دعوت اسلامی کی مجلس اسپیشل افراد کے تحت نگران مجلس نابینا افراد قاری محمد خالد عطاری اور رکن ریجن نے ہری پور مین بازار میں ڈیف اسلامی بھائیوں سے ملاقاتیں کیں۔  نگران مجلس نے ان کے درمیان مدنی حلقہ لگایا جس میں نماز کی پابندی کرنے، والدین کی خدمت اور احترام کرنے، قرآن پاک کی تلاوت کرنےاور سنتوں پر عمل کرنے کی ترغیب دلائی۔

اسی طرح اسپیشل افراد دعوت اسلامی کے رکن زون محمد احسان عطاری اور ریجن ذمہ دار لاہورعبد الوارث عطاری نے ایک اسپیشل اسلامی بھائی صدر وزیر آباد ڈیف ایسوسی ایشن کی ٹانگ کی ہڈی ٹوٹنے پر ان کے گھر جاکر ان سے عیادت کی اور ان کی صحت یابی کے لئے دعا بھی فرمائی۔ (رپورٹ: محمد سمیر عطاری، سوشل میڈیا اسپیشل افراد دعوت اسلامی)

دعوت اسلامی کی مجلس اسپیشل افراد کے تحت رکن ریجن ملتان محمد آصف عطاری مدنی نے ڈسٹرکٹ ایمر جنسی آفیسر ڈاکٹر سید ماجد ریسکیو 1122 لودھراں سے ملاقات کی۔ رکن ریجن نے انہیں شعبہ جات تعارف پیش کیااور دعوت اسلامی کی دینی اور فلاحی خدمات کی بھی آگاہی فراہم کی جس پر ڈاکٹر صاحب نے اسپیشل افراد کے شعبے اور دعوت اسلامی کی خدمات کو سراہااور مزید اپنے ماتحت افسران کو دعوت اسلامی کے تحت سائن لینگویج کورس کرنے کے حوالے سے بریفنگ دی۔

19 اگست 2020ء کو مجلس اسپیشل افراد کے نگران محمد حنیف عطاری ، زون ذمہ دار وسیم احمد عطاری اور رکن کابینہ کا گڈاپ اطراف کابینہ شیڈول رہا جہاں مسجد درس اور اسپیشل افراد کے مدنی حلقوں کا سلسلہ ہوا ۔ ذمہ داران نے گڈاپ کابینہ میں نیکی کی دعوت دی اور اسلامی بھائیوں پر انفرادی کوشش کی جبکہ اسی مقام پر چوک درس کا سلسلہ بھی ہوا۔

نگران مجلس نے نگران کابینہ سے ملاقات کی اور مدنی کاموں کے حوالے سے مشاورت کرتے ہوئے اسپیشل افراد کا جمع شدہ ڈیٹا کے متعلق معلومات فراہم کیں۔

نگران مجلس محمد حنیف عطاری نے نابینا افراد کے سرپرستوں سے ملاقاتیں کیں۔ نگران مجلس نے انہیں اپنے نابینا بیٹوں کو قافلے میں سفر کروانے، درس نظامی کروانے اور قرآن مجید حفظ کروانے کی ترغیب دلائی۔

دعوت اسلامی کی مجلس اسپیشل افراد کے نگران مجلس محمد حنیف عطاری  اور ریجن ذمہ دار محمد جمیل عطاری کا بن قاسم زون کابینہ، میمن گوٹھ اور ڈرگ کالونی کابینہ کا شیڈول رہا جہاں نگران مجلس نے رکن کابینہ کےسوئم میں سنتوں بھرا بیان کیا۔اسپیشل افراد کے لئے اس بیان کی اشاروں کی زبان میں ترجمانی بھی کی گئی۔

بن قاسم زون میں مختلف مقامات پر اسپیشل افراد اور سرپرست میں نیکی کی دعوت کا سلسلہ ہوا ۔ نگران مجلس نے ڈیف اور نابینہ افراد میں الگ الگ ہفتہ وار مدنی کام کرنے کا ذہن دیا۔ بن قاسم زون میں نگران مجلس محمدحنیف عطاری نےحلقہ نگران اور اراکین کابینہ سے ملاقاتیں کیں۔ ملاقات کے بعد آن لائن کورس، محرم الحرام کے قافلے میں سفر کرنے کی ترغیبات اور انفرادی کوششو ں کا سلسلہ ہوا۔

دعوت اسلامی کے زیر اہتمام14 اگست 2020ء کو یومِ آزادی کے موقع پر مانگا منڈی کے چیئرمین کے ڈیرے پر اسپیشل افراد کا مدنی حلقہ ہوا جس میں پاکستان ڈیف کرکٹ ٹیم کے عہدیداران نے شر کت کی۔ ریجن ذمہ دارلاہور نےسنتوں بھرا بیان کیا اور دعائیں کیں۔ چیئرمین نے دعوت اسلامی کے مدنی کام کو خوب سراہا۔ (رپورٹ: محمد سہیل عطاری، مجلس اسپیشل افرادجنوبی لاہور زون)

