31 جولائی 2021ء کو صوبائی وزیر قانون پنجاب راجہ بشارت کی خوشدامن (ساس) رضائے الٰہی سے انتقال کرگئیں۔مرحومہ کی نماز جنازہ مرکزی مجلس شوریٰ کے رکن حاجی یعفور رضا عطاری کی امامت میں پٹیالہ ہاؤس میں ادا کردی گئی۔

نماز جنازہ میں وزیر اعلیٰ پنجاب سردار عثمان بزدار، صوبائی وزراء میاں اسلم اقبال، چوہدری ظہیر الدین، سابق مشیر وزیر اعلیٰ ناصر راجہ، بہروز کمال راجہ، مجاد مقصود بٹ، I.Gپنجاب انعام غنی، ایڈوکیٹ جنرل پنجاب احمد اویس، سیکرٹری پنجاب اسمبلی محمد خان بھٹی، سیکرٹری اطلاعات راجہ جہانگیر انوار، سیکرٹری لیبر احمد جاوید قاضی، ایڈیشنل ایڈوکیٹ جنرل جواد یعقوب، ایڈیشنلI.G اسپیشل برانچ، C.C.P.O غلام محمد ڈوگر سمیت متعدد افسران، ذمہ داران دعوت اسلامی اور دیگر افراد نے شرکت کی۔

نماز جنازہ کے بعد مرحومہ کے اہلِ خانہ سے تعزیت کی گئی جبکہ دیگر شخصیات نے رکن شوریٰ حاجی یعفور رضا عطاری سے ملاقات کی۔

یکم اگست 2021ء کو دعوت اسلامی کے شعبہ FGRFکے تحت پاکستان بھر میں شجر کاری مہم کا سلسلہ ہوا جس میں کثیر عاشقان رسول نے پودے لگائے۔

اسی سلسلے کو آگے بڑھاتے ہوئے سویڈیش کالج گجرات میں شجر کاری کی گئی۔ شجر کاری میں رکن شوریٰ حاجی محمد اظہر عطاری، میڈیا پرسن، سیاسی اور دیگر شخصیات نے حصہ لیا۔اس موقع پر رکن شوریٰ نے شجر کاری کے حوالے سے مدنی پھول بھی ارشاد فرمائے۔

دعوتِ اسلامی کے زیرِ اہتمام 31 جولائی 2021ء  کو گورنر ہاؤس سندھ میں ایک  میٹ اَپ رکھا گیا جس میں گورنر سندھ عمران اسماعیل اور دیگرشخصیات سمیت میڈیا کے نمائندگان نے شرکت کی۔

اس موقع پر ترجمان دعوتِ اسلامی و رکن شوریٰ مولاناحاجی عبدالحبیب عطاری اورمجلسِ رابطہ کے محمدیوسف سلیم عطاری نے دعوتِ اسلامی کی شجر کاری مہم سے متعلق حاضرین کوآگاہی فراہم کی۔

مولانا عبدالحبیب عطاری نے گورنر سندھ کے ہمراہ گورنر ہاؤس میں شجرکاری کرتے ہوئے پودے بھی لگائے۔

واضح رہےکہ دعوتِ اسلامی کی جانب سے یکم اگست 2021ء کو Plantation Day منایا گیاجس میں کراچی کے علاوہ پورے پاکستان میں ہزاروں پودے لگائے گئے۔ کراچی میں کورونا کی بڑھتی ہوئی صورتِ حال کے پیشِ نظر شجرکاری کو مؤخر کردیا گیا۔ اگلی تاریخ کا اعلان جلد کیاجائے گا۔ 

دعوت اسلامی  ملکِ پاکستان کو سرسبز و شاداب بنانے کے لئے یکم اگست 2021ء کو ملک بھر میں شجر کاری کے حوالے سے Plantation Day منانے جارہی ہے۔

اسی سلسلے میں نگران کابینہ محمود آباد اور دیگر عاشقان رسول نے یکم اگست کو شجر کاری کرنے کے لئے مختلف پارکس، گراؤنڈ اور اسکول کا دورہ کیا جہاں انہوں نےپودے لگانے کے لئے مقامات کا تعین کیا اور گڑھے کھودے ۔ (رپورٹ: خادم حسین عطاری، نگران کابینہ محمودآباد)

