22 نومبر 2022ء بروز منگل ایکسین واپڈا رانا عرفان نے ڈسٹرکٹ نگران محمد بلال عطاری مدنی کے ہمراہ مدنی مرکز فیضان مدینہ اوکاڑہ میں قائم شعبہ فیضان آن لائن اکیڈمی بوائز  کی برانچ کا وزٹ کیا۔

اس موقع پر برانچ ناظم حافظ محمد ناصر عطاری مدنی نے رانا عرفان کوجامعۃالمدینہ و مدرسۃالمدینہ بوائز، شعبہ ایف جی آر ایف اور دیگر شعبہ جات بالخصوص شعبہ فیضان آن لائن اکیڈمی کی برانچ میں ہونے والے مختلف کورسز کا تعارف کروایا نیز تعلیمی نظام کے حوالے سے انہیں بریفنگ دی۔

امتِ مسلمہ کی خیر خواہی کا جذبہ رکھنے اور پریشان حال لوگوں کی ہمہ وقت مدد کرنے والی عاشقانِ رسول کی دینی تحریک دعوتِ اسلامی کے شعبہ FGRF کے تحت23 نومبر 2022ء بروز بدھ پہلے مدنی ہیلتھ کیئر سینٹر (Madani Healthcare Centre) میں اوپی ڈی (OPD)کا آغاز کر دیا گیا ہے۔

عاشقانِ رسول کی دینی تحریک دعوتِ اسلامی اس خوبصورت و عالیشان اور جدید تقاضوں سے مزین مدنی ہیلتھ کیئر سینٹر میں تجربہ کار ڈاکٹرز کی زیرِ سرپرستی مختلف امراض کا معیاری علاج کم فیس میں دینے کا عزم رکھتی ہے۔

معلومات کے مطابق یہ مدنی ہیلتھ کیئر سینٹر D-38 بلاک 6 نزد باناپیلس ایف بی ایریا کراچی میں واقع ہے جس کی ٹائمنگ دوپہر 2 بجے سے رات 8 بجے تک ہوگی۔

دعوتِ اسلامی کا شعبہ FGRFامتِ مسلمہ کو ایک چھت کے نیچے بہت سی سہولیات مہیا کرے گا جن میں سے ائیر کنڈیشن ماحول، عورتوں کے لئے پردے کا خاص اہتمام، مناسب قیمت پر معیاری علاج، لیبارٹری کی سہولت اور ادویات پر 15% تک کی رعایت شامل ہے۔(کانٹینٹ:غیاث الدین عطاری)

دعوتِ اسلامی  کے شعبہ تحفظ اوراقِ مقدسہ کی جانب سے 22 اکتوبر 2022ء کو چیچا وطنی ڈویژن ساہیوال میں مدنی مشورے کا انعقاد ہوا جس میں ڈویژن ذمہ داران نے شرکت کی۔

صوبہ پنجاب ذمہ دار محمد رضا عطاری نے شعبہ ذمہ داران کی انفرادی کارکردگی کے ساتھ ساتھ ‏‏‏ڈویژن ذمہ دار فہیم عطاری سے پوری ڈویژن میں ہونے والے شعبے کے دینی کاموں کی کارکردگی کا جائزہ لیا اور اچھی کارکردگی پر ذمہ داران کو سراہتے ہوئے نئے اہداف پیش کئے اور اپنے اپنے علاقوں میں 12 دینی کاموں کو مضبوط کرنے کا ذہن دیا نیز ٹیلی تھون مہم کے لئے بھرپور انداز میں انفرادی کوششیں کرنے کا ذہن بھی دیا جس پر ذمہ داران نے شعبہ تحفظ اوراقِ مقدسہ کے دینی کاموں کو بڑھانے کے لئے اپنے عزم کا اظہار کیا۔ آخر میں مبلغِ دعوتِ اسلامی نے مدنی مشورے کے شرکا میں تحائف تقسیم کئے۔( رپورٹ : محمد ناصر عطاری ڈسٹرکٹ شیخوپورہ ذمہ دار ، کانٹینٹ: رمضان رضا عطاری ) 

22 نومبر 2022ء  کو شعبہ کفن دفن دعوتِ اسلامی کے زیرِ اہتمام گلشنِ اقبال نمبر 2میں قائم فیضانِ عشقِ رسول مسجد میں کفن دفن ٹریننگ سیشن ہوا جس میں فیضانِ عشق رسول مسجد کے اسلامی بھائی ، ٹاؤن ذمہ دار عمران عطاری مدنی اور یوسی ذمہ داران نے شرکت کی۔

