18 ستمبر 2022ء کوعالمی مدنی مرکز فیضان مدینہ کراچی میں عظیم الشان سنتوں بھرے اجتماع کا انعقادکیا گیا جس میں کراچی سٹی کے ذیلی تا سٹی مشاورت کے ذمہ داران اور کثیر تعداد میں عاشقان رسول نے شرکت کی۔ اجتماع کا آغاز تلاوت قرآن پاک اور نعت رسول مقبول ﷺ سے کیا گیا۔

نگران شوریٰ حاجی مولانا محمد عمران عطاری مُدَّ ظِلُّہُ العالی نے سنتوں بھرا بیان فرمایا۔ نگران شوریٰ نے شرکا کو بزرگان دین کی سیرت اپنانے اور ان کی طرح زندگی گزارنے کا ذہن دیتے ہوئے ان کی طرح جھوٹ، غیبت، چغلی اور بدنگاہی سے بچنے کی ترغیب دلائی۔آپ نے مزید فرمایا کہ ان گناہوں سے عبادت کی لذت ختم ہوجاتی ہے اور عبادت کی لذت ختم ہوجانا اللہ کی طرف سے سزا ہے۔

بیان کرتے ہوئے نگران شوریٰ نے فرمایا کہ نیک نظر آنا اور نیک ہونا اور بات ہے، نیک لوگوں کی عمر بڑھنے کے ساتھ ساتھ ان کی عبادت میں بھی اضافہ ہوتا چلا جاتا ہے جس کا نور ان کے چہرے پر ظاہر ہوتا ہے، بزرگان دین عبادت میں اس طرح مشغول ہوتے تھے کہ ان کو کام کے لئے وقت نکالنا پڑتا تھا اور آج لوگ کام میں اتنے مصروف ہیں کہ انہیں عبادت کے لئے وقت نکالنا پڑتا ہے۔

اجتماع کے اختتام پر رقت انگیز دعا اور صلوۃ و سلام کا سلسلہ بھی ہوا۔

اس موقع پر اراکین شوریٰ حاجی محمد امین عطاری، حاجی محمد علی عطاری، حاجی امین قافلہ عطاری اور حاجی محمد رفیع عطاری سمیت کراچی بھر سے ہزاروں ذمہ دارانِ دعوتِ اسلامی موجود تھے۔

دعوتِ اسلامی کے زیر اہتمام  پچھلے دنوں راولپنڈی میں سٹی نگران کے گھر مدنی مشورہ منعقد ہوا جس میں شعبہ کارکردگی ذمہ دار اسلامی بھائیوں نے شرکت کی۔

نگران سٹی مشاورت محمد اسلم عطاری نے اسلامی بھائیوں کو ملنساری کے ساتھ دینی کام کرنے اور کارکردگی کے نظام کو مضبوط بنانے کا ذہن دیا ۔ مزید 12 دینی کاموں کے جدول اور دیگر امور پر بھی گفتگو ہوئی۔آخر میں نگران سٹی مشاورت نے خیرخواہی فرماتے ہوئے آبِ زم زم، سوغات مدینہ اور تحائف دیئے۔ (رپورٹ: شعبہ کارکردگی راولپنڈی ڈویژن، کانٹینٹ:رمضان رضا عطاری)

عاشقانِ رسول کی تربیت کرنے اور انہیں  دینِ اسلام کی باتوں سے آگاہ کرنے کے لئے دعوتِ اسلامی کے زیرِا ہتمام ہر جمعرات پاکستان کے مختلف شہروں میں سنتوں بھرے اجتماع کا انعقاد کیا جاتاہے۔

اسی سلسلے میں 15 ستمبر 2022ء بروز جمعرات گلشن اقبال ٹاؤن خان پور کے مدنی مرکز فیضانِ مدینہ میں عاشقانِ رسول کی دینی تحریک دعوتِ اسلامی کے تحت ہفتہ وار سنتوں بھرے اجتماع کا اہتمام کیا گیا جس میں خان پور اور اطراف علاقوں، دیگر شہروں سے آئے ہوئے مدرسۃالمدینہ و جامعۃالمدینہ بوائزکے اساتذۂ کرام، طلبۂ کرام، ذمہ داران اور سیاسی و سماجی شخصیات سمیت قرب و جوار کے کثیر اسلامی بھائیوں نے شرکت کی۔

مبلغِ دعوتِ اسلامی نے تلاوتِ قراٰنِ پاک اور نعتِ رسولِ مقبول ﷺ سے اجتماع کا آغاز کیا جبکہ مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”منہ خدا کو ہے دکھانا ایک دن“ کے موضوع پر سنتوں بھرا بیان کرتے ہوئے شرکائے اجتماع کو نمازوں کی پابندی کرنے، رمضان شریف کے روزے رکھنے اور نیکی کے کاموں میں حصہ لینے کی ترغیب دلائی۔

