گزشتہ روز دعوتِ اسلامی کے شعبہ مدنی قافلہ کے تحت مدنی مرکز فیضانِ مدینہ فیصل آباد میں مدنی مشورہ ہوا جس میں ڈسٹرکٹ فیصل آباد کے ذمہ داران اور امیرِ مدنی قافلہ اسلامی بھائیوں نے شرکت کی۔

اس مدنی مشورے میں نگرانِ ڈسٹرکٹ و میٹروپولیٹن فیصل نے شعبے کے دینی کاموں کے حوالے سے گفتگو کرتے ہوئے دسمبر میں سفر کرنے والے ایک ماہ کے مدنی قافلے کے لئے امیرِ مدنی قافلہ اور شرکا کو تیار کرنے پر کلام کیا گیا۔

آخر میں شرکائے مدنی مشورہ کو ایک ماہ کے مدنی قافلے کے اہداف دیئے گئے جس پر انہوں نے اچھی اچھی نیتوں کا اظہار کیا۔(کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی کے تحت 2 دسمبر 2022ء بروز جمعہ 3 دن کا مدنی قافلہ کراچی کے علاقے ڈیفنس کی جامع مسجد فیضانِ اسلام پہنچا۔

دورانِ مدنی قافلہ شرکا کے لئے امیرِ قافلہ کورس کا آغاز کیا گیا جس میں مرکزی مجلسِ شوریٰ کے رکن حاجی محمد امین عطاری نے سنتوں بھرا بیان کرتے ہوئے انہیں کورس کی چند ابتدائی باتیں بتائیں۔

اس کے علاوہ رکنِ شوریٰ نے شرکا کو دعوتِ اسلامی کے دینی کاموں کو بھر پور انداز میں کرنے کا ذہن دیا جس پر انہوں نے اچھی اچھی نیتیں کیں۔(کانٹینٹ:غیاث الدین عطاری)

2 دسمبر 2022ء بروز جمعہ دعوتِ اسلامی کی مرکزی مجلسِ شوریٰ کے رکن حاجی محمد امین عطاری نے کراچی کے علاقے ڈیفنس کی جامع مسجد فیضانِ اسلام میں نمازِ جمعہ سے قبل سنتوں بھرا بیان کیا۔

دورانِ بیان رکنِ شوریٰ نے حاضرین کی تربیت و رہنمائی کرتے ہوئے انہیں نیکی کے کاموں میں حصہ لیتے رہنے کا ذہن دیا نیز دعوتِ اسلامی کے 12 دینی کاموں میں عملی طور پر شمولیت اختیار کرنے کی ترغیب دلائی جس پر شرکا نے اچھی اچھی نیتیں کیں۔(کانٹینٹ:غیاث الدین عطاری)

اشاعتِ علمِ دین کا جذبہ رکھنے والی عاشقانِ رسول کی دینی تحریک دعوتِ اسلامی کے تحت پچھلے دنوں (23 نومبر تا 30 نومبر 2022ء ) نگرانِ شعبہ ماہنامہ فیضانِ مدینہ مولانا مہروز عطاری مدنی ، نگرانِ شعبہ تقسیمِ رسائل اور شعبہ ماہنامہ فیضانِ مدینہ کے ڈسٹری بیوشن (Distribution) ذمہ دار محمد بلال عطاری کا ہفتۂ ماہنامہ فیضانِ مدینہ کی تیاری کے سلسلے میں پنجاب پاکستان کے مختلف شہروں(ملتان، فیصل آباد، گوجرہ، ٹوبہ ٹیک سنگھ، گجرانوالہ، لاہور) کا شیڈول رہا۔

تفصیلات کے مطابق ذمہ داران نے مذکورہ شہروں میں ہونے والے دعوتِ اسلامی کے ڈسٹرکٹ ، یوسی اور دیگر تنظیمی ذمہ دار اسلامی بھائیوں کے مدنی مشوروں میں شرکت کی جس میں انہیں 29 دسمبر 2022ء تا 5 جنوری 2023ء کو ہفتہ وار ماہنامہ فیضانِ مدینہ منانے کے حوالے سے بریفنگ دی۔

