(26 اگست 2022ء)زیرِ نظر تصاویر میں جامعۃ المدینہ فرقانیہ مسجد لیاقت آباد نمبر4  کراچی کے طلبہ کرام آج ماہانہ ٹیسٹ دے رہے ہیں۔

واضح رہے کہ جامعۃ المدینہ فرقانیہ کراچی کے علاقے لیاقت آباد نمبر 4 میں واقع ہے جس کا افتتاح 09 جون 2021ء کو استاذ الحدیث مفتی حسان عطاری مدنی مُدَّ ظِلُّہُ العالی نے فرمایا تھا۔

جامعۃ المدینہ فرقانیہ کے ناظم صاحب مولانا عمران عطاری مدنی نے شعبہ دعوتِ اسلامی کے شب وروز کو بتایا کہ اس جامعہ میں کم و بیش 120 طلبہ ٔ کرام زیرِ تعلیم ہیں جبکہ متوسطہ سال اول، متوسطہ سالِ دوئم، اولیٰ عصری، اولی مدنی اور ثانیہ کے درجہ جامعہ میں موجود ہیں۔ 

لوگوں کو نیکی کی دعوت دینے، دینِ اسلام کی تعلیمات سے آگاہ کرنے، مساجد بنانے اور انہیں آباد کرنے کے لئے عاشقانِ رسول کی دینی تحریک دعوتِ اسلامی کوششیں کرتی رہتی ہے۔

اسی سلسلے میں پچھلے دنوں تحصیل پہاڑ پورضلع ڈیرہ اسماعیل خان میں ذمہ دار اسلامی بھائیوں کی کوششوں سے حاجی احمد نواز اور حاجی غلام دستگیر نے کم و بیش پانچ مرلے کا پلاٹ مسجد بنانے کے لئے دعوتِ اسلامی کو وقف کردیا۔

اس موقع پر مسجد بنانے کی ذمہ داری لینے والے عبدالطیف فوجی اور یوسی نگران محمد صفدر عطاری سمیت دیگر کثیر عاشقانِ رسول موجود تھے۔پہاڑ پور کے نگرانِ تعمیرات حاجی غلام یاسین عطاری نے وہاں موجود عاشقانِ رسول کو مسجد کی تعمیرات میں حصہ لینے اور جلدازجلد تعمیرات مکمل کرنے کا ذہن دیا۔بعدازاں مبلغِ دعوتِ اسلامی نے اختتامی دعا کروائی۔(کانٹینٹ:غیاث الدین عطاری)

41 سالوں سے رنگ و نسل میں بلا تفریق احیائے سنت اور دین اسلام کی تبلیغ کو عام کرنے والی عاشقان رسول کی دینی تحریک دعوتِ اسلامی کے زیرِ اہتمام آج رات دنیا بھر میں  ہفتہ وار سنتوں بھرے اجتماعات کا انعقاد کیا جائیگا جن میں مبلغین دعوت اسلامی اور اراکین شوریٰ سنتوں بھرے بیانات فرمائیں گے۔ان اجتماعات میں نعت رسول مقبول، ذِکرُ اللہ اور رقت انگیز دعاؤں کا سلسلہ بھی ہوگا۔

تفصیلات کے مطابق مدنی مرکز فیضان مدینہ نارووال، ظفر وال روڈ میں مرکزی مجلس شوریٰ کے رکن حاجی محمد اظہر عطاری سنتوں بھرا بیان فرمائیں گے جسے مدنی چینل پر براہ راست نشر کیا جائیگا۔

اس کے علاوہ جامع مسجد فیضان جیلان بلاک8، کلفٹن کراچی میں رکن شوریٰ حاجی مولانا عبد الحبیب عطاری،نورانی مسجدماڈل ٹاؤن کراچی میں رکن شوریٰ حاجی ابو ماجد مولانا محمد شاہد عطاری مدنی، رضائے مصطفٰے مسجد کورنگی نمبر 4 میں رکن شوریٰ حاجی فضیل عطاری اور مدنی مرکز فیضان مدینہ مرضی پورہ، گلی نمبر 1 بورے والا میں نگران شعبہ پروفیشنلز و موٹیویشنل اسپیکر محمد ثوبان عطاری سنتوں بھرا بیان فرمائیں گے۔

تمام عاشقان رسول سے اپنے اپنے علاقے میں ہونے والے ہفتہ وار اجتماع میں شرکت کرنے کی درخواست ہے۔

قراٰنِ پاک کی تعلیم عام کرنے، عاشقانِ رسول کے بچوں اور بچیوں کی تربیت کرنے کے لئے دعوتِ اسلامی کے تحت وقتاً فوقتاً مختلف دینی و دنیاوی اداروں کو قائم کیا جاتا ہے جس میں بچوں اور بچیوں کی دینی و اخلاقی تربیت کرنے کے ساتھ انہیں اسلامی تعلیمات کے مطابق زندگی گزارنے کا طریقہ بھی سکھایا جاتا ہے۔

