اسلامی بہنوں کی مجلس کفن دفن کے زیرِ اہتمام 24 نومبر 2020ء کو یوکے کے ڈویژن گریٹ ہاروڈ (Great Harwood) میں نیٹ کے ذریعے کفن دفن تربیتی اجتماع کا انعقاد کیا گیا جس میں ڈارون اور بلیکبرن کی اسلامی بہنوں نے شرکت کی۔

ڈویژن کفن دفن ذمہ دار اسلامی بہن نے سنتوں بھرا بیان کیا اور تربیتی اجتماع میں شریک اسلامی بہنوں کو غسل میت کا طریقہ،کفن کاٹنے اور پہنانے کا طریقہ سکھایا نیز مستعمل پانی کے مسائل اور اسراف کے متعلق احکام بیان کئے۔

دعوت اسلامی کے زیراہتمام 18 سے 22 نومبر2020ء تک یوکے اسکاٹ لینڈ ریجن گلاسگو (Glasgow) اور ایڈنبرگ (Edinburgh) میں اردو اور انگلش میں میلاد اجتماعات کا انعقاد کیا گیا جن میں 153 اسلامی بہنوں نے شرکت کی۔

مبلغاتِ دعوتِ اسلامی نے” انبیاء اکرام علیہم السَّلام کی نیکی کی دعوت “ کے موضوع پر بیانات کئے اور اجتماعات میں شریک اسلامی بہنوں کو سنتوں بھرے اجتماعات میں باقاعدگی سے شرکت کرنے کی ترغیب دلائی۔

اسلامی بہنوں کی مجلس اصلاح اعمال کے زیراہتمام  23 نومبر2020ء گزشتہ دنوں یوکے کے شہر ریڈنگ(Reading)میں اصلاح اعمال اجتماع کا انعقاد کیا گیا جس میں 16 اسلامی بہنوں نے شرکت کی۔

مبلغۂ دعوتِ اسلامی نےاسکائپ کے ذریعے سنتوں بھرا بیان کیا اور اجتماعِ پاک میں شریک اسلامی بہنوں کو رسالہ نیک اعمال کے بارے میں معلومات فراہم کرتے ہوئے اپنے اعمال کا روزانہ محاسبہ کرنے ، نیک اعمال کرنے اور عاملاتِ نیک اعمال بننے کا ذہن دیا۔ 

Under the supervision of Dawat-e-Islami, a Madani Mashwarah of responsible Islamic sisters was held in Scotland (UK) on 21^st November, 2020. ‘Kabina responsible Islamic sisters’ and the ‘responsible Islamic sisters from all regions’ had the privilege of attending the beneficial Madani Mashwara. Nigran Islamic sister (Scotland Region) analyzed the Kaarkardagi (performance) of the responsible Islamic sisters regarding ‘Telethon’, and did their Tarbiyyah. Moreover, she shared important points with them regarding strengthening Madani activities of Dawateislami.

24نومبر2020ء کو شعبہ رابطہ برائے میڈیکل ڈیپارٹمنٹ دعوت اسلامی کے زیر اہتمامNational Institute of Child Health کراچی میں اجتماع میلاد کا انعقاد کیا گیا جس میں ڈائریکٹرجمیل اظہر، رجسٹرار ڈاکٹرمحبوب اور پیرا میڈیکل ڈاکٹرز نے شرکت کی۔

مرکزی مجلس شوریٰ کے رکن حاجی محمد امین عطاری نے ”آقاﷺ کی ہمدردی“ سنتوں بھرا بیان کیااور شرکا کو دعوت اسلامی کا تعارف پیش کرتے ہوئےمدنی کاموں میں شرکت کرنےکی ترغیب دلائی۔(رپورٹ: محمد مہشید عطاری، شعبہ تعلیم)

دعوت اسلامی کے زیر اہتمام 24نومبر 2020ء کو یونیورسٹی آف انجینئرنگ اینڈ ٹیکنالوجی لاہور میں اجتماع میلاد کا انعقاد کیا گیا جس میں یونیورسٹی کے اسٹوڈنٹس اور دیگر اسٹاف نے شرکت کی۔

نگران مجلس پروفیشنلز محمد ثوبان عطاری نے سنتوں بھرا بیان کیا اور شرکا کو فیضان آن لائن اکیڈمی میں داخلہ لینے اورسیرتِ رسول صلَّی اللہ علیہ واٰلہٖ وسلَّم کے مطابق زندگی گزارنے کی ترغیب دلائی۔

مجلس تحقیقات شرعیہ جو کہ دار الافتاء اہل سنت کے علماء اور مفتیان کرام پر مشتمل ایک فورم ہے اور جدید  پیدا شدہ مسائل پر مقالہ جات لکھ کر علمی بحث اور تنقیح و تحقیق کے بعد مسئلہ کا حل نکالنا اس کا مقصد ہے۔

اس مجلس کے تحت 23 اور 24 نومبر 2020ء کو عالمی مدنی مرکز فیضان ِ مدینہ کراچی میں ایک سیمینار منعقد ہوا جس میں شیخ الحدیث مفتی قاسم عطاری مَدَّظِلُّہُ الْعَالِی، مفتی علی اصغر عطاری مدنی، مفتی محمد فضیل رضا عطاری، مفتی محمد حسان عطاری مدنی، نگران مرکزی مجلس شوریٰ دعوت اسلامی مولانا محمد عمران عطاری اور دار الافتاء اہلسنت کے علمائے کرام نے شرکت کی۔

منعقدہ سیمینار میں ایامِ خاص میں امتحانات جیسی ضرورت و حاجت کے مواقع پر خواتین قلم سے قرآن پاک لکھ سکتی ہیں یا نہیں، اور مسئلہ فلیٹوں پر سلسلہ وار خرید و فروخت کے موضوع پر علمی کلام ہوا ۔

