دعوتِ اسلامی کی جانب سے اسلامی بیانات کی پانچویں جلد بھی شائع کردی گئی ہے۔ مذکورہ کتاب کا اکثر حصہ اَلْمَدِیْنَۃُ الْعِلْمِیَّۃ کے مولانا محمد جان عطاری مدنی نے تالیف کیاہے۔ اس کتاب میں 17بیانات ہفتہ وار سنّتوں بھرے اجتماعات کےہیں جبکہ یہ کتاب اسلامی بہنوں کیلئے بالخصوص اور اسلامی بھائیوں کیلئے بالعموم بڑی فائدہ مند ہے۔

واضح رہے کہ دعوتِ اسلامی کے تحت ملک و بیرونِ ملک ہزاروں مقامات پر ہفتہ وار سُنّتوں بھرے اجتماعات منعقد ہوتے ہیں جن میں لاکھوں اسلامی بہنیں اور اسلامی بھائی شرکت کرتے ہیں۔ان اجتماعات میں ہونے والے بیانات اَلْمَدِیْنَۃُ الْعِلْمِیَّۃ میں شعبہ بیاناتِ دعوتِ اسلامی کے تحت تیار ہوتے ہیں۔

اَلْمَدِیْنَۃُ الْعِلْمِیَّۃ کے شعبے ”بیانات دعوت اسلامی“ میں ہفتہ وار اور دیگر اجتماعات کیلئے 475 سے زائد بیانات تیار ہو چکے ہیں۔ مرکزی مجلسِ شوریٰ کی ہدایات کے مطابق اسلامی بہنوں کے بیانات پہلے ہی کتابی صورت میں شائع کر دیئے جاتے ہیں۔

اسلامی بیانات جلد5 میں جمادی الاولیٰ تا شعبان المعظم 1442ھ کے17 بیانات کا مجموعہ شامل ہیں۔اس کتاب پر تحریری کام مکمل ہونے کے بعد مجلس مکتبۃ المدینہ کو پیش کردیا گیا تھاجسے مکتبۃ المدینہ نے اپنے مراحل طے کرتے ہوئے شائع کردیا ہے۔ عاشقان رسول اور اسلامی بہنیں اس کتاب کومکتبۃ المدینہ کی کسی بھی شاخ سے ہدیۃً حاصل کرسکتے ہیں۔

کتاب ڈاؤن لوڈ کرنے کے لئے نیچے دیئے گئے لنک کلک کیجئے

Book Download

اسلامی بہنوں کا شعبہ مدرسۃالمدینہ للبنات کے زیر اہتمام  پچھلے دنوں کراچی ریجن کی صدرکابینہ کے مدرسۃ المدینہ للبنات میمن مسجد کی شعبہ ناظرہ کی ایک طالبہ بنت محمد اقبال نے 3 ماہ میں مکمل قرآنِ کریم ناظرہ اورشعبہ حفظ القرآن کی ایک طالبہ بنت فرخ سلیم نے صرف 6 ماہ میں قرآنِ کریم مکمل حفظ کرنے کی سعادت حاصل کی۔

مدرسۃ المدینہ آگرہ تاج سے شعبہ ناظرہ کی ایک طالبہ بنت سید ذوالفقارعلی شاہ نے 6 ماہ میں قرآنِ کریم کی تکمیل کی سعادت حاصل کی۔ 

اسلامی بہنوں کا شعبہ مدرسۃالمدینہ بالغات کے زیر اہتمام پچھلے دنوں کراچی،  ڈویژن لانڈھی 6 نمبرمیں ریجن سطح ذمہ دار اسلامی بہن نے کابينہ تا علاقہ سطح کا مدنی مشورہ لیا۔

ریجن سطح ذمہ دار اسلامی بہن نے کارکردگی بہتر بنانے، تمام کو تدریسی ٹیسٹ پاس کروانے کے اہداف دئیے۔ آخر میں شرکانے اہداف مکمل کرنے کی نیتیں پیش کیں ۔

اسلامی بہنوں کی مجلس علاقائی دورہ کے زیر اہتمام پچھلے دنوں کراچی لانڈھی کابينہ میں علاقائی دورہ ہوا جس میں زون و کابینہ نگران تا ذیلی مشاورتوں نے شرکت کی۔ سنتوں بھرے اجتماع میں شرکت کرنے اور دینی کام کرنے کا ذہن دیا گیا ،رسالہ بھی دیا۔ اسلامی بہنوں نے اچھی نیتیں کیں۔

