گزشتہ دنوں دعوتِ اسلامی کے شعبہ تعلیم کے تحت ذمہ داران نے ضیاءالدین یونیورسٹی ناظم آباد کا دورہ کیا جہاں انہوں نے ڈین آف فیکلٹی آف انجینئرنگ سائنس اینڈ ٹیکنالوجی ڈاکٹر فہد عاصم سے ملاقات کی۔

اس دوران ذمہ داراسلامی بھائیوں نے انہیں دعوتِ اسلامی کے مختلف شعبہ جات کا تعارف پیش کرتے ہوئے یونیورسٹی میں دعوتِ اسلامی کے تحت سیشن منعقد کرنے کے حوالے سے گفتگو کی جس پر ڈاکٹر فہد عاصم نے اپنی نیک خواہشات کا اظہار کیا۔(رپورٹ:شعبہ تعلیم، کانٹینٹ:غیاث الدین عطاری)

پچھلے دنوں مقبول احمد شاکر CEO ایجوکیشن سیالکوٹ اور اسسٹنٹ ایجوکیشن آفیسر نعمت اللہ گھمن نےمدنی مرکز فیضانِ مدینہ سیالکوٹ کا دورہ کیا جہاں انہوں نے ذمہ دارانِ دعوتِ اسلامی سے ملاقات کی ۔

اس دوران ذمہ داراسلامی بھائیوں نے انہیں مدنی مرکز فیضانِ مدینہ میں قائم ڈیپارٹمنٹس کا وزٹ کرواتے ہوئے دعوتِ اسلامی کی عالمی سطح پر ہونے والی دینی و فلاحی خدمات کے بارے میں بریفنگ دی جس پر انہوں نے دعوتِ اسلامی کی کاوشوں کو سراہتے ہوئے مدنی چینل کو اپنے تاثرات بھی دیئے۔(رپورٹ:شعبہ تعلیم، کانٹینٹ:غیاث الدین عطاری)

پچھلے دنوں چیف ایگزیکٹو آفیسر (CEO) ایجوکیشن ڈسٹرکٹ حافظ آباد کے زیرِ اہتمام تعلیمی اداروں میں تعلیمِ قراٰن کی اہمیت کے تعلق سے سیمنار کا اہتمام ہوا جس میں شعبۂ تعلیم سے تعلق رکھنے والے کثیر اسلامی بھائیوں نے شرکت کی جن میں سی ای او ایجوکیشن ڈسٹرکٹ حافظ آباد، ڈی سی (DC) حافظ آباد، ایڈیشنل سیشن جج حافظ آباد، ڈسٹرکٹ ایجوکیشن آفیسرز DEO,s (سیکنڈری، ایلیمنٹری)، اسسٹنٹ ایجوکیشن آفیسرز AEO,s، ڈسٹرکٹ حافظ آباد کے ہائی سیکنڈری اور ہائی اسکولز کے ہیڈز سمیت دیگر عہدیدران شامل تھے۔

اس موقع پر دعوتِ اسلامی کے شعبہ تعلیم کے نگران عبدالوہاب عطاری نے ’’قراٰن کی اہمیت و فضیلت ‘‘ کے موضوع پر سنتوں بھرا بیان کرتے ہوئے دعوتِ اسلامی کی خدماتِ قراٰن کے بارے میں بتایا نیز presentation کے ذریعے دعوتِ اسلامی کے مختلف شعبہ جات، کتابوں اور ایپلیکیشنز کا تعارف پیش کیا۔

بعدازاں ڈی سی حافظ آباد، ایڈیشنل سیشن جج اور سی ای او ایجوکیشن نے دعوتِ اسلامی کی خدماتِ قراٰن کو سراہتے ہوئے اپنی نیک خواہشات کا اظہار کیا اور اس حوالے سے اپنے تعاون کی یقین دہانی کروائی۔(رپورٹ:محمد عمر دراز عطاری شعبہ تعلیم حافظ آباد زون، کانٹینٹ:غیاث الدین عطاری)

