قطب الاقطاب، شہنشاہ بغداد، امام الاولیاء، سرکار غوث اعظم  شیخ عبد القادر جیلانی رضی اللہ عنہ کے سالانہ عرس کے موقع پر ہر سال کی طرح اس سال بھی دعوت اسلامی کے زیر اہتمام محفل نعت بسلسلہ بڑی گیارہویں شریف منعقد ہونے جارہی ہے۔

16 نومبر 2021ء منگل کی شب 08:30 بجے عالمی مدنی مرکز فیضان مدینہ کراچی سے مدنی چینل پر براہ راست محفل نعت کا سلسلہ شروع ہوجائے گا۔محفل کا آغاز تلاوت قرآن مجید سے ہوگا جس کے بعد نعت خوانی اور بیان کا سلسلہ ہوگا۔

اس پُر نور اجتماع میں عاشقان رسول ا میر اہلسنت دامت برکاتم العالیہ کے ہمراہ جلوسِ غوثیہ میں شرکت کریں گے جس کے بعد مدنی مذاکرے کا سلسلہ ہوگا۔ مدنی مذاکرے میں امیر اہلسنت علامہ مولانا محمد الیاس عطار قادری دامت برکاتم العالیہ ”سیرت غوث پاک رضی اللہ عنہ“ پر مدنی پھول ارشاد فرمائیں گے۔محفل نعت میں بارگاہِ غوثیت میں منقبتیں بھی پڑھی جائیں گی جبکہ آخر میں صلوۃ و سلام اور دعا کا سلسلہ ہوگا۔

صلوۃ و سلام کے بعد غلامان غوث پاک کے لئے لنگر غوثیہ کا بھی اہتمام ہوگا۔

تمام عاشقان رسول سے اس اجتماع پاک میں شرکت کرنے کی درخواست ہے۔

دعوت اسلامی کے شعبہ رابطہ برائے شوبز کے زیر اہتمام 11 نومبر 2021ء کو کراچی میں اجتماع ذکرو نعت کا انعقاد کیا گیا جس میں شوبز سے وابستہ افراد نے شرکت کی۔

مرکزی مجلس شوریٰ کے رکن حاجی محمد اظہر عطاری نے سنتوں بھرا بیان کیا اور شرکا کو نیکی کی دعوت دیتے ہوئے ہفتہ وار اجتماع میں شرکت کرنے اور مدنی قافلے میں سفر کرنے کی ترغیب دلائی۔

دعوت اسلامی کے زیر اہتمام 11 نومبر 2021ء کو ممتاز آباد ملتان میں اجتماع میلاد کا انعقاد کیا گیا جس میں کثیر تعداد میں عاشقان رسول اور ذمہ داران دعوت اسلامی نے شرکت کی۔

مرکزی مجلس شوریٰ کے رکن حاجی قاری سلیم عطاری نے ”عشق رسولﷺ“ کے موضوع پر سنتوں بھرا بیان کیا اور شرکا کو سیرت رسول صلَّی اللہ علیہ واٰلہٖ وسلَّم کو اپناتے ہوئے زندگی گزارنے کی ترغیب دلائی۔

جامعہ اسلامیہ عربیہ انوار العلوم ملتان میں11 نومبر 2021ء کو غزالیٔ زماں، رازی دوراں حضرت علامہ سید احمد سعید کاظمی رحمۃ اللہ تعالٰی علیہ کے یوم ولادت کے سلسلے میں ایک تقریب کا انعقاد کیا گیا جس میں مرکزی مجلس شوریٰ کے رکن حاجی جنید عطاری مدنی، نگران مجلس رابطہ بالعلماء کے نگران مولانا افضل عطاری مدنی اور دیگر ذمہ داران نے شرکت کی۔

تقریب کے بعد رکن شوریٰ نے جگر گوشۂ غزالیٔ زماں، شیخ الحدیث علامہ ارشد سعید کاظمی شاہ صاحب دَامَتْ بَرَکَاتُہُمُ الْعَالِیَہ سے ملاقات کی۔رکن شوریٰ نے انہیں دعوت اسلامی کےدینی و فلاحی کاموں کا تعارف پیش کیاجسے انہوں نے خوب سراہا اور امیر اہلسنت دَامَتْ بَرَکَاتُہُمُ الْعَالِیَہ اور دعوت اسلامی کے لئے دعائیں کیں۔

دعوتِ اسلامی کےتحت ملک بھرمیں عطیات مہم کاسلسلہ جاری ہےجس میں دعوتِ اسلامی کےشعبےجامعۃالمدینہ،مدرسۃالمدینہ اورکنزالمدارس بورڈکےجملہ اخراجات کےلئےعطیات جمع کئےجارہےہیں۔

مرکزی مجلسِ شوریٰ کےاراکین حاجی یعفور رضا عطاری اوررکنِ شوریٰ ونگرانِ پاکستان مشاورت حاجی محمدشاہدعطاری کی گوجرانوالہ زون میں تشریف آوری ہوئی۔

الحمدللہ عزوجل اراکینِ شوریٰ سمیت ذمہ داران کی کوشش سےاب تک تقریباً800یونٹ جمع کئےجاچکےہیں ،مقامی اسلامی بھائیوں سےاس عطیات مہم میں اپناحصہ ملانےکی درخواست ہے۔(کانٹینٹ: غیاث الدین عطاری)

پچھلےدنوں کراچی میں نگرانِ کلفٹن کابینہ کی وا لدہ کاانتقال ہوگیاجس پر ذمہ دارانِ دعوتِ اسلامی نےاُن سےتعزیت کی۔اس دوران مرکزی مجلسِ شوریٰ کےاراکین حاجی محمد امین عطاری ،حاجی محمدعلی عطاری،حاجی فضیل رضاعطاری اورحاجی سیّدلقمان عطاری نےتعزیت کرتےہوئےنگرانِ کابینہ کوصبرکی تلقین کی۔