اسلامی بہنوں کی مجلس رابطہ کے زیر اہتمام پچھلے دنوں  ساؤتھ سینٹرل زون کی ڈویژن کیماڑی میں کابینہ مشاورت ذمہ دار اسلامی بہن نے مختلف پالرز میں جاکر نیکی کی دعوت دی۔

2 پالرز کی اونر نے اپنے گھر میں مدنی حلقہ رکھوانے اور فیضانِ online اکیڈمی میں داخلہ لینے اور ان سمیت تمام اسلامی بہنوں نے سنتوں بھرے اجتماع میں آنے کی نیتیں کیں اور آخر میں رسائل بھی تقسیم کئے گئے۔

اسلامی بہنوں کی مجلس مدرسۃ المدینہ للبنات کے زیر اہتمام کھارادر کابینہ کے فیز 7 میں گزشتہ دنوں مدرسۃ المدینہ للبنات کا آغاز ہوا  نیو اجیر متعین کی گئیں، 2020 میں مدرسہ میں جزوقتی درجہ کی امتحان کی کار کردگی %79 فیصد رہی۔

دعوت اسلامی کی مجلس اسپیشل پرسن ڈیپارٹمنٹ کے تحت 15 جنوری 2021ء کو مدنی مرکز فیضان مدینہ جیکب آباد ڈویژن سے 21 اسپیشل پرسنز اسلامی بھائیوں نے 3دن کے مدنی قافلے میں سفر کیا۔

دوران قافلہ انہیں اشاروں کی زبان میں نماز کاعملی طریقہ، غسل اور و ضو کے ساتھ ساتھ دیگر شرعی مسائل سکھائے گئے۔(رپورٹ: محمد اظہر عطاری، نگران ڈویژن جیکب آباد)

دعوت اسلامی کی مجلس شعبہ روحانی علاج کے تحت 13 جنوری2021ء کو مدنی مرکز فیضان مدینہ جیکب آباد میں ماہانہ مدنی مشورہ ہوا جس میں بستہ ذمہ داران نے شرکت کی۔

نگران ڈویژن محمد اظہر عطاری نے شرکا کو مدنی پھول بیان کئے اور بستے پر آنے والے مریضوں کو ہفتہ وار اجتماع اور مدنی قافلوں میں سفر کرنے کی دعوت دینے کا ذہن دیا۔نگران ڈویژن نے بستہ ذمہ داران کو 12 دینی کاموں میں فعال ہونے اور ہر ماہ 3دن مدنی قافلے میں سفر کرنے کی ترغیب دلائی۔(رپورٹ: محمد اظہر عطاری، نگران ڈویژن جیکب آباد)

دعوت اسلامی کی مجلس خدام المساجد و المدارس کے زیر اہتمام 16 جنوری 2021ء کو مدنی مرکز فیضان مدینہ جیکب آباد میں ماہانہ مدنی مشورہ ہوا جس میں ڈویژن سطح کے ذمہ داران نے شرکت کی۔

نگران ڈویژن محمد اظہر عطاری اور رکن کابینہ مجلس خدام المساجد و المدارس حاجی محمد عمران عطاری نے شرکا کی تربیت کی اور نئے مساجد بنانے اور رُکے پروجیکٹ کو جلد از جلد شروع کروانے کے حوالے مدنی پھول بیان کئے۔

واضح رہے کہ جیکب آباد ڈویژن میں دعوت اسلامی کے تحت 7 پروجیکٹ پر کام جاری ہے۔ (رپورٹ: محمد اظہر عطاری، نگران ڈویژن جیکب آباد) 

دعوت اسلامی کے شعبہ مدنی بستہ لاہور ریجن کے ذمہ دار شکیل عطاری نے 14 جنوری 2021ء کو زون ذمہ دار اور مفتش اسلامی بھائی کے ہمراہ شیخوپورہ میں لگائے جانے  مدنی بستے کا وزٹ کیا۔ شکیل عطاری نے شدیدی سردی اور دھند میں عطیات بستوں پر کام کرنے والے اسلامی بھائیوں کی ہمت کو سراہا اور حوصلہ افزائی کرتے ہوئے انہیں دین اسلام کے لئے قربانی دینے کا درس دیا۔ (رپورٹ: غلام جیلانی عطاری، مفتش عطیات بستہ)