بد شگونی کی تعریف: شگون کے معنی ہیں فال لینا یعنی کسی چیز ،شخص ،عمل ،آواز یا وقت کو اپنے حق میں اچھا یا بُراسمجھنا

اسلام اور بد شگونی: اسلام میں بد شگونی کا کوئی تصور نہیں بلکہ دین اسلام نے اسے ناجائز وحرام قرار دیا ہے چناچہ اللہ پاک قرآن پاک میں ارشاد فرماتا ہے : فَاِذَا جَآءَتْهُمُ الْحَسَنَةُ قَالُوْا لَنَا هٰذِهٖۚ-وَ اِنْ تُصِبْهُمْ سَیِّئَةٌ یَّطَّیَّرُوْا بِمُوْسٰى وَ مَنْ مَّعَهٗؕ-اَلَاۤ اِنَّمَا طٰٓىٕرُهُمْ عِنْدَ اللّٰهِ وَ لٰكِنَّ اَكْثَرَهُمْ لَا یَعْلَمُوْنَ(۱۳۱)

ترجَمۂ کنزُالایمان: تو جب انہیں بھلائی ملتی کہتے یہ ہمارے لیے ہے اور جب برائی پہنچتی تو موسی اور اس کے ساتھ والوں سے بدشگونی لیتے سن لو ان کے نصیبہ(مُقَدَّر) کی شامت تو اللہ کے یہاں ہے لیکن ان میں اکثر کو خبر نہیں ۔( پ9،اعراف 131)

مفسر شہیر حکیم الامت حضرت مفتی احمد یار خان رحمۃ اللہ علیہ اس آیت مبارکہ کے تحت لکھتے ہیں جب فرعونیوں پر کوئی مصیبت (قحط سالی )وغیرہ آتی تھی تو حضرت موسی علیہ السلام اور ان کے ساتھ مؤمنین سے بد شگونی لیتے تھے کہتے تھے کہ جب سے یہ لوگ ہمارے ملک میں ظاہر ہوئے ہیں تب سے ہمارے اوپر مصیبتیں ،بلائیں آنے لگیں۔

(تفسیر نعیمی پارہ 9 الاعراف ،تحت الآیہ :131 ج9ص117 )

حضور پاک صاحب لولاک صلی اللہ علیہ وسلم نے فرمایا ! ليس منا من تطير ولا تطير له (یعنی جس نے بدشگونی لی اور جس کے لیے بد شگونی لی گئی وہ ہم میں سے نہیں)

(المعجم الکبیر ،18/162،حديث355،داراحياء التراث1422ھ )

بدشگونی کے عقائد کے حامل لوگ کچھ چیزوں ،واقعات یاعلامات کو اپنے لیے منحوس یانقصان دہ سمجھتے ہیں اورمنفی خیالات کاشکار ہوکر اپنی خوشیاں اور سکون برباد کردیتے ہیں ،کہنےکو تو ہم سائنسی دور میں رہتےہیں جہاں ہر واقعے اورنظریہ کے دلائل اور حقائق تلاش کیے جاتے ہیں مگر اس کے باجود دنیا کی ترقی یافتہ اقوام میں بھی بدشگونی عام ہے،اکثر عورتیں اس مرض کا شکار نظر آتی ہیں طرح طرح کےکاموں سے بدشگونی لے لیتی ہیں جیساکہ : مثالیں: (1) اگر حاملہ عورت میت کے قریب جائے تو اس سے بچے کی صحت پر بُرا اثر پڑتاہے(2)عصر کے بعدگھر میں جھاڑو لگانے سے بلائیں نازل ہوتی ہیں (3)خالی برتن آپس میں ٹکڑانا گھر میں لڑائی جھگڑے کاسبب ہے (4)حاملہ عورت سورج گرہن کے وقت چاقو کااستعمال کرے تو بچہ لنگڑالولا پیداہوگا (5)سوئےہوئے بچےکے اوپر سےچھلانگ لگانے سے بچے کا قد چھوٹارہ جاتاہےوغیرہ۔

میٹھے میٹھے اسلامی بھائیو اور بہنو! مذکورہ بدشگونیوں کے علاوہ بھی کئی بدشگونیاں عورتوں میں پائی جاتی ہیں اس کی ایک وجہ کم علمی اوردینی احکام سے ناواقفیت ہے ،لہذا ہمیں اپنے خیالات کو مثبت رکھنا چاہیے اور علمِ دین سیکھناچاہیے تاکہ اس طرح کے منفی خیالات سے بچاجاسکے ۔

مشر ک قوموں میں مختلف چیزوں  سے بُرا شگون لینے کی رسم بہت پُرانی ہے اور ان کے تَوَہُم پرست لو گ ہر چیز سے اثر قبول کر لیتے، مشرک قومیں پرندے کو اڑا کر اس سے فال لیتے تھے ،پرندے کے دائیں طرف اُڑنے سے اچھا فال لیتے اور بائیں طرف اُڑنے سے بد شگونی لیتے تھے۔اور بھی بہت سی چیزوں سے بد شگو نی لی جاتی تھی جیسے پرندوں کے ناموں سے ، آواز سے ،رنگوں سے، اور عقاب سے مصیبت، کوے سے سفر ، ہد ہد سے سے ہدایت کی فال لیتے۔ اسی طرح کوئی شخص کسی کام کو نکلتا اور راستے میں کوئی جانور سامنے سے گزر گیا یا کسی مخصوص پرندے کی آواز کان میں پڑ جاتی تو فوراً گھر واپس لوٹ آتا۔ اسی طرح کے تصورات اور خیالات ہمارے معاشرے میں بہت پھیلے ہوئے ہیں ۔ اسلام اس طرح کی تَوَہُم پرستی کی ہرگز اجازت نہیں دیتا اور اسلام نے جہاں دیگر مشرکانہ رسموں کی جڑیں ختم کیں وہیں اس نے بد شگونی کا بھی خاتمہ کر دیا ۔ کسی مسلمان کو یہ زیب ہی نہیں دیتا کہ وہ کسی چیز سے بد شگونی لے ،کیوں کہ یہ تو مشرکوں کا سا کام ہے جیساکہ حدیث مبارکہ میں بد شگونی کو شرک فرمایا گیا ہے۔چنانچہ