رکن زون شعبہ رابطہ برائے ہومیو پیتھک آصف عطاری، رکن زون شعبہ رابطہ برائے شخصیات مدثر عطاری مدنی اور رکن زون شعبہ تعلیم عمر دراز عطاری نے کلین اینڈ گرین ڈسٹرکٹ کوآرڈینیٹر پرائم منسٹر پاکستان رائے حسن کھرل کے ہمراہ ایڈیشنل ڈپٹی کمشنر حامد ناصر گورائیہ، اسسٹنٹ کمشنر میاں مراد حسین، ڈسٹرکٹ ایمرجنسی آفیسر ریسکیو 1122 نعیم اختر،  I.Rانچارج پولیس لائن خان صاحب، ریڈر ٹو ڈی پی او سمیع اللہ، ایس پی انویسٹی گیشن نعیم عزیز سندھوسے ملاقات کی۔شخصیات کو شعبہ FGRF کے تحت ہونے والی شجر کاری مہم کے بارے میں بریفنگ دی گئی جبکہ شخصیات نے دعوت اسلامی کے اس اقدام کو سراہا اور اپنے تعاون کی یقین دہانی کروائی۔

بعد ازاں شجر کاری کے لئے مختلف پوائنٹس اور نرسری کا وزٹ کیا گیا۔ 

دعوت اسلامی کے شعبہ رابطہ برائے شخصیات کراچی ریجن کے ذمہ دار حاجی یعقوب عطاری، یحییٰ نور عطاری اور غلام محبوب عطاری نےڈپٹی کمشنر ایسٹ آصف جان صدیقی سے ملاقات کی۔

حاجی یعقوب عطاری نے انہیں دعوت اسلامی کے دینی و فلاحی کاموں کے متعلق بریفنگ دی اور یکم اگست 2021ء سے شعبہ FGRFکے تحت شروع ہونے والی شجر کاری مہم میں شرکت کرنے کی دعوت دی۔

دعوتِ اسلامی کے زیرِ اہتمام جمعرات کی شب دنیا بھر میں مختلف مقامات پر ہفتہ وار اجتماعات منعقد کئے جاتے ہیں جن میں مبلغینِ دعوتِ اسلامی سنتوں بھرے بیانات فرماتے ہیں جبکہ اجتماعی ذکرو دعا کا سلسلہ بھی ہوتا ہے۔ اجتماع کے بعد عاشقان رسول علمِ دین حاصل کرنے اور نیکی کی دعوت کو عام کرنے کے لئے مدنی قافلے میں بھی سفر کرتے ہیں۔

اسی سلسلے میں29 جولائی 2021ء کو مدنی مرکز فیضان مدینہ شاہ جہانگیر روڈگجرات میں ہفتہ وار اجتماع منعقد ہوگا جو کہ مدنی چینل پر براہِ راست نشر کیاجائے گا۔ اس ہفتہ وار اجتماع میں دعوتِ اسلامی کی مرکزی مجلسِ شوریٰ کے رکن مولانا حاجی اسد عطاری مدنی ”پودا لگاؤ اجر کماؤ“ کےموضوع پر خصوصی بیان فرمائیں گے۔ اجتماع کا آغاز بعدِ عشاء تقریباً 9:45 پر ہوگا۔

تمام عاشقان رسول سے گزارش کی جاتی ہے کہ اپنے اپنے علاقے میں ہونے والے ہفتہ وار اجتماع میں شرکت کریں۔

پنجاب کے شہراوکاڑہ میں دعوتِ اسلامی  کی مجلس رابطہ بالعلماء کی دعوت پر ڈاکٹر مولانا مصباح الحق صاحب اور حضرت ڈاکٹر مولانا سلیمان مصباحی صاحب کی فیضان مدینہ اوکاڑہ تشریف آوری ہوئی۔

رکنِ شوریٰ و فیصل آباد ریجن کے نگران حاجی محمدرفیع العطاری نے دونوں شخصیات سے ملاقات کی اور انہیں دعوتِ اسلامی کے مختلف شعبہ جات بالخصوص فلاحی شعبے FGRF کے متعلق بریفنگ دی۔

ڈاکٹر مولانا مصباح الحق صاحب اور حضرت ڈاکٹر مولانا سلیمان مصباحی صاحب کو فیضانِ مدینہ اوکاڑہ میں قائم فیضان آن لائن اکیڈمی سمیت مختلف شعبہ جات کا وزٹ بھی کروایا گیا جس پر دونوں شخصیات نے دعوت اسلامی کے کاموں کو سراہا اور مزیدترقی کے لئے دعائیں کیں۔ 

دعوت اسلامی کے زیر اہتمام 15جولائی 2021ء کو کشمور زون کے شہر سرحد میں مدنی حلقے کا انعقاد کیا گیا جس میں سرحد ڈویژن کے ذمہ داران اور دیگر اسلامی بھائیوں نے شرکت کی۔

