16 مارچ 2020ء کو رات 09:00 بجے شیخ الحدیث والتفسیر مفتی محمد قاسم عطاری مَدَّظِلُّہُ الْعَالِی اپنے آفیشل Facebook پیج پر لائیو ہونگے اور دیں گے آپ کے شرعی مسائل کا حل قراٰ ن و حدیث کی روشنی میں۔ اگر آپ بھی پوچھنا چاہتے ہیں مفتی صاحب سے کوئی سوال تو ساڑھے 9 بجے ہونے والے اس لائیو سیشن میں اپنا سوال کمنٹ کیجئے، مفتی صاحب آپ کے سوال کا جواب ارشاد فرمائیں گے۔

دئیے گئے لنک پر کلک کریں اور شیخ الحدیث والتفسیر مفتی محمد قاسم عطاری مَدَّظِلُّہُ الْعَالِی کے آفیشل Facebook پیج کو لائیک کریں

پچھلے دنوں دعوت اسلامی کے تحت لاہور میں قائم  Pakistan Industrial Technical Assistance Center میں اجتماع میلاد کا سلسلہ ہوا جس میں کالج کے اسٹوڈنٹس، پروفیسرز اور پرنسپل نے شرکت کی۔ مبلغ دعوت اسلامی محمد ثوبان عطاری نے سنتوں بھرا بیان کیااور شرکا کو نیکی کی دعوت پیش کرتے ہوئے مدنی ماحول سے وابستہ ہونے اور ہفتہ وار اجتماع میں شرکت کرنے کی ترغیب دلائی۔

پچھلے دنوں نگران شوریٰ مولانا محمد عمران عطاری مَدَّظِلُّہُ الْعَالِی نےرکن شوریٰ حاجی یعفور ضا عطاری اور نگران مجلس رابطہ پاکستان محمد قربان عطاری کے ہمراہ اسلام آباد میں ریٹائرڈجنرل جاوید سے ملاقات کی۔ نگران شوریٰ نے انہیں دعوت اسلامی کا تعارف پیش کرتے ہوئے نیکی کی دعوت دی اور دینی کتب تحائف میں دیں۔

دعوتِ اسلامی کی مجلس  قافلہ کے تحت 13مارچ2020ء بروز جمعۃالمبارک فیصل آباد ڈی ٹائپ کالونی میں مدنی مشورہ ہوا۔ مدنی مشورے میں ذیلی تا علاقے سطح کے ذمہ داران نے شرکت کی۔اس موقع پر ریجن قافلہ ذمہ دار محمد طاہر عطاری اور ڈویژن نگران ڈی ٹائپ کالونی محمد بشیر عطاری نے رکنِ شوریٰ حاجی رفیع عطاری کے قافلہ اجتماع کی تیاری کےحوالے سے مدنی پھول دیئے۔ یا د رہے قافلہ اجتماع 29مارچ 2020ء بروز اتوارمغرب تاعشاء تاجدار مدینہ مسجد ڈی ٹائپ کالونی میں ہوگا، رکن شوریٰ حاجی محمد رفیع عطاری سنتوں بھرا بیان فرمائیں گے۔ 

گزشتہ رات 13 مارچ کو جامع مسجد بہارِ مدینہ بفرزون کراچی میں عظیم الشان محفلِ نعت منعقد کی گئی جس میں  دعوتِ اسلامی کی مرکزی مجلس شوریٰ کے رکن مولانا عبدالحبیب عطاری نے اللہ سے دوستی کے عنوان پر سنتوں بھرا بیان فرمایا۔

رکنِ شوریٰ کا کہنا تھا کہ ہمیں لوگوں کے ساتھ عفو و درگزر سے کام لینا چاہیئے، تاریخ اٹھاکر دیکھیں کہ حضور ﷺ نے اپنے چچا حضرت سیدنا حمزہ رضی اللہ تعالٰی عنہ کو شہید کرنے والے وحشی نامی شخص کو نہ صرف اسلام کی دعوت دی بلکہ قبول اسلام کے بعد انہیں معاف بھی فرمادیا۔

آپ نے مزید کہا کہ جو شخص سچے دل سے توبہ کرتا ہے اللہ اس کے گناہوں کو بھی معاف فرمائے گا اور اس کے گناہوں کو نیکیوں سے بھی تبدیل فرمادے گا۔

