25 جنوری 2023 ءبدھ کے دن فیضان آن لائن اکیڈمی کی برانچ فیضانِ مدینہ کراچی میں مارکیٹنگ و ایچ آر ذمہ داران  کا مدنی مشورہ ہواجس میں رکنِ شعبہ غلام الیاس عطاری مدنی ، مارکیٹنگ مینجر محمد عابد عطاری،ایچ آر ذمہ دار عرفان عطاری سمیت دیگر ذمہ داران نے شرکت کی۔

مشورے میں مارکیٹنگ ڈیپارٹمنٹ اسٹاف کی ہائیرنگ، اسٹاف کی جے ڈیز اور بجٹ کے تعلق سے اہم نکات پر گفتگو ہوئی ۔مزید آئندہ کے لئے اہداف بھی طے کئے گئے۔( کانٹینٹ:رمضان رضا عطاری)

فیضان آن لائن اکیڈمی کی برانچ فیضانِ مدینہ کراچی میں 23 جنوری 2023ء بروز پیر فیضان آن لائن اکیڈمی کے سالانہ اجتماع کے سلسلے  میں مدنی مشورہ ہوا ۔

مدنی مشورے میں رکنِ مجلس غلام الیاس عطاری مدنی، کراچی سٹی کے ذمہ داران( تبریز حسین عطاری مدنی، ڈویژن ذمہ داران ، برانچ ناظمین اور اجتماع کو اچھے و منظم انداز میں پایۂ تکمیل تک پہنچانے کے لئے بنائی گئی مجالس کے ذمہ داران) سمیت نگرانِ مجلس یاسر عطاری مدنی نے بذریعہ انٹرنیٹ شرکت کی۔

دورانِ مشورہ اجتماع کو اچھے انداز میں مینجمنٹ کرنے ، آنے والے مسائل کو فوراً حل کرنے پر کلام ہوا نیز مجلس حفاظتی امور، انتظامی امور و دیگر مجالس کے ذمہ داران کو تمام معاملات منظم انداز میں مکمل کرنے کے حوالے سے نکات سمجھائے گئے ۔( کانٹینٹ:رمضان رضا عطاری)

پچھلے دنوں دعوتِ اسلامی  کے شعبہ رابطہ بالعلماء کی جانب سے سرکاری ڈویژن گوجرانوالہ کے ذمہ دار محمد ظہیر عباس عطاری مدنی نے مولانا شاہد رضا قادری صاحب ( پرنسپل جامعۃُالنور اسلامک سینٹر ضلع نوکھر) سمیت دیگر مدرسین سے ملاقاتیں کیں۔

اس موقع پر ڈویژن ذمہ دار محمد ظہیر عباس عطاری مدنی نے مولانا شاہد رضا قادری صاحب کو عالمی سطح پر ہونے والے دعوتِ اسلامی کے دینی کاموں کے حوالے سے بریفنگ دی نیز فلاحی کاموں میں بالخصوص مدنی ہیلتھ کیئرسینٹر کے حوالے سے آگاہ کیا جس پر انہوں نے خوشی کا اظہار کرتے ہوئے خدماتِ دعوت اسلامی کو سراہا۔آخر میں ذمہ دار اسلامی بھائی نے علمائے کرام کو ماہنامہ فیضانِ مدینہ کے شمارے تحفتاً پیش کئے ۔( کانٹینٹ:رمضان رضا عطاری)

پچھلے دنوں شعبہ رابطہ بالعلماء سرکاری ڈویژن گوجرانوالہ کے ذمہ دار محمد ظہیر  عباس عطاری مدنی نے مفتی محمد شعبان رضا قادری صاحب (مہتم جامعہ نصرت الاسلام ) سے ملاقات کی۔

دورانِ ملاقات ظہیر عباس عطاری مدنی نے مفتی محمد شعبان رضا قادری صاحب کو دعوتِ اسلامی کے بیرون ممالک میں ہونے والے دینی کاموں کے حوالے سے آگاہ کیا۔مزید فلاحی کاموں میں بالخصوص مدنی ہیلتھ کیئر سینٹر کے حوالے سے بتایا جس پر انہوں نے اظہارِ مسرت کرتے ہوئے دعوتِ اسلامی کی دینی و فلاحی کاوشوں کو سراہا۔آخر میں انہیں جنوری 2023ء کے ماہنامہ فیضانِ مدینہ کا شمارہ تحفے میں پیش کیا۔( کانٹینٹ:رمضان رضا عطاری)

