دعوت اسلامی کی مجلس شعبہ حج و عمرہ کے زیر اہتمام 12 جنوری2021 بروز  منگل ہربنس پورہ لاہور میں مدنی حلقہ ہوا جس میں حاجی کیمپ لاہور کے ڈائریکٹر اور ریجن ذمہ دار اور رکن زون نے شرکت کی۔

مبلغ دعوت اسلامی نگران شعبہ الحاج قاری محمد شوکت عطاری نے شرکا کو نماز کی پابندی کرنے ، ہمیشہ سچ بولنے اور گھر والوں میں مدنی چینل دیکھتے رہنے اور اس کی دعوت کو عام کرنے کی خوب کوشش کر نے کا ذہن دیتے ہوئے شرکاء میں مکتبہ المدینہ کی کتب و رسائل تقسیم کئے۔(رپورٹ: رکن زون عبدالرزاق عطاری)

دعوت اسلامی کی مجلس مدرستہ المدینہ للبنین رہائشی کے تحت نگران مجلس رہائشی مدارس پاکستان فلک شیر عطاری 13 جنوری 2021ء بروز بدھ فیصل آ باد میں مدرسہ جائزہ کیا جہاں مدرسین،ناظمین سے ملاقات کی ۔

ملاقات میں حاضرین کی تعلیمی نظام کو مضبوط کرنے اور مدرسۃ المدینہ کو خود کفیل کرنے کے حوالے سے تربیت کرتے ہوئے رہائشی مدارس کی اپ ڈیٹ نظام کو بہتر بنانے اور اس کے لئے آئندہ کوششوں کو تیز کرنے اور مدنی کامو ں کو مضبوط کرنے کے حوالے سے ذہن دیا نیز مدرسین اور ناظمین کو تعلیمی و اخلاقی حوالے سے مدنی پھول دیتے ہوئے 2021میں تعلیمی نظام کو مزید ممتاز بنانے کا حدف دیا۔

لاہور شمالی زون کے نگران حاجی محمد نعیم عطاری نے10 جنوری 2021 بروز اتوار فیضان مدینہ رحمان سٹی شاہدرہ مریدکے کابینہ میں موجود مجلس تحفظ اوراق مقدسہ کے کارخانے کا وزٹ کیا  جہاں مجلس تحفظ اوراق مقدسہ کے ذمہ داران سے ملاقات کی۔

ملاقات میں حاجی محمد نعیم عطاری نے ذمہ داران مجلس تحفظ اوراق مقدسہ کی اچھی کار کردگی پر حوصلہ افزائی کرتے ہوئے دعاؤں سے نواز ا اس موقع پر رکن لاہور ریجن مجلس تحفظ اوراق مقدسہ محمد رضا عطار ی نے لاہور شمالی زون کے نگران کو مجلس کی طرف سے تیار کئے گئے نئے باکسز جو کہ دفاتر وغیرہ میں لگائے جائیں گے اس بارے میں بریفنگ دی جس پر نگران حاجی محمد نعیم عطاری نے خوشی کا اظہار کیا اور حاضرین کو مزید دن رات خدمات دین کرنے کا ذہن دیا۔ (رپورٹ: محمد وارث عطاری )

12 جنوری2021ء  بروز منگل راولپنڈی و اسلام آباد زون کے اسٹاف کا تربیتی اجتماع ہوا جس میں نگران مجلس فیضان آن لائن اکیڈمی للبنین مولانا یاسر عطاری نے شرکائے اجتماع کی تربیت کی۔ اس موقع پر رکن شورٰی حاجی بلال عطاری نے شرکاء کو اپنے مفید مدنی پھولوں سے نوازا۔

الحمد للہ عزوجل عاشقان رسول کی مدنی تحریک دعوت اسلامی نیکی کی دعوت کو عام کرنے میں مصروف عمل ہے۔ اسی سلسلہ میں 13جنوری2021ء بروز بدھ کامونکی غربی ڈویژن کے علاقہ شریف پورہ میں علاقائی دورہ ہوا جس میں اہل علاقہ کو نماز عصر کے بعد نیکی کی دعوت کی دی ۔

نماز مغرب کے بعد زون ذمہ دار مجلس اصلاح اعمال محمد قاسم عطاری نے سنتوں بھرا بیان کیا جس میں اہل علاقہ سمیت نمازیوں نے شرکت کی۔ مبلغ دعوت اسلامی نے حاضرین کے درمیان نبی پاک صلی اللہ علیہ وسلم سے محبت کرنے کے طریقے کے موضوع پر بیان کرتے ہوئے حاضرین کو نیک اعمال کرنے اور عاشقان رسول کے ساتھ مدنی قافلوں میں سفر کرنے کا ذہن دیا ۔(رپورٹ: محمد شہریار عطاری مجلس کارکردگی کامونکی کابینہ)

