اسلامی بہنوں کی مجلس  ڈونیشن بکس کے زیراہتمام پچھلے دنوں فیصل آباد ریجن، سرگودھا زون، سرگودھا کابینہ کی ڈویژن سبھروال میں ڈویژن سطح پر ڈونیشن بکس ذمہ داران حلقہ، علاقہ ذمہ داران کا مدنی مشورہ ہوا۔ ڈونیشن بکس زون سطح ذمہ دار اسلامی بہن نے بھی شرکت کی۔

مدنی مشورے میں 3علاقہ سطح اور ایک ڈویژن سطح پر ڈونیشن بکس ذمہ داران کی تقرری کی گئی۔ ذمہ داران کو کارکردگی وقت پر دینے اور گھریلو صدقہ بکس کی مزید رجسٹریشن بڑھانے پر کلام ہوا ۔ ذمہ داران نے اچھی اچھی نیتیں پیش کیں اور وقت پر کارکردگی دینے اور مزید بکس لگوانے کی بھرپور نیتوں کا اظہار کیا مزید تقرریاں مکمل کرنے پر بھی کلام ہوا اور اہداف طے کئے گئے ۔

اسلامی بہنوں کی مجلس دار السنہ کے زیر اہتمام 2 فروری 2021 دار السنہ میں12 دن کے  رہائشی کورس بنام ”اصلاح اعمال“ کا آغاز ہو رہا ہے جس میں وہ اسلامی بہنیں داخلہ لے سکتی ہیں جن کی عمر کم از کم 18 سال ہو،قومی زبان لکھنا پڑھنا جانتی ہوں،مدنی ماحول سے وابستگی کی مدت کم از کم 12 ماہ ہو۔

اس کورس میں خصوصیت کے ساتھ تجوید،فقہ،تلفظ کی درستگی کے ساتھ ساتھ نیک اعمال کی مشق بھی کروائی جائے گی اس کے علاوہ کثیر علم دین بھی سیکھنے کا موقع ملے گا ۔

دعوت اسلامی کے شعبہ رابطہ برائے شخصيات کے زیر اہتمام  ڈویژن دستگیر میں پچھلے دنوں مخیر اسلامی بہن کے گھر مدنی حلقہ لگایا گیا جس میں کابینہ مشاورت سمیت مقامی شخصيات و دیگر اسلامی بہنوں نے شرکت کی۔

طلبِ علمِ دین کے لئے سفر کی اہمیت اور فضیلت پر مشتمل روایات و حکایات  کا بہترین مجموعہ

اَلرِّحْلَۃُفِیْ طَلْبِ الْحَدِیْث

ترجمہ بنام

عاشقانِ حدیث کی حکایات

اِس کتاب کی چندخصوصیات:

ترجمہ کرتے ہوئے درج ذیل اُمور کاخصوصی طور پر خیال رکھا گیا ہے :

٭سلیس اوربامحاورہ ترجمہ کیا گیا ہے تاکہ کم پڑھے لکھے اسلامی بھائی بھی سمجھ سکیں۔ ٭آیاتِ مبارکہ کا ترجمہ اعلیٰ حضرت، امام اہلسنّت، شاہ امام احمد رضا ؔخان عَلَیْہِ رَحْمَۃُ الرَّحْمٰن کے ترجمۂ قرآن ’’کنز الایمان‘‘ سے لیاگیا ہے۔ ٭آیاتِ مبارکہ کے حوالے نیزحتی المقدوراحادیث و اقوال وغیرہ کی تخاریج کا بھی اہتمام کیاگیا ہے۔٭بعض مقامات پر مفیدوضروری حواشی کا اہتمام کیا گیا ہے، بالخصوص”خزائن العرفان“ سے کئی آیاتِ مبارکہ کی تفسیر حاشیہ میں لکھ دی گئی ہے۔ ٭مشکل الفاظ پر اِعراب لگانے کی سعی بھی کی گئی ہے ۔ ٭مشکل الفاظ کے معانی ہلالین(……) میں لکھنے کا اہتمام کیا گیا ہے ۔٭علاماتِ ترقیم(رُموزِاوقاف) کابھی خیال رکھا گیاہے ۔

109صفحات پر مشتمل یہ کتاب2011ء سے لیکر2 مختلف ایڈیشنز میں تقریباً3ہزارسے زائد چھپچکیہے۔

اس کتاب کی PDF دعوتِ اسلامی کی ویب سائٹ سے مفت ڈاؤن لوڈ بھی کی جاسکتی ہے۔

Download Now

اسلامی بہنوں کی مجلس شارٹ کورسز کے زیر اہتمام پچھلے دنوں لیاقت آباد  کابینہ کے مینا بازار میں”بیٹی کا کردار“ کورس کا آغاز ہواجس میں کم و بیش 22 شاپ کیپرز اور ذمہ داران کورس میں شامل ہوئیں۔ کابینہ سطح شعبہ رابطہ برائے شخصیات ذمہ دار اسلامی بہن نے کورس کروایا۔

ذمہ دار اسلامی بہن نے اسلامی بہنوں کو مدرسۃ المدینہ بالغات مین داخلہ لینے، کورس کو مکمل کرنے اور مزید کورسز کرنے کا ذہن دیا جس پر شرکا اسلامی بہنوں نے اس کورس کو مکمل کرنے اور دیگر کورسز کرنے کی نیتیں کیں ۔

