نامور نعت خواں، مداحِ درِ حبیب، عاشقِ رسول جناب خالد حسنین خالد صاحب  دل کے عارضے میں مبتلا رہنے کے بعد 18 دسمبر 2021ء کو 43 سال کی عمر میں اپنے خالق حقیقی سے جاملے۔اِنَّا لِلہِ وَاِنَّا اِلَیْہِ رٰجِعُوْن۔

ضلع چکوال سے تعلق رکھنے والے مرحوم خالد حسنین خالد کی نماز جنازہ آستانہ عالیہ بھیرہ شریف کے سید امین الحسنات شاہ صاحب کی امامت میں ریلوے گراؤنڈ میں ادا کردی گئی۔ ایک رپورٹ کے مطابق نماز جنازہ میں تقریباً سوا لاکھ عاشقان رسول شریک ہوئے جس میں پیر حسنین فاروق شاہ صاحب سجادہ نشین آستانہ عالیہ چورہ شریف، صاحبزادہ ندیم سلطان قادری صاحب سجادہ نشین جھونگل شریف، پیر سید عاشق حسین شاہ صاحب میال شریف، پیر سید سلطان شاہ ہمدانی میال شریف، خلیفہ مجاز کھمکول شریف اسلام آباد رانا شیر خان صاحب سمیت بڑی تعداد میں نعت خوان حضرات اور دیگر سیاسی ، سماجی، مذہبی و روحانی شخصیات نے شرکت کی۔

مرحوم ثناءخوان مصطفٰے صلَّی اللہ علیہ واٰلہٖ وسلَّم خالد حسنین خالد کو انہیں کے بنائے ہوئے اور انہیں کے زیر انتظام چلنے والے جامعۃ المصطفٰے چوآچوک چکوال میں سپردِ خاک کردیا گیا۔

معروف نعت خواں خالد حسنین خالد کا تعلق ایک پسماندہ اور متوسط گھرانے سے تھا اور انہوں نے نورِ مجسم نعت اکیڈمی بنا کر نعت خوانی کا آغاز کیاتھا۔ مرتضیٰ ہوٹل کے عقب میں نور مجسم نعت اکیڈمی بنائی گئی جہاں سے خالد حسنین خالد کے متعدد شاگردوں نے نعت خوانی کی تربیت حاصل کی اور پھر ان کاشمار بھی معروف نعت خوانوں میں ہونے لگا تھا۔خالد حسنین خالد کو دنیا بھر کے اسلامی ممالک کے علاوہ برطانیہ میں بھی حضور صلَّی اللہ علیہ واٰلہٖ وسلَّم کی شان اقدس میں نعتیں پڑھنے کا اعزاز حاصل ہوا اور وہ عالمی سطح پر نعت خوانی میں اپنا ایک خاص مقام رکھتے تھے۔

ان کے انتقال سے قبل کی ایک ویڈیو کافی وائرل ہوئی ہے جس میں اللہ کا ذکر کرتے ہوئے دکھائی جارہے ہیں۔ جب یہ ویڈیو مدنی مذاکرے میں بھی چلائی گئی تو امیر اہلسنت دامت بَرَکَاتُہمُ العالیہ نے مدنی پھول ارشاد فرماتے ہوئے فرمایا کہ آخری لمحے میں اللہ کا ذکر کرنا بڑی خوش نصیبی ہے۔ حدیث پاک میں ہے کہ ”جس کا آخری کلام لاالہ الا اللہ ہو، وہ جنت میں داخل ہوگا“۔سبحان اللہ ، اللہ پاک خالد حسنین خالدصاحب کے صدقے ہمیں بھی کلمہ نصیب فرمائے۔ اٰمین

آپ دامت بَرَکَاتُہمُ العالیہ نے مزید مدنی پھول ارشاد فرماتے ہوئے کہا کہ آقا کے ثناء خوانوں کی چاندی ہی چاندی ہے، نعت خوانی کوئی معمولی شرف نہیں ہے۔ جس کو ملے ملے، مگر نعت اللہ کی رضا کے لئے پڑھی جائے ، اگر بالفرض کوئی پیسوں کے لئے پڑھتا ہےکہ اگر پیسے نہیں ملیں گے تو نہیں پڑھیں گےتو پھر ایسے نعت خوانوں کے لئے کوئی فضیلت نہیں ہے بلکہ پیسے کے لئے پڑھنا گناہ ہے۔ جو نعت خواں اللہ کی رضا کے لئے نعت پڑھے گا تو ان شاء اللہ اس کا بیڑہ پار ہوگا۔ سرکار کی نعت خوانی یہ بہت بڑا شرف ہے۔ اللہ ہم سب کو نصیب فرمائے۔ اٰمین ۔

