عاشقانِ رسول  کی دینی تحریک دعوت اسلامی کی طرف سے 5 جنوری 2023ء کو فیضانِ مدینہ سدھار بائی پاس فیصل آباد میں ہفتہ وار سنتوں بھرے اجتماع کا انعقاد ہوا جس میں قرب و جوار کے اسلامی بھائیوں سمیت شعبہ ٹرانسپورٹ کے ذمہ داران نے بھی شرکت کی۔

اجتماعِ پاک کا آغاز تلاوت قرآنِ پاک و نعتِ رسول مقبولِ صلَّی اللہ علیہ واٰلہٖ وسلَّم سے کیا گیا۔ بعدازاں فیصل آباد ڈویژن ذمہ دارحسن عطاری نے ’’ رزق میں اضافے کے اسباب ‘‘ کے موضوع پر سنتوں بھرا بیان کیا اور شرکائے اجتماع کو کسب ِ حلال کا ذہن دیتے ہوئے حرام روزی سے بچنے اور ضرورت مند رشتے داروں کی مدد کرنے کی ترغیب دلائی ۔ (رپورٹ : شعبہ رابطہ برائے ٹرانسپورٹ ، کانٹینٹ:رمضان رضا عطاری)

4 جنوری2023ء بروز بدھ دینی  کاموں کے سلسلے میں دعوتِ اسلامی کے مدنی مرکز فیضانِ مدینہ حافظ آباد میں مدنی مشورہ ہوا جس میں ڈسٹرکٹ شعبہ جات کے ذمہ داران،تحصیل نگران ، سب تحصیل نگران اور یونین کونسل نگران اسلامی بھائیوں نے شرکت کی ۔

ڈسٹرکٹ نگران محمد وسیم عطاری نے اسلامی بھائیوں کی 12 دینی کاموں کی کارکردگی کا جائزہ لیتے ہوئے انہیں ہفتہ وار رسالہ کارکردگی میں مزید بہتری لانے اور تقرری مکمل کرنے کا ہدف دیا نیز ماہنامہ فیضانِ مدینہ کی بکنگ کروانے کا ذہن دیا اور عالمی مدنی مرکز فیضانِ مدینہ کراچی میں ہونے والے امیر ِمدنی قافلہ کورس کرنے کی ترغیب دلائی ۔ (رپورٹ : ڈسٹرکٹ کارکردگی ذمہ دار جواد حسن عطاری ، کانٹینٹ:رمضان رضا عطاری)

گزشتہ  روز عالمی مدنی مرکز فیضانِ مدینہ کراچی میں شعبہ رابطہ برائے شخصیات کے کراچی ذمہ داران کا حاجی یعقوب عطاری (نگران شعبہ رابطہ برائے شخصیات کراچی سٹی ) نے مدنی مشورہ کیا جس میں ذمہ داران کی سابقہ کارکردگی پر جائزہ لیتے ہوئے ہر ماہ مدنی قافلے و مدنی حلقے اور شخصیات وزٹ کے حوالے سے گفتگو کی اور ان کے حوالے سے مدنی پھول دیئے۔ ( رپورٹ: شعبہ رابطہ برائے شخصیات کراچی سٹی / کانٹینٹ : محمد مصطفیٰ انیس) 

03 جنوری 2023ء کو ڈسٹرکٹ لیہ میں شعبہ  F.G.R.F دعوتِ اسلامی کے تحت فیضان مدینہ ٹی ڈی اے کالونی میں سیلاب زدگان کے امداد کے سلسلے میں سنتوں بھرا اجتماع ہوا ۔

اس اجتماع میں مرکزی مجلسِ شوریٰ کے رُکن حاجی محمد اسلم عطاری نے شرکا کو تکالیف و مصائب پر صبر و شکر کرنے کا ذہن دیا اور اللہ پاک کی تقسیم پر رضامندی حاصل کرنے کاذہن دیتے ہوئے دعوتِ اسلامی کی دینی و فلاحی خدمات کا تعارف کروایا۔

اس موقع پر ڈویژن نگران حاجی محمد اقبال عطاری ، ڈسٹرکٹ نگران لیہ ، ڈپٹی کمشنر لیہ ، چوہدری فرحت رسول اسسٹنٹ کمشنر تحصیل لیہ ، اسداللہ خان رنر ایم۔این۔اے، ملک اویس جکھڑ ، میاں غضنفر علی قریشی ایڈووکیٹ صدر بار اور سیاسی وانتظامی شخصیات سمیت مختلف شعبہ ہائے زندگی سے تعلق رکھنے والے افراد نے شرکت کی۔