حضرت عبد اللہ بن مسعود رضی اللہ عنہ سے روایت ہے رسول اللہ صلی اللہ علیہ وسلم نے ارشاد فرمایا" شگون شرک ہے ، شگون شرک ہے ، شگون شرک ہے ،" ( یعنی مشرکوں کا سا کام ہے) اور ہمارے ساتھ اس کا کوئی تعلق نہیں، اللہ تعالیٰ اسے تو کُّل کے ذریعے دور کر دیتا ہے۔

( ابو داؤد،کتاب الطب، باب فی الطیرۃ،4/23 الحدیث:3910)

نوٹ:شگون شرک ہے اس سے مراد یہ ہے کہ (جب کوئی شخص بدشگونی کے افعال کو مؤثِّرِ حقیقی جانے تو شرک ہے )

علامہ محمد بن احمد اَنصاری قُرطبی رحمۃ اللہ علیہ تفسیر قُرطبی میں نقل کرتے ہیں اچھا شگون یہ ہے کہ جس کام کا ارادہ کیا ہو اس کے بارے میں کوئی کلام سن کر دلیل پکڑنا، یہ اس وقت ہے جب کلام اچھا ہو، اگر بُراہو تو بد شگونی ہے۔ شریعت نے اس بات کا حکم دیا ہے کہ انسان اچھا شگون لے کر خوش ہو اور اپنا کام خوشی خوشی پا یہ تکمیل تک پہنچائے اور جب بُرا کلام سُنے تو اس کی طرف توجہ نہ کرے او ر نہ ہی اس کے سبب اپنے کام سے رُکے۔(الجامع لاحکام القرآن للقرطبی پ 26، الاحکاف تحت الآیۃ:4 ج8 جزء ، 16 ص132/ بد شگونی مکتبۃ المدینہ دعوتِ اسلامی ص10)

شگون کی تعریف و اقسام :

شگون کا معنی ہے فال لینا یعنی کسی چیز، شخص، عمل، آواز یا وقت کو اپنے حق میں اچھا یا بُڑا سجھنا اس کی بنیادی طور پردو قسمیں ہیں : (1)بُرا شگون لینا(2) اچھا شگون لینا

بد شگونی کا علاج:

حضرت عبد اللہ بن عمر و بن العاص سے روایت ہے رسول اللہ صلی اللہ علیہ وسلم نے ارشاد فرمایا:"جسے کسی چیز کی بد فالی نے اس کے مقصد سے لوٹا دیا اُس نے شرک کیا۔ عرض کی گئی: یا رسول اللہ صلی اللہ علیہ وسلم ایسا شخص کیا کفارہ دے؟ ارشاد فرمایا: یہ کہے" اَللّٰھُمَّ لَا طَیْرَ اِلّا طَیْرُکَ وَلَاخَیْرَ اِلَّاخَیْرُکَ وَ لَا اِلٰہَ غَیْرُکَ" اے اللہ تیری فال کے علاوہ اور کوئی فال نہیں ، تیری بھلائی کے سوا اور کوئی بھلائی نہیں اور تیرے سوا کوئی معبود نہیں۔( یہ الفاظ کہہ کر اپنے کام کو چلا جائے۔)

(مسند امام احمد ، مسند عبد اللہ بن عمر و بن العاص رضی اللہ عنہ 1/683، الحدیث 7066)

حضرت عروہ بن عامر رضی اللہ عنہ سے مروی ہے رسو ل اللہ صلی اللہ علیہ وسلم کے پاس شگون کا ذکر کیا گیا تو فرمایا:" اس میں ( نیک) فال اچھی چیز ہے اور مسلمانو ں کو کسی کام سے نہ روکے ،تو جب تم میں سے کوئی نا پسند یدہ چیز دیکھے تو یوں کہے " اَللّٰھُمَّ لَا یَاتِیْ بِالْحَسَنَاتِ اِلَّا اَنْتَ وَ لَا یَدْفَعُ السَّیِّآَتِ اِلَّا اَنْتَ وَ لَا حَولَ وَ لَا قُوَّۃَ اِلّا بِکَ" ( یعنی اے اللہ ! تیرے سوا کوئی بھلائیاں نہیں لاتا اور تیرے سوا کوئی برائی دو ر نہیں کرتا ، نہ ہم میں طاقت ہے اور نہ قوت مگر تیری توفیق کے ساتھ) ( ابو داؤد،کتاب الطب، باب فی الطیرۃ،4/23 الحدیث:3910)

بد شگونی کی مثالیں:

ہمارے معاشرے میں جہالت کی وجہ سے رواج پانے وا لی خرابیوں میں سے ایک بدشگونی بھی ہے جس کو بد فالی بھی کہتے ہیں جبکہ عربی میں اسے طائِرٌ، طَیْرٌ اور طِیَرَۃٌ کہا جا تا ہے ان بد شگونیوں میں سے 5 مندرجہ ذیل ہیں :

(1) بیوہ یا وہ عورت جس کا پہلا حمل ضائع ہو گیا ہو یا جس کاپہلی اولاد نا بالغی میں انتقا ل کر گئی ہو تو ایسی عورت کو شادی بیاہ کی رسومات میں شامل ہونے سے روکا جاتا ہے کیوں کہ اس سے یہ بد شگونی لی جاتی ہے کہ اگر ایسی عورت ان رسومات میں شرکت کرے گی تو اس سے بُرا اثر ہوگا۔اسی طرح ایسی عورت کو نئی دلہن کے کپڑوں تک کو چھونے نہیں دیا جاتاکیوں کہ اس سے دلہن کی زندگی پر بُرا اثر پڑے گا۔