نعت خوانی موت بھی ہم سے چھڑا سکتی نہیں

قبر میں بھی مصطفٰے کے گیت جاتے جائیں گے

گزشتہ دنوں کورنگی کے علاقے الیاس گوٹھ میں قائم عطیہ نثار مسجد میں دعوتِ اسلامی کے تحت سنتوں بھرے اجتماع کا اہتمام کیا گیا جس میں مقامی اسلامی بھائیوں سمیت کثیر عاشقانِ رسول نے شرکت کی۔

اس اجتماعِ پاک میں رکنِ مرکزی مجلسِ شوریٰ حاجی محمد امین عطاری نے سنتوں بھرا بیان کرتے ہوئے اسلامی بھائیوں کی دینی اوراخلاقی اعتبار سے تربیت فرمائی۔

بعدازاں دعااور صلوٰۃ و سلام کا بھی سلسلہ رہا نیز دو بزرگ اسلامی بھائیوں نے رکنِ شوریٰ کے ہاتھوں عمامہ شریف سجانے کی سعادت حاصل کی۔

رکنِ شوریٰ نے اسلامی بھائیوں کو ترغیب دلانے کے لئے چوک درس دیا اور وہاں موجود اسلامی بھائیوں کو اسے جاری رکھنے کی نیت بھی کروائی۔

اس موقع پر مرکزی مجلسِ شوریٰ کے رکن حاجی امین قافلہ عطاری سمیت دیگر اہم ذمہ داران اس اجتماعِ پاک میں شریک تھے۔( کانٹینٹ:غیاث الدین عطاری)

پچھلے دنوں دعوتِ اسلامی کے تحت بلوچستان میں ایک شخصیت کے گھر پر سیکھنے سکھانے کا حلقہ لگایا گیا جس میں سونے(گولڈ) کے تاجران سمیت دیگر شخصیات نے شرکت کی۔

اس موقع پر مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری کی آمد کا بھی سلسلہ رہا،نگرانِ پاکستان مشاورت نے ’’اصلاحِ معاشرہ ‘‘کے موضوع پر سنتوں بھرا بیان کرتے ہوئےوہاں موجود اسلامی بھائیوں کو دعوتِ اسلامی کی دینی وفلاحی خدمات سے آگاہ کیا۔بعدازاں عاشقانِ رسول نے نگرانِ پاکستان مشاورت سے ملاقات بھی کی۔

اس موقع پر مرکزی مجلسِ شوریٰ کے رکنِ حاجی محمد امین عطاری بھی موجود تھے۔(کانٹینٹ:غیاث الدین عطاری)

پچھلے دنوں دعوتِ اسلامی کے تحت نواب شاہ میں ایک شخصیت کے گھر پر سیکھنے سکھانے کا حلقہ لگایا گیا جس میں سونے(گولڈ) کے تاجران سمیت دیگر شخصیات نے شرکت کی۔

اس موقع پر مرکزی مجلسِ شوریٰ کے رکن و نگرانِ پاکستان مشاورت حاجی محمد شاہد عطاری کی آمد کا بھی سلسلہ رہا،نگرانِ پاکستان مشاورت نے ’’اصلاحِ معاشرہ‘‘ کے موضوع پر سنتوں بھرا بیان کرتے ہوئےوہاں موجود اسلامی بھائیوں کو دعوتِ اسلامی کی دینی وفلاحی خدمات سے آگاہ کیا۔بعدازاں عاشقانِ رسول نے نگرانِ پاکستان مشاورت سے ملاقات بھی کی۔(کانٹینٹ:غیاث الدین عطاری)

پچھلے دنوں دعوتِ اسلامی کے تحت مدنی مرکز  فیضانِ مدینہ جوہر ٹاؤن لا ہور میں مدنی مشورے کا انعقاد کیا گیا جس میں اراکینِ شوریٰ حاجی رفیع عطاری، حاجی یعفور رضا عطاری، حاجی اسلم عطاری، حاجی منصور عطاری، حاجی جنید عطاری، حاجی اظہر عطاری، حاجی اسد عطاری مدنی اور حاجی وقارالمدینہ عطاری سمیت اہم ذمہ داران نے شرکت کی۔