مولانا عبدالحبیب عطاری نے شرکا کو ذہن دیا کہ دعوتِ اسلامی کے ہفتہ واراجتماع میں شرکت کریں اور مدنی مذاکروں میں امیر اہلِ سنت دَامَتْ بَرَکَاتُہُمُ الْعَالِیَہ کی صحبت سے فیض حاصل کریں۔

دعوتِ اسلامی نے مدنی کاموں  اور دیگر احوال سے باخبر رکھنے کےلیے ایک شاندار نیوز ویب سائٹ لاؤنچ کی ہے جس کا نام ’’دعوتِ اسلامی کے شب و روز ‘‘ رکھا گیا ہے۔ اس شعبے میں متعدد کانٹینٹ رائٹرز اپنی تحریری خدمات انجام دے رہے ہیں۔

مکتبۃ المدینہ ایک شاندار پیشکش لیکر آرہا ہے۔رمضان کیلینڈراور کارڈ  جس میں آپ سحر و افطار کے اوقات بھی پائیں گے۔

عاشقان رسول اپنے مرحومین کے ایصال ثواب اور کاروبار کی تشہیر کے لئے مکتبۃ المدینہ سے چھپواکر تقسیم کریں۔

بکنگ کے لئے 15 شعبان المعظم 1441ھ تک مکتبۃ المدینہ کی کسی بھی شاخ سے رابطہ کرسکتے ہیں۔

یادرہے بکنگ کے لئے رمضان کیلینڈر کم از کم 100اور رمضان کارڈ 500ہونا ضروری ہے۔

مزید معلومات کے لئے مکتبۃ المدینہ کے کال سینٹرپررابطہ کریں

03131139278

دعوت اسلامی کے وفد نے مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی کی قیادت میں 12 مارچ 2020ء کو اسلام آباد میں وزیر خارجہ پاکستان شاہ محمود قریشی سے ملاقات کی۔ نگران شوریٰ نے انہیں نیکی کی دعوت پیش کرتے ہوئے دعوت اسلامی کے شعبہ جات بالخصوص مجلس مزارات اولیاء کا تعارف پیش کیا اور مدنی کاموں میں تعاون کرنے کی درخواست کی۔ نگران شوریٰ نے شاہ محمود قریشی کو دینی کتب تحفے میں دیں۔ اس موقع پر رکن شوریٰ حاجی وقار المدینہ عطاری بھی موجود تھے۔

دعوت اسلامی کی مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے رکن شوریٰ حاجی وقار المدینہ عطاری کے ہمراہ 12 مارچ 2020ء کو اسلام آباد میں وفاقی وزیر ریلوے شیخ رشید سے ملاقات کی۔ نگران شوریٰ نے انہیں نیکی کی دعوت پیش کرتے ہوئے دعوت اسلامی کا تعارف پیش کیا اور دینی کتب تحائف میں دیں۔ 

دعوت اسلامی کی مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے9مارچ 2020ء کو لاہور میں پنجاب اسمبلی کے سیکرٹری محمد خان بھٹی سے ملاقات کی۔ نگران شوریٰ نے انہیں دعوت اسلامی کا تعارف پیش کیا اور مدنی کاموں میں تعاون کرنے کی درخواست کی۔ اس موقع پر رکن شوریٰ حاجی یعفور رضا عطاری بھی موجود تھے۔

یادرہے کہ نگران شوریٰ مولانا محمد عمران عطاری مَدَّظِلُّہُ الْعَالِی مدنی کاموں کے سلسلے میں ان دنوں پنجاب کے دورے پر ہیں۔

دعوت اسلامی کی مدنی مرکز فیضان مدینہ جوہرٹاؤن لاہور میں  ججز اور وکلا کی آمد ہوئی۔ ذمہ داران نے انہیں خوش آمدید کہااور فیضان مدینہ کا وزٹ کروایا۔ اس موقع پر مدنی مدنی حلقے کا سلسلہ ہوا جس میں مرکزی مجلس شوریٰ کے نگران مولانا محمد عمران عطاری مَدَّظِلُّہُ الْعَالِی نے ججز اور وکلا کے درمیان دعوت اسلامی کا تعارف پیش کیا اور نیکی کی دعوت پیش کرتے ہوئے مدنی کاموں میں تعاون کرنے کی درخواست کی۔اس موقع پر رکن شوریٰ حاجی محمد منصور رضا عطاری بھی موجود تھے۔