(2)شیشے کا گلاس اگر صبح کے وقت ٹوٹ جائے تو اس سے یہ بد شگونی لی جاتی ہے کہ بلا ٹل گئی اور اگر شام کے وقت ٹوٹے کو یہ بد شگونی لی جاتی ہے کہ اب کوئی نہ کوئی مصیبت آئے گی۔

(3)دلہا شادی کے ایام میں سسرال نہیں جا سکتا اس سے یہ بد شگونی لی جاتی ہے کہ اگر دلہا شادی کے ایام میں اپنے سسرال گیا تو ساس اور داماد یا دلہن اور دلہا کے درمیان نفرتیں اور نا چاکیاں پیدا ہو جائیں گی۔

(4)جس عورت کے شوہر کا انتقال ہو جائے تو عدتِ وفات کے دوران اپنا چہرہ کھول کر چاند یا سورج کے سامنے نہ جائے اگر گئی تو چاند یا سورج سے نکاح ہو جاتا ہے۔

(5)اگر کسی کے پاس پیسہ(رقم ) نہ ہو اور وہ کہے میرے پاس پیسے نہیں ، میرے پاس پیسے نہیں تو اس جملے سے یہ بد شگونی لی جاتی ہے کہ جو ہر وقت یہ کہتا رہتا ہے کہ میرے پاس پیسے نہیں تو اس کے پاس کبھی پیسے آتے بھی نہیں اور نہ اس کے پاس کبھی پیسے جمع ہو سکتے ہیں۔

پیارے اسلامی بھائیو اور قارئین کسی شخص، جگہ، چیز یا وقت کو منحوس جاننے کا اسلام میں کوئی تصور نہیں یہ محض وہمی خیالات ہوتے ہیں۔اعلیٰ حضرت امام احمد رضا خان رحمۃ اللہ علیہ سے اسی نوعیت کا سوال ہوا کہ ایک شخص کے متعلق مشہور ہے اگر صبح کو اس کی منحوس صورت دیکھ لی جائے یا کہیں کام کو جاتے ہوئے یہ سامنے آجائے تو ضرور کچھ نہ کچھ دِقت اور پریشانی اٹھانی پڑے گی اور چاہے کیسا ہی یقینی طور پر کام ہو جانے کا اعتماد اور بھروسہ ہو لیکن ان کا خیال ہے کہ کچھ نہ کچھ ضرور رکاوٹ اور پریشانی ہوگی چنانچہ ان لوگوں کو ان کے خیال کے مناسب ہر بار تجربہ ہوتا رہتا ہے اور وہ لوگ برابر اس بات کا خیال رکھتے ہیں کہ اگر کہیں جاتے ہوئے اس سے سامنا ہوجائے تو اپنے مکان پر واپس آ جاتے ہیں اور تھوڑی دیر بعد یہ معلوم کرکے کہ وہ منحوس سامنے تو نہیں! اپنے کام کے لئے جاتے ہیں۔  اب سوال یہ ہے کہ ان لوگوں کا یہ عقیدہ اور طرزِ عمل کیسا ہے؟ کوئی قباحتِ شرعیہ تو نہیں؟ اعلیٰ حضرت رحمۃ اللہ علیہ نے جواب دیا : شرعِ مطہر میں اس کی کچھ اصل نہیں لوگوں کا وہم سامنے آتا ہے۔ شریعت میں حکم ہے ( اِذَا تَطَيَّرْتُمْ فَامْضُوْا ) یعنی جب کوئی شگونِ بَد گمان میں آئے تو اس پر عمل نہ کرو۔

( فتح الباری، کتاب الطب، باب الطیرة ، 181/ 11 تحت الحدیث: 5754)

وہ طریقہ محض ہندوانہ ہے مسلمانوں کو ایسی جگہ چاہیے کہ "اللّٰهم لَا طَيْرَ اِلَّا طَيْرُكَ وَلَا خَيْرَ اِلَّا خَيْرُكَ وَلَا اِلٰهَ غَيْرُكَ" پڑھ لے ترجمہ (اے اللہ نہیں ہے کوئی بُرائی مگر تیری طرف سے نہیں ہے کوئی بھلائی مگر تیری طرف سے اور تیرے سوا کوئی معبود نہیں ) اور اپنے رب کریم پر بھروسہ کر کے اپنے کام کو چلا جائے ، ہرگز نہ رُکے، نہ واپس آئے۔ واللہ تعالیٰ اعلم ۔

(فتاویٰ رضویہ 29/641 ملخصاً)

شگون کی قسمیں : شگون کا معنیٰ ہے فال لینا یعنی کسی شخص، چیز، عمل، آواز یا وقت کو اپنے حق میں اچھا یا برا سمجھنا۔ اس کی بنیادی طور پر دو قسمیں ہیں: 1۔ بُرا شگون لینا 2 ۔ اچھا شگون لینا

علامہ محمد بن احمد انصاری القرطبی رحمۃ اللہ علیہ تفسیرِ قرطبی میں نقل کرتے ہیں: اچھا شگون یہ ہے کہ جس کام کا ارادہ کیا ہو اس کے بارے میں کوئی کلام سن کر دلیل پکڑنا، یہ اس وقت ہے جب کلام اچھا ہو، اگر برا ہوں تو بدشگونی ہے۔

شریعت نے اس بات کا حکم دیا ہے کہ انسان اچھا شگون لے کر خوش ہوں اور اپنا کام خوشی خوشی پایئہ تکمیل تک پہنچائے اور جب برا کلام سنے تو اس کی طرف توجہ نہ کرے اور نہ ہی اس کے سبب اپنے کام سے رکے۔