رکنِ مجلس عزیر عطاری نے ’’غسلِ میت کی فضیلت اور نمازِ جنازہ کی اہمیت‘‘ کے موضوع پر سنتوں بھرا بیان کیا اور غسلِ میت دینے، کفن کاٹنے اور پہنانے کا عملی طریقہ سیکھاتے ہوئے نمازِ جنازہ کا طریقہ سمجھایانیز شرکا کو فکرِ آخرت کا ذہن دیتے ہوئے دعوتِ اسلامی کے سنتوں کی تربیت کے لئے سفر کرنے والے3 دن کے مدنی قافلے میں سفر کرنے کا ذہن دیا جس پر اسلامی بھائیوں نے اچھی اچھی نیتوں کا اظہار کیا۔ ( رپورٹ : عزیر عطاری رکنِ مجلس کفن دفن ، کانٹینٹ: رمضان رضا عطاری )

دعوتِ  اسلامی کے زیرِ اہتمام 22 نومبر 2022ء کو گلشن اقبال2 غوثیہ مسجد میں کفن دفن کورس کا انعقاد کیا گیا جس میں غوثیہ مسجد کے اسلامی بھائی اور ٹاؤن ذمہ دار عمران عطاری نے شرکت کی۔

رکنِ مجلس شعبہ کفن دفن عزیر عطاری نے ’’غسلِ میت کی فضیلت و اہمیت‘‘ کے موضوع پر سنتوں بھرا بیان کیا۔بعدازاں غسلِ میت دینے کفن کاٹنے اور پہنانے کا عملی طریقہ سیکھایا نیز نمازِ جنازہ پڑھنے کا طریقہ بھی بتایا۔مزید اس موقع پر اسلامی بھائیوں کو دینی ماحول سے وابستہ ہونےاور مدنی قافلوں میں سفر کرنے کا ذہن بھی دیا۔ ( رپورٹ : عزیر عطاری رکنِ مجلس کفن دفن ، کانٹینٹ: رمضان رضا عطاری )

پچھلے  دنوں دعوتِ اسلامی کے شعبہ تعلیم کے تحت عمر کوٹ سٹی میں قائم ڈگری کالج میں ٹریننگ سیشن ہوا جس میں طلبہ و اساتذہ نے شرکت کی۔

ٹریننگ سیشن میں صوبائی ذمہ دار جنید عطاری نے’’ کردار سنوارنے‘‘ کے موضوع پر سنتوں بھرا بیان کیا اور فکر ِآخرت کا ذہن دیتے ہوئے طلبہ واساتذہ کو مدنی چینل دیکھنے کی ترغیب دلائی نیز دعوتِ اسلامی کے سوشل میڈیا پلیٹ فارم کا تعارف پیش کرتے ہوئے ان سے فائدہ اٹھانے کا ذہن دیا۔ اس کے علاوہ تھر میں FGRF کےتحت پانی کے پلانٹ اور حالیہ سیلاب کی صورت میں ریلیف کے کاموں کے بارے میں معلومات فراہم کیں۔

٭بعد ازاں صوبائی ذمہ دار جنید عطاری نے مونوٹیکنیکل کالج کے پرنسپل اور پروفیسرز صاحبان سے ملاقات کی جس میں ان کو دعوت ِاسلامی کے دینی و فلاحی کاموں کے متعلق بتاتے ہوئے مکتبۃُ المدینہ کے مطبوعہ اصلاحی رسائل پیش کئے۔

٭دوسری جانب ڈسٹرکٹ عمر کوٹ کے شہر پتھورو میں واقع ڈگری کالج میں بھی ٹریننگ سیشن کا سلسلہ رہا جس میں صوبائی ذمہ دار جنید عطاری نے’’اخلاقیات‘‘ کے موضوع پر سنتوں بھرا بیان کیا اور طلبہ کو سنّتِ مصطفے صلَّی اللہ علیہ واٰلہٖ وسلَّم کو اپناتے ہوئے ہم معاشرے میں کس طرح اچھے افراد بنا سکتے ہیں اس سلسلے میں مدنی پھول دیئے۔ ساتھ ساتھ انہیں ہفتہ وار سنتوں بھرے اجتماع میں شرکت کرنے کی دعوت دی اور دعوت اسلامی کی ڈیجیٹل اپلیکیشن کا تعارف بھی پیش کیا۔