دعوت اسلامی کی مجلس اسپیشل افراد کے اسلامی بھائیوں نے 14 اگست 2020ء کو مدنی مرکز فیضان مدینہ ملتان میں  یوم آزادی منایا۔ اس موقع پر ریسکیو 1122 ملتان کے ہیڈ ڈاکٹر کلیم اور ان کی ٹیم موجود تھی۔ ڈاکٹر کلیم نے اسپیشل افراد میں دعوت اسلامی کی خدمات کو سراہا جبکہ اسپیشل افراد کے ذمہ آصف عطاری مدنی نے انہیں دعوت اسلامی کے تحت ہونے والے مزیدمدنی کاموں کی بریفنگ دی۔ جشن آزادی کے سلسلے میں فیضان مدینہ ملتان میں پاکستانی پرچم کو سلامی دی گئی اورشجر کاری بھی کی گئی۔

دعوت اسلامی کی مجلس اسپیشل افراد کے تحت 14 اگست 2020ء کو یوم آزادی کے موقع پر مدنی حلقے کا سلسلہ ہوا جس میں اسپیشل افراد نے شرکت کی۔ نگران سمندری کابینہ نوید عطاری مدنی  نے سنتوں بھرا بیان کیا جبکہ ریجن ذمہ دار فیصل آباد سلطان عطاری نے ہونے والے بیان کی اشاروں کی زبان میں ترجمانی کی۔

دعوت اسلامی کی مجلس اسپیشل افرادپاکستان کے تحت 11اگست 2020ء بروز منگل نگران مجلس اسپیشل افرادپاکستان محمدحنیف عطاری قصور نے ایسٹ ملیرزون کا دورہ کیا جہاں  ملاقات و عیادت وغیرہ کا سلسلہ کیا ۔

نگران مجلس اسپیشل افرادپاکستان محمدحنیف عطاری قصور نےلیاقت آباد اور ناظم آبادکابینہ میں نابینہ اسلامی بھائیوں سے ملاقات کرتےہوئے مسجد اور نابینہ اسلامی بھائی کے گھر پر مدنی حلقے لگائے اور نیکی کی دعوت دیتے ہوئے ہفتہ وار اجتماع میں شرکت کرنے اور مدنی قافلوں میں سفر کرنے کا ذہن دیا۔

دوسری جانب نگران مجلس نے لانڈھی کابینہ میں ڈیف اسلامی بھائی سےملاقات کرتے ہوئے نابینہ اسلامی بھائی کی عیادت کی اوربیماری پر صبر کرنے کے متعلق مدنی پھول دیتے ہوئے اللہ کی رضا پر راضی رہنے کا ذہن دیا۔

اَلْحَمْدُ لِلّٰہِ عَزَّ وَجَلَّ یکم ذوالحجۃ الحرام 1441ھ سے 10 ذوالحجۃالحرام تک مدنی چینل پر براہ راست مدنی مذاکرے کا سلسلہ ہوگا ہے جس میں امیر اہل سنت علامہ محمدالیاس عطار قادری دَامَتْ بَرَکَاتُہُمُ الْعَالِیَہ عاشقان رسول کی جانب سے ہونے والے سوالات کے جوابات ارشاد فرمائیں گے۔

اسی سلسلے میں مجلس اسپیشل افراد کے تحت Facebookپیج پر لائیو پروگرام ہوگا جس میں اسپیشل افراد اشاروں کی زبان میں مدنی مذاکرہ ملاحظہ کرسکیں گے۔

اشاروں کی زبان میں مدنی مذاکرہ دیکھنےکے لئے نیچے دیئے گئے لنک پر کلک کیجئے:

https://m.facebook.com/story.php?story_fbid=3177856562302510&id=322330437855151

دعوت اسلامی کی مجلس  اسپیشل افراد پاکستان کے تحت پچھلے دنوں نگران مجلس اسپیشل افراد پاکستان نے پنجاب کے شہر اوکاڑہ فیضان مدینہ میں مدنی مشورہ فرمایا جس میں ریجن،زون اور شہر ذمہ دارن مجلس اسپیشل افرادسمیت اراکین کابینہ نے شرکت کی ۔

نگران مجلس اسپیشل افراد پاکستان محمد حنیف عطاری نے شہر ذمہ دار ن کو اسپیشل افراد میں مدنی کاموں کو بڑھانےاور اور انہیں با کردار مسلمان بنانے کے حوالے سے مدنی پھول دیتے ہوئے ان کے سرپرستوں سے ملاقاتیں کر نے کا ذہن دیا ۔

پنجاب کے شہر ڈیرہ غازی خان میں دعوت اسلامی کی مجلس اسپیشل افراد کے زیر ِ اہتمام مختلف بیماریوں اور موسمی وباءسے بچاؤ کیلئے گونگے بہرے افراد کی تربیت کا سلسلہ ہوا۔  مبلغین دعوت اسلامی نے تربیتی سیشن میں شریک گونگے بہرے اسلامی بھائیوں کو سماجی فاصلہ رکھنے، ماسک کا استعمال کرنے، سینیٹائزر کا استعمال کرنے، صابن سے باربار ہاتھ دھونے، بازاروں اور رش والی جگہوں پر جانے سے پرہیز کرنے نیز چھینکنے اور کھانسنے کے انداز بھی اشاروں کی زبان میں بتائے۔

اس موقع پر اسپیشل افراد نے نوافل ادا کئے اور رب تعالیٰ کی بارگاہ میں کرونا وائرس وباء سے محفوظ رہنے اور پوری دنیا سے اس وباء کے خاتمے کے لئے دعائیں بھی کیں۔