دورانِ شیڈول مختلف شخصیات سے ملاقاتوں کا سلسلہ بھی رہا جس میں انہیں ہفتۂ ماہنامہ فیضانِ مدینہ کے حوالے سے آگاہ کیا گیا اور اس کی بکنگ کروانے کا ذہن دیاگیا۔

ذمہ داران کے شیڈول کی جھلکیاں درج ذیل ہیں:

٭ لاہور، ملتان اور فیصل آباد میں قائم جامعۃالمدینہ بوائزکے دورہ ٔحدیث شریف و تخصصات کے طلبۂ کرام میں سنتوں بھرابیان ہوا۔

٭لاہور اور گجرانوالہ کی مارکیٹوں میں ماہنامہ فیضانِ مدینہ کی بکنگ کے سلسلے میں ملاقاتوں کا سلسلہ ہوا۔

٭ ملتان میں قائم پاکستان پوسٹ آفس میں G.P.O سے ملاقات ہوئی اور سیکھنے سکھانے کا حلقہ بھی لگایا گیا۔

٭ ٹوبہ ٹیک سنگھ میں D.C ٹوبہ ٹیک سنگھ سے ملاقات کی اور انہیں دعوتِ اسلامی کے ماہنامہ فیضانِ مدینہ کا تعارف پیش کیا۔

رسولپور تارڑ  میں سابق سینئر ممبر بورڈ آف ریونیو چوہدری بابر حیات تارڑ کے ڈیرے میں ان کے والد کی برسی پر ایصال ِثواب اجتماع کا انعقاد ہوا جس میں دعوتِ اسلامی کی مرکزی مجلسِ شوریٰ کے رکن حاجی اظہر عطاری نے سنتوں بھرا بیان فرمایا ۔

دورانِ بیان رکنِ شوریٰ نے فکرِ آخرت کا ذہن دیتے ہوئے شرکائے اجتماع کی دینی و اخلاقی اعتبار سے تربیت کی نیز انہیں نماز کی پابندی کرنے اور سنتِ مصطفی صلَّی اللہ علیہ واٰلہٖ وسلَّم کے آئینہ میں اپنی زندگی گزارنے کا ذہن دیا۔

ایصال ِثواب اجتماع میں مختلف سیاسی و سماجی شخصیات سمیت مدرسۃُ المدینہ کے بچوں نے بھی شرکت کی۔بعد میں رکنِ شوریٰ حاجی اظہر عطاری نے بابر حیات سے ملاقات کی جس میں انہیں عالمی مدنی مرکز فیضان مدینہ وزٹ کی دعوت دی جو کہ انہوں نے قبول کی اور جلد وزٹ کرنے کی اچھی اچھی نیت کا اظہار کیا۔ (رپورٹ:شعبہ رابطہ برائے شخصیات ڈسٹرکٹ حافظ آباد ، کانٹینٹ: رمضان رضا عطاری)

دعوتِ اسلامی کے شعبہ ڈسٹرکٹ لاہور  کے ذمہ داران کی دعوت پر چیئرمین آل پاکستان ٹرانسپورٹ اختر نیازی نے مدنی مرکز فیضانِ مدینہ جوہر ٹاؤن لاہور کا دورہ کیا۔

اس موقع پر ذمہ داران نے انہیں مدنی مرکز فیضانِ مدینہ جوہر ٹاؤن میں قائم شعبہ جات کا دورہ کروایا اور وہاں ہونے والے دینی کاموں کے بارے میں معلومات فراہم کی۔ بعدازاں چیئرمین آل پاکستان ٹرانسپورٹ اختر نیازی کی مرکزی مجلسِ شوریٰ کے رکن حاجی یعفور رضا عطاری سے ملاقات کروائی ۔

رکنِ شوریٰ نے اختر نیازی کو عالمی سطح ہر ہونے والی دعوتِ اسلامی کی دینی، فلاحی اور روحانی خدمات کے حوالے سے بریفنگ دی جس پر انہوں نے خدمات دعوتِ اسلامی کو سراہتے ہوئے نیک خیالات کا اظہار کیا۔

