دعوتِ اسلامی کے زیرِ اہتمام  90اگست2021ءبروز پیر جناح ہال میٹرو پولیٹن کارپوریشن کوئٹہ میں اسلامک ورکشاپ کا انعقاد کیا گیا۔اس ورکشاپ میں ماہرِ امورِ تجارت مفتی علی اصغرعطاری مدنی مُدَّظِلُّہُ الْعَالِی نے قراٰن کی روشنی میں کامیاب زندگی کے اصول بیان فرمائے۔ کوئٹہ سے میڈیا ڈیپارٹ کے ذمہ دار محمد منیر عطاری نے دعوتِ اسلامی کے شب و روز کو بتایا کہ ورکشاپ کا آغاز دوپہر دو بجے ہوا جس میں کوئٹہ اور اس کے مضافات سے شخصیات سمیت سینکڑوں عاشقانِ رسول نے شریک ہوئے۔ 

کراچی میں ماحولیاتی آلودگی کو کنٹرول کرنے کے لئے دعوتِ اسلامی نے ایک بڑا قدم اٹھالیا۔تفصیلات کے مطابق بڑھتی ہوئی پالیوشن کو قابو  کرنے کے لئے دعوتِ اسلامی کا فلاحی ادارہ FGRF کراچی میں تین سو سے زائد جگہوں پر چھوٹے چھوٹے مصنوعی جنگل بنائے گا جسے میاواکی اربن فاریسٹ پلانٹیشن کہا جاتا ہے۔ پہلا اربن فاریسٹ کراچی کی مشہور ترین شاہراہ شارعِ فیصل پر بنادیا گیا ہے۔

ترجمان دعوتِ اسلامی مولانا عبدالحبیب عطاری کے مطابق دعوتِ اسلامی نے K.M.C کے تعاون سے کراچی میں میاواکی اربن فاریسٹ کا افتتاح کردیا ہے جس کا مقصد شہر میں فضائی آلودگی میں کمی لانا ہے۔

اربن فاریسٹ کے متعلق بات کرتے ہوئے انہوں نے کہا کہ جنگلات، درخت، پیڑ اور پودے نہ صرف فضا کو خوشگوار اور بہتر بنانے میں مددگار ثابت ہوتے ہیں بلکہ اپنے اردگرد موجود افراد کے لیے تازگی کا باعث ہیں۔ اربن فاریسٹ ایک جنگل ہوتا ہے جو شہر کے اندر چھوٹی سی جگہ پر بنادیا جاتا ہے ، اس میں مختلف سائز کے پودے بہت قریب قریب لگائے جاتے ہیں تاکہ وہ پودے آس پاس کی کاربن ڈائی آکسائڈ ا ور پالیوشن کو اپنے اندر جذب کرکے فضا کو صاف ستھرا بناسکیں ۔

مولانا عبدالحبیب عطاری نے بتایا کہ اس پروجیکٹ کو اچھے انداز سے مکمل کرنے کے لئے ماہرین کی پوری ایک ٹیم ہمارے ساتھ ہے جو سُوائل ٹیسٹ کرنے کے بعد ہمیں بتاتے ہیں کہ کس زمین میں کون سی مٹی اور کون سی کھاد کا استعمال زیادہ مفید ثابت ہوگا تاکہ یہ پودے بہترین انداز میں بڑے ہوسکیں۔ ماہرین کا کہنا ہے کہ اربن فارسٹ منصوبے کی تکمیل سے کراچی میں ماحولیاتی آلودگی کافی حد تک کم ہو جائے گی۔

ترجمان دعوتِ اسلامی کا مزید کہنا تھا کہ کراچی کے بعد پورے پاکستان میں FGRF کی جانب سے میاواکی اربن فاریسٹ بنائے جائیں گے تاکہ ہمارا وطن سرسبز و شاداب ہوکر خوشگوار ہوسکے۔

آخر میں انہوں نے عاشقانِ رسول سے اپیل کی ہے کہ ایک میاواکی اربن فاریسٹ بننے میں تقریباً دو لاکھ پچاس ہزار کی لاگت آرہی ہے جبکہ دعوتِ اسلامی نے صرف کراچی میں300 اور پاکستان بھر میں ہزاروں اربن فاریسٹ بنانے کا بیڑا اٹھایا ہے،لہٰذا اس صدقہ جاریہ میں بڑھ چڑھ کر دعوتِ اسلامی کا ساتھ دیں اور ڈھیروں ثواب کے حقدار بنیں۔

پودا لگانا ہے ، درخت بنانا ہے

دعوت اسلامی کے زیر اہتمام 11 اگست 2021ء بروز بدھ ورثہ میرج ہال نزد فیضان مدینہ پسرور روڈ، قلعہ احمد آباد میں سنتوں بھرے اجتماع کا انعقاد کیا جائیگا۔

