دعوتِ اسلامی کی جانب سے 27 نومبر اتوار کی شب اورنگی ٹاؤن کراچی میں عظیم الشان اجتماع منعقد ہونے جارہا ہے ۔ اجتماع اورنگی ٹاؤن کے جرمن اسکول گراؤنڈ سیکٹر 16  میں منعقد ہوگا جس کا آغاز ساڑھے آٹھ بجے تلاوت و نعت سے ہوجائے گا۔

اجتماعِ پاک میں خصوصی بیان کے لئے دعوتِ اسلامی کی مرکزی مجلسِ شوریٰ کے نگران مولانا حاجی محمد عمران عطاری مُدَّ ظِلُّہُ العالی تشریف لارہے ہیں جو کہ تقریباً سوا نو بجے سنتوں بھرا بیان فرمائیں گے۔

اجتماع میں رقت انگیز دعا اور صلوٰۃ و سلام کا سلسلہ ہوگا۔

اس موقع پر دیگر چند اراکینِ شوریٰ اور ذمہ داران و مبلغینِ دعوتِ اسلامی اور عاشقانِ رسول کی بڑی تعداد شرکت کرے گی۔

تمام عاشقانِ رسول سے اجتماع میں شرکت کی درخواست ہے۔ 

دنیا بھر میں تبلیغ قرآن و سنت کا اہم فریضہ انجام دینے والی عالمی مذہبی تحریک دعوتِ اسلامی  دنیا کے کونے کونے میں دینِ متین کی سربلندی کے لئے شب و روز کوشاں ہے، بے شمار لوگ دین کے قریب آرہے ہیں اور صوم و صلوۃ کے پابند بنتے جارہے ہیں۔ مبلغینِ دعوتِ اسلامی کی کاوشوں سے دنیابھر میں کئی غیر مسلم بھی کلمہ پڑھ کر مسلمان ہورہے ہیں۔

گزشتہ روز ایسی ہی ایک مدنی بہار پُرتگال میں دیکھنے میں آئی جہاں مبلغِ دعوتِ اسلامی و نگران پرتگال احمد رضا عطاری کے ہاتھوں ایک پرتگالی نوجوان کلمہ پڑھ کر دائرۂ اسلام میں داخل ہوگیا۔ مبلغِ دعوتِ اسلامی نے اس نومسلم کو اسلام کی بنیادی معلومات سے آگاہ کیا جبکہ مزید تربیت کے لئے کورسز کا ذہن دیا۔

واضح رہے کہ اس سے قبل 18 نومبر کے روز بھی ایک یوکرینین خاتون نے پرتگا ل میں اسلام قبول کیا تھا۔

عاشقانِ رسول کی دینی تحریک دعوتِ اسلامی کے شعبہ تعلیم کے تحت گورنمنٹ ایسوسی ایٹ کالج سمہ سٹہ میں میلاد اجتماع کا انعقاد کیا گیا جس میں اسٹوڈنٹس سمیت دیگر اسلامی بھائیوں نے شرکت کی۔

تلاوتِ قراٰن و نعتِ رسولِ مقبول صلی اللہ علیہ و سلم کے نگران بہاولپور میٹروپولیٹن حافظ عبد الرؤف عطاری نے ”کامیاب کون“ کے موضوع پر سنتوں بھرا بیان کیا۔

اس کے علاوہ ڈویژن ذمہ دار نے شرکا کو دعوتِ اسلامی کے دینی کاموں میں بڑھ چڑھ کر حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔(رپورٹ: شعبہ کفن دفن ، کانٹینٹ:غیاث الدین عطاری)

بیرونِ ملک میں موجود عاشقانِ رسول کو دینِ اسلام کی تعلیمات سے آگاہ کرنے کے لئے دعوتِ اسلامی کے تحت وقتاً فوقتاً مختلف دینی ایکٹیویٹیز کا انعقاد کیا جاتا ہے۔