اس مدنی مشورے میں دعوت اسلامی کی مرکزی مجلسِ شوریٰ کے رکن ونگران پاکستان مشاورت حاجی محمد شاہدعطاری نے دعوت اسلامی کی تنظیمی تقسیم کاری کے اعتبار سے صوبہ پنجاب کو علیحدہ صوبہ بنانے کا اعلان کیا اور اس کے ساتھ ہی صوبائی مشاورت، ڈویژن مشاورت اور ڈویژن نگرانوں کا اعلان کیا۔

الحمد للہ عزوجل صوبۂ پنجاب کے صوبائی نگران رکنِ شوریٰ حاجی اسلم عطاری، لاہور ڈویژن ومیٹرو پولیٹن کے نگران رکنِ شوریٰ حاجی یعفور عطاری ، پنڈی ڈویژن و اسلام آباد کےنگران رکنِ شوریٰ حاجی وقارالمدینہ عطاری، جہلم ڈویژن کے نگران رکنِ شوریٰ حاجی بغداد عطاری، گجرانوالہ کے نگران رکنِ شوریٰ حاجی اظہر عطاری اوراوکاڑاہ ڈویژن کے نگران رکنِ شوریٰ حاجی رفیع عطاری مقررہوئے۔

پچھلے دنوں دعوت اسلامی کے تحت پنجاب کے شہر ننکانہ میں ہفتہ وار سنتوں بھرےاجتماع  کا اہتمام کیا گیا جس میں مقامی اسلامی بھائیوں سمیت دعوتِ اسلامی کے ذمہ داراسلامی بھائیوں نے کثیر تعدادا میں شرکت کی۔

اس سنتوں بھرے اجتماع میں مرکزی مجلسِ شوریٰ کے رکن ونگران پاکستان مشاورت حاجی محمد شاہدعطاری نے’’قبروں کے احوال‘‘ کے موضوع پر سنتوں بھرا بیان کرتے ہوئے وہاں موجود عاشقانِ رسول کو دعوت اسلامی کے 12 دینی کاموں میں شمولیت اختیار کرنے کا ذہن دیا نیز ہفتہ وار سنتوں بھرے اجتماع کے انعقاد کے لئے کوشش کرنے والےذمہ داران کی تربیت بھی فرمائی۔

بعدازاں نگرانِ پاکستان مشاورت نے دعا کروائی اور ذمہ داران نے اُن سے ملاقات کی۔(کانٹینٹ:غیاث الدین عطاری)

پچھلے دنوں دعوتِ اسلامی کے زیرِ اہتمام شارع فیصل پر گیارہویں شریف کے سلسلے میں سنتوں بھرے اجتماع کا انعقاد کیا گیا جس میں مقامی اسلامی بھائیوں سمیت تاجر ان نے بھی شرکت کی۔

اس موقع پر مرکزی مجلسِ شوریٰ کے رکن حاجی محمد امین عطاری نے غوث پاک رحمۃ اللہ علیہ کی سیرت پر مختصراً سنتوں بھرا بیان کرتے ہوئے اسلامی بھائیوں کی تربیت فرمائی۔

دعوتِ اسلامی کے تحت 18 دسمبر 2021ء بروز ہفتہ پاکستان کے شہر پتوکی میں قائم مدرسۃ المدینہ بوائز میں مدنی مشورے کا اہتمام ہوا جس میں مقامی ذمہ داراسلامی بھائیوں نے شرکت کی۔

اس مدنی مشورے میں نگرانِ کابینہ فیضان عطاری مدنی نے ذمہ داران نے دینی کاموں کے سلسلے میں گفتگو کرتے ہوئے مسجد درس اور چوک درس حوالے سے مشاورت کی۔

اس کے علاوہ نگرانِ کابینہ نے 24، 25، 26 دسمبر 2021ء کو دعوتِ اسلامی کے تحت راہِ خدا میں سفر کرنے والے مدنی قافلوں میں عاشقانِ رسول کو زیادہ سے زیادہ تعداد میں سفر کروانے کی ترغیب دلائی جس پر ذمہ داران نے اچھی اچھی نیتوں کا اظہار کیا۔(رپورٹ:علی ریاض عطاری شعبہ سکیورٹی ڈیپارٹمنٹ،کانٹینٹ:غیاث الدین عطاری)