دعوتِ اسلامی کے  اسپیشل پرسنز ڈیپارٹمنٹ کی جانب سے 24 جنوری 2023ء کو ذیلی شعبہ معذور افراد پاکستان ذمہ دارخالد محمود عطاری نے مدرسۃُ المدینہ برائے نابینا افراد چکسواری کشمیر کا دورہ کیا۔

اس دوران خالد محمود عطاری نے طلبۂ کرام کی دینی واخلاقی اعتبار سے تربیت کی۔ بعدازاں طلبہ سے ملاقات کی اور ان میں سردی سے بچنے کا سامان(لحاف وغیرہ ) تقسیم کیا۔ (رپورٹ : محمد رضوان عطاری مدنی اسپیشل پرسنز ڈیپارٹمنٹ پاکستان آفس، کانٹینٹ: رمضان رضا عطاری)

دینی کاموں کے سلسلے  میں 24 جنوری 2023ء بروز منگل کراچی ڈسٹرکٹ ویسٹ منگھو پیر ٹاؤن میں مدنی مشورہ ہوا جس میں منگھو پیر ٹاؤن 01 کے ٹاؤن تا ذیلی مشاورت کے ذمہ داران نے شرکت کی۔

رکنِ شوریٰ حاجی محمد علی عطاری اور نگرانِ ڈسٹرکٹ ویسٹ بغداد عطاری نے 12 دینی کاموں کے حوالے سے اسلامی بھائیوں کی تربیت کی اورانہیں یومِ تعطیل اعتکاف و مدرسۃُ المدینہ بالغان نیز ذیلی حلقوں کو مزید بڑھانے کےحوالے سے مدنی پھول دیئے ۔

مزید شرکائے مشورہ کو آئندہ کے لئے اہداف بھی دیئے جس پر انہوں نے علاقوں میں ہونے والے دینی کام کو بڑھانے کی اچھی اچھی نیتوں کااظہار کیا۔آخر میں رکنِ شوریٰ نے مدنی قافلوں اور 12 دینی کاموں کی بہتر کارکردگی پر تحائف بھی دیئے۔ (رپورٹ: منگھوپیر ٹاؤن 1 ڈسٹرکٹ ویسٹ، کانٹینٹ:رمضان رضا عطاری)

عاشقانِ رسول  کی دینی تحریک دعوتِ اسلامی کے شعبہ رابطہ برائے شخصیات کے تحت گجرات میں ڈسٹرکٹ ذمہ دار حاجی ضیاءُالرحمن عطاری نے ڈی پی او گجرات غضنفر علی شاہ سے ملاقات کی۔

ملاقات کے دوران حاجی ضیاءُالرحمن عطاری نے غضنفر علی شاہ کو ملک و بیرون ملک میں دعوتِ اسلامی کے دینی کام کرنے کے انداز کے بارے میں معلومات دیں اور ان سے آنے والے دنوں میں نگرانِ پاکستان حاجی محمد شاہدعطاری کے گجرات کے دورے پر سیکیورٹی کے سلسلے میں تعاون کرنے کی درخواست کی جس پر ڈی پی او گجرات نے اس حوالے سے مکمل تعاون کرنے کی نیک خواہش کا اظہار کیا۔(رپورٹ: ڈسٹرکٹ ذمہ دار شعبہ رابطہ برائے گجرات، کانٹینٹ:رمضان رضا عطاری)

دعوت اسلامی  کے شعبہ مجلس حج و عمرہ کے ذمہ داران نے حاجی کیمپ سلطان آباد کراچی کا دورہ کیا اور وہاں حج ڈائریکٹر سجاد حیدر و دیگر افسران و اسٹاف سے ملاقاتیں کیں۔

تفصیلات کے مطابق ذمہ داران نے شخصیات کو دعوتِ اسلامی کے ہفتہ وار اجتماع و و مدنی مذاکرے میں شرکت کرنے کی دعوت دی ۔ ساتھ ساتھ حج تربیتی نشست 2023ء سے متعلق اہم امور پر بات چیت ہوئی۔آخر میں مکتبۃُ المدینہ کے مطبوعہ کتب و رسائل تحائف میں پیش کئے ۔

اس موقع پر حاجی کیمپ کے نگران حاجی فیصل عطاری ، اوورسیز مجلس حج و عمرہ کے نگران حاجی عبدُالاحد عطاری ڈسٹرکٹ نگران ساؤتھ سینٹرل حاجی توفیق عطاری و دیگر اراکین مجلس موجود تھے۔ (رپورٹ: محمد تسلیم رضا خان عطاری نگران مجلس حج و عمرہ کراچی سٹی ، کانٹینٹ:رمضان رضا عطاری)

