دعوت اسلامی کی  جانب سے پچھلے دنوں یونیورسٹی آف انجینئرنگ اینڈ ٹیکنالوجی واہ کینٹ میں افطار اجتماع کا انعقاد ہوا جس میں کافی تعداد میں عاشقان رسول نے شرکت کی۔

مبلغ دعوت اسلامی نے ’’ رمضان المبارک کےفضائل‘‘ کے موضوع پر سنتوں بھرا بیان کیا اور شرکا ئے اجتماع کو آخری عشرے میں دعوت اسلامی کے تحت ہونے والے تربیتی اعتکاف کرنے کی ترغیب دلائی نیز انہیں مدنی مذاکرہ دیکھنے کا ذہن بھی دیا۔(رپورٹ:شعبہ تعلیم ، کانٹینٹ:رمضان رضا عطاری)

پچھلے دنوں شعبہ تعلیم کے زیر اہتمام لاڑکانہ  فیضان مدینہ میں عصر تا مغرب افطار اجتماع ہوا جس میں اسکول اور یونیورسٹی کے طلبہ اور مقامی اسلامی بھائیوں نے شرکت کی۔

مغرب کے بعد تربیت کا سلسلہ ہوا جس میں طلباء اور شعبہ تعلیم سے وابستہ اسلامی بھائیوں کو آخری دس دن کے سنت اعتکاف کا ذہن دیا گیا جس پر انہوں نے اچھی اچھی نیتوں کااظہار کیا۔(رپورٹ:شعبہ تعلیم ، کانٹینٹ:رمضان رضا عطاری)

دعوت اسلامی کی جانب سے  آئی بی اے یونیورسٹی سکھر میں مختلف ڈپارٹمنٹس کے پروفیسرز سے مدنی عطیات کے حوالے سے ملاقاتوں کا سلسلہ ہوا۔ اس سلسلہ میں ذمہ دار اسلامی بھائیوں نے انہیں دعوت اسلامی کی دینی خدمات پر مشتمل ڈاکو مینٹری بتائی اور ڈیجیٹل پین قراٰن پاک اور کنزالعرفان قراٰن پاک تحفے میں پیش کئے۔

دوسری جانب شام کو ٹیکنیکل یونیورسٹی خیرپور کے ہاسٹل میں افطار اجتماع ہوا جس میں خیرپور ڈسٹرکٹ کے نگران نے اسٹوڈنٹس کے درمیان سنتوں بھرا بیان کیا اور انہیں آخری عشرے کے اعتکاف کا ذہن دیا۔ کچھ اسٹوڈنٹس نے اعتکاف کی نیتیں بھی کیں ۔(رپورٹ:شعبہ تعلیم ، کانٹینٹ:رمضان رضا عطاری)

گزشتہ دنوں  گوریکوٹ گورنمنٹ ہائی سکول میں th 9 اور th 10 کے طلباء اور اساتذہ کے درمیان رمضان اجتماع کا پروگرام ہوا۔ صوبائی نگرانِ قافلہ راشد عطاری نے’’ وقت کی اہمیت اور اعتکاف کے فضائل‘‘ کے موضوع پر سنتوں بھرا بیان کیا۔ اس موقع پر ڈسٹرکٹ نگران استور ضمیر الدین عطاری ،صوبائی ذمہ دار اورڈویژن ذمہ دار شعبہ تعلیم اسحاق عطاری اور داؤد عطاری نے بھی شرکت کی ۔(رپورٹ:شعبہ تعلیم ، کانٹینٹ:رمضان رضا عطاری)

دعوت اسلامی کے تحت  18 اپریل 2022ء بروز پیر کو سرگودھا ڈویژن فیضان مدینہ علی ٹاؤن میں ایک ماہ کےاعتکاف کے شرکا میں تربیت کا سلسلہ ہوا جس میں ذمہ دار اسلامی بھائی نے شعبہ تعلیم کا تعارف اور دعوت اسلامی کی ڈیجیٹل سروسز ا پلیکیشن کا تعارف پیش کیا، مدنی عطیات کی ترغیب دلائی ۔(رپورٹ:شعبہ تعلیم ، کانٹینٹ:رمضان رضا عطاری)

دعوت اسلامی کے شعبہ  تعلیم کے تحت سکھر ڈویژن میں ہونے والے ایک ماہ کےاعتکاف کے اسلامی بھائیوں میں تربیتی سیشن کا انعقاد ہواجس میں مبلغ دعوت اسلامی نے اسلامی بھائیوں کو شعبہ تعلیم کا تعارف اور دعوت اسلامی کی ڈیجیٹل سروسز ایپلیکیشن کےحوالے سےآگاہی دی نیز مدنی عطیات کی ترغیب بھی دلائی۔ (رپورٹ:شعبہ تعلیم ، کانٹینٹ:رمضان رضا عطاری)

17 اپریل 2022ء بروز اتوارلاڑکانہ ڈویژن میں دعوتِ اسلامی کے تحت ہونے والے ایک ماہ کے اعتکاف میں عاشقانِ رسول کے لئے سیکھنے سکھانے کا حلقہ لگایا گیا جس میں اُن کی دینی و اخلاقی اعتبار سے تربیت کی گئی۔

