکا کے لئے ایک نشست کا انعقاد کیا گیا۔

نگرانِ سرگودھا ڈویژن مشاورت محمد عادل رضا عطاری نے شرکا کی تربیت و رہنمائی کرتے ہوئے انہیں دعوتِ اسلامی کے 12 دینی کاموں میں بڑھ چڑھ کر حصہ لینے کی ترغیب دلائی جس پر انہوں نے اچھی اچھی نیتیں کیں۔(رپورٹ:محمد بلال عمر عطاری ذمہ دار شعبہ مدنی چینل عام کریں سرگودھا سٹی، کانٹینٹ:غیاث الدین عطاری)

24 جنوری 2023ء بروز منگل دعوتِ اسلامی کے مدنی مرکز فیضانِ مدینہ فیصل آباد میں مدنی مشورے کا انعقاد ہوا جس میں مدرسۃالمدینہ بوائز فیصل آباد کےتمام ناظمین و مدرسین کی شرکت رہی۔

معلومات کے مطابق دورانِ مدنی مشورہ مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے اسلامی بھائیوں سے شعبے کی سابقہ کارکردگی کا جائزہ لیا اور آئندہ کے اہداف طے کئے جس میں مدرسۃالمدینہ بوائز کی ہر برانچ میں مدرسۃالمدینہ بالغات شروع کروانا، 15 سال یا اس سے زائد عمر کے طلبہ کو ذیلی نگران /وارڈ نگران بنانا اور 3 دن کے مدنی قافلوں میں سفر کرنا شامل تھا۔

مزید نگرانِ پاکستان مشاورت نے رمضان عطیات کے حوالےسے شرکائے مدنی مشورہ کی ذہن سازکی اور کہا کہ آئندہ سال کے لئے اپنے مدرسۃالمدینہ بوائز کو خود کفیل بنانا ہے۔

آخر میں نگرانِ پاکستان مشاورت حاجی محمد شاہد عطاری نے اختتامی دعا کروائی۔(رپورٹ:عبدالخالق عطاری نیوز فالواپ ذمہ دار نگران پاکستان مشاورت، کانٹینٹ:غیاث الدین عطاری)

انبیائے کرام عَـلَـيْهِمُ السَّلَام ورسل عظام عَـلَـيْهِمُ السَّلَام کے بعد امیر المؤمنین حضرت سیّدناابوبکر صدیق رضی اللہ عنہ تمام مخلوق میں سب سے افضل اور اعلیٰ ہیں۔ آپ رضی اللہ عنہ وہ خوش نصیب صحابی ہیں جو رسول اللہ صَلَّى اللهُ عَلَيْهِ وَسَلَّمَ کےبچپن کے ساتھی تھے۔

آپ رضی اللہ عنہ عشقِ رسول، خوفِ خدا، علم و حکمت، ایثار، قربانی اور صبر و استقامت کا مثالی نمونہ تھے۔ آپ رضی اللہ عنہ نے مَردوں میں سب سے پہلے ایمان لانے کی سعادت حاصل کی اور زندگی کی آخری سانس تک آپ صَلَّى اللهُ عَلَيْهِ وَسَلَّمَ کی خدمت واطاعت کرتے رہے۔

فیضان اسلامک اسکول سسٹم کے کیمپسز میں طلبہ کو امیر المؤمنین حضرت سیّدنااابوبکر صدیق رضی اللہ عنہ کی سیرت سے آگاہ کرنے کے لئے یومِ صدیق اکبر رضی اللہ عنہ منایا گیا۔اس موقع پر کیمپسز میں خوب صورت چارٹس چسپاں کئے گئے تھے۔

24 جنوری 2023ء بروز منگل کاہنہ نو لاہو رمیں شعبہ فیضان آن لائن اکیڈمی بوائز دعوتِ اسلامی کے تحت مدنی مشورہ ہوا جس میں فیضانِ مدینہ کاہنہ نو شفٹ بریلی اور قادری کے مدرسین و ذمہ داران نے شرکت کی۔