23 جنوری 2023ء کو شعبہ رابطہ برائے شخصیات دعوت اسلامی کی جانب سےذمہ دار فدا علی عطاری نے حاجی مسعود عطاری ، سٹی ذمہ دار شعبہ رابطہ برائے شخصیات ملتان  و دیگر ذمہ داران کے ہمراہ سابق وزیر اعظم یوسف رضا گیلانی کے بیٹے قومی اسمبلی کے ممبر مخدوم علی موسیٰ گیلانی سے ملاقات کی۔

تفصیلات کے مطابق ذمہ داران نے مخدوم علی موسیٰ کو دعوت اسلامی کاتعارف پیش کیا اور انہیں مدنی مرکز فیضان مدینہ وزٹ کرنے کی دعوت پیش کی نیز امیر اہل سنت دامت بَرَکَاتُہمُ العالیہ کارسالہ ”فیضان رجب “تحفے میں پیش کی ۔ اس موقع پر ذمہ داران نے سابق وزیر اعظم یوسف رضا گیلانی کی صحت یابی کے لئے دعا بھی کی ۔ (رپورٹ : شعبہ رابطہ برائےشخصیات عطاری مجلس ملتان/ کانٹینٹ : محمد مصطفیٰ انیس)

گزشتہ روز اوستہ محمد بلوچستان میں ڈسٹرکٹ نگران اوستہ محمد حاجی محمد پیارا عطاری اور ان کے ہمراہ کوآرڈینیشن ڈیپارٹمنٹ بلوچستان کے نگران محمد وقار عطاری نے الشمس رائس مِل کے اونر حاجی احمد رضا ابڑو سے ملاقات کی ۔

ذمہ داران نے دعوت اسلامی اور اسکی دینی و فلاحی خدمات کا تعارف پیش کرتے ہوئے نیکی کی دعوت پیش کی نیز29،28،27 جنوری کو عالمی مدنی مرکز فیضان مدینہ کراچی میں ہونیوالے مدنی مذاکروں میں شرکت کرنے کی ترغیب دلائی ۔

اس موقع پر کوآرڈینیشن ڈیپارٹمنٹ اوستہ محمد ضلع کے ذمہ دار حاجی امان اللہ عطاری ، نصیر آباد ڈویژن کے عُشر ذمہ دار کرم حسین عطاری ، کورسز ڈیپارٹمنٹ کے ذمہ دار شیر محمد عطاری بھی موجود تھے۔ (رپورٹ : کوآرڈینیشن ڈیپارٹمنٹ دعوت اسلامی بلوچستان / کانٹینٹ : محمد مصطفیٰ انیس) 

23 جنوری 2023ء کو سندھ سیکریٹریٹ کا دعوت اسلامی کے ذمہ داران نے دورہ کیا اور وہاں پر موجود شخصیات و افسران سے ملاقات کی ، ملاقات کے دوران ذمہ داران نے دعوت اسلامی کا تعارف اور اسکی دینی و فلاحی خدمات کے بارے میں بتایا نیز مدنی ہیلتھ کیئر سینٹر وزٹ کے حوالے سے بھی گفتگو ہوئی ۔

اسکے علاوہ ذمہ داران نے ماہنامہ فیضان مدینہ کا مطالعہ کرنے اور اس کی بکنگ کرنے کا ذہن دیا اور ماہِ رجب میں ہونیوالے مدنی مذاکروں میں شرکت کرنے کی دعوت پیش کی۔ (رپورٹ : شعبہ رابطہ برائےشخصیات عطاری مجلس کراچی / کانٹینٹ : محمد مصطفیٰ انیس) 

گزشتہ روز بلدیہ عالیہ ڈسٹرکٹ کورنگی کے ہیڈ آفس میں ایڈمنسٹریٹر ڈسٹرکٹ کورنگی شریف خان نے (مرحوم )میونسپل کمشنر وسیم مصطفیٰ سومرو کے ایصال ثواب کے لئے فاتحہ خوانی کا اہتمام کیا گیا جس میں شعبہ رابطہ برائے شخصیات دعوت اسلامی کے ذمہ داران سمیت ایڈمنسٹریٹرز و افسرانِ اعلیٰ نے شرکت کی ۔

ذمہ داراسلامی بھائی نے حاضرین کو نیکی کی دعوت پیش کی اور مرحوم کے لئے فاتحہ خوانی و دعائے مغفرت کی ۔ (رپورٹ : غلام محبوب عطاری ڈسٹرکٹ کورنگی / کانٹینٹ : محمد مصطفیٰ انیس)