مرکزی مجلس شوریٰ کے رکن حاجی ایاز عطاری نے ”نیکی کرنے کے فضائل“ پر مدنی پھول بیان فرمائے اور 6اگست 2021ء سے خود بھی اور دیگر عاشقان رسول کو ایک ماہ کے مدنی قافلے میں سفر کروانے کے ساتھ ساتھ انہیں گناہوں سے نفرت دلاتے ہوئے توبہ کروانے کا ذہن دیا۔

دعوت اسلامی کے تحت15 جولائی 2021ء کو کشمور زون کے شہر سرحد میں مدنی مشورہ ہوا جس میں اراکینِ زون ونگران کابینہ، ڈویژن مشاورت، نگران چرم قربانی اور اجتماعی قربانی کے ذمہ دارنے شرکت کی۔

مرکزی مجلس شوریٰ کے رکن حاجی محمد ایاز عطاری نے چرم قربانی کی سابقہ کارکردگی کا جائزہ لیااور رواں سال کے اہداف دیئے۔ رکن شوریٰ نے اجتماعی قربانی کے حوالے سے اب تک کی تیاری کا فالواپ کیا اور اسے اچھے انداز میں پایۂ تکمیل تک پہچانے اور دیگر کاموں پر کلام کیا۔ اس موقع پر ذمہ داران کو ایک ماہ کے مدنی قافلے میں سفر کرنے کے اہداف دیئے گئے اور ہاتھوں ہاتھ ذمہ داران کو تیار بھی کیا گیا۔

مدنی مشورے میں شرکا کو گھریلوصدقہ بکس کے فوائد بتائے گئے اور یکم اگست 2021ء سے پاکستان بھر میں شروع ہونے والے شجر کاری مہم پر بریفنگ دیتے ہوئے گودام پر آنے والے اسلامی بھائیوں کے ساتھ خیر خواہی کرنے کے حوالے سے ذمہ داران کو ذہن دیا۔

آخر میں 12 دینی کاموں میں نمایاں کارکردگی پر ڈویژن نگرانوں کو تحائف پیش کئے گئے۔ (رپورٹ: محمد عمیر رضا عطاری، معاون نگران ریجن دفتر ذمہ دار)

دار الافتاء اہل سنت کے ہیڈ آفس میں مجلس تحقیقات شرعیہ(دعوت اسلامی) کا دو روزہ اجلاس  اختتام پذیر

کئی اہم مسائل زیرِ غور آئے

تفصیلات کے مطابق 14 جولائی سے شروع ہونے والا مجلس تحقیقاتِ شرعیہ(دعوت اسلامی) کا دو روزہ اجلاس اختتام پذیر ہوگیا۔

دعوتِ اسلامی کے شب و روز کو ملنے والی رپورٹ کے مطابق اس اجلاس میں دو اہم موضوعات (1)اعانت علی الاِثم کے تعلق سے عصر حاضر کے بعض اہم مسائل اور (2) آن لائن خریداری کے تعلق سے بعض اہم مسائل پر بحث گفتگو کی گئی۔

اجلاس میں کراچی، لاہور، راولپنڈی ، ملتان اور حیدرآباد سے دار الافتاء اہل سنت کے وہ علما و مفتیان کرام تشریف لائے جو تحقیقاتِ شرعیہ کے رکن ہیں۔

دار الافتاء اہل سنت کے ہیڈ آفس میں مجلس تحقیقات شرعیہ(دعوت اسلامی) کا دو روزہ اجلاس  اختتام پذیر

کئی اہم مسائل زیرِ غور آئے

تفصیلات کے مطابق 14 جولائی سے شروع ہونے والا مجلس تحقیقاتِ شرعیہ(دعوت اسلامی) کا دو روزہ اجلاس اختتام پذیر ہوگیا۔

دعوتِ اسلامی کے شب و روز کو ملنے والی رپورٹ کے مطابق اس اجلاس میں دو اہم موضوعات (1)اعانت علی الاِثم کے تعلق سے عصر حاضر کے بعض اہم مسائل اور (2) آن لائن خریداری کے تعلق سے بعض اہم مسائل پر بحث گفتگو کی گئی۔

اجلاس میں کراچی، لاہور، راولپنڈی ، ملتان اور حیدرآباد سے دار الافتاء اہل سنت کے وہ علما و مفتیان کرام تشریف لائے جو تحقیقاتِ شرعیہ کے رکن ہیں۔