٭اس کے علاوہ شعبہ رابطہ برائے شخصیات لاہور کے ذمہ داران نے واسا ٹاؤن شپ میں SDO شکیل خان سے کی عیادت کی اور دورانِ گفتگو انہیں مدنی مرکز فیضانِ مدینہ جوہر ٹاؤن وزٹ کرنے کی دعوت دی ۔

٭اسی طرح شعبہ رابطہ برائے شخصیات لاہور کے ذمہ داران نے دعوتِ اسلامی کی طرف سے MNA علی پرویز ملک سے ملاقات کی ۔ اس موقع پر ذمہ داران نے علی پرویز ملک کو ملک و بیرون ملک میں ہونے والی خدمات ِدعوت ِاسلامی کے متعلق بتایا اور انہیں فیضان ِمدینہ جوہر ٹاؤن آنے کی دعوت دیتے ہوئے انہیں مکتبۃ ُالمدینہ کے اصلاحی رسائل تحفے میں دئیے۔(رپورٹ: شعبہ رابطہ برائےشخصیات لاہور ڈویژن، کانٹینٹ: رمضان رضا عطاری)

پچھلے دنوں سکھر IBAکیمپس میرپورخاص میں عظیمُ الشان اجتماعِ میلاد کا انعقاد ہوا جس میں وائس چانسلر، اساتذہ و اسٹوڈنٹس نے بھر پور شرکت کی۔

اجتماعِ میلاد کا باقاعدہ آغاز تلاوتِ قرآنِ پاک و نعتِ رسول مقبول علیہ السلام سے ہوا۔ بعدازاں رکنِ شوریٰ مولانا حاجی عبد الحبیب عطاری نے ’’سیرتِ رسولِ عربی صلَّی اللہ علیہ واٰلہٖ وسلَّم ‘‘ کے موضوع پر سنتوں بھرا بیان کیا اور طلبہ و اساتذہ کو سرکار صلَّی اللہ علیہ واٰلہٖ وسلَّم کی آنکھو ں کی ٹھنڈک نماز کی پابندی کرنے کی ترغیب دلائی۔

آخری میں رکنِ شوریٰ نے تمام شرکا سے ملاقات کی نیز وائس چانسلر صاحب نے بیان پر بہت اچھے تاثرات دئیے اور یونیورسٹی کی طرف سے رکنِ شوریٰ کو اجرک کا تحفہ پیش کیا ۔ (رپورٹ: شعبہ تعلیم سکھر ڈسٹرکٹ، کانٹینٹ: رمضان رضا عطاری)

شعبہ تعلیم دعوتِ اسلامی کی  جانب سے نیکی کی دعوت دینے کے سلسلے میں غلام مصطفے عطاری نے ڈسٹرکٹ ذمہ دار ان کے ہمراہ سکھر ریجن میں کالجز ڈائیریکٹر ، ڈپٹی ڈائیریکٹر اور اڈینشنل ڈائیریکٹر سے ملاقات کی ۔

دورانِ ملاقات ذمہ دار اسلامی بھائیوں نے شخصیات کو دعوتِ اسلامی کے شعبہ تعلیم کے تحت ہونے والے دینی کاموں کے بارے میں بریفنگ دی اور ہر ہفتہ مدنی مذاکرہ دیکھنے کی ترغیب دلائی جس پر انہوں نے اچھی اچھی نیتوں کااظہار کیا۔

دوسری طرف ذمہ دارانِ دعوتِ اسلامی نے اسلامیہ سائنس کالج کے پرنسپل قاضی صاحب و فیزیکل ایجوکشن کالج کے اساتذہ سے ملاقات کی ۔دورانِ ملاقات ا نہیں دعوتِ اسلامی کی دینی خدمات کے متعلق معلومات دیتے ہوئے شخصیات اجتماع میں شرکت کرنے کی دعوت دی۔(رپورٹ: شعبہ تعلیم سکھر ڈسٹرکٹ، کانٹینٹ: رمضان رضا عطاری)

دعوتِ اسلامی کے شعبہ تعلیم کے زیرِ اہتمام خیرپور میرس شاہ عبداللطیف یونیورسٹی میں  سیکھنے سکھانے کے حلقے کا سلسلہ ہوا جس میں BBAڈیپارٹمنٹ کے اسٹوڈینٹس نے شرکت کی۔