بعدازاں معمولات کے مطابق اجتماعِ پاک میں درود پڑھنے اور ذکر اللہ کرنے کا سلسلہ ہوا نیز نگرانِ پاکستان مشاورت نے دعا کروائی۔مزید اجتماع میں شریک اسلامی بھائیوں نے نگرانِ پاکستان مشاورت حاجی محمد شاہد عطاری سے ملاقات کی۔ (رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

عاشقان رسول کی دینی و معاشرتی اصلاح کرنے اور ان کے دلوں میں خوف خدا اور عشق رسول پیدا کرنے کے لئے دعوت اسلامی وقتاً فوقتاً مختلف اجتماعات کا انعقاد کرتی رہتی ہے ۔

اسی سلسلے میں عالمی مدنی مرکز فیضان مدینہ کراچی میں 18 ستمبر 2022ء بروز اتوار بعد نماز عشاء رات 8:45 بجے سنتوں بھرے اجتماع کا انعقاد کیا جائیگا۔اجتماع میں مرکزی مجلس شوریٰ دعوت اسلامی کے نگران حاجی مولانا محمد عمران عطاری مُدَّ ظِلُّہُ العالی سنتوں بھرا بیان فرمائیں گے۔اس اجتماع میں اراکین شوریٰ حاجی محمد امین عطاری، حاجی محمد علی عطاری اور حاجی امین قافلہ عطاری بھی خصوصی طور پر شریک ہونگے۔

تمام عاشقان رسول سے اس اجتماع میں شرکت کرنے کی درخواست ہے۔

13 ستمبر 2022ء بروز منگل اعلیٰ حضرت رحمۃاللہ وعلیہ کےسالانہ عرس کےسلسلے میں دعوتِ اسلامی کے زیرِ اہتمام پتوکی شہر کی مرکزی جامع مسجد مینار رضا میں سنتوں بھرے اجتما ع کا انعقاد کیا گیا جس میں کثیر اسلامی بھائیوں نے شرکت کی۔

اس اجتماعِ پاک میں نگرانِ پروفیشنل ڈیپارٹمنٹ ثوبان عطاری نے سنتوں بھرا بیان کیا اور وہاں موجود عاشقانِ رسول کی دینی و اخلاقی اعتبار سے تربیت کی۔

اس کے علاوہ ثوبان عطاری نے عاشقانِ رسول کو دعوتِ اسلامی کے دینی ماحول سے ہر دم وابستہ رہنے کا ذہن دیا جس پر انہوں نے اچھی اچھی نیتوں کا اظہار کیا۔ (رپورٹ:علی ریاض عطاری تحصیل ذمہ دار سیکورٹی ڈیپارٹمنٹ ، کانٹینٹ:غیاث الدین عطاری)

قرآن و سنت کی تعلیمات کو دنیا بھر میں منظم انداز میں عام کرنے والی عاشقان رسول کی دینی تحریک دعوت اسلامی کے زیر اہتمام آج رات دنیا بھر میں ہفتہ وار سنتوں بھرے اجتماعات کا انعقاد کیا جائیگا جن میں مبلغین دعوت اسلامی اور اراکین شوریٰ سنتوں بھرے بیانات فرمائیں گے۔ان اجتماعات میں نعت رسول مقبول، ذِکرُ اللہ اور رقت انگیز دعاؤں کا سلسلہ بھی ہوگا۔

تفصیلات کے مطابق سبحانی مسجد اورنگی ٹاؤن کراچی میں مرکزی مجلس شوریٰ کے رکن حاجی محمد امین عطاری سنتوں بھرا بیان فرمائیں گے جسے مدنی چینل پر براہ راست نشر کیا جائیگا۔

اس کے علاوہ مدنی مرکز فیضان مدینہ گلشن اقبال ٹاؤن خان پور میں نگران پاکستان مشاورت حاجی محمد شاہد عطاری، مدنی مرکز فیضان مدینہ گلیانہ (کھاریاں) میں رکن شوریٰ حاجی مولانا محمد اسد عطاری مدنی، مدنی مرکز فیضان مدینہ محبوب ٹاؤن اوکاڑہ میں رکن شوریٰ حاجی محمد منصور عطاری اور مدنی مرکز فیضان مدینہ شاہ جہانگیر روڈ، گجرات میں نگران شعبہ پروفیشنلز ڈیپارٹمنٹ محمد ثوبان عطاری سنتوں بھرا بیان فرمائیں گے۔

تمام عاشقان رسول سے اپنے اپنے علاقے میں ہونے والے ہفتہ وار اجتماع میں شرکت کرنے کی درخواست ہے۔