(الجامع لاحکام القرآن للقرطبی، پ 26 ،الحقاف، الآیہ: 4 ،ج8 ، جزء 16، ص 132)

اللہ کے آخری نبی صلی اللہ علیہ وسلم نے بدفالی لینے والوں سے اپنی بیزاری کا اظہار ان الفاظ میں فرمایا : "لَيْسَ مِنَّا مَنْ تَطَيَّرَ وَلَا تُطُيِّرَ لَه" یعنی جس نے بدشگونی لی اور جس کے لیے بدشگونی لی گئی وہ ہم میں سے نہیں (یعنی ہمارے طریقے پر نہیں)

(المعجم الکبیر ، 18/162 حديث 355 و فیض القدیر، 3/288 تحت الحدیث: 3206)

بد شگونی لینا عالَمی بیماری ہے مختلف ممالک میں رہنے والے مختلف لوگ مختلف چیزوں سے ایسی ایسی بدشگونی لیتے ہیں کہ انسان سن کر حیران رہ جاتا ہے چنانچہ بدشگونی کی مثالیں ملاحظہ کیجیے :

1: کبھی مہمان کی رخصتی کے بعد گھر میں جھاڑو دینے کو منحوس خیال کرتے ہیں۔

2: کبھی یہ خیال کرتے ہیں کہ خالی قینچی چلانے سے گھر میں لڑائی ہوتی ہے ۔

3: عید جمعہ کے دن ہو جائے تو اسے حکومتِ وقت پر بھاری سمجھتے ہیں ۔

4: کبھی یہ خیال کرتے ہیں سورج گرہن کے وقت حاملہ عورت چھری سے کوئی چیز نہ کاٹے کہ بچہ پیدا ہوگا تو اس کا ہاتھ یا پاؤں کٹا یا چِرا ہوا ہوگا ۔

5 : کبھی یہ خیال کرتے ہیں کہ مغرب کی اذان کے وقت تمام لائٹیں روشن کر دینی چاہیے ورنہ بلائیں اترتی ہیں ۔

مذکورہ بالا بدشگونیوں کے علاوہ بھی مختلف معاشروں، قوموں، برادریوں میں مختلف بد شگونیاں پائی جاتی ہے۔

حضرت سیدنا امام محمد آفندی رومی رحمۃ اللّٰہ علیہ الطریقہ المحمدیہ میں لکھتے ہیں بد شگونی لینا حرام اور نیک فال یا اچھا شگون لینا مستحب ہے ( الطریقہ المحمدیہ ،2/ 18، 24)

نیک فال یا اچھا شگون لینا بدشگونی کی ضد ہے یعنی کسی چیز کو اپنے لئے باعثِ خیر و برکت سمجھنا اور یہ مستحب ہے مثلًا بزرگان دین کی زیارت ہونا، بدھ کے دن نیا سبق شروع کرنا، پیر اور جمعرات کو سفر شروع کرنا۔ نبی پاک صلی اللہ علیہ والہ وسلم کو نیک فال لینا پسند تھا چنانچہ ارشاد فرمایا بدفالی کوئی چیز نہیں اور فال اچھی چیز ہے لوگوں نے عرض کی فال کیا چیز ہے فرمایا "اچھا کلمہ جو کسی سے سنے"۔(بخاری، کتاب الطب، باب الطیرہ ،4 / 32، حديث: 5754)

اللہ تعالی سے دعا ہے کہ وہ ہمیں بدشگونی اور بد فالی سے بچائے اور ہمیں اچھا شگون و حسن ظن اور اچھے فال لینے کی توفیق عطا فرمائے ۔آمین بجاہ النبی الامین صلی اللہ علیہ وسلم

ماخوذ ( کتاب " بدشگونی" ص 8 ، 10 ، 12 ،15 تا 19 اور 113 )

شُگُون کا معنی ہے فال لینا یعنی کسی چیز، شخص، آواز، عمل یا وقت آنے کو حق میں اچھا یا برا سمجھنا۔اس کی بنیادی طور پر دو قسمیں ہیں : (1) برا شگون لینا (2) اچھا شگون لینا۔ علامہ محمد بن احمد انصاری قرطبی علیہ الرحمة تفسیرِ قرطبی میں نقل کرتے ہیں: اچھا شگون یہ کہ جس کام کا ارادہ کیا ہو اس کر بارے میں کوئی کلام سن کر دلیل پکڑنا، یہ اس وقت ہے جب کلام اچھا ہو ، اگر بُرا ہو تو بد شگونی ہے۔ شریعت نے اس بات کا حکم دیا ہے کہ انسان اچھا شگون لے کر خوش ہو اور اپنا کام خوشی خوشی پایہ تکمیل تک پہنچاۓ اور جب بُرا کلام سنے تو اس کی طرف توجّہ نہ کرے اورنہ ہی اس کے سبب اپنے کام سے رکے ۔

( الجامع الاحکام القرآن للقرطبی ،پ 26، الاحقاف، تحت الآیہ 4 ، ج 8 ، جز ٕ 16 ، ص132 )

ہمارا معاشرہ بھی بد شگونی کا سخت شکار ہے بالخصوص خواتین کہ ایسی ایسی بد شگونیاں لیتیں ہیں کہ انسان سن کر حیران رہ جاتا ہے۔ جس میں سے پانچ بد شگونیاں مندرجہ ذیل ہیں :

1) نئی دلہن کو منحوس سمجھنا : نئی نویلی دلہن کے گھر آنے پر خاندان کا کوئی شخص فوت ہو جائےتو دلہن کو منحوس سمجھنا ۔