اجتماعِ پاک میں آنے والے شخصیات نے دعوت اسلامی کے تحت سیلاب متاثرین کسانوں میں کھاد اور گرم بستروں کی تقسیم کاری کے کام کو خوب سراہا اور اپنے تأثرات دیئے۔ ( رپورٹ: شعبہ رابطہ برائے شخصیات ڈسٹرکٹ لیہ ڈویژن ڈی جی خان / کانٹینٹ : محمد مصطفیٰ انیس)

04 جنوری 2023 ء کو دعوتِ اسلامی کے ایک وفد نے سندھ سیکریٹریٹ کا دورہ کیا جہاں ذمہ داران نے مختلف شخصیات سے ملاقاتیں کیں انہیں نیکی کی دعوت پیش کرتے ہوئے دعوتِ اسلامی کا تعارف پیش کیا  اور عالمی مدنی مرکز فیضانِ مدینہ کراچی وزٹ کرنے کی دعوت پیش کی۔

اس وزٹ پر ذمہ داران نے طارق احمد قریشی (ایڈیشنل سیکریٹری ہوم ڈیپارٹمنٹ) ، نوید آرائیں (ڈپٹی سیکریٹری پولیس ) اور دیگر افسران سے ملاقاتیں کیں ۔ ( رپورٹ: شعبہ رابطہ برائےشخصیات کراچی / کانٹینٹ : محمد مصطفیٰ انیس) 

گزشتہ روز شعبہ رابطہ برائے شخصیات دعوتِ اسلامی کے ذمہ داران نے  ایکس ڈی جی مظفر محسن صاحب سے انکے گھر پر ملاقات کی ، دورانِ ملاقات نیکی کی دعوت پیش کی گئی اور انہیں دعوتِ اسلامی کا تعارف پیش کیا گیا جبکہ راہِ خداعزوجل میں سفر کرنے کی ترغیب دلائی گئی جس پر مظفر محسن نے مدنی قافلے میں سفر کرنے کی نیت پیش کی۔

اسکے علاوہ لاہور ڈویژن کے ذمہ دار عظیم عطاری نے ضلع لاہور کی ایک مسجد میں ذمہ داران کا دینی کاموں کے حوالے سے مدنی مشورہ کیا اور مختلف امور پر تبادلۂ خیال کیا ۔( رپورٹ: محمد ندیم عطاری ، شعبہ رابطہ برائے شخصیات ، لاہور / کانٹینٹ : محمد مصطفیٰ انیس) 

02 جنوری 2023ء کو قصور میں لاہور ڈویژن کے ذمہ دار محمد عظیم عطاری نے ڈسٹرکٹ قصور کے ذمہ داران کا مدنی مشورہ کیا جس میں ڈسٹرکٹ و تحصیل ذمہ داران نے شرکت  کی۔

ذمہ دار محمد عظیم عطاری نے سابقہ کارکردگی کا جائزہ لیا نیزاپنے اپنے علاقوں میں مزید دینی کاموں کو بڑھانے کا ذہن دیتے ہوئے مدنی پھولوں سے نوازا ۔ ( رپورٹ: شعبہ رابطہ برائے شخصیات لاہور ڈویژن ڈسٹرکٹ قصور / کانٹینٹ : محمد مصطفیٰ انیس)

بلوچستان سے آئی ہوئی قبائلی سیاسی و سماجی شخصیت،ٹرانسپورٹ ایسوسی ایشن ضلع سبی کے صدر ملک ساجد جان بنگلزئی اور ملک شہزاد بنگلزئی  نے دعوتِ اسلامی کے عالمی مدنی مرکز فیضانِ مدینہ کراچی کا دورہ کیا جہاں پبلک ریلیشن ڈیپارٹمنٹ کے ذمہ دار نے انہیں خوش آمدید کہا۔

ذمہ دار اسلامی بھائی نے شخصیات کو عالمی مدنی مرکز فیضان مدینہ کراچی میں قائم مختلف ڈیپارٹمنٹس وزٹ کروایاجس میں انہیں آئی ٹی ڈیپارٹمنٹ، اسلامک ریسرچ سینٹر(المدینۃالعلمیہ)، مدنی چینل، فیضان آن لائن اکیڈمی بوائز سمیت دیگر ڈیپارٹمنٹس کے ذریعے دنیا بھر ہونے والے دینی کاموں کے بارے میں بریفنگ دی ۔

