دعوتِ اسلامی کے زیر اہتمام  ہر جمعرات کو بعد نمازِ مغرب /بعض مقامات پر بعدِ عشاء ہفتہ وار سنتوں بھرے اجتماعات کا انعقاد کیا جاتا ہے۔ ہر ہفتے کی طرح آج  28 اکتوبر 2021ء  کی رات بھی دعوت اسلامی کے زیر اہتمام دنیا بھر میں ہفتہ وار سنتوں بھرے اجتماعات منعقد کئے جائینگے۔

تفصیلات کے مطابق مدنی چینل پر بعدِ عشاء تقریباً 9 بجے ہفتہ وار اجتماع شروع ہوجائے گا جس میں عالمی مدنی مرکز فیضانِ مدینہ کراچی سے بانیٔ دعوتِ ا سلامی حضرت علامہ مولانا ابو بلال محمد الیاس عطار قادری دَامَتْ بَرَکَاتُہُمُ الْعَالِیَہ خصوصی بیان فرمائیں گے ۔

تمام عاشقانِ رسول سے گزارش کی جاتی ہے کہ آپ بھی اپنے شہر میں ہونے والے سنتوں بھرے اجتماع میں ضرور شرکت فرمائیں۔ آپ کے قریب میں ہفتہ وار سنتوں بھرا اجتماع کہاں ہوتا ہے یہ جاننے کے لئے درج ذیل لنک پر کلک کیجئے۔

https://www.dawateislami.net/map/ijtema

دعوت اسلامی کے زیر اہتمام 23 اکتوبر 2021ء کو خیابان گارڈن فیصل آباد میں دینی حلقے کا انعقاد کیا گیا جس میں مختلف شخصیات اور دیگر عاشقان رسول نے شرکت کی۔

نگران پاکستان مشاورت حاجی محمد شاہد عطاری نے سنتوں بھرا بیان کیا اور شرکا کو دعوت اسلامی کے دینی و فلاحی کاموں میں بریفنگ دیتے ہوئے انہیں دینی کاموں میں عملی طور پر شرکت کرنے کی ترغیب دلائی۔ 

گورنرسندھ عمران اسماعیل کی جانب سے گورنر ہاؤس کراچی میں سیرت النبی صلَّی اللہ علیہ واٰلہٖ وسلَّم کانفرنس کا انعقاد کیا گیا جس میں کثیر تعداد میں علمائے اہلسنت، چیئرمین سیلانی ویلفیئر ٹرسٹ حاجی مولانا محمد بشیر فاروقی صاحب، دعوتِ اسلامی کی مجلسِ رابطہ کے حاجی یوسف سلیم عطاری اور اعلیٰ سطح کے حکومتی عہدیداران نے شرکت کی۔

سیرت النبی کانفرنس میں ماہر امور تجارت مفتی علی اصغر عطاری نے سنتوں بھرا بیان کیا جبکہ نعت خواں حضرات نے بارگاہ رسالت صلَّی اللہ علیہ واٰلہٖ وسلَّم نے گلہائے عقیدت پیش کئے ۔

کانفرنس کے اختتام پر گورنر سندھ نے علمائے کرام سے ملاقات کی اور شکریہ ادا کیا۔

صوبائی حکومت سندھ کے زیر اہتمام 23 اکتوبر 2021ء کو C.Mہاؤس میں جشن عید میلاد النبی صلَّی اللہ علیہ واٰلہٖ وسلَّم کے موقع پر محفل نعت کا انعقاد کیا گیا جس میں چیئرمین تنظیم المدارس اہلسنت پاکستان مفتی منیب الرحمن صاحب اور مفتی ابراہیم سوہو صاحب نے حضور نبی کریم صلَّی اللہ علیہ واٰلہٖ وسلَّم کی زندگی اور تعلیمات کے بارے میں گفتگو کی۔

پروگرام میں شرکت کرنے والوں میں بحرین، بنگلہ دیش، انڈونیشیا، عمان، اور قطر کے سفارتکار، صوبائی وزراء، چیف سیکرٹری، I.Gپولیس، مشیران، معاون خصوصی، تاجر، مذہبی اسکالرز، چیئرمین سیلانی ویلفیئر حاجی مولانا بشیر فاروقی صاحب، حاجی حنیف طیب جبکہ دعوتِ اسلامی کی مجلسِ رابطہ کے حاجی یوسف سلیم عطاری اور حاجی یعقوب عطاری سمیت دیگر افراد شامل تھے۔ محفل نعت میں نعت خواں صدیق اسماعیل، عمران شیخ عطاری، غلام شبیر یوسفی، حسن بن خورشید، محمد کامران قادری اور ریحان قادری نے بارگاہِ رسالت مآب صلَّی اللہ علیہ واٰلہٖ وسلَّم میں نذرانۂ عقیدت پیش کیا۔

آخر میں وزیر اعلیٰ سندھ سید مراد علی شاہ نے پروگرام میں شرکت کرنے پر مہمانوں کا شکریہ ادا کیا۔