اسی سلسلے میں پچھلے دنوں Belgium Brussels کے علاقے Anderlechtمیں واقع مین ہول سیل مارکیٹ میں نوید شیخ عطاری کی دکان پر سیکھنے سکھانے کا حلقہ لگایا گیا جس میں بزنس مین، Brussels کے تاجران، Ghent اور Verviers کے ذمہ داران نے شرکت کی۔

حلقے کا آغاز حافظ امیر سلیم عطاری نے تلاوتِ قران سے کیا جبکہ نوید عطاری نے نعت شریف اور منقبت پڑھ کر حاضرین کے دلوں کو معطر کیا۔

ملکی نگران حاجی علی قریشی عطاری نے شرکائے حلقہ کو غوثِ پاک رحمۃاللہ علیہ کی سیرت سے متعلق ایمان افروز حکایتیں بیان کیں نیز غوثِ پاک رحمۃاللہ علیہ کی زندگی کے مقاصد بیان کرتے ہوئے شرکا کو علمِ دین حاصل کر کے اسے عام کرنے کا ذہن دیا۔

علاوہ ازیں ملکی نگران نے عالمی سطح پر ہونے والی دعوتِ اسلامی کی دینی و فلاحی خدمات کے بارے میں شرکا کو آگاہی دی اور ٹیلی تھون میں اپنا حصہ ملانے کا ذہن دیا۔حلقے کے اختتام صلاۃ و سلام پڑھا گیا اور حاجی علی قریشی عطاری نے دعا کروائی۔

گزشتہ روز گیارہویں شریف کے سلسلے میں رکنِ شوریٰ حاجی یعفور رضا عطاری کی رہائش گاہ پر محفلِ نعت کا انعقاد کیا گیا جس میں مقامی اسلامی بھائیوں سمیت دعوتِ اسلامی کے ذمہ داران نے شرکت کی۔

اجتماع کی ابتداء تلاوتِ قراٰن سے کی گئی جبکہ نعت خواں اسلامی بھائی نے حضور صلی اللہ علیہ وسلم کی بارگا میں نعت شریف کا نذرانۂ پیش کیا۔

دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے سنتوں بھرا بیان کرتے ہوئے شرکائے اجتماع کی دینی و اخلاقی اعتبار سے تربیت اور انہیں نیکی کی کاموں میں حصہ لیتے رہنے کا ذہن دیا۔(رپورٹ: :محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

19 نومبر 2022ء  کو جوہر ٹاؤن لاہور میں قائم دعوتِ اسلامی کے مدنی مرکز فیضانِ مدینہ میں جامعۃُ المدینہ بوائز کے ناظمین و اساتذہ کرام کا مدنی مشورہ ہوا جس میں خصوصی شرکت مرکزی مجلسِ شوریٰ کے رکن حاجی یعفور رضا عطاری کی ہوئی۔

رکنِ شوریٰ نے ’’ بچوں کی تربیت‘‘ کے موضوع پر سنتوں بھرا بیان کیا اور شرکا کو دعوتِ اسلامی کے 12 دینی کاموں میں حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔ (کانٹینٹ: رمضان رضا عطاری)

دعوتِ اسلامی کے تحت گوجرانوالہ میں ایم پی اے  ایکس چئیرمین واسا محمد عمران خالد بٹ ،ایکس ڈیپٹی مئیر سٹی گوجرانوالہ سلمان خالد بٹ کی والدہ کے انتقال کے موقع پر ایصالِ ثواب اجتماع ہوا۔

شعبہ رابط برائے شخصیات دعوتِ اسلامی کے سٹی نگران خوشی محمد عطاری مدنی نے سنتوں بھرا بیان کیا۔ دورانِ بیان فکرِ آخرت کا ذہن دیتے ہوئے شرکاکو ہفتہ وار سنتوں بھرے اجتماع میں شرکت کرنے اور مدنی مرکز وزٹ کی دعوت پیش کی جس پر انہوں نے اچھی اچھی نیتوں کا اظہار کیا۔آخر میں مرحومہ کے لئے ایصالِ ثواب اور دعائے مغفرت کا سلسلہ ہوا۔

