دعوتِ اسلامی کے شعبہ رابطہ بالعلماء کے ذمہ داراسلامی بھائیوں نے پچھلے دنوں بہاولنگرمیں عاشقانِ رسول کےمختلف جامعات میں حاضری دی جہاں انہوں نے مہتممین اور مدرسین علمائے کرام سے ملاقات کی۔

اس موقع پر نگرانِ شعبہ مولانا حافظ محمد افضل عطاری مدنی اوررکنِ ملتان ریجن سیّد عمارالحسن عطاری مدنی نےدیگرذمہ داراسلامی بھائیوں کے ہمراہ انہیں دعوتِ اسلامی کی دینی وفلاحی خدمات کے حوالے سے بریفنگ دی جس پر علمائے کرام نے دعوتِ اسلامی کی کاوشوں کوسراہتے ہوئے اظہارِ تشکر کیا۔

اس دوران جن عاشقانِ رسول کی جامعات میں حاضری کا سلسلہ ہوا ان میں سےچند یہ ہیں: منچن آباد بہاولنگر میں موجود جامعہ انوار السلام ومدرسہ قادریہ غوثیہ، جامعہ انوار غوثیہ آستانہ حضرت بناں والا منچن آباد بہاولنگر ۔(رپورٹ: شعبہ رابطہ بالعلماء،کانٹینٹ:غیاث الدین عطاری)

دعوتِ اسلامی کے شعبہ اسلامی بہنوں کے مدرسۃالمدینہ کےزیر اہتمام کراچی ریجن  میں قا ئم دارسنہ للبنات میں 12 دن پر مشتمل رہائشی کورس بنام ’’ آئیں دینی کام سیکھیں ‘‘کاانعقادہوا جس میں پاکستان بھر کے دارسنۃ میں کورسز کرنےوالی اسلامی بہنوں نے بذریعہ انٹر نیٹ شرکت کی ۔ پاکستان مشاورت ذمہ دار اسلامی بہن نے’’ قراٰن پاک پڑھنےکی فضیلت ‘‘کے موضوع پر بیان کیا اور کورس میں شریک اسلامی بہنوں کو دینی کام کرنےکےحوالےسے اپڈیٹ نکات بتائےنیز تجوید درست کرنے کے لئے اسلامی بہنوں کے مدرسۃ المدینہ میں داخلے کا ذہن دیا۔

 دعوتِ اسلامی کے شعبہ مکتبۃ المدینہ للبنات کے زیر اہتمام 3 اکتوبر 2021ء فیصل آباد زون اور فیصل آباد دارالسنۃ للبنات میں میں مدنی مشوروں کاانعقاد کیاگیاجن میں زون تا ڈویژن ذمہ دراسلامی بہنوں نے شرکت کی۔

ریجن ذمہ دار اسلامی بہن نے اسلامی بہنوں کو ہفتہ وار سنتوں بھرے اجتماعات میں لگائےجانے والے بستوں(اسٹال) کو مضبوط کرنے کا ذہن دیا اور مزید نئے بستے لگانے کی ترغیب دلاتےہوئے ماہ ربیع الاول میں تقسیم رسائل کرنے کے متعلق اہداف دیئے۔ بکرز بنانے اور ماہنامہ کی بکنگ کرنے کے متعلق بھی نکات بتائے جس پر اسلامی نے اچھی اچھی نیتوں کا اظہار کیا۔

دعوت اسلامی کے زیر اہتمام 5 اکتوبر2021 ء کراچی ریجن اور فیصل آباد ریجن میں  بذریعہ انٹر نیٹ آن لائن ماہانہ مدنی مشوروں کاسلسلہ ہواجن میں ریجن مشاورت ، زون نگران اور ادارتی شعبہ جات کی اسلامی بہنوں نے شرکت کی۔

ریجن نگران اسلامی بہنوں نے ’’سستی کے نقصانات‘‘ کے موضوع پر بیان کرتے ہوئے ٹیلی تھون2021 ء کی تیاری کرنےکاذہن دیا اور اس حوالےسے اہداف دیئے۔ ساتھ ہی ربیع الاول میں ہونےوالےمحافلِ نعت کےحوالےسےاسلامی بہنوں کو مدنی پھول دیئے۔

بلڈنگ و گلی ذمہ داراسلامی بہنوں کی کارکردگی بیان کرتے ہوئے اس میں مزید بہتر لانے پرتبادلہ خیال ہوا۔ بعدازاں مدنی مشورے میں شرکت کرنے کا ذہن دیتے ہوئے اس کی اہمیت بتائی اور اپنا نعم البدل تیار رکھنے کا ذہن دیا ۔ ساتھ ہی امیراہل سنت کا اصلاح کا انداز بتاتے ہوئے اچھے انداز میں ماتحت کی اصلاح کرنے کی بھی ترغیب دلائی ۔