2) لڑکیوں کی مسلسل پیدائش کو منحوس سمجھنا: کسی عورت کی صرف بیٹیاں ہی پیدا ہوں تو اس پر منحوس ہونے کا لیبل لگ جاتا ہے ۔ اعلٰی حضرت امام احمد رضا خان علیہ الرحمة سے اسی طرح کا لگاتار بیٹیوں کی پیدائش کو برا سمجھنے کے متعلق سوال کیا گیا تو آپ علیہ الرحمة نے جواب ارشاد فرمایا کہ: یہ محض باطل اور زنانہ اوہام اور ہندوانہ خیالاتِ شیطانیہ ہیں ان کی پیروی حرام ہے۔

(فتاوی رضویہ ، 29 / 644 ، 696 مخلصاً )

3) میت سے بچے پر بُرا اثر سمجھنا : حاملہ عورت کو میت کے قریب نہیں آنے دیتے کہ بچے پر بُرا اثر پڑے گا ۔

4) جوان بیوہ کو منحوس سمجھنا : جوانی میں بیوہ ہو جانے والی کو منحوس جانتے ہیں۔

5) گرہن سے جڑےہوئے توہمات : گرہن کے وقت حاملہ خواتین کو کمرے کے اندر رہنے اور سبزی وغیرہ نہ کاٹنے اور سلائی کڑھائی نہ کرنے کا کہاجاتا ہے کہ بچے پیدائش نقص کے بغیر پیدا ہوں ورنہ یہ خیال کیا جاتا ہے کہ بچے کے جسم پر غلط اثر پڑ سکتا ہے۔ الامان والحفیظ 

جب اللہ پاک نے حضرت آدم علیہ الصلاۃ والسلام کی پشت سے ان کی ذریت کو نکالا اور انہیں اپنی ربوبیت پر قرار کرنے پر گواہ بنایا جس کا ذکر سورہ اعراف آیت نمبر  172 میں ہے۔

ترجَمۂ کنزُالایمان: اور اے محبوب یاد کرو جب تمہارے رب نے اولادِ آدم کی پشت سے ان کی نسل نکالی اور انہیں خود ان پر گواہ کیا،کیا میں تمہارا رب نہیں سب بولے کیوں نہیں ہم گواہ ہوئے۔

تو شیطان نے اپنی پرانی دشمنی کے سبب بنی نوع انسان کو اس وعدہ کے خلاف کرنے کے لیے کاروائی عمل میں لائی اور گمراہ کر دیا لہذا اللہ تعالی کا اپنے پیارے انبیاء کو بھیجنے کا ایک مقصد اس وعدہ " اَلَسْتُ "کی یاد دہانی کروانا بھی ہے اور ان انبیاء میں سے ایک حضرت شعیب علیہ السلام بھی ہیں۔

آپ علیہ الصلاۃ والسلام کو مدین نامی شہر میں بسنے والی قوم کی اصلاح کے لیے بھیجا گیا۔ آپ علیہ الصلاۃ والسلام لوگوں کو توحید کی دعوت دیتے نیز ان کو ان کے برے کاموں پر تنبیہہ کرتے ہوئے منع کرتے تھے ۔لیکن انہوں نے اپنے اس محسن کو اپنا بڑا دشمن سمجھا۔نہ صرف آپ کی شان میں گستاخی کی بلکہ شہر کے راستوں میں بیٹھ کر آنے والے لوگوں کو حضرت شعیب علیہ السلام کے پاس جانے سے یہ کہتے ہوئے روکتے تھے کہ آپ علیہ السلام جادوگر ہیں۔ جب ان کی نافرمانیاں زور پکڑتی گئیں اور چند مسلمانوں کے علاوہ بقیہ قوم اپنے انہی حرکات میں ڈٹی رہیں تو اللہ پاک نے ابتداءً چیخ کے ساتھ پھر شدید زلزلے کی صورت میں اس قوم کو ہلاک کر دیا۔

اس قوم کی نافرمانیاں مندرجہ ذیل ہیں :۔

(1)شرک (2)ناپ تول میں کمی اور دوسرے لوگوں کو ان کی چیزیں کم کر کے دینا (3)لوگوں کو حضرت شعیب علیہ سلام سے دور کرنا (4)ان کے سرداروں کا حضرت شعیب علیہ السلام کی شان میں گستاخی کرنا ۔(صراط الجنان ،3/371)

یہ وہ امور تھے جن کے ارتکاب کے سبب انہیں ہمیشگی والے عذاب کا منہ دیکھنا پڑا ۔لہذا ہم غور کریں کہ کہیں یہ مفسدات ہمارے معاشرے میں تو نہیں ۔آج ہم دیکھتے ہیں کہ بے برکتی کا دور دورہ ہے ہر بندہ یہ کہتا ہوا نظر آتا ہے کہ ہمیں پورا نہیں ہوتا۔ تو کہیں وہ ان امور مفسدہ کے ارتکاب میں ملوث تو نہیں۔ جن کے سبب پچھلی قومیں ہلاک کر دی گئی۔ لہذا ہمیں چاہیے کہ نیک کاموں کو اپنے اوپر نافذ کریں تاکہ بسبب فضل الٰہی بروز محشر نبی آخرالزمان صلَّی اللہ علیہ واٰلہٖ وسلَّم کے سامنے شرمندگی سے بچیں۔ 

دعوتِ اسلامی کے تحت کشمیر کوٹ ضلع جعفر آباد میں شعبہ رابطہ برائے شخصیات کے ذمہ داران نے پاکستان پیپلزپارٹی کےصوبائی صدر اور سابق وفاقی وزیر میر چنگیز خان جمالی کی والدہ کے انتقال پراُن سے تعزیت کرتے ہوئے فاتحہ خوانی وایصالِ ثواب کا سلسلہ کیا۔