دعوت اسلامی کے زیر اہتمام گوجرانوالہ واپڈا کالونی پارک میں اجتماع میں میلاد کا انعقاد کیا گیا جس میں مقامی لوگوں کی بڑی تعداد نے شرکت کی۔

مرکزی مجلس شوریٰ کے رکن حاجی محمد اظہر عطاری نے ”سیرت النبی صلَّی اللہ علیہ واٰلہٖ وسلَّم“ کے موضوع پر سنتوں بھرا بیان فرمایا اور شرکا کو سنت رسول صلَّی اللہ علیہ واٰلہٖ وسلَّم کے مطابق زندگی گزارنے کی ترغیب دلائی۔

شعبہ رابطہ برائے تاجران کے تحت لاہور میں پنجاب اسمبلی کے میڈیا کوآردینیٹر محمد اقبال چوہدری کی رہائش گاہ پر محفل نعت کا انعقاد کیا گیا جس میں مختلف شعبہ ہائے زندگی سے وابستہ افراد سمیت ذمہ دارن دعوت اسلامی نے شرکت کی۔

شعبہ نگران محمد ندیم عطاری نے ”جشن عید میلاد النبی صلَّی اللہ علیہ واٰلہٖ وسلَّم کی شان مبارکہ“ کے مو ضوع پر سنتوں بھرا بیان کیا جبکہ آخر میں صلوۃ و سلام کا سلسلہ بھی ہوا۔

گزشتہ روز دعوتِ اسلامی کے زیرِ اہتمام  پاکستان کے ایک اہم تعلیمی ادارے گورنمنٹ کالج یونیورسٹی لاہور کے بخاری آڈیٹوریم میں عظیم الشان میلاد اجتماع منعقد ہوا جس میں وائس چانسلر سمیت فیکلٹی ممبرز اور طلبہ کی بڑی تعداد نے شرکت کی۔

اجتماعِ میلاد میں مبلغِ دعوتِ اسلامی محمد ثوبان عطاری نے سنتوں بھرا بیان فرمایا اور شرکا کو نمازوں کا اہتمام کرنے اور دعوتِ اسلامی کے دینی کاموں میں شمولیت اختیار کرنے کی ترغیب دلائی۔ 

دعوت اسلامی کے زیر اہتمام کراچی میں قائم سرکاری ہسپتال جناح پوسٹ گریجویٹ میڈیکل سینٹر میں اجتماع میلاد کا انعقاد کیا گیا جس میں ہسپتال کے اسٹاف اور دیگر عاشقان رسول سمیت ذمہ داران دعوت اسلامی نے شرکت کی۔

نگران شعبہ مدنی چینل محمد اسد عطاری مدنی نے ”سیرت مصطفٰے ﷺ“ کے موضوع پر سنتوں بھرا بیان کیا اور شرکا کو سنت رسول ﷺ کو اپناتے ہوئے اپنی زندگی گزارنے کی ترغیب دلائی ۔ نگران شعبہ مدنی چینل نے اسلامی بھائیوں کودعوت اسلامی کے دینی ماحول سے وابستہ ہونے اور دین کے کا موں میں بڑھ چڑھ کر حصہ لینے کا ذہن دیا جس پر شرکا نے دعوت اسلامی کاوشوں کو سراہتے ہوئے ذمہ داران کا شکریہ ادا کیا۔ 

21 اکتوبر 2021ء کو دعوت اسلامی کے زیر اہتمام جامع مسجد بہزاد مین سخی حسن چورنگی، ناظم آباد کابینہ میں ہفتہ وار سنتوں بھرے اجتماع کے بعد دینی حلقے کا سلسلہ ہوا جس میں شرکائے اجتماع نے شرکت کی۔

نگران ریجن برمنگھم یوکے حاجی سید فضیل رضا عطاری نے سنتوں بھرا بیان کیا اور عاشقان رسول کو مدنی قافلے میں سفر کرنے کے ساتھ ساتھ دینی کاموں میں شرکت کرنے کی ترغیب دلائی۔

دعوتِ اسلامی کی مرکزی مجلسِ شوریٰ کے رکن ابو ماجد حاجی محمدشاہد عطاری مدنی نے20اکتوبر2021ءبروزبدھ دینی کاموں کےسلسلے میں فیصل آباد ریجن کے تین زون (فیصل آباد ،جڑوانوالہ اورجھنگ) کا مدنی مشورہ کیاجن میں اراکینِ زون سمیت دیگر ذمہ داراسلامی بھائیوں نے شرکت کی۔

دعوتِ اسلامی کے زیرِ اہتمام عبدالحمید جوکھیو گوٹھ نزد لکی سیمنٹ DHAسٹی سپر ہائی میں جشنِ عیدِ میلادالنبیﷺکےسلسلے میں اجتماعِ میلاد کاانعقاد کیاگیاجس میں مرکزی مجلسِ شوریٰ کے رکن حاجی محمدامین عطاری کی آمد کا سلسلہ ہوا۔