الحمدللہ عزوجل سنتوں کی خدمت کے لیے دعوت اسلامی کے تحت مدنی قافلے دنیا بھر میں سفر کرتے ہیں۔ اسی سلسلے میں گلگت بلتستان کے عاشقان رسول ایک ماہ کے مدنی قافلہ میں سفر کرتے ہوئے واربرٹن پنجاب پہنچے جہاں مبلغ دعوت اسلامی مولانا محمد احمد رضا عطاری نے مدنی قافلہ کے عاشقان رسول کا مدنی حلقہ لگایا ۔

مدنی حلقے میں مولانا محمد احمد رضا عطاری نے 12 دینی کاموں کے حوالے سے تربیت کرتے ہوئے مدنی مذاکرہ دیکھنے کے حوالے سے ان کو بھر پور ذ ہن دیا نیز مبلغ دعوت اسلامی نے مختلف امور پر حاضرین کو مدنی پھول دیتے ہوئے کہا کہ امیر اہل سنت دین دنیا کے ہر معاملہ میں عاشقان رسول کی رہنمائی فرماتے ہیں ذمہ دار کا مزید کہنا تھا کہ جو کسٹمر کیئر کورس، ٹائم مینجمنٹ کورس اور فیوچر پلانگ کورس کرنا چاہتا ہے اسے چاہیے کہ مدنی مذاکرہ میں شرکت کو اپنا معمول بنائے ۔(رپورٹ قاری غلام مصطفی عطاری)

دعوت اسلامی کے تحت 12جنوری2021ء  بروز منگل مبلغ دعوت اسلامی محمد اظہر عطاری ڈویژن نگران نے علاقہ دکن محلہ حلقہ گلاب ماچھی ڈویژن جیکب آباد کا دورہ کیا جہاں مقامی ذمہ داران دعوت اسلامی سے ملاقات کی اور انکے درمیان مدنی حلقے لگائے ۔

مدنی حلقےمیں مبلغ دعوت اسلامی نے ہفتہ وار رسالہ شان حافظ ملت رحمت اللہ علیہ رسالہ پڑھ کر سنایا اور حاضرین کو حافظ ملت کے نقش قدم پر چلتے ہوئے علم دین حاصل کرنے کی جستجو پیدا کرنے ،ہفتہ وار اجتماع میں شرکت کرنے اور مدرسۃ المدینہ بالغان میں شرکت کرنے کا ذہن دیتے ہوئے 12 دینی کام بڑھانے کی ترغیب دلائی نیز ہاتھوں ہاتھ چوک درس کا افتتاح بھی کیا ۔

 دعوت اسلامی  کی مجلس کفن دفن کے تحت  13 جنوری 2021ء بروز بدھ عزیر عطاری رکن مجلس کفن دفن نے نیو کراچی کابینہ شاہ قبرستان میں گورکن اور انچارج سے ملاقات کی۔

ملاقات میں رکن مجلس عزیر عطاری نے انہیں فرض علوم سیکھنے اور مدرسۃ المدینہ بالغان میں پڑھنے کا ذہن دیتے ہوئے قرآن پاک کی اہمیت اور افادیت کے متعلق مدنی پھول دیئے جبکہ فکر آخرت کا ذہن دیا نیز مدنی قافلوں میں سفر اختیار کرنے، ہفتہ وار اجتماع میں شرکت کرنے کے متعلق مدنی پھول دیتے ہوئے مدنی مذاکرے کی دعوت دی۔

دعوت اسلامی  کی مجلس کفن دفن کے تحت12جنوری2021ء  بروز منگل فیضان مدینہ عالمی مدنی مرکز میں مدنی حلقے کا سلسلہ ہوا جس میں شرکائے مدنی قافلہ نے شرکت کی۔

مبلغ دعوت اسلامی عزیر عطاری رکن مجلس فیضان مدینہ نے حاضرین کے درمیان غسل میت دینے کی فضیلت کے موضوع پر بیان کرتے ہوئے مجلس کفن دفن کا تعارف پیش کیااور مسلمان میت کو غسل دینے کا عملی طریقہ سکھایا جبکہ کفن ،دفن اور قبر کے شرعی مسائل سے آگاہ کیا نیز مسلم فینرل ایپلیکیشن کا تعارف کرواتے ہوئے عاشقان رسول کو ترغیب دلاکر ایپ ڈاؤنلوڈ کر کے اس سہولت سے فائدہ اٹھانے کا ذہن دیا۔