عنقریب دارالافتاء اہل سنت کی جانب سے فلیٹوں کے مسئلے کی تفصیل پر ویڈیو اپلوڈ کی جائیگی۔ 

دعوت اسلامی کے زیر اہتمام 23نومبر 2020ء کو سیالکوٹ میڈیکل کالج میں اجتماع میلاد کا انعقاد کیا گیا جس میں میڈیکل کالج کے اسٹوڈنٹس، پروفیسرز، پرنسپل اور دیگر اسٹاف نے شرکت کی۔

نگران مجلس پروفیشنلز محمد ثوبان عطاری نے سنتوں بھرا بیان کیا اور شرکا کو دنیاوی تعلیم کے ساتھ ساتھ دینی تعلیم بھی حاصل کرنے اورسیرتِ رسول صلَّی اللہ علیہ واٰلہٖ وسلَّم کے مطابق زندگی گزارنے کی ترغیب دلائی۔

دعوت اسلامی کے زیر اہتمام 24نومبر 2020ء کو نشتر کالونی لاہور میں اجتماع میلاد کا انعقاد کیا گیا جس میں شعبہ تعلیم اور دیگر سیاسی و سماجی شخصیات  نے شرکت کی۔

موٹیویشنل اسپیکر محمد ثوبان عطاری نے سنتوں بھرا بیان کیا اور شرکا کو دعوت اسلامی کے مدنی کاموں میں شرکت کرنے اور سنتِ رسول صلَّی اللہ علیہ واٰلہٖ وسلَّم کے مطابق زندگی گزارنے کی ترغیب دلائی۔

22نومبر 2020ء بروز اتوار عالمی مدنی مرکز فیضان مدینہ کراچی میں تین اسلامی بھائیوں کے نکاح کی تقریب کا انعقاد ہوا۔ جانشین امیر اہل سنت مولانا عبید رضا عطاری مدنی مَدَّظِلُّہُ الْعَالِی نےان اسلامی بھائیوں کا نکاح پڑھایا۔

اس تقریب میں دولہوں کے خاندان والے بھی شریک تھے۔ اختتام پر جانشینِ امیرِ اہلِ سنت مَدَّظِلُّہُ الْعَالِی نے دعافرماتے ہوئے خاندانوں میں خیرو برکت کی دعا فرمائی۔

دعوت اسلا می جہاں ترقی کے اس دور میں جدید تقاضوں کے مطابق شریعت کے دائرے میں رہتے ہوئے دنیا بھر میں نیکی کی دعوت عام کرنے میں مصروف عمل ہےوہیں علمِ دین کے تعلیمی ادارے جامعات المدینہ و مدارس المدینہ کے ذریعے بھی امت کو علماء مہیا کررہی ہے۔اس وقت دعوت اسلامی  مختلف ممالک میں 850 سے زائد جامعۃ المدینہ کے ذریعے علمِ دین کی ترویج میں مصروف عمل ہےاور یہ سلسلہ مزید جاری ہے۔

اسی سلسلے کو آگے بڑھاتے ہوئےپچھلے دنوں کراچی کے علاقےدھوراجی میں واقع حبیبیہ مسجد کے برابر میں جامعۃ المدینہ دار الحبیبیہ قائم کردیا گیاہے۔ جدید سہولیات سے مزین اس جامعۃ المدینہ کے قیام کا مقصد بالخصوص کالج و یونیورسٹیز کے اسٹوڈنٹس، کاروباری حضرات اور دیگر اسلامی بھائی مختصر دورانیہ میں علمِ دین کی تعلیم حاصل کرسکتے ہیں تاکہ ان کی دینی تعلیم اور کاروبار دونوں جاری رہیں اور یہ لوگ علمِ دین حاصل کرکے عالمِ دین بن کرمعاشرے کی فلاح و بہبود میں اپنا کردار ادا کرسکیں۔ اس جامعۃ المدینہ میں صبح 7:30 سے 10:30 تک درس و تدریس کا سلسلہ ہوتا ہے۔

اس موقع پر ناظم سید ثاقب عطاری مدنی کا کہنا تھا کہ جامعۃ المدینہ کی کلاسز کو جدید تقاضوں کے مطابق تیار کیا گیا ہےتاکہ اسٹوڈنٹس پُرسکون ماحول میں علمِ دین حاصل کرسکے۔ انہوں نے مزید کہا کہ عنقریب ہم ملٹی میڈیا سسٹم پر بھی آرہے ہیں اور اِنْ شَآءَ اللہ عَزَّ وَجَلَّ پروجیکٹر پر دینی تعلیم دی جائیگی۔

آج رات دعوت اسلامی کے زیر اہتمام عالمی مدنی مرکز فیضان مدینہ کراچی میں گیارہویں شریف کے سلسلے عظیم الشان اجتماع کا انعقاد کیا جائیگا۔

اجتماع میلاد کا آغاز تلاوت قرآن پاک سے کیا جائیگا، اس کے بعد نعت رسول مقبول صلَّی اللہ علیہ واٰلہٖ وسلَّم، منقبت غوث اعظم رضی اللہ عنہ، بیان اور مدنی مذاکرے کا سلسلہ ہوگا جس میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کو مدنی پھول ارشاد فرمائیں گے ۔ مدنی مذاکرے کے اختتام پر صلوٰۃ و سلام اور لنگر غوثیہ کا اہتمام بھی ہوگا۔

تمام عاشقان رسول اپنے اپنے علاقے میں ہونے والے اجتماع میں ضرور شرکت کریں ۔

واضح رہے کہ یہ اجتماع مدنی چینل پر براہ راست بھی نشر کیا جائیگا۔