حضرت شعیب علیہ السلام بھی اللہ تعالی کے نبیوں میں سے ایک نبی ہیں ۔جن کی دو بیٹیاں تھیں۔جن میں سے ایک شادی حضرت موسی علیہ سلام سے کیا تھا ۔ان کو اہل مدین کی طرف بھیجا گیا اور انہوں نے بھی آپ کے ساتھ وہی رویہ رکھا جو ان سے پہلے کفار نے حضرت شعیب علیہ السلام سے پہلے انبیاء کے ساتھ رکھا۔

ان کی قوم ناپ تول میں بہت کمی کرتی تھی۔ اور وہ لوگوں کو کم چیزیں دیا کرتے تھے۔ یہ راستے میں بیٹھ کر لوگوں کو ڈراتے اور لوگوں کو ایمان لانے سے منع کرتے تھے۔ اور خود کفر اور شرک کے اندھیروں میں بھٹکنے اور دوسروں کو بھی بھٹکانے کی کوشش کرتے تھے۔ پھر ہر دور کی طرح اس دور کے کفار اور متکبر لوگوں نے حضرت شعیب علیہ السلام اور ان کے پیروکاروں کو شہر سے نکالنے کی دھمکی دی۔ یہ مسلمان ٹس سے مس نہ کر سکی ۔پھر کافروں نے کمزور لوگوں کو اپنے جھوٹے کہاں نیوں اور جھوٹے حیلوں سے راہ حق سے ہٹانے اور ڈرانے کی کوششیں بھی کیں لیکن وہ ناکام ہوگئے۔

پھر آخر کار اللہ کا فیصلہ آگیا تو وہ عذاب میں گرفتار ہو کر ختم ہوگئے جیسے ان سے پہلے کی قومیں ختم ہوگئیں تھیں۔ اس عذاب کی کیفیت بھی قرآن میں اللہ نے بیان کی ہے۔ کہ پہلے ایک زور دار چیخ آئی پھر شدید زلزلے نے اس کا ایسا کام تمام کیا گویا کہ یہاں پر رہتے ہی نہ تھے۔

اس میں غور طلب بات تو یہ ہیں کہ کفار کا کیسا انجام ہوا۔ لیکن اس سے ان لوگوں کو سوچنا چاہیے جو اسلام کے اصولوں کے خلاف اقتصادی ترقی چاہتے ہیں۔ تاریخ بھی گواہ ہے جب اسلامی قوانین رائج تھے اس وقت مسلمانوں کی حالت کیا تھی۔ اس کے بعد کیا حالت ہوگئی۔

اللہ تعالی ہمیں شعیب علیہ سلام کی قوم سے عبرت حاصل کرنے کی توفیق عطا فرمائے ۔

آمین بجاہ النبی الامین صلی اللہ علیہ وسلم

اللہ تعالی اپنے بندوں پر بہت مہربان ہے اس نے انسانوں کو پیدا ہی نہیں کیا بلکہ ان کی ہدایت اور رہنمائی کے لیے انہی میں سے کچھ نیک اور برگزیدہ بندے بھیجے۔ ایسے بندوں کو نبی  و رسول کہتے ہیں ۔ان رسول پر اللہ نے کتابیں نازل فرمائی تاکہ ان کے دنیا سے رخصت ہو جانے کے بعد بھی لوگ اللہ کی کتابوں سے نصیحت حاصل کرتے رہیں۔ اور سب سے آخر میں اللہ تعالی نے آپ صلی اللہ علیہ وسلم پر قرآن مجید جیسی مقدس کتاب نازل فرمائی ۔اس مقدس کتاب میں بے شمار مضامین بیان ہوئے ہیں۔ ان مضامین میں سے ایک مضمون قصص بھی ہے۔

قرآن مجید کے اس مضمون میں سابقہ انبیاء کرام علیہ السلام اور ان کی امتوں کے واقعات بیان ہوئے تاکہ لوگ سبق حاصل کریں۔ بہت سی ایسی قومیں گزریں ہیں جن کو اللہ نے انعام و اکرام کی کی طرح طرح کی نعمتوں سے نوازا لیکن انہوں نے اپنی ناشکری کے باعث عذاب الہی کے مستحق ہوئیں۔ انہی قوموں میں سے ایک قوم حضرت شعیب علیہ سلام کی قوم ہے۔ انہوں نے حضرت شعیب علیہ سلام کو جھٹلایا تو ان پر آگ برسی اور سب جل گئے۔

قرآن میں حضرت شعیب علیہ سلام کی قوم کی نافرمانیوں کا تذکرہ ہے ان میں سے چند یہ ہیں:۔ (1) کفر و شرک کرتے تھے (2) اللہ کے عذاب سے نہیں ڈرتے (3) حضرت شعیب علیہ سلام کو جھٹلا کر تمام رسولوں کو جھٹلا یا (4) ناپ تول میں کمی کرنا (5) لوگوں کو ان کی چیزیں کم کر کے دینا (6) رہزنی اور لوٹ مار کرنا (7) کھیتیاں تباہ کر کے زمین میں فساد پھیلانا (8) حضرت شعیب علیہ سلام نے ان کو اسلام کی دعوت دی تو انہوں نے کہا کہ تم ان لوگوں میں سے جن پر جادو ہوا ہے ۔

افسوس کہ ہمارے معاشرے میں ناپ تول میں کمی کرنا رہزنی اور لوٹ مار کرنا وغیرہ تمام برائیاں پائی جاتی ہیں ۔ اللہ تعالی ہمیں عقل سلیم عطا فرمائے۔