دعوت اسلامی کی مجلس  مزارات اولیاء کے تحت پچھلے دنوں عبدالکبیر عطاری گلگت بلتستان زون نے پشاور کابینہ میں نگران کابینہ کے ہمراہ پیران عظام اور گدی نشین حضرات سے ملاقاتیں کیں۔

جہاں ذمہ داران دعوت اسلامی نے مزارات شریف پر حاضری دی اور مدنی حلقوں کا اہتمام کیا جس میں حاضرین کو ایک ماہ کے مدنی قافلوں کی دعوت دی اور پشتو زبان میں نیکی کی دعوت اور فیضان نماز کتابوں سمیت د یگر رسائل تقسیم کئے گئے ۔

اس موقع پر سید عبید اللہ شاہ صاحب گدی نشین نے جوہر وٹاون فیضان مدینہ میں آنے کی نیت کرتے ہوئے کہا کے انشاء اللہ تقریبا 19 اسلامی بھائیوں سمیت اپنے مریدوں کے ہمراہ لاہور جوہر ٹاون فیضان مدینہ میں ایک ماہ کے مدنی قافلہ میں سفر کرینگے۔( رپورٹ: مجلس مزارات اولیاء لاہور ریجن)

عاشقان رسول کی مدنی تحریک دعوت اسلامی کو یہ اعزاز حاصل ہے کہ علم کا حصول خواہ فرض عین ہو یا فرض کفایہ یا مستحب و مباح، یہ شیخ طریقت امیر اہل سنت دَامَتْ بَرَکَاتُہُمُ الْعَالِیَہ کے زیر سایہ ہر دم علمِ دین کی اشاعت و ترویج کے لئے تیار رہتی ہے۔

علمِ دین کی اشاعت و ترویج کو آگے بڑھاتے ہوئے جامعۃ المدینہ میں دورۃ الحدیث شریف کے بعد جیدعلمائے کرام کے زیر نگرانی علمِ حدیث اور فقہ میں مہارت حاصل کرنے کے لئے تخصص فی الحدیث اور تخصص فی الفقہ کروایا ہے۔ اسی طرح تقریر و تبلیغ کے فن میں مہارت پیدا کرنے کے لئے تخصص فی الامامت کروایا جاتا ہے۔ ان تخصصات کی مدت بالترتیب دو، دو اور ایک سال ہے۔

ان کورسزمیں داخلے کے لیے بھی باقاعدہ انٹری ٹیسٹ لیا جاتا ہے۔ اس میں تعلیم حاصل کرنے والے طلبہ ٔکرام کے لیے رہا ئش کے علاوہ مناسب خیرخواہی بھی کی جاتی ہے۔ تاکہ وہ معاشی پريشانیوں سے آزاد ہوکر تعلیم حاصل کر سکيں۔ ایک سال کورس پڑھنے کے بعد میرٹ پر پورا اترنے والے مخصوص افراد کو باقاعدہ تدریب بھی کروائی جاتی ہے اور مقالہ جات لکھوائے جاتے ہیں تاکہ فن میں مہارت مزید نکھر کر سامنے آئے ۔

دعوت اسلامی کے زیر اہتمام تخصص فی الفقہ فی الحال فیضان مدینہ کراچی، فیصل آباداور لاہور میں جبکہ تخصص فی الحدیث اور تخصص فی الامامت عالمی مدنی مرکز فیضان مدینہ کراچی میں کروایا جاتا ہے۔

ان تخصصات میں چند دنوں کے بعد ایڈمیشن کا آغاز ہونے والاہے۔

ایڈمیشن کا طریقہ کار اور نصاب وغیرہ کی معلومات حاصل کرنے کے لیے ان گروپس میں ایڈ ہوجائیں ۔

تخصص فی الفقہ کیلئے :

https://chat.whatsapp.com/DV9PdBIB7RkGxRrzc083jN

https://chat.whatsapp.com/F7wbtiX5QeI6yipkxKEd8k

تخصص فی الحدیث کیلئے:

https://chat.whatsapp.com/G00MO3iZG4n6TXIm0rL0Go

https://chat.whatsapp.com/E770yBNxq3k3g8OtkyXxxc

تخصص فی الامامت کیلئے :