اس اجتماع پاک میں مرکزی مجلس شوریٰ کے رکن حاجی مولانا عبد الحبیب عطاری خصوصی بیان فرمائیں گے۔

تمام عاشقان رسول سے اس اجتماع پاک میں شرکت کرنے کی درخواست ہے۔

دعوت اسلامی کے زیر اہتمام 11 اگست 2021ء بروز بدھ روشن پیلس میرج ہال پسرور روڈ نارووال میں سنتوں بھرے اجتماع کا انعقاد کیا جائیگا۔

اس اجتماع پاک میں مرکزی مجلس شوریٰ کے رکن حاجی مولانا عبد الحبیب عطاری خصوصی بیان فرمائیں گے۔

تمام عاشقان رسول سے اس اجتماع پاک میں شرکت کرنے کی درخواست ہے۔

دعوتِ اسلامی کے زیرِ اہتمام آج 9اگست2021ءبروز پیرتقریباًدپہر2بجےجناح ہال میٹرو پولیٹن کارپوریشن کوئٹہ میں اسلامک ورکشاپ کا سلسلہ ہوگا۔اس ورکشاپ میں ماہرِ امورِ تجارت مفتی علی اصغرعطاری مدنی مُدَّظِلُّہُ الْعَالِی ’’کامیاب زندگی کے اصول قراٰن کی روشنی میں ‘‘کے موضوع پربیان فرمائیں گےاور اسلامی بھائیوں کی تربیت فرمائیں گے۔

قرب و جوار میں رہنے والے اسلامی بھائیوں سے شرکت کی درخواست ہے۔

دعوت اسلامی کے شعبہ FGRF کے تحت Clean and green پاکستان مہم جاری ہے۔

اسی سلسلے میں D.P.Oننکانہ بلال افتخار نے دعوت اسلامی کے عالمی فلاحی ادارہ فیضان گلوبل ریلیف فاؤنڈیشن کے مشترکہ تعاون سے D.P.Oآفس میں پودے لگائے اور ملک پاکستان کی سلامتی کے لئے دعائے خیر کی۔

اس موقع پر گفتگو کرتے ہوئے D.P.Oبلال افتخار کا کہنا تھا کہ حکومت پاکستان کے ویژن کے مطابق ضلعی پولیس شجرکاری مہم میں بڑھ چڑھ کر حصہ لے رہی ہے۔ بطور کمانڈر ڈسٹرکٹ پولیس دعوت اسلامی کے فلاحی ادارہ (FGRF) کے تعاون پر بے حد مشکور ہوں۔ ضلعی پولیس فیضان گلوبل ریلیف فاؤنڈیشن کے مشترکہ تعاون سے پولیس لائن اور تھانہ جات میں 2 ہزار پودے لگائے گئے جو کہ دعوت اسلامی کی حکومتی شجرکاری مہم میں حصہ ڈالنے کا منہ بولتا ثبوت ہے۔ انہوں نے مزید کہا کہ پودے ماحولیاتی آلودگی کے خاتمہ کا بہت بڑا ذریعہ ہیں۔ پودے انسانی جسم کو آکسیجن فراہم کرتے ہیں۔ ضلعی پولیس Clean and green پاکستان کی شجرکاری مہم میں تمام ممکنہ اقدامات یقینی بنائے گی۔ اس موقع پر ضلعی ہیڈ FGRF الحاج نصر اقبال عطاری، سٹی ہیڈ رانا ساجد عطاری، مولانا اشفاق رضوی، کاشف سلیم عطاری، میڈیا انچارج Complaint cell ناظم عباس عطاری و دیگر بھی موجود تھے۔

الحمدللہ عزوجل دعوتِ اسلامی کے تحت اسلامی بھائیوں کی تربیت کے لئے مدنی مشوروں کا سلسلہ ہوتا رہتا ہے۔پچھلے دنوں 4اگست2021 ء بروز بدھ ستگھرہ کابینہ کے علاقہ جبوکہ میں مدنی مشورہ ہوا ۔اس مدنی مشورہ میں شعبہ مدرسۃ المدینہ (اسلامی بھائیوں کےلئے) کے زون ذمہ دار اویس رضا عطاری نے نگرانِ کابینہ سمیت دیگر اسلامی بھائیوں کی تربیت کی ۔زون ذمہ دار نے ذمہ داران کی تقرری، دینی کاموں کو بڑھانے ، مدرسۃ المدینہ (اسلامی بھائیوں کےلئے) اور مساجد درس بڑھانےکا ذہن دے کر اچھی اچھی نیتیں کروائیں۔(رپوٹ: احمد ندیم عطاری )