اسلامی بہنوں کی مجلس اصلاح اعمال کے زیر اہتمام 17 جنوری 2021ء کو ڈنمارک( Denmark) میں اصلاحِ اعمال کی ذمہ دار اسلامی بہنوں کا ماہانہ مدنی مشورہ ہوا جس میں کابینہ مشاورت اصلاح اعمال ذمہ دار اسلامی بہن سمیت دیگر ذمہ داراسلامی بہنوں نے شرکت کی۔

کابینہ مشاورت اصلاح اعمال ذمہ دار اسلامی بہن نے ترغیبی بیان کرتے ہوئے روزانہ نیک اعمال کا جائزہ لینے اور مدنی مذاکرہ دیکھنے اور دکھانے کا ذہن دیا نیزاصلاحِ اعمال اجتماع کو مضبوط کرنے اور اس کے ذریعے نیک اعمال کی عاملات میں اضافہ کرنے کے اہداف دئیے ۔

شیخ طریقت امیر اہل سنت دَامَتْ بَرَکَاتُہُمُ الْعَالِیَہ نے مسلمانوں کو گناہوں سے بچانے اور نیک بنانے کے تحت روزانہ کی بنیاد پر مختلف مدنی کاموں کی تحریکوں کا آغاز فرمایا چنانچہ یورپین یونین ریجن میں مختلف مدنی کاموں کی تحریک کی کارکردگی درجِ ذیل ہے:

38 اسلامی بہنوں نے روزانہ ایک پارہ پڑھنے کی سعادت حاصل کی۔

66 اسلامی بہنوں نے روزانہ آدھا پارہ پڑھنے کی سعادت حاصل کی۔

176 اسلامی بہنوں نے روزانہ گھر درس دیا۔

70 اسلامی بہنوں نے 313 مرتبہ درودپاک روزانہ پڑھے۔

119 اسلامی بہنوں نے 1200 مرتبہ درودپاک روزانہ پڑھے۔

185 اسلامی بہنوں نے 12 منٹ روزانہ مطالعہ کیا۔

دعوت اسلامی کے زیر اہتمام گزشتہ دنوں ہالینڈ (Holland) کی ذمہ دار اسلامی بہنوں کا بذریعہ اسکائپ مدنی مشورہ ہوا جس میں یورپین یونین ریجن کی نگران اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے تربیت کی اور کس طرح 8 دینی کاموں میں بہتری لائی جا سکتی ہے اس حوالے سے اہم نکات پیش کئے۔

دعوت اسلامی کے زیر اہتمام جنوری 2021 ءکے دوسرے ہفتے آسٹریا کے شہر ویانا( Vienna) میں سنتوں بھرے اجتماع کا انعقاد کیاگیا جس میں کم و بیش20 اسلامی بہنوں نے شرکت کی ۔

کابینہ نگران اسلامی بہن نے” مرض سے قبر تک“کے موضوع پر بیان کیا اور اجتماع ِ پاک میں شریک اسلامی بہنوں کو دعا کرنے کے طریقہ اور مختلف اوراد و وظائف بھی بتائے۔

آسٹریا میں عنقریب نئے مدرستہ المدینہ بالغات شروع ہونے والا ہے اس میں داخلہ لینے کےلئے اسلامی بہنوں کو ترغیب بھی دلائی۔

دعوت اسلامی کے زیر اہتمام گزشتہ دنوں آسٹریا( Austria) کے شہر ویانا (Vienna )میں ذمہ دار اسلامی بہنوں بذریعہ اسکائپ مدنی مشورہ ہوا جس میں مختلف شعبہ جات کے ذمہ داراسلامی بہنوں نے شرکت کی۔

کابینہ نگران اسلامی بہن نے مدنی مشورے میں شریک اسلامی بہنوں کی کارکردگی کاجائزہ لیتے ہوئے تربیت کی اور مختلف شعبہ جات کے ذمہ داراسلامی بہنوں کو ان کی ذمہ داری کے لحاظ سے اہداف بھی دیئے۔

یورپین یونین ریجن کے ملک اٹلی( Itlay )کے شہر میلان (Milan )میں گزشتہ دنوں یورپین یونین ریجن نگران اسلامی بہن نے ایک اسلامی بہن کے غسل میت میں شرکت کی۔

یورپین یونین ریجن نگران اسلامی بہن نے مرحومہ کے عزیزوں سے تعزیت اور مرحومہ کے ایصال ثواب کےلئے نیک اعمال کا ذہن دیا نیز

وہاں موجود اسلامی بہنوں پر انفرادی کوشش کرتے ہوئے آخرت کی تیاری کا ذہن دیا۔ مزید یہ کے دعوت اسلامی کے 8 دینی کاموں میں عملا شرکت کے لئے ترغیب کے ساتھ ساتھ مدرستہ المدینہ بالغات میں پڑھنے اور شارٹ کورسز میں داخلہ لینے کی ترغیب دلائی۔

دعوت اسلامی کے زیر اہتمام جنوری2021ء کے دوسرے ہفتے یورپ کے ملک ڈنمارک (Denmark ) میں بذریعہ اسکائپ 2 مقامات پر سنتوں بھرے اجتماعات کا انعقاد کیا گیا جن میں تقریباً 40 اسلامی بہنوں نے شرکت کی۔

مبلغات دعوتِ اسلامی نے”مرض سے قبر تک“ کے موضوع پر سنتوں بھرے بیانات کئے اور اجتماعات میں شریک اسلامی بہنوں کو صبر کے فضائل،عیادت کے آداب، مرحومین کے لئے ایصال ثواب اور نزع کی تکالیف کے بارے میں بیان کیا نیز مدنی مذاکرہ دیکھنے اور ہفتہ وار رسالہ پڑھنے یا سننے کا ذہن دیا۔