ذمہ دار اسلامی بھائی نے اسٹوڈینٹس کو دنیاوی تعلیم کے ساتھ ساتھ دینی تعلیم سے آگاہی حاصل کرنے کے سلسلے میں ہفتہ وار سنتوں بھرے اجتماع میں شرکت کرنے کا ذہن دیا جس پر انہوں نے دینی کاموں میں اپنی خدمات پیش کرنے کے لئے اچھے خیالات کا اظہار کیا۔مزید شاہ عبدالطیف یونیورسٹی سکھر شہر کے اسٹوڈنٹ میں بھی اس طرح کے سیشن رکھنے کی خواہش کا اظہار کیا۔(رپورٹ: شعبہ تعلیم انٹرئیر سندھ، کانٹینٹ: رمضان رضا عطاری)

گزشتہ روز دارالعلوم رضویہ اہلسنت میرپورخاص میں مولانا زاہد سکندری صاحب اور مولانا غلام رسول سکندری صاحب (امام جامع مسجد فضل ربی) سے ذمہ دارانِ دعوتِ اسلامی کی ملاقات ہوئی۔

اس موقع پر نگرانِ شعبہ رابطہ بالعلماء مولانا افضل عطاری مدنی اور صوبائی و ڈویژن ذمہ داران نے انہیں شعبہ مکتبۃالمدینہ دعوتِ اسلامی سے شائع ہونے والا سندھی زبان میں ترجمۂ قراٰن تحفے میں دیا۔

بعدازاں علمائے کرام نے امیرِ اہلِ سنت دامت بَرَکَاتُہمُ العالیہ اور دعوتِ اسلامی کے دینی کاموں میں ترقی کے لئے دعائیں کیں۔(رپورٹ:شعبہ رابطہ بالعلماء، کانٹینٹ:غیاث الدین عطاری)

پچھلے دنوں شعبہ رابطہ برائے شخصیات دعوتِ اسلامی   کے ذمہ دار اسلامی بھائیوں نے گوجرانوالہ میں کمشنر غلام فرید،ڈپٹی کمشنر جنرل شبیر بٹ،ڈپٹی کمشنر ریونیو فیصل ،ڈائیریکٹر پلانگ ذیشان سے ملاقات کی۔

دورانِ ملاقات ذمہ داران نے شخصیات کو دعوتِ اسلامی کا تعارف کروایا اور انہیں نیکی کی دعوت پیش کرتے ہوئے دینی کاموں میں حصہ لینے اور مدنی قافلے میں سفر کرنے کی دعوت دی۔ (رپورٹ: شعبہ رابطہ برائے شخصیات گوجرانوالہ ڈویژن، کانٹینٹ: رمضان رضا عطاری)

عاشقانِ رسول کی دینی تحریک دعوتِ اسلامی کے زیرِ اہتمام مورخہ 28 نومبر2022 ء بروز پیر اقبال ٹاؤن ڈسٹرکٹ لاہور میں شعبہ رابطہ برائے شخصیات کے ذمہ دار خواجہ سلیم عطاری اور کامران عطاری نے سابقہ IT منسٹر پنجاب فاروق احمد گھرکی سے ملاقات کی۔

دورانِ ملاقات ذمہ داران نے انہیں دعوتِ اسلامی کے دینی و فلاحی کاموں کا تعارف کرایا اور ہفتہ وار سنتوں بھرے اجتماع میں شرکت کرنے نیز دینی کاموں میں حصہ لینے کاذہن دیا ۔

اس کے علاوہ انہیں فیضانِ مدینہ جوہر ٹاؤن جمعہ کی ادائیگی کی دعوت دی جواُنہوں نے قبول کی۔آخر میں انہیں تحفے میں مکتبۃُ المدینہ کی شائعہ کردہ کتاب عجائبُ القرآن پیش کی۔ (رپورٹ: سید مقصود شاہ عطاری شعبہ رابطہ برائے شخصیات ، کانٹینٹ: رمضان رضا عطاری)