22نومبر 2020ء بروز اتوار عالمی مدنی مرکز فیضان مدینہ کراچی میں تین اسلامی بھائیوں کے نکاح کی تقریب کا انعقاد ہوا۔ جانشین امیر اہل سنت مولانا عبید رضا عطاری مدنی مَدَّظِلُّہُ الْعَالِی نےان اسلامی بھائیوں کا نکاح پڑھایا۔

اس تقریب میں دولہوں کے خاندان والے بھی شریک تھے۔ اختتام پر جانشینِ امیرِ اہلِ سنت مَدَّظِلُّہُ الْعَالِی نے دعافرماتے ہوئے خاندانوں میں خیرو برکت کی دعا فرمائی۔

دعوت اسلا می جہاں ترقی کے اس دور میں جدید تقاضوں کے مطابق شریعت کے دائرے میں رہتے ہوئے دنیا بھر میں نیکی کی دعوت عام کرنے میں مصروف عمل ہےوہیں علمِ دین کے تعلیمی ادارے جامعات المدینہ و مدارس المدینہ کے ذریعے بھی امت کو علماء مہیا کررہی ہے۔اس وقت دعوت اسلامی  مختلف ممالک میں 850 سے زائد جامعۃ المدینہ کے ذریعے علمِ دین کی ترویج میں مصروف عمل ہےاور یہ سلسلہ مزید جاری ہے۔

اسی سلسلے کو آگے بڑھاتے ہوئےپچھلے دنوں کراچی کے علاقےدھوراجی میں واقع حبیبیہ مسجد کے برابر میں جامعۃ المدینہ دار الحبیبیہ قائم کردیا گیاہے۔ جدید سہولیات سے مزین اس جامعۃ المدینہ کے قیام کا مقصد بالخصوص کالج و یونیورسٹیز کے اسٹوڈنٹس، کاروباری حضرات اور دیگر اسلامی بھائی مختصر دورانیہ میں علمِ دین کی تعلیم حاصل کرسکتے ہیں تاکہ ان کی دینی تعلیم اور کاروبار دونوں جاری رہیں اور یہ لوگ علمِ دین حاصل کرکے عالمِ دین بن کرمعاشرے کی فلاح و بہبود میں اپنا کردار ادا کرسکیں۔ اس جامعۃ المدینہ میں صبح 7:30 سے 10:30 تک درس و تدریس کا سلسلہ ہوتا ہے۔

اس موقع پر ناظم سید ثاقب عطاری مدنی کا کہنا تھا کہ جامعۃ المدینہ کی کلاسز کو جدید تقاضوں کے مطابق تیار کیا گیا ہےتاکہ اسٹوڈنٹس پُرسکون ماحول میں علمِ دین حاصل کرسکے۔ انہوں نے مزید کہا کہ عنقریب ہم ملٹی میڈیا سسٹم پر بھی آرہے ہیں اور اِنْ شَآءَ اللہ عَزَّ وَجَلَّ پروجیکٹر پر دینی تعلیم دی جائیگی۔

آج رات دعوت اسلامی کے زیر اہتمام عالمی مدنی مرکز فیضان مدینہ کراچی میں گیارہویں شریف کے سلسلے عظیم الشان اجتماع کا انعقاد کیا جائیگا۔

اجتماع میلاد کا آغاز تلاوت قرآن پاک سے کیا جائیگا، اس کے بعد نعت رسول مقبول صلَّی اللہ علیہ واٰلہٖ وسلَّم، منقبت غوث اعظم رضی اللہ عنہ، بیان اور مدنی مذاکرے کا سلسلہ ہوگا جس میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقان رسول کو مدنی پھول ارشاد فرمائیں گے ۔ مدنی مذاکرے کے اختتام پر صلوٰۃ و سلام اور لنگر غوثیہ کا اہتمام بھی ہوگا۔

تمام عاشقان رسول اپنے اپنے علاقے میں ہونے والے اجتماع میں ضرور شرکت کریں ۔

واضح رہے کہ یہ اجتماع مدنی چینل پر براہ راست بھی نشر کیا جائیگا۔

مجلس مدرسۃ المدینہ کورسز  دعوت اسلامی کے تحت 7دسمبر 2020ء سےعالمی مدنی مرکز فیضان مدینہ کراچی میں 12 دن کا” تربیتی معلم کورس“ شروع ہونے جارہا ہے۔

نوٹ: معلم کورس میں کامیاب ہونے والےمعلم کو پاکستان کے کسی بھی شہر میں مدرس کورس، قاعدہ و ناظرہ کورس کا درجہ دیا جائیگا۔

داخلہ کے شرائط:

٭معلم کورس میں شرکت کرنے والے اسلامی بھائی نے مدرسۃ المدینہ کے شعبے میں تدریس یا نظامت میں کم از کم 3 سال کا عرصہ بہتر کارکردگی میں گزارا ہو۔ ٭سنی مدارس کے قاری صاحبان بھی داخلہ لے سکتے ہیں۔ ٭معلم کورس میں شامل ہونےوالے اسلامی بھائی کی عمر 20سال اور قومی شناختی کارڈ بناہوا ہو۔ ٭معلم کورس میں شرکت کرنے والے اسلامی بھائی ہر وقت باعمامہ رہنے والے ہوں اور تنظیمی ذمہ دار ہوتو مدینہ مدینہ۔ ٭ معلم کورس میں شرکت کرنے والے اسلامی بھائی نے 2سالہ تجوید و قراءت کورس یا مدرس کورس میں بہتر کیفیت میں کامیاب ہو۔