دعوت اسلامی کے شعبہ اسپیشل پرسنز ڈیپارٹمنٹ کے زیر اہتمام آج 12 نومبر 2021ء سے عالمی مدنی مرکز فیضان مدینہ کراچی میں گونگے، بہرے،  نابینا اور معذور افراد کا 3 دن کے لئے سنتوں بھرے اجتماع کا آغاز ہوگیا ہے ۔

اس اجتماع میں مبلغین دعوت اسلامی اور اراکین شوریٰ وقتاً فوقتاً سنتوں بھرے بیانات فرمائیں گے جبکہ پاکستان بھر سے آنے والے اسلامی بھائی اجتماع کے تینوں دن مدنی مذاکرے میں امیر اہلسنت دَامَتْ بَرَکَاتُہُمُ الْعَالِیَہ کےمدنی پھول سماعت کرتے ہوئے خصوصی مدنی مذاکرے میں بھی شرکت کریں گے۔

یہ اجتماع 14 نومبر 2021ء بروز اتوار تک جاری رہے گا۔

تقریباً ڈھائی ماہ قبل مہران ٹاؤن فیکٹری کورنگی میں ہونے والے سانحہ میں رنچھوڑ لائن کابینہ سے تعلق رکھنے والے ایک ہی خاندان کہ 7 افراد انتقال کرگئے تھے۔

اسی سلسلے میں شعبہ FGRFکے ذمہ داران کامران عطاری، شہزاد عطاری اور فواد عطاری نے ان کے ورثہ کے گھر جاکر ملاقاتیں کیں اور مرحومین کے لواحقین میں نقد رقم تقسیم کئے۔ ذمہ داران نے لواحقین کو اپنے مرحومین کے ایصالِ ثواب کے لئے مدنی مذاکرہ اور ہفتہ وار اجتماع میں شرکت کرنے اور مدنی قافلے میں سفر کرنے کی نیتیں کروائیں۔

دعوت اسلامی کے شعبہ شارٹ کورسز کے زیر اہتمام صدر کراچی کی طیبہ مسجد میں کورس کا سلسلہ جاری ہے۔

دوران دینی حلقے کا سلسلہ ہوا جس میں کورسز کے طلبہ نے شرکت کی۔نگران ریجن برمنگھم یوکے حاجی سید فضیل رضا عطاری نے سنتوں بھرا بیان کیا اور شرکا کو کورس مکمل کرنے بعد جو کچھ سیکھا اس پر عمل کرتے ہوئے نیکی کی دعوت کی دھومیں مچانے کی ترغیب دلائی۔ 

دعوت اسلامی کے شعبہ خدام المساجد و المدارس کے تحت ڈڈیال کشمیر میں جامعۃ المدینہ کے قیام کے لئے تعمیرات کا سلسلہ جاری تھا۔ تعمیرات کے بعدشاندار انداز میں تزئین و آرائش کے ساتھ اس عمارت کو مکمل کرلیا گیا۔

9نومبر 2021ء کو مرکزی مجلس شوریٰ کے رکن حاجی مولانا عبد الحبیب عطاری نے جامعۃ المدینہ فیضان عشق رسول کا افتتاح کیا۔

افتتاح کے موقع پر سنتوں بھرے اجتماع کا انعقاد کیا گیا جس میں مقامی عاشقان رسول اور ذمہ داران دعوت اسلامی نے شرکت کی۔رکن شوریٰ حاجی مولانا عبد الحبیب عطاری نے سنتوں بھرا بیان فرمایا اور شرکا کو اس جامعۃ المدینہ میں اپنے بچوں کو داخل کروانے، دینی کاموں میں شرکت کرنے اور عطیات مہم میں بڑھ چڑھ کر حصہ لینے کی ترغیب دلائی۔

اس موقع پر نگران ریجن برمنگھم حاجی سید فضیل عطاری بھی موجود تھے۔

نگران ریجن برمنگھم حاجی سید فضیل رضا عطاری ان دنوں پاکستان کے دورے پر ہیں۔ دورے میں حاجی فضیل رضا عطاری شعبہ FGRF کے مختلف پروجیکٹ، مدارس المدینہ اور مدنی مراکز کا دورہ کررہے ہیں۔

اسی سلسلے میں نگران ریجن برمنگھم حاجی سید فضیل رضا عطاری نے پلاک کشمیر میں قائم دعوت اسلامی کے خوبصورت مدنی مرکز فیضان مدینہ اور اسپیشل پرسنز کے لئے بنائے گئے مدرسۃ المدینہ کا وزٹ کیا اور وہاں ہونے والے دینی کاموں کا جائزہ لیتے ہوئے مدرسۃ المدینہ کے طلبہ کے درمیان بیان فرمایا۔

واضح رہے کہ دعوتِ اسلامی نے نابینا، گونگے اور بہرے اسلامی بھائیوں کے لئے پاکستان میں مختلف مقامات پرمدارس قائم کئے ہوئے ہیں، کشمیر کے اس مدرسۃ المدینہ کا پاکستان کے اسپیشل پرسنز مدراس میں چوتھا نمبر ہے۔    

دعوتِ اسلامی کےتحت پچھلےدنوں ڈاکٹرزاسلامی بھائیوں نےعالمی مدنی مرکزفیضانِ مدینہ کراچی کاوزٹ کیاجہاں انہوں نےفیضانِ مدینہ کےآفس میں مرکزی مجلسِ شوریٰ کےرکن حاجی محمدامین عطاری سےملاقات کی۔