اٰمین بجاہ النبی الامین صلی اللہ علیہ وسلم

 قرآن پاک میں اللہ تعالی نے بہت سے موضوعات کو بیان فرمایا ہے ان میں سے ایک گزشتہ امتوں کے واقعات بھی ہیں ۔ان واقعات کو بیان کرنے کا مقصد یہ ہے کہ لوگ ان قوموں کے انجام سے عبرت حاصل کرے۔ اور ان نافرمانیوں سے خود کو بچائے جن کی وجہ سے وہ قومیں دنیا میں ذلت و رسوائی کا شکار ہوئی۔ انہی قوموں میں سے ایک قوم شعیب علیہ سلام کی بھی ہے۔ اس قوم کی کسی بستی کا نام مدین ہے۔ یہ حضرت شعیب علیہ سلام کے قبیلے کا نام ہے۔ اس بستی کا نام مدین اس لیے ہوا کہ یہ لوگ حضرت ابراہیم علیہ سلام کی اولاد سے ایک بیٹے مدین کے اولاد میں سے تھے۔ مدین اور مصر کے درمیان اسّی( 80) دن کے سفر کی مقدار کا فاصلہ تھا۔ حضرت شعیب علیہ سلام بھی حضرت ابراہیم علیہ سلام کی اولاد سے ہیں ۔آپ علیہ سلام کی دادی حضرت لوط علیہ سلام کی بیٹی تھی۔ حضرت شعیب علیہ سلام اہل مدین کے ہم قوم تھے۔ اور آپ انبیاء بنی اسرائیل میں سے نہ تھے۔(خازن)

شعیب علیہ سلام کی قوم کی جن نافرمانیوں کا ذکر قرآن پاک میں ہیں ان میں سے چند یہ ہیں:

(1) کفر و شرک (2) ناپ تول میں کمی کرنا(3) لوگوں کو ان کی چیزیں کم کر کے دینا (4) لوگوں کو حضرت شعیب علیہ سلام سے دور کرنے کی کوشش کرنا (5) ہم ضرور تمہیں اور تمہارے ساتھ مسلمانوں کو اپنی بستی سے نکال دیں گے (6) زمین میں فساد پھیلانا (7) بتوں کی پوجا کرنا (8) نصیحتوں پر ہٹ دھرمی کا مظاہرہ کرنا

قوم نے نصیحتوں پر ہٹ دھرمی کا مظاہرہ کرتے ہوئے کہا :" بولے اے شعیب ہماری سمجھ میں نہیں آتیں تمہاری بہت سی باتیں اور بےشک ہم تمہیں اپنے میں کمزور دیکھتے ہیں اور اگر تمہارا کنبہ نہ ہوتا تو ہم نے تمہیں پتھراؤ کردیا ہوتا اور کچھ ہماری نگاہ میں تمہیں عزت نہیں"۔(پ 12،ھود 91)

ہمارے زمانے کے وہ لوگ جنہیں اسلام کے احکام پر کوفت ہوتی ہے کہ کسی کو سور (Pig) کی حرمت ہضم نہیں ہوتی۔ اور کسی کو پردے کی پابندی وبال جان لگتی ہے اور کسی کو حقوق اللہ کی ادائیگی اور عبادات کی پابندی پر مذاق سوجھتا ہے۔ ایسے لوگوں کو اپنے اقوال و افعال کو قوم شعیب کے بیان کردہ جملوں کے ساتھ ملا کر دیکھ لینا چاہیے کہ کیا یہ اسی کافر قوم کے نقش پر نہیں چل رہے ہیں۔

خدا را ! شعیب علیہ سلام کی قوم کی نافرمانیوں کے عبرت ناک انجام سے خود کو ڈرائیے ۔ان برائیوں سے خود کو بچائیے ورنہ یاد رکھے!! اللہ کا عذاب بڑا سخت ہے۔ اللہ پاک عمل کی توفیق عطا فرمائے ۔اٰمین بجاہ النبی صلی اللہ علیہ وسلم

حضرت شعیب علیہ سلام کو رب تعالی نے مدین کی طرف مبعوث فرمایا۔ قوم نے آپ کی رسالت کو جھٹلایا اور قوم جو کہ طرح طرح کی خرافات میں مبتلا تھی یہ آپ علیہ سلام کو جھٹلاتی رہی۔ قرآن کریم میں  جابجا قوم شعیب کی نافرمانیاں کا تذکرہ ہے۔ چنانچہ رب تعالی نےارشاد فرمایا:

ترجمہ کنز الایمان: اور اس کی قوم کے کافر سردار بولے کہ اگر تم شعیب کے تابع ہوئے تو ضرور تم نقصان میں رہو گے۔(پ 9 ،الأعراف 90)

حضرت شعیب علیہ سلام کی قوم ناپ تول میں کمی کرتی تھی اور رب تعالی کی عبادت نہ کرتی تھی۔ چنانچہ رب تعالی ارشاد فرماتاہے۔

ترجَمۂ کنزُالایمان:اور مدین کی طرف ان کے ہم قوم شعیب کو کہا اے میری قوم اللہ کو پوجو اس کے سوا تمہاراکوئی معبود نہیں اور ناپ اور تول میں کمی نہ کرو بےشک میں تمہیں آسودہ حال(مالدار وخوشحال) دیکھتا ہوں۔(پ 12،ہود 84)

حضرت شعیب کی قوم ناپ تول میں کمی کے ساتھ زمین میں فساد بھی مچاتی تھی چنانچہ ارشاد ہوتا ہے۔ ترجمہ کنز الایمان : اور اے میری قوم ناپ اور تول انصاف کے ساتھ پوری کرو اور لوگوں کو ان کی چیزیں گھٹا کر نہ دو اور زمین میں فساد مچاتے نہ پھرو،اللہ کا دیا جو بچ رہے وہ تمہارے لیے بہتر ہے اگر تمہیں یقین ہو۔(پ 12،ھود 85،86)