پچھلے دنوں دعوت اسلامی کے زیر اہتمام  مدنی مرکز فیضانِ مدینہ جوہر ٹاؤن میں دینی حلقے کا انعقاد کیا گیا جس میں چائنیز لینگویج ڈیپارٹمنٹ کے اسلامی بھائیوں سمیت اسٹوڈنٹس نے شرکت کی۔

نگران ایسٹ ریجن محمد توصیف عطاری نے بذریعہ انٹرنیٹ ”کامیاب مبلغ کیسے بنا جائے؟“ کے موضوع پر سنتوں بھرا بیان کیا اور نیکی کی دعوت دینے کی فضیلت، مثالیں اور انداز وغیرہ کے حوالے سے تربیت فرمائی۔ بیان کے بعد اسلامی بھائیوں نے اپنی اچھی اچھی نیتوں کا اظہار بھی کیا۔ 

پچھلے دنوں صوبہ بلوچستان میں مدنی مشورہ ہوا جس میں دعوت اسلامی کی مرکزی مجلس شوریٰ کے رکن و نگران پاکستان حاجی محمد شاہدعطاری کی آمد ہوئی۔ اس مدنی مشورے میں صوبہ بلوچستان کو تنظیمی طور پر علیحدہ صوبہ شمار کیا گیا ۔

صوبہ بلوچستان کا تنظیمی طور پر زون سطح سے ڈویژن سطح تک ذمہ داران کی تقرری کا اعلان ہوا، نگران پاکستان حاجی محمد شاہدعطاری نے تقرری کاا علان کرتے ہوئے صوبہ بلوچستان کے صوبائی نگران قاری محمد انور عطاری کو مقرر فرمایا ۔

اس مدنی مشورے میں کراچی مشاورت کے نگران و رکن شوریٰ حاجی محمد امین عطاری اور صوبہ بلوچستان کے صوبائی نگران قاری محمد انور عطاری سمیت دیگر ذمہ داران بھی موجود تھے جبکہ نگران پاکستان حاجی محمد شاہدعطاری نے اسلامی بھائیوں سے ملاقات فرمائی۔

پچھلے دنوں حیدر آباد  فیضان مدینہ میں سند ھ مشاورت کا مدنی مشورہ ہوا جس میں دعوت اسلامی کی مرکزی مجلس شوریٰ کے رکن و نگران پاکستان حاجی محمد شاہدعطاری کی آمد ہوئی۔ اس مدنی مشورے میں نگران پاکستان نے ذمہ داران کی تقرری کا اعلان کرتے ہوئے سندھ مشاورت کے نگران رکن شوریٰ قاری ایاز رضا عطاری کو مقرر کیا ۔

اسی طرح سند ھ میں جتنے سرکاری ڈویژن ہیں ان ڈویژن کے نگران کا تقرر ہوا ۔ تقرر ہونے والے ذمہ داران کے نام کا اعلان نگران پاکستان حاجی محمد شاہدعطاری نے فرمایا ۔

اس مدنی مشورے میں سندھ مشاورت کے نگران رکن شوریٰ قاری ایاز رضا عطاری، رکن شوریٰ حاجی فاروق جیلانی عطاری اور دیگر ذمہ داران نےبھی شرکت کی ۔

نگران پاکستان حاجی محمد شاہدعطاری نے دینی کاموں میں اچھی کارکردگی والے ذمہ داران میں تحائف تقسیم فرمائے اور اسلامی بھائیوں سے ملاقات فرمائی۔

پچھلے دنوں ڈیرہ اللہ یار بلوچستان میں  نگران پاکستان حاجی محمد شاہد عطاری کی جامعۃالمدینہ کے طلبا اور اساتذہ کے درمیان آمد ہوئی جہاں نگران پاکستان نے طلبا کو پڑھائی کےساتھ دینی کامو ں میں شرکت کرنے کی ترغیب دلائی جس پر طلبا ئےکرام نے اچھی اچھی نیتوں کا اظہار کیا ۔

نگران پاکستان حاجی محمد شاہد عطاری نے طلبا ء سے ملاقات بھی فرمائی۔ اس موقع پر کراچی مشاورت کے نگران و رکن شوریٰ حاجی محمد امین عطاری ،صوبہ بلوچستان کے نگران قاری محمد انور عطاری اور جامعۃالمدینہ کے اساتذہ ئےکرام بھی موجود تھے۔