دعوتِ اسلامی کے میڈیا ڈیپارٹمنٹ کے تحت JNN نیوز آفس دوڑ میں صحافیوں کے درمیان بذریعہ مدنی چینل ہفتہ وار مدنی مذاکرہ دیکھنے کا سلسلہ رہا ۔

اس مدنی مذاکرے میں سینئر صحافی محمد سلیم آرائیں، محمد ندیم آرائیں، شیر محمد بروھی، محمد سلیم جٹ،تنویر علی جٹ ،ممتاز علی لاشاری، عبد الطيف شیخ، نعمان علی ملاح، مقصود احمد کمبوہ ،شفيع محمد شيخ، عرفان عزیز آرائیں ،فرحان آرائیں، برکت علی شاہ اور شکیل احمد رندنے شرکت کی۔

اس دوران میڈیا ڈیپارٹمنٹ نواب شاہ کابینہ کے ذمہ دار قاری محمد راشد عطاری دیگر ذمہ داران کے ہمراہ موجود تھے۔ (رپورٹ: قاری محمد راشد عطاری ، کانٹینٹ:غیاث الدین عطاری)

پچھلے دونوں حب پریس کلب کے صدر الیاس کمبوہ اور جنر ل سیکر یٹری دیدار علی رونجھو سمیت دیگر میڈیا سے وابستہ افراد نے عالمی مدنی مرکز فیضانِ مدینہ کراچی میں حاضری دی جن میں یار محمد بروہی، اسحاق سیلرو، اعجاز خان سموں، ضیاءالدین کمبوہ، عدنان بلو چ، وسیم احمد کمبوہ شامل تھے۔

اس موقع پر رابطہ آفس میں زون نگران لیاقت عطاری نے دعوت اسلامی کے دینی وفلاحی کاموں سے آگاہ کرتے ہوئےدعوتِ اسلامی کا تعارف پیش کیا اور مختلف شعبہ جات کا تعارف ویڈیو اسکرین پر دکھایا ،بعدازاں میڈیا ڈیپارٹمنٹ کراچی ریجن کے ذمہ دار شجاعت علی عطاری ، محمود عطاری اور میڈیا ڈیپارٹمنٹ لسبیلہ کے ذمہ دار جہانزیب عطاری نے عالمی مدنی مرکز فیضانِ مدینہ میں قائم مختلف شعبہ جات مستشفٰی (اسپتال) ، تراجم ڈیپارٹمنٹ، فیضان آن لائن اکیڈمی اورمدنی چینل( اردو،انگلش ،بنگلہ اورعربی زبان )سمیت دیگر شعبہ جات کا وزٹ کروایا۔

اس دوران اسلامی بھائیوں نے مرکزی مجلسِ شوریٰ کےرکن حاجی ابو ماجدمحمد شاہد عطاری مدنی سے ملاقات کی جس پر رکنِ شوریٰ نے صحافیوں کو عالمی مدنی مرکزفیضانِ مدینہ آنے پر خو ش آمد ید کہا، حب پریس کلب کے صدر محمد الیاس کمبوہ، جنرل سیکر یٹری دیدار علی رونجھو نے مدنی چینل پر تاثرات بھی دئیے، آخر میں رکن ِشوریٰ نے حب پریس کلب کے صحافیوں میں مکتبۃ المدینہ کے رسائل تحفے میں دیئے اور دعا کی۔ (رپورٹ: اسرار عطاری میڈیا ڈیپارٹمنٹ آفس ذمہ دار ،کانٹینٹ:غیاث الدین عطاری)

ستمبر2021ء میں دعوتِ اسلامی کے  شعبہ شارٹ کورسز کے زیر اہتمام ملک و بیرون ملک ہند(دہلی ،ممبئی، کولکتہ ، اجمیر،بریلی) ،یوکے برمنگھم ، لندن ، مانچسٹر، اسکاٹ لینڈ ، آئر لینڈ ، بریڈ فورڈ،عرب شریف، آسٹریلیا ملبرن ،آسٹریلیا سڈنی، نیوزی لینڈ، ترکی ، کینیڈا ،موزمبیق ، موزوزو ، سویڈن، ڈنمارک ، فرانس ، اٹلی ، ہالینڈ، ساؤتھ افریقہ ، ساؤتھ کوریا ، چائنہ ، سری لنکا ، ایران ، یواے ای، پاکستان(ریجن کراچی ، اسلام آباد ، لاہور) مقامی مدرسات اور دیگر ذرائع کے ذریعے کورس بنام ”تفسیر سورۂ ملک“ کا انعقاد 272 مقامات پر کیا گیا جن میں تقریباً 5ہزار633 اسلامی بہنوں نے شرکت کی۔