اس موقع پر ڈسٹرکٹ ذمہ دار شعبہ تعلیم محمد فیاض عطاری، نندی پور ٹاؤن نگران محمد علی عطاری، ٹاون ذمہ دار اللہ رکھا، یو سی 33 ذمہ دار محمد وقاص عطاری، شعبہ رابط برائے شخصیات ضلع گوجرانوالہ محمد احسان عطاری نے شرکت کی۔(رپورٹ : محمد احسان عطاری ، کانٹینٹ: رمضان رضا عطاری) 

شعبہ رابطہ برائے ہومیوپیتھک دعوت اسلامی  کی جانب سے 19 نومبر 2022ء کو حیدرآباد میٹروپولیٹن، حیدرآباد ڈویژن اور میرپورخاص ڈویژن ذمہ دران کا مدنی مشورہ ہوا ۔

مدنی مشورے میں نگران ِمجلس ڈاکٹر آصف عطاری نے 12 دینی کاموں میں حصہ لینے کی ترغیب دلائی اور شعبے کے دینی کام کرنے کے حوالے سے اسلامی بھائیوں کی تربیت کرتے ہوئے انہیں ہومیوپیتھک ڈاکٹر ز میں دینی کام کرنے کے اہداف دیئے۔

بعد مدنی مشورہ حیدرآباد میں ممبرکونسل فارہومیوپیتھک پاکستان میں ڈاکٹرز سے ملاقات کا سلسلہ ہوا جس میں صوبائی ذمہ دار محسن عطاری مدنی نے دیگر ذمہ دار اسلامی بھائیوں کے ہمراہ ڈاکٹرز کو نیکی کی دعوت پیش کرتے ہوئے انہیں عالمی سطح پر ہونے والے دعوتِ اسلامی کے دینی کاموں کے بارے میں معلومات دیں اور مدنی مرکز فیضانِ مدینہ وزٹ کرنے کی دعوت پیش کی۔(رپورٹ : شعبہ رابطہ برائے ہومیوپیتھک ڈیپارٹمنٹ دعوت اسلامی ، کانٹینٹ: رمضان رضا عطاری)

17 اکتوبر 2022ء کو صوبہ پنجاب میں اوراقِ مقدسہ محفوظ کرنے کے حوالے سے قصور میں بابا بلھے شاہ سرکار رحمۃ اللہ علیہ کے مزار کے احاطے میں قائم ڈسٹک مینیجر محکمہ اوقاف قصور کے آفس میں عمر صاحب اور ایڈمنسٹریٹر قرآن بورڈ صوبہ پنجاب و ڈسٹرکٹ مینیجر محکمہ اوقاف رانا واسط صاحب کے ساتھ میٹنگ ہوئی ۔

اس میٹنگ میں مبلغِ دعوتِ اسلامی محمد رضا عطاری اور لاہور ڈویژن ذمہ دار محمد عالم عطاری نے ایڈمنسٹریٹر صاحب کو تفصیل کے ساتھ شعبہ تحفظ اوراقِ مقدسہ کے دینی کاموں کے حوالے سے معلومات فراہم کیں جس پر انہوں نے دعوتِ اسلامی کے اس شعبے کی کاوشوں کو سراہتے ہوئے بھرپور تعاون کی اچھی نیت کا اظہار کیا۔

اس کے ساتھ ساتھ ایڈمنسٹریٹر صاحب نے اپنے ہاتھوں سے تحفظ اوراقِ مقدسہ کا بوکس ڈسٹرک مینجر محکمہ اوقاف کے آفس کے باہر لگایا۔مزید ڈسٹرکٹ مینجر محکمہ اوقاف قصور نے بھی شعبے کی خدمات کو سراہتے ہوئے نیک خیالات کا اظہار کیا۔آخر میں ذمہ دارانِ دعوت اسلامی نے ایڈمنسٹریٹر صاحب و ڈسٹرکٹ مینجر محکمہ اوقاف کا شکریہ ادا کیا ۔ (رپورٹ : محمد ناصر عطاری ،ڈسٹرک شیخوپورہ ذمہ دار ، کانٹینٹ: رمضان رضا عطاری)