٭اس کے علاوہ ڈگری کالج کے پرنسپل صاحب کے آفس میں سیکھنے سکھانے کا حلقہ لگایا گیا جس میں تمام پروفیسرز نے شرکت کی۔ صوبائی ذمہ دار نے دعوتِ اسلامی کی ڈاکیومنٹری دیکھائی اور FGRF ریلیف کے کاموں کا تعارف پیش کیااور ساتھ ساتھ ہفتہ وار سنتوں بھرے اجتماع میں شرکت کی دعوت دیتے ہوئے صوبائی مدنی مرکز فیضانِ مدینہ وزٹ کی دعوت پیش کی جس کو پرنسپل صاحب نے قبول کیا۔

٭اسی طرح صوبائی ذمہ دار نے پتھورو میں قائم ہائی اسکول کے اساتذہ کو اسکول کے ہیڈ ماسٹر کے آفس دعوتِ اسلامی کا تعارف پیش کیا اور مختلف فرض علوم پر مشتمل کورسز کا تعارف پیش کرتے ہوئے اسکول طلبہ کے درمیان شارٹ کورسز کروانے کا ذہن دیاجس پر پرنسپل واساتذہ نے اس معاملے میں تعاون کرنے کی نیک خواہشات کا اظہار کیا۔ (رپوٹ:رمضان رضا عطاری)

16دسمبر  2022ء کو عاشقانِ رسول کی دینی تحریک دعوتِ اسلامی کے شعبہ تعلیم کی جانب سےپاکستان کے علاقے میرواہ گورچانی میں قائم مڈل اسکول میں سیکھنے سکھانے کے حلقے کا انعقاد ہوا جس میں اساتذہ و ہیڈ ماسٹر نے شرکت کی۔

صوبائی ذمہ دار نے سنتوں بھرا بیان کیا جس میں شعبہ تعلیم کے تحت ہونے والے دینی کاموں کے بارے میں بریفنگ دی اور ہر ہفتہ مدنی مذاکرہ دیکھنے کی ترغیب دلائی اور میرواہ گورچانی میں ہونے والے ٹیچرز اجتماع میں شرکت کی دعوت دی ۔آخر میں مکتبۃُ المدینہ کے مطبوعہ کتب و رسائل تحفتاً پیش کئے۔(رپورٹ: شعبہ تعلیم میرپورخاص، کانٹینٹ: رمضان رضا)

شعبہ تعلیم  دعوتِ اسلامی کے زیرِ اہتمام پچھلے دنوں نیکی کی دعوت دینے کے سلسلے میں سکھر IBAکیمپس میرپورخاص میں صوبائی ذمہ دار جنید عطاری و ڈویژن ذمہ دار شاہ زیب عطاری نے کیمپس انجینئر ڈاکٹر محمد عاصم سمیجو سے ملاقات کی۔

دورانِ ملاقات ذمہ دار اسلامی بھائیوں نے ڈاکٹر محمد عاصم کو دعوتِ اسلامی کے شعبہ FGRFکی دینی و فلاحی خدمات پر مشتمل ڈاکیومنٹری دیکھائی اور انہیں مدنی مرکز فیضانِ مدینہ وزٹ کرنے کی دعوت پیش کی جس پر انہوں نے نیک نیت کا اظہار کیا۔آخر میں شعبہ FGRF کی جانب سے ڈاکٹر محمد عاصم کو مکتبۃُ المدینہ کی مطبوعہ کتاب تحفہ میں پیش کی گئی ۔(رپورٹ: شعبہ تعلیم میرپورخاص، کانٹینٹ: رمضان رضا)

دعوتِ اسلامی کے زیر اہتما م پچھلے دنوں رابعہ مسجد گلشنِ اقبال ٹاؤن 1 ایسٹ ڈسٹرکٹ کراچی میں اشاروں کی زبان کا شارٹ کورس کا سلسلہ ہوا جس میں مبلغِ دعوتِ اسلامی محمد فیضان عطاری نے شرکائےکورس کو اشارے سیکھانے کے ساتھ ساتھ اسپیشل پرسنز میں دینی کام کرنے کا ذہن دیا۔

مزید اس کورس میں ڈسٹرکٹ ایسٹ ذمہ دار وسیم احمد عطاری نے بھی شرکت کی اور شرکائےکورس کی دینی و اخلاقی اعتبار سے تربیت کرتے ہوئے انہیں 12 دینی کام کرنے کا ذہن دیا جس پر انہوں نے اچھے خیالات کا اظہار کیا۔ (رپورٹ : محمد سمیر ہاشمی عطاری اسپیشل پرسنز ڈیپارٹمنٹ دعوتِ اسلامی، کانٹینٹ: رمضان رضا عطاری)