کورس میں شریک اسلامی بہنوں نے کورس کو بہت پسند فرمایا اور دعوت اسلامی کے لئے دعائیں بھی کی نیز1ہزار 731اسلامی بہنوں نے ہفتہ وار سنتوں بھرے اجتماع میں شرکت کرنے ،719 نےاسلامی بہنوں کے مدرسۃ المدینہ میں داخلہ لینے اور 133 نے دارالسنہ میں ہونے والے رہائشی کورسزمیں داخلہ لینے کی نیتیں کیں۔

دعوتِ اسلامی کےشعبہ روحانی علاج  (اسلامی بہنیں)کے زیر اہتمام گزشتہ دنوں مانچسٹر ریجن کی کابینہ روچڈیل میں بلیک برن ،بری، بولٹن اور روچڈل کی بستہ ذمہ دار اسلامی بہنوں کا اور بریڈ فورڈ ریجن کی کابینہ بریڈ فورڈ میں بستہ ذمہ دار اسلامی بہنوں کا دہرائی اجتماعات ہوا جس میں بین الاقوامی سطح کی شعبہ روحانی علاج ذمہ دار اسلامی بہن نے اسلامی بہنوں کو آن لائن شامل ہوکر ڈائری کے نکات کی دہرائی کروائی۔ احساس ذمہ داری اور اطاعت کے ساتھ بستے کی ذمہ داری سر انجام دینے کا ذہن دیا نیز اچھی کارکردگی والی اسلامی بہنوں کو تحائف پیش کئے گئے ۔

دعوتِ اسلامی کے شعبہ شارٹ کورسز کے زیرِ اہتمام04 اکتوبر 2021ء سے یورپین یونین ریجن کے ملک ڈنمارک ، ہالینڈ اور جرمنی میں 30دن پر مشتمل ”اسلامی زندگی کورس “کا سلسلہ جاری ہے جس میں کم و بیش 36اسلامی بہنیں شرکت کی سعادت حاصل کر رہی ہیں۔

کورس میں شریک اسلامی بہنوں کو تفسیر سورۂ رحمن، فقہی مسائل، سیرتِ مصطفی ﷺ احکام وراثت اور باطنی امراض کے علاوہ اور بہت کچھ سیکھنے کا موقع مل رہا ہے۔

دعوتِ اسلامی کے شعبہ شارٹ کورسز کے زیرِ اہتمام  5 اکتوبر 2021ء سے نارتھ امریکہ ریجن کے ملک امریکہ میں 5دن پر مشتمل کورس بنام”شمائلِ مصطفی“کا آغاز ہوا جو کہ 10 اکتوبر 2021ء کو اختتام پذیر ہوا۔ اس کورس میں کم و بیش 15اسلامی بہنوں نے شرکت کی۔

کورس میں شریک اسلامی بہنوں کو حضورﷺ کے حالات زندگی، سیرت، معجزات، شمائل ، خصائص وغیرہ کے بارے میں جاننے کا موقع فراہم کیا گیا۔

دعوتِ اسلامی کے شعبہ شارٹ کورسز کے زیر اہتمام 2 اکتوبر2021ء بروز ہفتہ کراچی ایسٹ زون 2  میں آن لائن مدنی مشورے کا انعقاد ہواجس میں کابینہ ذمہ دار اسلامی بہنوں نے شرکت کی۔

زون ذمہ دار اسلامی بہن نے اکتوبر میں ہونے والے کورس بنام ’’شمائلِ مصطفٰی ﷺ ‘‘کے حوالےسےاسلامی بہنوں کومدنی پھول سمجھائےاوراس حوالےسےاہداف بھی دیئےجس پر کابینہ ذمہ دار اسلامی بہنوں نے کورس کو اپنی اپنی کابینہ میں مدنی پھولوں کے مطابق کروانے کی نیتیں پیش کیں اور اس کے علاوہ بھی شعبے کو بہتر بنانے کے حوالے سےبھی مدنی مشورے میں کلام ہوا۔

دعوتِ اسلامی کے شعبہ علاقائی دورہ للبنات کےزیر اہتمام 5 اکتوبر2021ء بروز منگل گلستان جوہر کابینہ ڈویژن پرفیوم چوک میں علاقائی دورہ کاسلسلہ ہوا جس میں 5 اسلامی بہنوں نےشرکت کی ۔

زون ذمہ دار اسلامی بہن نے اسلامی بہنوں کےہمراہ ملکر مقامی اسلامی بہنوں کو ہفتہ وار سنتوں بھرے اجتماع میں شرکت کرنے کی دعوت دی اور امیر اہل سنت دامت برکاتہم العالیہ کے تحریر شدہ رسائل بھی پیش کئے۔