دورانِ حلقہ شعبہ تعلیم کے ڈویژن ذمہ دار مولانا منصور احمد عطاری نے معتکفین کے درمیان سنتوں بھرا بیان کرتے ہوئے دعوتِ اسلامی کے Social Media App's کا تعارف کروایا نیز اس کے ذریعے عالمی سطح پر ہونے والی دینی خدمات کے حوالے سے آگاہی دی۔(رپورٹ:شعبہ تعلیم ، کانٹینٹ:غیاث الدین عطاری)

رمضانُ المبارک کو نیکیوں میں گزارنے اور اسلامی بھائیوں کی دینی و اخلاقی تربیت کرنے کے لئے دعوتِ اسلامی کے تحت مختلف اسلامک ایونٹس کا اہتمام کیا جاتا ہے اسی سلسلے میں شعبہ تعلیم دعوت اسلامی کے ذمہ داران نے پچھلے دنوں یو ای ٹی لاہور کے ایک ہاسٹل میں افطار اجتماع کا انعقاد کیا جس میں یونیورسٹی کے اسٹوڈنٹس سمیت دیگر عاشقانِ رسول کی شرکت ہوئی۔

اجتماعِ پاک کا آغاز تلاوتِ قراٰنِ پاک اورنعت رسولِ مقبول ﷺ سے ہوا جبکہ مبلغِ دعوت اسلامی انجینئر کبیر رضا عطاری نے ’’ دعا کے آداب‘‘ کے موضوع پر سنتوں بھرا بیان کیا نیز درود و سلام، مناجات اور دعا کا سلسلہ رہا۔آخر میں اسٹوڈنٹس کے لئے افطاری کا بھی اہتمام کیا گیا۔(رپورٹ:حسن علی یونیورسٹی نگران، کانٹینٹ:غیاث الدین عطاری)

16 اپریل 2022 ء کو شہداد کوٹ کی ایک مسجد میں شعبہ تعلیم کے تحت افطار اجتماع ہوا جس میں ٹیچرز ، اسٹوڈنٹس اور دیگر اسلامی  بھائیوں نے شرکت کی۔

شعبہ تعلیم لاڑکانہ ڈویژن کے ذمہ دار مولانا منصور احمد مدنی نے اجتماع پاک میں سنتوں بھرا بیان کیا جس میں رمضان المبارک کے آخری عشر ے میں اعتکاف کرنے کا ذہن دیا جس پر حاضرین نے اعتکاف کرنے کی نیت کیں۔(رپورٹ: شعبہ تعلیم لاڑکانہ ڈویژن ، کانٹینٹ : محمد مصطفی انیس )

گزشتہ دنوں Chandka Medical College کے کم و بیش 20 اسٹوڈنٹس سمیت ڈاکٹرز نے دعوتِ اسلامی کے تحت مدنی مرکز فیضانِ مدینہ لاڑکانہ میں ہونے والے ہفتہ وار سنتوں بھرے اجتماع میں شرکت کی۔

اس دوران شعبہ تعلیم لاڑکانہ کے ڈویژن ذمہ دار مولانا منصور احمد عطاری اور ڈسٹرکٹ نگران فدا حسین عطاری مدنی نے وہاں موجود اسلامی بھائیوں کی دینی و اخلاقی اعتبار سے تربیت کی۔

بعدازاں ذمہ داران نے اسلامی بھائیوں کو مکتبۃ المدینہ سے شائع ہونے والا ماہنامہ فیضانِ مدینہ لینے کا ذہن دیا جس پر انہوں نے اچھی اچھی نیتیں کیں۔(رپورٹ:شعبہ تعلیم، کانٹینٹ غیاث الدین عطاری)

دعوت اسلامی کے شعبہ تعلیم کے زیرِ اہتمام یو ای ٹی لاہور کے ایک ہاسٹل میں 14 اپریل 2022 بروز جمعرات کو افطار اجتماع منعقد ہوا جس میں یونیورسٹی کے کثیر اسٹوڈنٹس نے شرکت کی۔

تفصیلات کے مطابق ابتداء ًمبلغِ دعوتِ اسلامی نے نعت پڑھی جبکہ نعت خوانی کا بھی سلسلہ رہا۔انجینئر الطاف عطاری  نے’’روزہ کے طبعی فوائد‘‘ کے موضوع پرسنتوں بھرا بیان کیا اور بیان کے بعد مناجات پڑھی، مزید اسٹوڈنٹس کے لئے افطاری کابھی اہتمام کیا گیا۔(رپورٹ:حسن علی یونیورسٹی نگران، کانٹینٹ غیاث الدین عطاری)

دعوت اسلامی کے شعبہ تعلیم کے زیرِ اہتمام یو ای ٹی لاہور کے ایک ہاسٹل میں 12 اپریل 2022 بروز منگل افطار اجتماع کا انعقاد ہوا جس میں یونیورسٹی کے اسٹوڈنٹس سمیت دیگر عاشقانِ رسول نے شرکت کی۔

اجتماعِ پاک کا آغاز تلاوتِ قراٰنِ پاک اورنعت رسولِ مقبول ﷺ سے ہوا جبکہ مبلغِ دعوت اسلامی انجینئر افضل عطاری  نے ’’فیضانِ نمازِ تراویح‘‘ کے موضوع پر سنتوں بھرا بیان کیا اور مناجات و دعا کروائی۔بعدازاں اسٹوڈنٹس کے لئے افطاری کا بھی اہتمام کیا گیا۔(رپورٹ:حسن علی یونیورسٹی نگران، کانٹینٹ:غیاث الدین عطاری)