دعوتِ اسلامی کےتحت ہر ہفتے بعدنمازِ عشا عالمی مدنی مرکز فیضانِ مدینہ کراچی میں مدنی مذاکرے کا انعقاد کیا جاتا ہے جس میں امیرِ اہلِ سنت دامت برکاتہم العالیہ عاشقانِ رسول کی جانب سے ہونے مختلف سوالات کے حکمت بھرے جوابات ارشاد فرماتے ہیں۔

اسی سلسلے میں گزشتہ دنوں شعبہ تعلیم کےذمہ داراسلامی بھائیوں نے ملتان میں ایک شخصیت کے گھر پر اجتماعی طور پر مدنی مذاکرہ دیکھنے کا اہتمام کیا۔

اس موقع پر مرکزی مجلسِ شوریٰ کے رکن حاجی قاری سلیم عطاری، شعبہ تعلیم ملتان کے ذمہ دار محمد فضیل رضا عطاری، نگرانِ کابینہ ذیشان عطاری اور بہاءالدین زکریا یونیورسٹی سمیت دیگر اداروں کے اسٹوڈنٹس و ٹیچرز موجود تھے۔ (رپورٹ:شعبہ تعلیم ، کانٹینٹ:غیاث الدین عطاری)

گزشتہ دنوں دعوتِ اسلامی کے شعبہ تعلیم کے زیرِ اہتمام لاہور کے جامع مسجد صدیقیہ گلشنِ راوی میں مدنی قافلہ گیا جس میں مختلف اداروں کے آنرز، ٹیچرز، پروفیسرز اور یونیورسٹیز کے پی ایچ ڈی و ایم فل اسٹوڈنٹس نے شرکت کی۔

پچھلے دنوں دعوتِ اسلامی کے شعبہ تعلیم کے تحت لاہور میں سیکھنے سکھانے کا حلقہ لگا جس میں پاکستان کے مختلف شہروں ( مانسہرہ ، ڈیرہ اسماعیل خان اورKPK ) سے آئے ہوئےکم و بیش 32 ٹیچرز اور یونیورسٹی کے اسٹوڈنٹس نے شرکت کی۔

اس دوران مرکزی مجلسِ شوریٰ کے رکن حاجی یعفور رضا عطاری نے حلقے میں شریک عاشقانِ رسول کی دینی اور اخلاقی اعتبار سے تربیت کرتے ہوئے انہیں دعوتِ اسلامی کے 12 دینی کاموں میں حصہ لینے کا ذہن دیا جس پر انہوں نے اچھی اچھی نیتوں کا اظہار کیا۔بعدازاں رکنِ شوریٰ نے اسلامی بھائیوں کے درمیان تحائف بھی تقسیم کئے۔(رپورٹ:شعبہ تعلیم، کانٹینٹ:غیاث الدین عطاری)

پچھلے دنوں دعوتِ اسلامی کے شعبہ تعلیم کے زیرِ اہتمام IBA سکھر (Institute of Physical Education Sukkur) کے آڈیٹوریم میں سنتوں بھرے اجتماع کا انعقاد کیا گیا جس میں کیمپس یونیورسٹی کے رجسٹرار، ایڈمین اور فیکلٹی ممبران اسٹوڈنٹس نے کثیر تعداد میں شرکت کی۔

دورانِ اجتماع مبلغِ دعوتِ اسلامی و موٹیویشنل اسپیکر ثوبان عطاری نے سنتوں بھرا بیان کرتے ہوئے وہاں موجود افراد کی دینی اور اخلاقی اعتبار سے تربیت کی۔(رپورٹ:شعبہ تعلیم، کانٹینٹ:غیاث الدین عطاری)

شعبہ تعلیم دعوتِ اسلامی کے تحت ذمہ دارانِ دعوتِ اسلامی کا پاکستان پبلک ہائی اسکول جوہر ٹاؤن لاہور کا شیڈول رہاجہاں انہوں نے اسکول کے اسٹاف سے ملاقات کی اور انہیں ہفتہ وار رسالہ  پڑھنے کا ذہن دیا۔