اس مدنی مشورے میں رکنِ مجلس وڈویژن ذمہ دار لاہور مولانا رضوان عطاری مدنی نے شرکا سے گفتگو کرتے ہوئے تعلیمی، تنظیمی اور انتظامی معاملات پر مشاورت کی۔

پچھلے دنوں خواجہ محمد حماد کوریجہ صاحب (سجادہ نشین دربار عالیہ خواجہ غلام فرید صاحب کوٹ مٹھن شریف) سمیت دیگر شخصیات کی دعوتِ اسلامی کے فیضان آن لائن اکیڈمی بوائز خان پور برانچ میں آمد ہوئی۔

اس موقع پر ذمہ دار اسلامی بھائیوں نے شخصیات کو خوش آمدید کہا جبکہ برانچ ناظم مولانا شہباز رضا عطاری مدنی نے خواجہ محمد حماد کوریجہ صاحب کو شعبہ فیضان آن لائن اکیڈمی بوائز کے تحت ہونے والے دینی کاموں کا تعارف پیش کیا اور برانچ کا وزٹ کروایا۔

بعدازاں وہاں موجود شخصیات نے دعوتِ اسلامی کی کاوشوں کو خوب سراہا اور اپنی نیک خواہشات کا اظہار کیا۔(رپورٹ:محمد وقار یعقوب مدنی برانچ ناظم فیضان آن لائن اکیڈمی بوائز، کانٹینٹ، غیاث الدین عطاری)

20 جنوری 2023ء کو دعوتِ اسلامی کے تحت صوبۂ بلوچستان کے نصیر آباد ڈویژن کا آن لائن مدنی مشورہ منعقد ہوا جس میں نگرانِ صوبہ بلوچستان، نگرانِ نصیر آباد ڈویژن اور ڈسٹرکٹ و ذیلی نگران کی اسلامی بہنوں نے شرکت کی۔

مدنی مشورے کی ابتداء میں نگرانِ پاکستان مجلسِ مشاورت اسلامی بہن نے ”خودداری ضروری ہے“  کے موضوع پر سنتوں بھرا بیان کرتے ہوئے دینی کاموں کے حوالے سے اسلامی بہنوں کی تربیت کی نیز نئی تحصیلوں میں دینی کام کرنے کا ذہن دیا۔

بعدازاں نگرانِ پاکستان مجلسِ مشاورت کا کہنا تھا کہ دعوتِ اسلامی کے دینی ماحول سے کل منسلک ہونے والی اسلامی بہنوں کا ڈیٹا اور ہفتہ وار سنتوں بھرے اجتماعات کے ایڈریس کی سافٹ ویئر میں انٹری کی جائے۔

20 جنوری 2023ء کو دعوتِ اسلامی کے تحت صوبۂ بلوچستان کے نصیر آباد ڈویژن کا آن لائن مدنی مشورہ منعقد ہوا جس میں نگرانِ صوبہ بلوچستان، نگرانِ نصیر آباد ڈویژن اور ڈسٹرکٹ و ذیلی نگران کی اسلامی بہنوں نے شرکت کی۔

مدنی مشورے کی ابتداء میں نگرانِ پاکستان مجلسِ مشاورت اسلامی بہن نے ”خودداری ضروری ہے“  کے موضوع پر سنتوں بھرا بیان کرتے ہوئے دینی کاموں کے حوالے سے اسلامی بہنوں کی تربیت کی نیز نئی تحصیلوں میں دینی کام کرنے کا ذہن دیا۔

بعدازاں نگرانِ پاکستان مجلسِ مشاورت کا کہنا تھا کہ دعوتِ اسلامی کے دینی ماحول سے کل منسلک ہونے والی اسلامی بہنوں کا ڈیٹا اور ہفتہ وار سنتوں بھرے اجتماعات کے ایڈریس کی سافٹ ویئر میں انٹری کی جائے۔