https://chat.whatsapp.com/EJ7WGmCIpiWHv0JyTy5QzN

https://chat.whatsapp.com/BtzwRQTv7qUEe2tDSZ6H1F

دعوت اسلامی کا شعبہ اسلامک ریسرچ سینٹر (اَلْمَدِیْنَۃُ العِلْمِیّۃ)2001ء سے اپنی کتابوں کےذریعےشخصیت سازی کے رہنما اصول، اسلامی اقدار ،حقانیت ِاسلام اوراسلام کی روشن تعلیمات ہرطبقے تک پہنچانے کے لئےبھر پور کوششیں کررہا ہے اور اپنے مقصد پر عمل پیرا ہوتے ہوئے اَلْمَدِیْنَۃُ العِلْمِیّۃ سال 2019ء تک علومِ قرآن وحدیث،فقہ،تصوف و روحانیت، اسلامی تاریخ اور دیگر موضوعات پر 570کتب ورسائل تصنیف وتالیف کرچکا ہے جبکہ اسلامک کلچر اور بچوں کی کہانیوں پر مشتمل کتابیں اور اسکول و کالجز کےلئےقرآنیات کانصاب بھی فراہم کیاجا چکا ہے۔

اسی تصنیفی و تالیفی خدمات کو آگے بڑھانے کے لئے ہر عیسوی سال کے آغاز میں ہی پورے سال کے اہداف طے کرلئے جاتے ہیں۔ ایسا ہی سال 2020ء کی آغاز میں ہوا جس میں معیاری، معلوماتی اورمفیدترین کتب ورسائل شائع کرنے کا ایک میگا پروجیکٹ بنایا گیا تھا جس میں تقریباً 65 سے زائد کتب ورسائل شامل تھیں۔اَلْحَمْدُ لِلّٰہِ عَزَّ وَجَلَّ سال 2020ء کے اختتام تک اَلْمَدِیْنَۃُ العِلْمِیّۃ نے نہ صرف اپنے اہداف کو مکمل کیا بلکہ اپنے اہداف کو عبور کرتے ہوئے تین گُناسے بھی زائد کتب و رسائل پر کام مکمل کرلیا ۔ ان میں شرح معانی الآثار، آثارُ السنن، قدوری مع خلاصۃ الدلائل، مسند امام اعظم ، توضیح تلویح، مؤطا امام مالک، مؤطا امام محمد،حلیۃ الاولیا مترجم بنام اللہ والوں کی باتیں جلد 9 اور 10، فیضان ریاضُ الصالحین جلد 9 جیسی بڑی کتب سمیت 235 سے زائد کتابیں اور رسائل شامل ہیں۔

مزید تفصیلات۔۔۔

مجلس اسلامک ریسرچ سینٹر (اَلْمَدِیْنَۃُ العِلْمِیّۃ )کی رپورٹ کے مطابق سال 2020ء میں دوسوپینتیس(235) کتب ورسائل پرکام ہوا، جن میں سے ایک سوبانوے(192) فائنل ہوئے جوکہ بارہ ہزار تین سو ننانوے (12399) صفحات پر مشتمل ہیں۔ ان میں سے اکیاون(51)کواشاعت کے لیے مکتبۃ المدینہ کے سپرد کیا گیا جن میں سے مکتبۃ المدینہ نے اب تک اکیس(21)کو شائع کیا ہے جبکہ بقیہ ایک سواکتالیس (141)کتب ورسائل کو دعوتِ اسلامی کی ویب سائٹ پر اپلوڈ کردیا گیا ہے۔

واضح رہے کہ اسلامک ریسرچ سینٹر میں موجود 100 سے زائد علمائے کرام نے 15 مختلف شعبوں میں تقسیم ہوکر ان کتابوں کو مختلف مراحل سے گزارتے ہوئے مکمل کرنے کی سعادت حاصل کی۔

اس سال جو اہم کتب مکمل ہوئیں ان کے نام یہ ہیں:

٭کنزالعرفان مع افہام القرآن صفحات :1144 ٭سیرت الانبیا صفحات :888 ٭ملفوظات امیراہل سنت جلد3صفحات:646 ٭حلیۃالاولیا جلد8،صفحات:580 اورجلد9صفحات :633 ٭فیضان ریاض الصالحین جلد7صفحات:761

تفصیلی کارکردگی:

2020ء میں فائنل ہونے والے 192کتب ورسائل بمطابق موضوع

اسلامک ریسرچ سینٹر(المدینۃ العلمیۃ) کی 2020ء میں چھپنے کے لئے جانے والی51 کتب ورسائل

قرآن ومتعلقات

حدیث ومتعلقات

فقہ ومتعلقات

سیرت وتاریخ

سیرت وملفوظات امیراہل سنت

تصوف واخلاقیات

علوم وفنون

بیانات

نعتیہ دیوان

تنظیمی مواد

متفرقات