اسی سلسلے میں لاہور پاکستان کے علاقے ہربنس پورہ میں دعوتِ اسلامی کے زیرِ اہتمام مدرسۃ المدینہ گرلز کے سنگِ بنیاد کے موقع پر سنتوں بھرے اجتماع کا انعقاد کیا گیا جس میں مرکزی مجلس شوریٰ کے رکن حاجی یعفور رضا عطاری نے سنتوں بھرا بیان کرتے ہوئے وہاں موجود عاشقانِ رسول کو اپنی بچیوں کی تربیت کرنے کے حوالے سے مدنی پھول دیئے جبکہ جلد از جلد مدرسۃ المدینہ گرلز کی تعمیرات کو مکمل کرنے کا ذہن بھی دیا۔

اجتماع کے اختتام پر رکنِ شوریٰ نے اسلامی بھائیوں کے ہمراہ مدرسۃ المدینہ گرلز کا سنگ ِبنیاد رکھا۔بعدازاں اہل محلہ نے اپنی اپنی خواہشات کا اظہا رکرتے ہوئے ایک سال میں اس عمارت کو مکمل کرنے کی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

عاشقانِ رسول کی دینی تحریک دعوتِ اسلامی دنیا بھر میں نیکی کی دعوت عام کرنے، لوگوں کو نمازوں کا پابند بنانے اور زیادہ سےزیادہ مساجد بناکر انہیں آباد کرنے کے لئےہمیشہ دینی کاموں میں مصروفِ عمل ہے۔

اسی مقصد کے تحت پنجاب پاکستان کے شہر لاہور میں واقع مصطفیٰ آباد کے عاشقانِ رسول کے لئے دعوتِ اسلامی کے زیرِ اہتمام جامع مسجد آفتاب صدیقی کا سنگِ بنیاد رکھا گیا۔

اس موقع پر دعوتِ اسلامی کے تحت سنتوں بھرے اجتماع کا انعقاد کیا گیا جس میں مقامی مارکیٹ کے تاجران سمیت اہلِ علاقہ کی کثیر تعداد نے شرکت کی جن میں ذمہ دار اسلامی بھائی بھی موجود تھے۔

دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے ”مساجد بنانے اور انہیں آباد کرنے“ کے موضوع پر سنتوں بھرا بیان کیا اور اجتماع میں شریک اسلامی بھائیوں کی دینی و اخلاقی اعتبار سے تربیت کی۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

ماہ صفر المظفر ”عرس اعلیٰ حضرت“ کے موقع پر ہر سال شروع ہونے والا مدنی چینل کا نہایت دلچسپ اور مقبول عام سلسلہ”ذوقِ نعت“ کا سیزن 10 شروع ہونے جارہا ہے۔ سلسلے کا باقاعدہ آغاز 30 اگست 2022ء بمطابق 2 صفر المظفر 1444ھ بروز منگل رات تقریباً 10:00 بجے براہ رست مدنی چینل پر ہوگا۔سیزن 10 کے مقابلے میں کراچی، حیدر آباد، فیصل آباد، ملتان، اسلام آباد، لاہور، کوئٹہ اور گوجرانوالہ کی ٹیمیں شریک ہوں گی۔

مقابلے میں شرکت کے لئے ان ٹیموں کو دوگروپوں Group “A” اورGroup “B” میں تقسیم کیا گیا ہے۔ Group “A” میں کراچی، حیدر آباد، فیصل آباد اور ملتان جبکہ Group “B” میں اسلام آباد، لاہور، کوئٹہ اور گوجرانوالہ کی ٹیم شامل ہے۔

ٹیموں کا مقابلہ اور Episodeکے شیڈول کو جاننے کے لئے درج ذیل تفصیلات ملاحظہ کیجئے:

23 اگست 2022ء کو دعوت اسلامی کے شعبہ جامعۃ المدینہ کے تحت مدنی مرکز فیضان مدینہ کاہنہ نو لاہور میں سنتوں بھرے اجتماع کا انعقاد کیا جائیگا۔

اجتماع پاک میں مرکزی مجلس شوریٰ نگران حاجی مولانا محمد عمران عطاری مُدَّ ظِلُّہُ العالی خصوصی بیان فرمائیں گے۔

اس اجتماع میں جامعات المدینہ کے کم و بیش 16 ہزار طلبہ اور اساتذۂ کرام شرکت کریں گے۔

دعوتِ اسلامی کے زیرِ اہتمام پچھلے دنوں کوٹ عبد اللہ مناواں لاہور میں حاجی افضال مرحوم کے لئے ایصالِ ثواب اجتماع کا انعقاد کیا گیا جس میں قرب و جوار کے کثیر عاشقانِ رسول نے شرکت کی۔