12 ستمبر 2022ء بروز پیر دعوتِ اسلامی کے تحت موسیٰ لین لیاری کی جامع مسجد کوثر میں مدنی مشورے کا انعقاد ہوا جس میں آرام باغ اور لیاری کے ذمہ دار اسلامی بھائیوں کی شرکت رہی۔

دعوتِ اسلامی کی مرکزی مجلسِ شوریٰ کے رکن حاجی محمد علی عطاری نے دورانِ مدنی مشورہ ذمہ داران سے 12 دینی کاموں کے متعلق گفتگو کی اور انہیں اخلاص کے ساتھ دینی کام کرتے رہنے کا ذہن دیا۔اس موقع پر نگرانِ ڈسٹرکٹ محمد خالد عطاری نے بھی اسلامی بھائیوں کی دینی و اخلاقی اعتبار سے تربیت کی۔(رپورٹ:محمدعمیرعطاری ڈسٹرکٹ مشاورت، کانٹینٹ:غیاث الدین عطاری)

10ستمبر 2022ء   کو فیصل آباد میں رکن شوری حاجی عبدالحبیب عطاری نے فیضان ریہیبیلیٹیشن سینٹر کا افتتاح کیا۔ اس موقع پر ایم این اے میاں عبدالمنان، امید وار ایم پی اے و چیئرمین فیصل آباد ویسٹ مینجمنٹ کمپنی ولید ارشد ڈوگر نے شرکت کی۔

شخصیات نے فیضان ریہیبلیٹیشن سینٹر کا وزٹ کیا اور دعوت اسلامی کی اس کاوش کو بہت سراہا اور اس میں ماہانہ کچھ نہ کچھ حصہ ملانے کی نیت کی۔ (رپورٹ: کوآرڈینیشن ڈیپارٹمنٹ میٹرو پولیٹن و ڈویژن فیصل آباد ، کانٹینٹ:رمضان رضا عطاری)

13 ستمبر  2022ء بروزمنگل بہاولپور میں دعوت اسلامی کی مرکزی مجلس شوریٰ کے رکن و ترجمان دعوت اسلامی مولانا عبدالحبیب عطاری و رکن شوریٰ نگران صوبائی مشاورت پنچاب حاجی اسلم عطاری نے النور گارڑن میں مسجد کا سنگ بنیاد رکھا۔

اس موقع پر مقامی شخصیات اور اہل محلہ اور وہاں موجود ذمہ داران نے اراکین شوریٰ کا استقبال کیا نیز رکن شوری عبدالحبیب عطاری نے نیکی کی دعوت پیش کرتے ہوئے شرکا کو دعوت اسلامی کے دینی کاموں میں شمولیت اختیار کرنے کا ذہن دیا جس پر انہوں نے اپنے نیک ارادوں کا اظہار کیا ۔ (رپورٹ: اقبال عطاری ڈویژن بہاولپور ، کانٹینٹ:رمضان رضا عطاری)

13ستمبر 2022ء  کو دعوت اسلامی کی طرف سے قائم لودھراں غوثیہ چوک میں سیلاب متاثرین امدادی کیمپ کا رکن شوریٰ حاجی عبدالحبیب عطاری نے وزٹ کیا۔

دوران وزٹ رکن شوری نے امدادی کاموں کا جائزہ لیتے ہوئے کیمپ ذمہ دار اسلامی بھائیوں کی حوصلہ افزائی کی نیز اس موقع پر وہاں موجود میڈیا نمائندگان سےبات چیت کرتے ہوئے رکن شوریٰ نے شعبہ FGRF کی سیلاب متاثرین کے سلسلے میں اب تک کی کاوشوں پربریفنگ دی۔(رپورٹ: رابطہ برائے شخصیات ، کانٹینٹ:رمضان رضا عطاری)

رنگ و نسل کی تفریق کئے بغیر دنیا بھر کے لوگوں کی تربیت کرنے اور انہیں اسلامی تعلیمات سے آگاہ کرنے والی عاشقانِ رسول کی دینی تحریک دعوتِ اسلامی کے زیرِ اہتمام ہر جمعرات ہفتہ وار سنتوں بھرے اجتماع کا انعقاد کیا جاتا ہے۔

معلومات کے مطابق پچھلے دنوں نئی آبادی نزد مزدور پلی ساہیوال کی جامع مسجد مدینہ میں دعوتِ اسلامی کے تحت ہفتہ وار سنتوں بھرے اجتماع کا انعقاد کیا گیا جس میں قرب و جوار کے عاشقانِ رسول، دیگر شہروں سے آئے ہوئے اساتذۂ کرام و طلبۂ کرام اور ذمہ داران سمیت کثیر اسلامی بھائیوں نے شرکت کی۔

اس اجتماعِ پاک میں مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری نے ”آزمائشیں کیوں آتی ہیں“ کے موضوع پر سنتوں بھرا بیان کرتے ہوئے اسلامی بھائیوں کو نمازوں، روزوں کی پابندی کرنے اور نیکی کے کاموں میں حصہ لینے کا ذہن دیا۔