22 نومبر 2022ء کو ‫تحصیل دیپالپور کے نواحی علاقے اڈا صالحووال میں علاقائی دورے کا سلسلہ ہوا جس میں تحصیل ذمہ دار شعبہ کورسز جہانگیراحمد حنیف عطاری نے دیگر ذمہ دار اسلامی بھائیوں کے ہمراہ ملکر مختلف اسکولز اونرز اور دکانداروں سے ملاقاتیں کیں ۔

دورانِ ملاقات جہانگیراحمد عطاری نے عاشقانِ رسول کو دعوتِ اسلامی کی دینی و فلاحی خدمات کے حوالے سے بتاتے ہوئے انہیں 24 نومبر 2022ء کو اڈا صالحووال میں ہونے والے 7دن پر مشتمل شارٹ ٹائم فیضانِ نماز کورس کی دعوت دی جس پر اسلامی بھائیوں نے فیضانِ نماز کورس کرنے کی اچھی اچھی نیتوں کا اظہار کیا۔(رپورٹ: تحصیل ذمہ دار شعبہ کورسز جہانگیراحمد حنیف عطاری، کانٹینٹ: رمضان رضا)

آج مؤرخہ 24 نومبر 2022ء بروز جمعرات بعد نماز مغرب دعوت اسلامی کے زیر اہتمام دنیا بھر میں ہفتہ وار سنتوں بھرے اجتماعات کا انعقاد کیا جائے گا جن میں مبلغین دعوت اسلامی و اراکین شوریٰ سنتوں بھرے بیانات فرمائیں گے۔

تفصیلات کے مطابق جامع مسجد غوثیہ، مہاجر کیمپ بلدیہ ٹاؤن کراچی سے براہ راست مدنی چینل پر ہونے والے ہفتہ وار اجتماع میں رکن شوریٰ حاجی قاری سلیم عطاری سنتوں بھرا بیان فرمائیں گے۔

اس کے علاوہ عالمی مدنی مرکز فیضان مدینہ کراچی میں نگران پاکستان مشاورت حاجی محمد شاہد عطاری، فیض مدینہ مسجد کریلا اسٹاپ ڈسٹرکٹ سینٹرل نیو کراچی میں رکن شوریٰ مولانا حاجی عبد الحبیب عطاری، میمن مسجد میمن نگر 15/A گلزار ہجری کراچی میں رکن شوریٰ مولانا حاجی محمد جنید عطاری مدنی، رضائے مصطفٰے مسجد کورنگی نمبر 4 کراچی میں رکن شوریٰ حاجی محمد اطہر عطاری، سبحانی مسجد اورنگی ٹاؤن کراچی میں رکن شوریٰ حاجی محمد امین عطاری، فیضان جیلان مسجد بلاک 8کلفٹن کراچی میں رکن شوریٰ مولانا حاجی محمد اسد عطاری مدنی، بہزاد لکھنوی مسجد ، سخی حسن چورنگی کراچی میں رکن شوریٰ حاجی محمد منصور عطاری اور جامع مسجد انوار مدینہ، نایاب پارک سلامت پورہ لاہور میں نگران شعبہ پروفیشنلز فورم محمد ثوبان عطاری سنتوں بھرا بیان فرمائیں گے۔

تمام عاشقان رسول سے ہفتہ وار اجتماع میں شرکت کرنے کی درخواست ہے۔

شعبہ ہفتہ وار مدنی مذاکرہ دعوتِ اسلامی کے تحت 21 نومبر 2022ء بروز پیر اوکاڑہ ڈویژن ساہیوال میں مدنی مشورے کا انعقاد ہوا جس میں ڈویژن، ڈسٹرکٹ اور تحصیل ذمہ دار اسلامی بھائیوں نے شرکت کی۔

اس مدنی مشورے میں شعبے کےپنجاب پاکستان سطح کے ذمہ دار عبد الرزاق عطاری نے شعبے کے دینی کاموں کے حوالے سے گفتگو کرتے ہوئے مدنی مذاکرے کے مستقل مقامات کی لسٹیں تیار کرنے اور لائیو مدنی مذاکروں کے مقامات بڑھانے کا ذہن دیا۔