لاکھوں لاکھ  بچو کوقراٰن پاک اور دینی تعلیم سےدلوں کومُنَوّر کرنےوالی دینی تحریک دعوتِ اسلامی کےتحت عباس پورکشمیرمیں قائم مدرسۃ المدینہ بوائزمیں 14بچوں نے ناظرہ قراٰن پاک مکمل کرنے کی سعادت پائی اس موقع پر فیضان مدینہ عباس پور میں تقسیم اسناد کا سلسلہ کیاگیاجس میں مختلف شعبہ جات سےوابسطہ افراد،مدرسۃ المدینہ کےطلباءاوران کےوالدین،اساتذہ،ناظمین اوردیگر ذمہ داران نےشرکت کی ۔

رکنِ شوریٰ حاجی محمد اسد عطاری مدنی نےسنتوں بھر ا بیان فرمایا اورشرکاء کو دعوتِ اسلامی کےدینی و فلاحی کاموں میں حصہ لینےکی ترغیب دلائی نیزدعوتِ اسلامی کےتحت بنےوالےجامعۃ المدینہ کےبارےمیں بھی بتایااور اس میں بھی بھرپور تعاون کاذہن دیا۔اس موقع پر رکن شوریٰ نےناظرہ قراٰن پاک مکمل کرنےوالےبچوں کےسروں پرعمامےبھی سجائے۔آخرمیں رکن شوریٰ نےدعاکروائی اورصلاۃ وسلام بھی پڑھایا گیا ۔

پچھلے دنوں ڈویژن سولجر بازار کراچی کے  علاقائی نگران عمیر عطاری کے والد صاحب رضائے الٰہی سے انتقال کرگئے۔

مرحوم کی نمازجنازہ جامع مسجد خزائن العرفان کےاحاطے میں عمیرعطاری نے پڑھائی۔ نمازجنازہ میں مقامی ذمہ داران، اہلِ علاقہ اور عزیز و اقارب نے شرکت کی۔

نماز جنازہ کے بعد مرحوم کے لئے فاتحہ خوانی کی گئی۔ رکنِ شوریٰ حاجی امین عطاری نے دعائے مغفرت کروائی جبکہ اس موقع پر اراکین شوریٰ حاجی علی عطاری ،امین مدنی قافلہ اورسید ابراہیم عطاری بھی موجود تھے۔

یکم اگست 2021ء کو دعوت اسلامی کے ویلفیئر FGRF کے زیر اہتمام پاکستان بھر میں Plantation Day منایا گیا جس میں علمائے کرام، اسکول ، کالجز کےاسٹوڈنٹس، ڈاکٹرز اور دعوت اسلامی کے ذمہ داران سمیت زندگی کے مختلف شعبے سے وابستہ افراد نے شجرکاری کی۔

اسی سلسلے میں شعبہ مدرسۃ المدینہ بوائز کے تحت بھی پاکستان بھر میں شجر کاری کی گئی جس میں مدارس المدینہ کے مدرسین، ناظمین اور بچوں نے پودے لگائے۔

مدارس المدینہ بوائز پاکستان کی جانب سے ملنے والی کارکردگی کے مطابق حیدر آباد ریجن میں 13ہزار 885، ملتان ریجن میں 72 ہزار 499، فیصل آباد ریجن میں 59 ہزار 832، لاہور ریجن میں 70 ہزار 561 جبکہ اسلام آباد ریجن میں 36 ہزار 655 پودے لگائے گئے۔ مجموعی طور پر دولاکھ 53 ہزار 432 پودے شعبہ مدارس المدینہ بوائز پاکستان کے بچوں کی جانب سے پاکستان بھر لگائے گئے ۔ 

دعوتِ اسلامی کے زیرِاہتمام  ہر جمعرات کی شب ہفتہ وار اجتماعات منعقد کئے جاتے ہیں۔ اسی سلسلے میں آج    05 اگست 2021ء کو رات ساڑھے9 بجے براہِ راست ہفتہ وار اجتماع منعقدہوگا جس میں ترجمان دعوتِ اسلامی مولانا حاجی عبدالحبیب عطاری” قراٰن اورفاروقِ اعظم“ کے موضوع پر سنتوں بھرا بیان فرمائیں گے۔

تمام عاشقانِ رسول سے مدنی چینل پر ہونے والے اجتماع میں شرکت کی درخواست کی جاتی ہے۔

دعوت اسلامی کے شعبہ تاجران کے زیر اہتمام یکم اگست 2021ء کو باغ جناح لاہور میں ”پودا لگانا ہے درخت بنانا ہے“ کے بھر پور عزم کے ساتھ شجر کاری کی گئی۔

شجر کاری مہم میں مرکزی مجلس شوریٰ کے رکن حاجی یعفور رضا عطاری، مقامی تاجران اور میڈیا پرسن نے پودے لگائے۔اس موقع پر مختلف نیوز چینل کی جانب سے شجر کاری مہم کو کوریج بھی دی گئی۔