اس کے علاوہ یوتھ ہاسٹل میں اسلامی بھائیوں کے مدرسۃ المدینہ شروع کرنے کے حوالے چند اہم نکات پر گفتگو کی جس پر انہوں نے اپنی طرف سےمکمل تعاون کی یقین دہانی کروائی۔

پچھلے دنوں عوتِ اسلامی کے شعبہ تعلیم کے زیرِ اہتمام ایک سیشن کا انعقاد کیا گیا جس میں گورنمنٹ و پرائیویٹ اسکولز کے ٹیچرز اور پرنسپلز سمیت اسکول مالکان نے شرکت کی۔

اس موقع پر نگرانِ شعبہ نے قراٰن ایجوکیشن کے حوالے سے احسن انداز میں پریزنٹیشن دی نیز انہیں دعوتِ اسلامی کی عالمی سطح پر ہونے والی تعلیمی سرگرمیوں سے آگاہ کیا جس پر وہاں موجود اسلامی بھائیوں نے دعوتِ اسلامی کی کاوشوں کو سراہا۔بعدازاں نگرانِ شعبہ نے دعا بھی کروائی۔(رپورٹ:شعبہ تعلیم ،کانٹینٹ:غیاث الدین)

شعبہ تعلیم دعوتِ اسلامی کے تحت ذمہ داراسلامی بھائیوں نے گزشتہ دنوں آل اسکولز پرائیویٹ ایسوسی ایشن کے صدر خالد حیات کموکا اور فیصل آباد کے مختلف اسکولز کے مالکان سے ملاقات کی۔

اس دوران ذمہ داران نے انہیں دعوتِ اسلامی کی عالمی سطح پر ہونے والی دینی وفلاحی خدمات کے بارے میں بریفنگ دیتے ہوئے دعوتِ اسلامی کے شعبے مکتبۃ المدینہ سےشائع ہونے والےکُتُب ورسائل تحفے میں پیش کئے۔

پچھلے دنوں دعوتِ اسلامی کے شعبہ تعلیم کے تحت نگرانِ شعبہ نے فیصل آباد میں ڈی ای او سیکنڈری افتخار سے ملاقات کی اور انہیں  دعوتِ اسلامی کی عالمی سطح پر ہونے والی دینی وفلاحی سرگرمیوں کے بارے میں بتایا۔

ذمہ داران نے انہیں دعوتِ اسلامی کے ہفتہ وار سنتوں بھرے اجتماع اور مدنی مذاکرے میں شرکت کرنے کی دعوت دی جس پر انہوں نے اچھی اچھی نیتوں کا اظہار کیا۔

بعدازاں ڈی ای او سیکنڈری کو نگرانِ شعبہ نے مکتبۃ المدینہ کی مطبوعہ تحفے میں دی۔(رپورٹ:شعبہ تعلیم،کانٹینٹ:غیاث الدین)

دعوتِ اسلامی کے شعبہ تعلیم کے تحت گزشتہ دنوں نگرانِ شعبہ عبدالوہاب عطاری نے دینی کاموں کے سلسلے میں لاہور کےسیکرٹری اسکول ایجوکیشن پنجاب غلام فرید سے ملاقات کی۔

اس موقع پر نگرانِ شعبہ نے انہیں دعوتِ اسلامی کے مختلف شعبہ جات کا تعارف پیش کرتے ہوئے دیگر چند امور پر تبادلہ ٔخیال کیاجس پر انہوں نے دعوتِ اسلامی کی کاوشوں کو سراہا۔

بعدازاں انہیں دعوتِ اسلامی کے شعبے مکتبۃ المدینہ سے شائع ہونے والے کُتُب ورسائل تحفے میں دیئے گئے جس پر انہوں نے اظہارِ مسرت کیا۔ (رپورٹ:شعبہ تعلیم،کانٹینٹ:غیاث الدین)