اس دوران شخصیات کی ملاقات مرکزی مجلسِ شوریٰ کے رکن مولانا حاجی عبدلحبیب عطاری سے بھی ہوئی جبکہ ذمہ دران نے انہیں دعوتِ اسلامی کے کُتُب و رسائل تحفے میں پیش کئے۔

4 جنوری 2023ء بروز بدھ دعوتِ اسلامی کے عالمی مدنی مرکز فیضانِ مدینہ کراچی میں شعبہ مدنی قافلہ کےشرکا و  ذمہ داران کے لئے تربیتی سیشن ہوا جس میں دیگر اسلامی بھائیوں نے شرکت کی۔

معلمومات کے مطابق اس تربیتی سیشن میں دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کیا اور حاضرین کو 12 دینی کاموں میں عملی طور پر حصہ لینے کا ذہن دیا۔

علاوہ ازیں رکنِ شوریٰ حاجی محمد امین عطاری نے مختلف موضوعات پر گفتگو کی جس پر شرکا نے اچھی اچھی نیتیں کیں۔(کانٹینٹ:غیاث الدین عطاری)

4جنوری 2023 ء بروز بدھ کشمیری  بلڈنگ نزد فیضانِ مدینہ کراچی میں دعوتِ اسلامی کے شعبہ ایچ آر کے تحت بین الاقوامی سطح کے ایچ آر ذمہ داران کا مدنی مشورہ ہوا جس میں نگرانِ شعبہ ایچ آر ڈیپارٹمنٹ سید اسد عطاری نے مختلف ممالک میں شعبے کی جانب سے ہونے والے دینی کاموں کا جائزہ لیا اور محمد طارق عطاری اور محمد محسن عطاری مدنی کو آئندہ کے حوالے سے اہداف دیئے۔(رپورٹ : رضوان شاہ عطاری مدنی ، کانٹینٹ:رمضان رضا عطاری)

دعوتِ اسلامی  کے طرف سے یوسی 8، وارڈ ـ 2، چنیسر ٹاؤن اشرف مسجد ٹی پی 2 میں ایصالِ ثواب اجتماع ہوا جس میں یوسی نگران ، وارڈ ذمہ دار اور اہلِ محلہ اسلامی بھائیوں نے شرکت کی ۔

اجتماع پاک میں مولانا عاطف رضا عطاری مدنی نے سنتوں بھرا بیان کیا اورشرکا کو نیکی کی دعوت دیتے ہوئے انہیں ہفتہ وار اجتماع میں شرکت کرنے اور مدنی مذاکرے میں آنے کی دعوت دی جس پر اسلامی بھائیوں نے اچھی اچھی نیتوں کا اظہار کیا۔ (رپورٹ : اشفاق عطاری مدنی چنیسر ٹاؤن، کانٹینٹ:رمضان رضا عطاری)

دنیا بھر میں دینِ اسلام  کی سر بلندی کے لئے کام کرنے والی عاشقانِ رسول کی دینی تحریک دعوتِ اسلامی کے شعبہ ڈونیشن بکس کے تحت 4 جنوری 2023ء کو مدنی مرکز فیضانِ مدینہ آفندی ٹاؤن حیدرآباد میں مدنی مشورے کا انعقاد ہوا ۔

حیدرآباد میٹروپولیٹن سٹی کی تمام مینجمنٹ اور عطیات بکس ذمہ داران کا مدنی مشورہ رکنِ شوریٰ حاجی محمد فاروق جیلانی عطاری نے لیا ۔ رکنِ شوریٰ نے اسلامی بھائیوں کی سابقہ کارکردگی کا جائزہ لیتے ہوئے انہیں شعبے کے دینی کام میں مزید بہتری لانے کے حوالے سے نکات بتائے۔

اس کے علاوہ صوبائی ذمہ دارنے بھی اسلامی بھائیوں کی مختلف امور پر تربیت کرتے ہوئے انہیں اہداف دیئے جس پر اسلامی بھائیوں نے نیک خیالات کا اظہار کیا۔ (رپوٹ : فرحان عطاری ڈویژن ذمہ دار ڈونیشن بکس ، کانٹینٹ:رمضان رضا عطاری)