مبلغِ دعوتِ اسلامی نےتلاوتِ قراٰن سے اس اجتماعِ پاک کا آغاز کیا جبکہ رکنِ مرکزی مجلسِ شوریٰ حاجی یعفور رضا عطاری نے سنتوں بھرا بیان کیا اور وہاں موجود اسلامی بھائیوں کو اپنے مرحومین کے لئے زیادہ سے زیادہ ایصالِ ثواب کرنے کی ترغیب دلائی۔

رکنِ شوریٰ نے دورانِ بیان اسلامی بھائیوں کو دعوتِ اسلامی کے 12 دینی کاموں میں بڑھ چڑھ کرحصہ لینے کا ذہن دیا جس پر انہوں نے اچھی اچھی نیتیں کیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

عاشقانِ رسول کی دینی تحریک دعوت اسلامی کے 12 ینی کاموں کے حوالے سے پنجاب پاکستان کے شہر لاہور DHA میں واقع قراٰن سینٹر میں مدنی مشورہ منعقد ہوا جس میں مقامی ذمہ دار اسلامی بھائیوں کی شرکت رہی۔

دعوتِ اسلامی کی مرکزی مجلسِ شوریٰ کے رکن حاجی یعفور رضا عطاری نے اس مدنی مشورے میں ذمہ داران سے 12 دینی کاموں کی سابقہ کارکردگی کا جائزہ لیا اور انہیں مزید بہتر انداز میں دینی کام کرنے کا ذہن دیا۔

بعدازاں رکنِ شوریٰ حاجی یعفور رضا عطاری نے اسلامی بھائیوں کو آئندہ کے اہداف دیتے ہوئے دعوتِ اسلامی کے دینی ماحول سے ہمیشہ وابستہ رہنے کی ترغیب دلائی جس پر انہوں نے اچھی اچھی نیتوں کا اظہار کیا۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)

دعوت اسلامی کے زیر اہتمام 18 اگست 2022ء بروز جمعرات بعد نماز مغرب مدنی مرکز فیضان مدینہ اسلام آباد میں ہفتہ وار سنتوں بھرے اجتماع کا انعقاد کیا گیا جس میں مختلف شخصیات، ذمہ داران دعوت اسلامی، اسلام آباد اور راولپنڈی سمیت دیگر شہروں کے عاشقان رسول نے ہزاروں کی تعداد میں شرکت کی۔

مرکزی مجلس شوریٰ کے نگران حاجی مولانا محمد عمران عطاری مُدَّ ظِلُّہُ العالی نے سنتوں بھرا بیان فرمایا اور شرکا کو دینی کاموں میں شرکت کرنے، ہر ماہ تین دن کے مدنی قافلے میں سفر کرنے اور ہر دم دینی ماحول سے وابستہ رہنے کی ترغیب دلائی۔

اس موقع پر نگران پاکستان مشاورت حاجی محمد شاہد عطاری، اراکین شوریٰ حاجی وقار المدینہ عطاری اور حاجی بغداد عطاری بھی موجود تھے۔

صوبہ بلوچستان کے ڈویژن قلات کے ڈسٹرکٹ  مستونگ میں سیکھنے سکھانے کے حلقے کا انعقاد کیا گیا جس میں شعبہ تعلیم کے صوبائی ذمہ دار محمد فہد عطاری،FISS کے ایڈمنسٹریٹر محمد سجاد گولا، مدرسۃ بالغان کے نگرانِ مجلس محمد عابد عطاری، صوبائی ذمہ دار قاری نظام اور کوئٹہ ڈویژن کنٹونمنٹ ٹاؤن کے نگران نور العین عطاری نے بھی شرکت کی۔

سیکھنے سکھانے کے حلقے میں نماز کا طریقہ سکھایا گیا اور 22اگست 2022ء کو نگران شوریٰ کے ہونے والے ٹیچر اجتماع کی دعوت پیش کی گئی جس پر شرکا نے گاڑی چلانے اور مدرسہ بالغان شروع کرنے کی نیت کا اظہار کیا۔ (کانٹینٹ:رمضان رضا عطاری)

11 اگست 2022 ء کو مرکزی مجلس شوری کے رکن مولانا اسد عطاری مدنی نے فیضان مدینہ گوجرانوالہ میں ذمہ داران سے ملاقات کی ، اس موقع پر فیضان آن لائن اکیڈمی برانچ کا وزٹ کیا مدنی عملے  سے ملاقات کی اور شعبے کے حوالے سے ذمہ داران کی دینی واخلاقی اعتبار سے تربیت کی اور انہیں دعاؤں سے نوازا۔(رپورٹ : محمد وقار یعقوب مدنی برانچ ناظم فیضان آن لائن ، کانٹینٹ: محمد مصطفی انیس )