دعوتِ اسلامی کی جانب سے  راجن پور اور روجھان کے ذمہ داران نے کوٹ مٹھن شریف میں صاحبزادہ سید اسماعیل شاہ بخاری اور ڈائریکٹر خواجہ فرید چیئر مین اسلامیہ یونیورسٹی بہاولپور صاحبزادہ خواجہ راول معین کوریجہ سے محمد آصف عطاری نے ملاقات کی ۔

اس ملاقات میں تحصیل نگران راجن پور ناظم محمود عطاری، تحصیل نگران روجھان محمد حنیف سعیدی عطاری ،اونر المدینہ کاٹن فیکٹری ملک بلال فرید عطاری، شہر نگران محمد عتیق عطاری ، یوسی نگران محمد عبدالطیف عطاری،ناظم جامعۃُ المدینہ ابوبکر مدنی ،ناظم مدرسۃُالمدینہ قاری اکمل عطاری، مجلسِ مزارات اولیا ڈویژن ذمہ حضور بخش عطاری مدنی ، تحصیل ذمہ دار مدنی چینل عام کریں ساجد رسول عطاری بھی موجود تھے۔

محمد آصف عطاری نے شخصیات کو ملک و بیرونِ ملک ہونے والی دینی و فلاحی خدمات کے حوالے سے بتایااور انہیں مدنی مرکز فیضانِ مدینہ وزٹ کرنے کی دعوت دی۔ملاقات پر انہوں نے دعوتِ اسلامی کی کاوشوں کو سراہتے ہوئے ذمہ داران کا شکریہ ادا کیا۔(رپورٹ : ساجد رسول عطاری ، کانٹینٹ: رمضان رضا عطاری)

دعوتِ اسلامی  کے تحت پاکستان اسپیشل ایجوکیشن ذمہ دار احمد اویس عطاری نے لاہور پنجاب میں اسپیشل پرسنز ڈائریکٹوریٹ آفس کا دورہ کیا جس میں انہوں نے ڈپٹی ڈائریکٹر ایڈمن سے ملاقات کی۔ شعبہ اسپیشل پرسنز کا تعارف پیش کیا اور سائن لینگوئج بکس تحفے میں دیا نیز اسپیشل پرسنز موبائل ایپلیکیشن کا تعارف بھی کروایا اور آخر میں انہیں مکتبۃُ المدینہ کی مطبوعہ کتب بھی تحفے میں دی۔(رپورٹ : محمد سمیر ہاشمی عطاری اسپیشل پرسنز ڈیپارٹمنٹ دعوت اسلامی، کانٹینٹ: رمضان رضا عطاری)

اسپیشل پرسنز ڈیپارٹمنٹ  دعوتِ اسلامی کے تحت پچھلے دنوں میانوالی پنجاب میں علاقائی دورے کا سلسلہ ہوا جس میں پنجاب صوبائی ذمہ دار محمد وقاص عطاری اور ڈویژن سرگودھا ذمہ دار نےاسپیشل پرسنز سے ملاقات کی اور ان کو ہفتہ وار سنتوں بھرے اجتماع میں شرکت کرنے کی دعوت دی۔

اس کے علاوہ عیسی ٰ خیل میں اسپیشل پرسنز کے سرپرست اسلامی بھائیوں سے ملاقات کی اور ان کو ہفتہ وار سنتوں بھرے اجتماع کی دعوت دی اور مدنی قافلے میں سفر کا ذہن دیا۔(رپورٹ : محمد سمیر ہاشمی عطاری اسپیشل پرسنز ڈیپارٹمنٹ دعوت اسلامی، کانٹینٹ: رمضان رضا عطاری)