17  اپریل بروزجمعۃ المبارک رکن شوریٰ و ریجن نگران حاجی امین عطاری نے بلخصوص بن قاسم کابینہ و شعبہ مجلس مزارات اولیاء کے اسلامی بھائیوں کے درمیان مدنی حلقہ لگایا ۔مدنی حلقے میں رکن شوریٰ نے بعد فجر مدنی حلقے کے جدول (تلاوت ترجمہ و تفسیر، شجرہ عطاریہ ، استغفار کے مدنی پھول ،مدنی کاموں کی ترغیب ، اوراد و وظائف ، مدنی عطیات ، اشراق و چاشت) کے حوالے سے بھی مدنی پھول عطا فرمائے۔حلقے میں کم و بیش 35 اسلامی بھائیوں نے شرکت کی۔ (رپورٹ:بن قاسم کابینہ مدنی انعامات)

16 اپریل بروز جمعرات رکن شوری ونگران کراچی ریجن حاجی امین عطاری نےکھارادرکابینہ کےاسلامی بھائیوں میں بذریعہ انٹرنیٹ بعدفجرمدنی حلقہ لگایا جس میں نگران کابینہ سمیت 43 اسلامی بھائیوں نےشرکت کی۔ خصوصی طورپرشعبہ رابطہ برائے تاجران کےاسلامی بھائیوں نے بھی شرکت کی۔رکن شوری نے صوتی پیغام  کےذریعےکھارادرکابینہ کےاسلامی بھائیوں کی کوششوں کوسراہا۔

مجلس قافلہ کے تحت  15 اپریل بروز بدھ رات 07:20پر ڈرگ کالونی کابینہ ایسٹ زون میں قافلہ ذمہ داران و دیگر عاشقان رسول کے درمیان بذریعہ ZOOM ویڈیو لنک رکن شورٰی و نگران کراچی ریجن حاجی امین عطاری نے سنتوں بھرا بیان فرمایا جس میں ذمہ داران و دیگر عاشقان رسول بذریعہ انٹرنیٹ شرکت کی سعادت حاصل کی۔ (رپورٹ: ساجد عطاری، مجلس قافلہ کراچی ریجن)

مدنی چینل کی جانب سے آج مورخہ 19 اپریل بروز اتوار  ایک عظیم الشان پروگرام بنام "یہ بھی ضروری ہے" مدنی چینل پر براہِ راست ٹیلی کاسٹ کیا جائیگا جس میں دعوتِ اسلامی کی مرکزی مجلسِ شوریٰ کے نگران مولانا محمد عمران عطاری مَدَّظِلُّہُ الْعَالِی اور رکنِ شوریٰ مولانا حاجی عبدالحبیب عطاری انتہائی اہم گفتگو فرمائیں گے۔ یہ پروگرام آج دوپہر 3 بجے شروع ہوگا۔

بالخصوص تمام دعوتِ اسلامی والوں اور بالعموم تمام عاشقانِ رسول سے گزارش کی جاتی ہے کہ اس پروگرام کو اپنے گھروں میں رہتے ہوئے لازمی ملاحظہ فرمائیں۔

پچھلے دنوں رکنِ شوریٰ حاجی رفیع العطاری کی سمندری کابینہ کے اطراف میں آمد ہوئی جہاں آپ نے زمینداروں سے ملاقات فرمائی۔ رکنِ شوریٰ زمینداروں کو اپنا عشر شریعت کے مطابق نکالنے اور  اپنا عشر دعوتِ اسلامی کو دینے کا ذہن دیا جس پر زمینداروں نے دعوتِ اسلامی بھرپور ساتھ دینے کی نیت کی۔ 

پچھلے دنوں رکنِ شوریٰ حاجی رفیع العطاری کی بونگہ حیات اطراف میں آمد ہوئی جہاں آپ نے زمینداروں سے ملاقات فرمائی۔ رکنِ شوریٰ زمینداروں کو اپنا عشر شریعت کے مطابق نکالنے اور  اپنا عشر دعوتِ اسلامی کو دینے کا ذہن دیا جس پر زمینداروں نے دعوتِ اسلامی بھرپور ساتھ دینے کی نیت کی۔ 