حضرت شعیب علیہ سلام کی قوم ان کو کمزور خیال کرتی تھی چنانچہ فرمان باری تعالی ہے۔ترجَمۂ کنزُالایمان: بولے اے شعیب ہماری سمجھ میں نہیں آتیں تمہاری بہت سی باتیں اور بےشک ہم تمہیں اپنے میں کمزور دیکھتے ہیں۔(پ 12،ہود 91)

حضرت شعیب کی قوم انبیاء علیہم السلام کو جھٹلاتی تھی چنانچہ فرمان رب العباد ہے : ترجمہ کنزالایمان: بَنْ(جنگل ) والوں نے رسولوں کو جھٹلایا ،جب اُن سے شعیب نے فرمایا کیا ڈرتے نہیں۔(پ 19،شعراء 176،177)

اللہ پاک سے دعا ہے کہ ہمیں اپنی نافرمانیوں سے محفوظ فرمائے اور حضور اکرم صلی اللہ علیہ وسلم کی اطاعت میں زندگی بسر کرنے کی توفیق عطا فرمائے اور تمام انبیاء کرام علیہم السلام کی تعظیم کر تے رہنے کی توفیق عطا فرمائے آمین

وَ اِلٰى مَدْیَنَ اَخَاهُمْ شُعَیْبًاؕ-  ترجمہ کنزالایمان: اور مَدیَن کی طرف ان کی برادری سے شعیب کو بھیجا۔(پ 8،الأعراف 85)

شعیب علیہ سلام کی بستی اور قبیلے کا نام بھی مدین تھا۔ یہ اس لیے ہوا یہ لوگ حضرت ابراہیم علیہ سلام کی اولاد سے ایک بیٹے مدین کی اولاد سے تھے۔ حضرت شعیب علی نبینا و علیہ الصلاۃ والسلام بھی حضرت ابراہیم علیہ سلام کی اولاد تھے۔ آپ کی دادی حضرت لوط علیہ سلام کی بیٹی تھی۔ حضرت شعیب اہل مدین کے ہم کون تھے اور انبیاء بنی اسرائیل سے نہ تھے۔

(خازن ،2/118،تحت الآیۃ 85)

اللہ تعالی نے پارہ 8 سورۃ الاعراف کی آیت نمبر 85 میں ارشاد فرمایا : فَاَوْفُوا الْكَیْلَ وَ الْمِیْزَانَ ترجمہ کنز الایمان: تو ناپ تول پوری کرو۔

شعیب علیہ سلام کے قوم میں کفر و شرک کے علاوہ اور بھی بہت سے گناہ تھے جن میں سے تین یہ ہیں: (1)۔ ناپ تول میں کمی کرنا (2) لوگوں کو ان کے چیزیں کم کر کے دینا (3)لوگوں کو حضرت شعیب علیہ سلام سے دور کرنے کی ناپاک جسارت کرنا ۔جب نبی علیہ سلام نے ان باتوں سے منع کیا اور اللہ تعالی کے بھیجے ہوئے دین کی تبلیغ کی تو قوم کے سردار بولے جسے اللہ تعالی نے پارہ 9 سورۃ الاعراف کی آیت نمبر 88 میں ارشاد فرمایا: قَالَ الْمَلَاُ الَّذِیْنَ اسْتَكْبَرُوْا مِنْ قَوْمِهٖ لَنُخْرِجَنَّكَ یٰشُعَیْبُ وَ الَّذِیْنَ اٰمَنُوْا مَعَكَ مِنْ قَرْیَتِنَاۤ

ترجمہ کنز الایمان: اس کی قوم کے متکبر سردار بولے اے شعیب قسم ہے کہ ہم تمہیں اور تمہارے ساتھ والے مسلمانوں کو اپنی بستی سے نکال دیں گے۔

(الاعراف ،2/272،تحت الآیۃ 88)

اسی طرح گفتگو چلتی رہی جب ان کی جہالت اور گمراہیاں اللہ کے نبی کی گستاخیاں انتہا درجے کو پہنچی تو ان کو شدید زلزلے نے اپنی گرفت میں لے لیا۔ سورہ ہود میں اس کا ذکر کچھ اس طرح ہے: وَ اَخَذَتِ الَّذِیْنَ ظَلَمُوا الصَّیْحَةُ فَاَصْبَحُوْا فِیْ دِیَارِهِمْ جٰثِمِیْنَۙ(۹۴) ترجمہ کنز الایمان: اور ظالموں کو چنگھاڑ نے آ لیا تو صبح اپنے گھروں میں گھٹنوں کے بل پڑے رہ گئے۔

(پ 12،ھود 94)

حضرت قتادہ رضی اللہ عنہ کا قول ہے کہ اللہ تعالی نے حضرت شعیب علیہ سلام کو اصحاب ایکۃ کی طرف بھی مبعوث فرمایا اور اہل مدین کی طرف بھی۔ اصحاب ایکۃ تو ابر سے ہلاک ہوئے مگر اہل مدین زلزے میں گرفتار ہوئے اور ہولناک آواز سے مر گئے۔

(خازن ،الاعراف،2/120،تحت الآیۃ 91)

ناپ تول میں کمی کرنے کی سزا :حضرت نافع رضی اللہ عنہ فرماتے ہیں کہ عبداللہ ابن عمر رضی اللہ عنہما ایک بیچنے والے کے پاس سے گزر رہے تھے اور یہ فرما رہے تھے ۔اللہ سے ڈر !اور ناپ تول پورا پورا کر !کیونکہ کمی کرنے والے کو میدان محشر میں کھڑا کیا جائے گا۔ یہاں تک کہ اس کا پسینہ اس کے کانوں کے نصف تک پہنچ جائے گا۔

اللہ تعالی ہمیں ناپ تول پورا کرنے اور دوسروں کا حق کھانے، تول میں کمی کرنے سے محفوظ فرمائے۔ آمین بجاہ طٰہٰ و یٰسین