اسپیشل پرسنز ڈیپارٹمنٹ دعوتِ اسلامی کےزیر اہتمام  عالمی مدنی مرکز فیضان مدینہ کراچی میں مدنی مذاکرہ بسلسلہ امام جعفر صادق میں اسپیشل پرسن کا خصوصی مدنی حلقہ ہوا جس میں مبلغ دعوت اسلامی و رکن زون کراچی ایسٹ محمد شاہد عطاری نے اشاروں کی زبان میں مدنی مذاکرے کی ترجمانی کی ۔(محمد سمیر عطاری اسلام آباد ، میڈیا ڈیپارٹمنٹ اسپیشل پرسنز دعوت اسلامی) 

عالمی مدنی مرکز فیضان مدینہ کراچی میں ہونے والے  ہفتہ وار اجتماع میں اسپیشل پرسنز نے بھی شرکت کی۔ اس اجتماع کی اشاروں کی زبان میں ترجمانی کی گئی۔بعد اجتماع اسلامی بھائیوں نے مدنی مذاکرہ میں شرکت بھی کی۔ (رپورٹ: محمد سمیر عطاری، اسلام آباد میڈیا ڈیپارٹمنٹ اسپیشل پرسن دعوت اسلامی)

پچھلے دنوں اوکاڑہ زون کے اسپیشل پرسنز ڈیپارٹمنٹ کے ذمہ داران کا مدنی مشورہ منعقد کیا گیا جس میں اوکاڑہ زون پر مقرر اسپیشل پرسنز ڈیپارٹمنٹ ذمہ دران نے شرکت کی سعادت حاصل کی۔ نگران شعبہ اسپیشل پرسن ڈیپارٹمنٹ محمد حنیف عطاری اسلامی بھائیوں کی دینی کاموں کی کارکردگی کو سراہتے ہوئے مزید مدنی کام کرنے کا ذہن دیا اور شعبے کے متعلق مدنی پھولوں سے اپڈیٹ بھی کیا۔ (رپورٹ: محمد سمیر عطاری، اسلام آباد میڈیا ڈیپارٹمنٹ اسپیشل پرسن دعوت اسلامی)

فیضان مدینہ جی۔11 اسلام آباد میں جاری فیضان نماز کورس میں اشاروں کی زبان  سکھانے کا حلقہ

دعوت اسلامی کی مجلس اسپیشل پرسن ڈیپارٹمنٹ کے تحت 15 جنوری 2021ء کو مدنی مرکز فیضان مدینہ جیکب آباد ڈویژن سے 21 اسپیشل پرسنز اسلامی بھائیوں نے 3دن کے مدنی قافلے میں سفر کیا۔

دوران قافلہ انہیں اشاروں کی زبان میں نماز کاعملی طریقہ، غسل اور و ضو کے ساتھ ساتھ دیگر شرعی مسائل سکھائے گئے۔(رپورٹ: محمد اظہر عطاری، نگران ڈویژن جیکب آباد)

دعوت اسلامی کی مجلس اسپیشل پرسن ڈیپارٹمنٹ کے تحت مدنی مرکز فیضان مدینہ فیصل آباد میں مدنی مشورہ ہوا جس میں ریجن اور ذیلی شعبہ جات پاکستان کے ذمہ داران نے شرکت کی۔

مدنی مشورے میں ریجن اور ذیلی شعبہ جات کے ذمہ داران نے اپنے اپنے ریجن اور شعبے کے حوالے سے اہداف دیئے۔

مرکزی مجلس شوریٰ کے رکن حاجی محمد فضیل عطاری اور نگران مجلس پاکستان محمد حنیف عطاری نے شرکا کی تربیت کی اور مدنی پھولوں بیان کرتے ہوئے مزید دینی کام کرنے کی ترغیب دلائی۔

بعد ازاں نگران پاکستان انتظامی کابینہ حاجی محمد شاہد عطاری نے اسپیشل پرسن ڈیپارٹمنٹ کے ذمہ داران کا مدنی مشورہ فرمایاجس میں شعبے کے متعلقہ دینی کام کو سراہا گیا اور مزید مدنی کام بڑھانے کے حوالے سے مدنی پھول بیان کئے۔

نابینا اسلامی بھائیوں کے لئے خوشخبری

دعوت اسلامی کی مجلس اسپیشل پرسن ڈیپارٹمنٹ کی جانب سے نابینا اسلامی بھائیوں کے لئے مدنی قاعدہ برئیل طرز پر شائع کردیا گیاہے۔

نابینا اسلامی بھائی اس مدنی قاعدے کے ذریعے درست مخارج کے ساتھ قراٰن پاک پڑھنا سیکھ سکتے ہیں۔

اس مدنی قاعدے کو مکتبۃ المدینہ کی مخصوص برانچز سے خریدا جاسکتا ہےجن کی تفصیلات درج ذیل ہیں:

راولپنڈی، لاہور، فیصل آباد، ملتان، حیدر آباد ، کراچی

ملتان زون کی  گلگشت کابینہ کے علاقے شالیمار کالونی ملتان میں 3 دسمبر کو ہونیوالےعالمی یومِ معذوراں یعنی انٹرنیشنل ڈے فار اسپیشل پرسنز کے موقع پر دعوت اسلامی کےا سپیشل پرسن ڈپارٹمنٹ کے تحت معذور افراد میں مدنی حلقہ ہواجس میں رکن ریجن ملتان آصف مدنی میں معذور افراد میں بیان فرمایا ۔