15 اپریل 2020 بروز بدھ رکن شوری و نگران ریجن حاجی محمد امین عطاری نے بذریعہ انٹرنیٹ بعد فجر مدنی حلقہ لگایا جس میں  ملیر کابینہ ایسٹ زون کے اسلامی بھائیوں نے بذریعہ نیٹ شرکت کی۔ رکن شوری و نگران ریجن حاجی محمد امین عطاری نے مدنی حلقے میں شرکت کرنے والے اسلامی بھائیوں کو دعاوں سے نوازا۔ (مجلس مدنی انعامات،کراچی ریجن)

رکن شورٰی و نگران کراچی ریجن حاجی امین عطاری نے بیان مغرب فرمایا اور مجلس قافلہ کے تحت کھارادر کابینہ میں سنتوں بھرا بیان فرمایا جس میں انٹرنیٹ کے ذریعے  تقریباً 31 اسلامی بھائیوں نے شرکت کی۔ 

14 اپریل 2020 بروز منگل صبح 06:05  پر صدر کابینہ سے رکن شوری و نگران ریجن حاجی محمد امین عطاری نے بعد فجر مدنی حلقہ فرمایا جس میں بذریعہ انٹر نیٹ اسلامی بھائیوں کی شرکت رہی۔(رپورٹ: ارسلان عطاری صدر کابینہ،مدنی انعامات ذمہ دار)

لاک ڈاون   میں دعوت اسلامی آپ کو موقع فراہم کررہی ہے علم دین سیکھنے کا۔ اب آپ گھر بیٹھے کر سکتے ہیں مدرسۃ المدینہ آن لائن کے آفیشل فیس بک پیج پر 3 اہم کورس روزانہ۔ شام 6 سے 7 تک ابتدائی ناظرہ قرآن پاک کورس ، رات 7 سے 8 بجے تک فیضانِ نماز کورس اور رات 8 سے 9 بجے تک طہارت کورس کا سلسلہ 9 اپریل سے جاری ہے۔ آپ بھی ان کورسز میں شرکت کریں اور علم دین کی روشنی سے اپنے سینےکو منور کریں۔

مدرسۃ المدینہ آن لائن کے آفیشل فیس بک پیج کا لنک

https://www.facebook.com/OnlineMadrasatulMadina/

الحمدللہ پنجاب کے شہر منڈی وار برٹن میں بھی دعوت اسلامی کے تحت جامعۃ المدینہ امینیہ رضویہ کی تعمیرات کا سلسلہ ہے۔ پچھلے دنوں دعوت اسلامی کی مرکزی مجلس شوریٰ کے رکن حاجی محمد اظہر عطاری نے دیگر ذمہ داران کے ہمراہ اس جامعۃ المدینہ  کا دورہ کیا اور تعمیراتی کاموں کا جائزہ لیا۔ 

دنیا بھرمیں قرآن وسنت کی تعلیمات کو عام کرنے والی عاشقان رسول کی مدنی تحریک دعوت اسلامی کے تحت مستحقین و حاجت مندوں میں راشن تقسیم کا سلسلہ جاری ہے۔ پاکستان سندھ کے مختلف شہروں عمرکوٹ ،پتھورو،کنری،بھٹ بھائٹی،غلام نبی شاہ،چھور،شاھانی آباداور اطراف گاؤں میں کے تقربیاً 1600خاندانوں میں راشن اور رقم تقسیم  کا سلسلہ جاری ہے۔ اس حوالے سے نگران تھرپارکر زون نے مدنی چینل کو بتایا کہ الحمد للہ گھر گھر جاکر راشن تقسیم کیا جارہا ہے۔

دعوت اسلامی کے تحت امدادی کام صرف پاکستان میں نہیں جاری بلکہ اللہ پاک کے فضل وکرم اورامیراہل سنت کی نگاہ فیض سے اس مشکل وقت میں دعوت اسلامی کے تحت پاکستان کے علاوہ بیرون ممالک میں بھی راشن کی تقسیم کاری کاسلسلہ جاری ہے۔ ترکی کے شہر استنبول میں بھی دعوت اسلامی کی جانب سے راشن اور امدادی رقوم کی تقسیم کا سلسلہ ہوا۔ذمہ دار اسلامی بھائیوں نے مختلف اپارٹمنٹس میں رہائش پذیر پاکستانی اسلامی بھائیوں کو راشن پہنچایا۔