آن لائن داخلہ ٹیسٹ اور دیگر معلومات کے ان نمبرز پر رابطہ کریں:

27نومبر 2020ء سے عالمی مدنی مرکز فیضان مدینہ کراچی میں مجلس کفن دفن کے زیر اہتمام تین دن کے” کفن دفن کورس (رہائشی)“ شروع ہونے جارہا ہے۔

کورس کی خصوصیات:

کورس میں نزع کے معاملات ٭غسل میت کا عملی طریقہ ٭کفن بنانے اور پہنانے کا طریقہ ٭جنازے کا طریقہ اور دعائیں ٭ تدفین کا طریقہ ٭کفن دفن کے شرعی مسائل سکھائے جائیں گے۔

تمام عاشقان رسول سے اس کورس میں شرکت کرنے کی درخواست ہے۔

اس کورس میں شرکت کرنے کے لئے ان نمبرز پر رابطہ کریں:

03112792555-03111273616

مکۃ المکرمہ زاد ہَااللہ شرفاً وَّ تعظیماًکے شیخ محب دعوت اسلامی محمد العیدروس 23 نومبر 2020ء کو ایک ایکسیڈنٹ میں انتقال کرگئے۔

انتقال کی خبر ملنے پر شیخ امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہنےمرحوم کے بھائی غلام طہ العیدروس، مصطفیٰ العیدروس، محسن العیدروس اور ان کے صاحبزادے عبد اللہ العیدروس، عبد الحمید العیدروس اور سالم العیدروس سمیت دیگر لواحقین اور محبین سے تعزیت کی اور صبر کی تلقین فرمائی۔ امیر اہل سنت دَامَتْ بَرَکَاتُہُمُ الْعَالِیَہ نے مرحوم کے لئے ایصالِ ثواب کرتے ہوئے ان کی درجات کی بلندی کےلئے دعائیں کیں۔

آج دوپہر 1:30 بجے پنجاب یونیورسٹی اولڈ کیمپس اور گورنمنٹ کالج یونیورسٹی  میں میلاد اجتماع کا انعقاد کیا جائیگا۔

اس اجتماع میں نگران مجلس پروفیشنلز محمد ثوبان عطاری خصوصی بیا ن فرمائیں گے۔

یونیورسٹی کے اسٹوڈنٹس، ٹیچرز اور دیگر اسٹاف سے اس کانفرنس میں شرکت کرنے کی درخواست ہے۔

آج بروز منگل  رسول نگر سے مجلس مدنی قافلہ دعوت اسلامی کے تحت 12 ماہ اور ایک ماہ کے مدنی قافلے سفر کررہے ہیں۔

روانگی سے قبل اسلامی بھائیوں کی تربیت کا سلسلہ ہوا جس میں مبلغ دعوت اسلامی نے جدول کی پابندی کرنے کی ترغیب دلائی اور مدنی قافلے سے متعلق امیر اہل سنت دَامَتْ بَرَکَاتُہُمُ الْعَالِیَہ کے مدنی پھول بیان کئے۔ (رپورٹ: محمد حارث عطاری، شعبہ مدنی قافلہ)

دعوت اسلامی کی مجلس ائمہ مساجد کے زیر اہتمام 4دسمبر 2020ء کو عالمی مدنی مرکز فیضان مدینہ کراچی میں عاشقان رسول کا اجتماع ہوگا جس میں امام صاحبان، امامت کورس کے طلباء اور مسجد کمیٹی کے اراکین شرکت کریں گے۔

اس تربیتی اجتماع میں مرکزی مجلس شوریٰ کے نگران حاجی مولانا محمد عمران عطاری خصوصی بیان فرمائیں گے۔

تمام امام صاحبان اور مسجد کمیٹی کےاراکین سے اس اجتماع میں شرکت کرنے اور اس کی دعوت کو عام کرنے کی درخواست ہے۔

دعوت اسلامی کی مجلس مدنی قافلہ کے زیر اہتمام 6دسمبر 2020ء کو عالمی مدنی مرکز فیضان مدینہ کراچی میں مدنی قافلہ اجتماع ہوگا جس میں دنیا بھر سے مدنی قافلہ ذمہ داران شریک ہونگے۔

اس اجتماع میں مرکزی مجلس شوریٰ کے نگران حاجی مولانا محمد عمران عطاری مَدَّظِلُّہُ الْعَالِی خصوصی بیان فرمائیں گے۔

واضح رہے کہ اس اجتماع میں مدنی قافلہ بیرون ملک کے ذمہ داران بذریعہ انٹرنیٹ شرکت کرینگے۔

آج دوپہر 12:30 بجے میڈیکل کالج سیالکوٹ کے مین آڈیٹوریم  میں سیرت النبی صلَّی اللہ علیہ واٰلہٖ وسلَّم کانفرنس کا انعقاد کیا جائیگا۔

اس کانفرنس میں نگران مجلس پروفیشنلز محمد ثوبان عطاری خصوصی بیا ن فرمائیں گے۔

کالج کے اسٹوڈنٹس، ٹیچرز اور دیگر اسٹاف سے اس کانفرنس میں شرکت کرنے کی درخواست ہے۔

آج رات بعد نماز عشاء گلزار حبیب مسجد، آگرہ تاج کالونی کراچی میں سنتوں بھرے اجتماع کا انعقاد کیا جائیگا۔

اجتماع پاک میں مرکزی مجلس شوریٰ کے رکن حاجی مولانا عبد الحبیب عطاری خصوصی بیا ن فرمائیں گے۔

مقامی عاشقانِ رسول سے اس اجتماع پاک میں شرکت کرنے کی درخواست ہے۔