اس موقع پر ان کا کہنا تھا کہ ہمیں ہر حال میں اللہ پاک کا شکر گزار رہنا چاہیے اور آزمائش پر صبر کرنا چاہیے یہ تمام آزمائشیں ختم ہونیوالی ہیں ہمیں اللہ پاک کے احکامات اور اس کے پیارے محبوب صلّی اللہ علیہ واٰلہ وسلم کی سنتوں پر عمل کرنا چاہیے۔ معذور افراد میں دعوت اسلامی کے تحت چلنے والے مدرسۃ المدینہ بالغان میں شرکت کرنے کی دعوت بھی دی گئی نیز اس موقع پر بہاؤالدین زکریا یونیورسٹی ملتان کے اسپیشل پرسنز ملازمین کے ہیڈ حافظ محمد عباس نے مدنی چینل کو اپنے تاثرات بھی دیئے۔ (محمد سمیر عطاری اسلام آباد میڈیا ڈیپارٹمنٹ سپیشل پرسن ڈیپارٹمنٹ)

فیضان مدینہ گجرات میں دعوتِ اسلامی کے ڈیپارٹمنٹ اسپیشل  پرسن کے تحت اشاروں کی زبان کورس شروع ہونے جا رہاہے جس میں آپ سیکھ سکیں گے اشاروں کی زبان میں نعت،بیان،ذکر،دعااور صلوۃوسلام اور بہت کچھ۔

اس کورس میں داخلہ لینے کے لیے آج ہی رابطہ فرمائیے۔

محمد سمیر عطاری اسلام آباد( میڈیا ڈیپارٹمنٹ سپیشل پرسن ڈیپارٹمنٹ)

پچھلے دنوں نگران مجلس اسپیشل پرسن ڈیپارٹمنٹ محمد حنیف عطاری  اور محمد عمیر عطاری نگران ذیلی شعبہ اسپیشل ایجوکیشن نے پنڈی گھیپ کا دورہ کیا جہاں اسپیشل پرسن سینٹر برائے ذہنی اطفال کا وزٹ کیا ۔

وزٹ میں ذمہ داران دعوت اسلامی نے اسکول کے پرنسپل اور اسٹاف سے ملاقات کی اور انہیں دعوت اسلامی کے شعبے اسپیشل پرسن ڈیپارٹمنٹ کا تعارف پیش کیا جس پرپرنسپل صاحب نے شعبے کی کاوشوں کو سراہا۔

واضح رہے ! اس موقع پر اسپیشل پرسن سینٹر برائے ذہنی اطفال میں بچوں کو غلام رسول کے مدنی پھول دیکھائے گئے جس کے ساتھ اشاروں کی زبان میں ترجمانی بھی کی گی۔(رپورٹ: محمد سمیر عطاری اسلام آباد میڈیا ڈیپارٹمنٹ اسپیشل پرسن دعوت اسلامی)

پچھلے دنوں دعوت اسلامی کے ڈیپارٹمنٹ اسپیشل پرسن کے ذیلی شعبے  کے نگران محمد عمیر عطاری نے جہلم چکوال زون کا دورہ کیا جہاں بدر عطاری رکن زون اسپیشل پرسن ڈیپارٹمنٹ سے ملاقات کی اور جہلم چکوال زون کے شہر دینہ میں قائم اسپیشل بچوں کے اسکول کا وزٹ کیا ۔

ذمہ دار دعوت اسلامی نے پرنسپل اور اسکول کے اسٹاف سے ملاقات کی اور ا نہیں دعوت اسلامی کے شعبے اسپیشل پرسن ڈیپارٹمنٹ کا تعارف پیش کرتے ہوئے دعوت اسلامی کی دینی اور فلاحی خدمات کے متعلق آگاہی فراہم کی جس پر پرنسپل صاحب نے اسپیشل پرسن ڈیپارٹمنٹ اور دعوت اسلامی کی دینی خدمات کو سراہا ۔

اس موقع پر عمیر عطاری نے اسکول کے پرنسپل اور اسٹاف کو دعوت اسلامی کے مکتبۃ المدینہ سے شائع ہونے والے رسائل تحفے میں پیش کیں جبکہ بدر عطاری نے اسکول میں بچوں کے درمیان استادوں اور داولدین کے ادب و احترم کے حوالے سے بیان کیا ۔(رپورٹ: محمد سمیر عطاری اسلام آباد میڈیا ڈیپارٹمنٹ اسپیشل پرسن دعوت اسلامی)

اسلام آباد ریجن کے زون واہ کینٹ میں رکن شوری حاجی وقار المدینہ عطاری کی آمد ہوئی۔  اس موقع پر انہوں نے اسپیشل اسلامی بھائیوں سے خصوصی ملاقات فرمائی اور ان کو اپنی دعاؤں سے نوازا۔ (رپورٹ: محمد سمیر عطاری میڈیا ڈیپارٹمنٹ اسپیشل افراد دعوت اسلامی)