اجتماع کے اختتام پر ذکر و دعا کا سلسلہ ہوا جب کہ مبلغِ دعوتِ اسلامی نے صلوٰۃ و سلام بھی پڑھا۔علاوہ ازیں اجتماع میں شریک اسلامی بھائیوں نے نگرانِ پاکستان مشاورت حاجی محمد شاہد عطاری سے ملاقات کی۔(رپورٹ:عبدالخالق عطاری نیوز فالو اپ ذمہ دار، کانٹینٹ:غیاث الدین عطاری)

لاہور:(12 ستمبر2022ء) وزیر اعلیٰ پنجاب چودھری پرویز الٰہی سے وزیراعلیٰ آفس میں دعوت اسلامی کی مرکزی مجلس شوریٰ کے رکن حاجی عبدالحبیب عطاری کی سربراہی میں فیضان گلوبل ریلیف فاؤنڈیشن(ایف جی آرایف) کے وفد نے ملاقات کی۔وزیراعلیٰ چودھری پرویز الٰہی نے دعوت اسلامی کے وفد کو آیت و حدیث ختم نبوت سے متعلق خوبصورت  فریم کا تحفہ دیا۔

ملاقات میں جنوبی پنجاب میں سیلاب متاثرین کی بحالی کے اقدامات پر تفصیلی بات چیت ہوئی اورپنجاب حکومت اور ایف جی آر ایف کے درمیان سیلاب متاثرین کی بحالی کیلئے مل کر کام کرنے پر اتفاق کیا گیا۔ وزیراعلیٰ چودھری پرویز الٰہی کی ہدایت پر سیلاب متاثرین کی آباد کاری کیلئے تعاون کے حوالے سے مشترکہ کمیٹی تشکیل دے دی گئی۔

وزیراعلیٰ چودھری پرویز الٰہی نے وفد سے گفتگو کرتے ہوئے کہاکہ سیلاب متاثرین کو گھربنا کر دیں گے اورایف جی آر ایف کے تعاون سے گھر تعمیر کئے جائیں گے۔

پنجاب حکومت اور ایف جی آر ایف کی کوآرڈینیشن سے سیلاب متاثرین کی آبادکاری کو یقینی بنایا جائیگا۔ وزیراعلیٰ پرویز الٰہی نے بتایا کہ سیلاب متاثرین کو ان کے تباہ ہونے والے پکے گھروں کی تعمیر کے لئے 4لاکھ روپے کی مالی امداد دیں گے جبکہ تباہ ہونے والے کچے گھروں کی تعمیر کیلئے 2لاکھ روپے کی مالی امداد دی جائے گی۔ وزیراعلیٰ نے کہاکہ دعوت اسلامی کاادارہ ایف جی آر ایف فلاحی کاموں میں پیش پیش ہے۔

پنجاب حکومت اور ایف جی آرایف سیلاب متاثرین کی بحالی کے کاموں میں مل کر کام کریں گے۔انہوں نے بتایا کہ متاثرہ علاقوں میں وبائی امراض کی روک تھام کیلئے خصوصی میڈیکل ٹیمیں تشکیل دی ہیں۔امداد کا صحیح حقداروں تک پہنچنا بے حد ضروری ہے۔سیلاب زدہ علاقوں کے متاثرہ لوگو ں کی بحالی کیلئے خدمت کا جذبہ قابل تحسین ہے۔سیلاب متاثرین کیلئے جو بھی ممکن ہو سکاکرتے رہیں گے۔

وزیراعلیٰ پنجاب کو ایف جی آر ایف کی طرف سے سیلاب زدگان کی امداد اور بحالی سے متعلق اقدامات پر بریفنگ دی گئی۔ وزیراعلیٰ پنجاب نے فلاحی کاموں سے متعلق ایف جی آر ایف کی خدمات کو سراہا اور اپنے مکمل تعاون کی یقین دہانی کروائی۔وفد میں دعوت اسلامی کی مرکزی مجلس شوریٰ کے رکن شوریٰ حاجی یعفور رضا عطاری، نگران لاہور ڈویژن، ڈائریکٹر کوآرڈنیشن ڈیپارٹمنٹ دعوت اسلامی پنجاب محمد لیاقت عطاری،ایف جی آر ایف نگران لاہور ڈویژن حاجی محمد افضل عطاری، حنیف میمن، ایف جی آر ایف کراچی محمد عادل عطاری، دعوت اسلامی کراچی کے محمد عمران گھیگی،عرفان عطاری اوردیگر ذمہ داران شامل تھے جبکہ راسخ الٰہی، ایم پی اے حافظ عماریاسر اور چیئرمین مدینہ فاؤنڈیشن میاں محمد حنیف بھی اس موقع پر موجود تھے۔