دعوتِ اسلامی کی مجلس  مدرسۃالمدینہ بالغان کے تحت 9فروری2020ء بروز اتوار مدنی مرکز فیضان مدینہ گوجرانوالہ میں مدنی مشورہ ہوا۔ مدنی مشورے میں رکن کابینہ ، ڈویژن ذمہ داران اور معلمینِ مدرسۃالمدینہ بالغان نے شرکت کی۔ اس موقع پر نگران کابینہ حافظ محمد قمرالدین عطاری نے ماہانہ کارکردگی، خودکفالت اور 12مدنی کاموں کا جائزہ لیا ۔نگران کابینہ نے اسلامی بھائیوں کو کابینہ کی نئی تقسیم کاری کے مطابق ڈویژن وائز ایریا میپ بھی سمجھایا تاکہ تمام علاقوں میں ان کی رسائی ممکن ہو اور خوب خوب نیکی کی دعوت اور فیضانِ قراٰن کو عام کیا جاسکے ۔آخر میں کارکردگی بہتر بنانے اور رمضان عطیات کے اہداف طے پائے جبکہ ذمہ داران کو اچھی کارکردگی کی بنیاد پر تحائف بھی پیش کئے گئے۔(رپورٹ:امتیاز احمد عطاری، رکن کابینہ مدرسۃالمدینہ بالغان)

دعوتِ اسلامی کی مجلس مدرسۃ المدینہ بالغان کے تحت یکم فروری 2020ء بروز ہفتہ کالیکی منڈی ضلع حافظ آبادمیں12 مدنی کام کورس  کا اہتمام ہوا۔ کورس میں ڈویژن ذمہ دار اسلامی بھائیوں نے شرکت کی۔ کورس میں اسلامی بھائیوں کو اپنے اپنے علاقوں میں 12 مدنی کاموں کو مضبوط کرنے کے حوالے سے ذہن دیا گیا۔

دعوتِ اسلامی کی مجلس  مدرستہ المدینہ بالغان کے تحت 24 جنوری2020ء بروز جمعۃ المبارک میانوالی زون، قائد آباد کابینہ میں مدنی حلقے کا اہتمام کیا گیا۔ مدنی حلقے میں مدرسہ بالغان میں پڑھنے والے اسلامی بھائیوں نے شرکت کی۔ اس موقع پر ذمہ دار اسلامی بھائی نے مدرستہ المدینہ بالغان میں مستقل پڑھنے اور ہفتہ وار اجتماع میں شرکت کرنے کا ذہن دیا۔(رپورٹ: محمد ظفر عطاری، فیصل آباد ریجن مجلس مدرستہ المدینہ بالغان )

دعوتِ اسلامی کی مجلس مدرسۃالمدینہ بالغان کے تحت ونی کے تارڑ ڈویژن کے زرعی بینک میں مدرسۃالمدینہ بالغان لگایا جاتا ہے۔  گزشتہ دنوں ریجن ذمہ دار اسلامی بھائی نے وہاں کا وزٹ کیا اور بینک منیجر سے ملاقات کی اور انہیں مدنی تحائف پیش کئے جبکہ ریجن ذمہ دار نےمقامی گورنمنٹ اسکول کا وزٹ کیا اور اساتذہ کے درمیان مدنی حلقہ لگایا۔ مدنی حلقے میں ریجن ذمہ دار نے انہیں دعوتِ اسلامی کے مدنی کاموں سے متعلق معلومات فراہم کرتے ہوئےمدرسۃالمدینہ بالغان میں پڑھنے کا ذہن دیا۔ 

گزشتہ دنوں دعوتِ اسلامی کی مجلس مدرسۃالمدینہ بالغان کے تحت ونی کے تارڑ ڈویژن حافظ آباد کابینہ میں مدنی مشورہ ہوا۔ مدنی مشورے میں معلمین اور ڈویژن ذمہ دار اسلامی بھائیوں نے شرکت کی۔ اس موقع پر ریجن ذمہ دار اور رکنِ زون اسلامی بھائی نے شرکائے مدنی مشورہ کو ادارے کو خود کفیل بنانے، عطیات بکس اور مدارس کی تعداد بڑھانے کے حوالے سے کوششیں کرنے کا ذہن دیا۔

دعوتِ اسلامی کی مجلس مدرسۃالمدینہ بالغان کے تحت گزشتہ دنوں پنڈی بھٹیاں کابینہ میں مجلس مدرسۃالمدینہ بالغان کے رکنِ زون اور ریجن ذمہ دار کی حاضری۔پنڈی بھٹیاں میں لگنے والے مدرسۃ بالغان کے ناظم و قاری صاحبان سے ملاقات کی اور مدنی حلقہ لگایا ۔ دوران ملاقات نئے مدارس کھولنے اور دیگر مدنی کام بڑھانے کے حوالے سے مدنی پھول دیئے۔ 

ڈویژن ولایت آباد میں نماز کا عملی طریقہ سیکھایا گیا

مدرسہ بالغان میں پڑھنے والے اسلامی بھائیوں کی شرکت

تفصیل:

دعوتِ اسلامی کی مجلس مدرسۃالمدینہ بالغان کے تحت 2 جنوری 2020 ء بروز جمعرات نورانی مسجد ڈویژن بلھے شاہ  قصورمیں ہفتہ وار اجتماع کے بعد مدنی مشورے کا سلسلہ ہوا جس میں علاقہ قادر آباد قصور کے ذمہ دار اسلامی بھائیوں نے شرکت کی۔ اس موقع پر نگرانِ کابینہ نے 12 مدنی کاموں کی ترقی، مساجد کی تعمیر اور مدرسۃالمدینہ بالغان لگانے کے حوالے سے ترغیب دلائی اور ذمہ داران سے مدنی کاموں کے حوالے سے مشاورت بھی کی۔

دعوتِ اسلامی کی مجلس مدرسۃالمدینہ بالغان  کے تحت 31 جنوری بروز منگل 2019 ء کوکراچی ریجن ساؤتھ سینٹرل زون، سرجانی کابینہ، ڈویژن حب ڈیم میں مدنی مشورہ ہوا جس میں کابینہ اور ڈویژن ذمہ داران نے شرکت کی۔ اس موقع پر نگرانِ کابینہ نے ذمہ داران کا مدنی مشورہ لیا جس میں مدرسۃ المدینہ بالغان لگانے اور مُنظَّم بنانے کے حوالے سے کلام ہوا۔(رپورٹ:محمد عمر عطاری، مجلس کارکردگی)

دعوتِ اسلامی کی مجلس مدرسۃالمدینہ بالغان کے تحت  پچھلے دنوں ذمہ داران اسلامی بھائیوں نے جھنگ میں مارکیٹ کا دورہ کیا جہاں مختلف کارخانوں اور دکانوں میں لگنے والےمدرستہ المدینہ بالغان میں حاضری دی اور وہاں مدنی حلقے بھی لگائے جس میں ان کی مدنی تربیت کی گئی ۔(محمد ظفر عطاری، فیصل آباد ریجن مجلس مدرستہ المدینہ بالغان)

دعوتِ اسلامی کی مجلس مدرسۃالمدینہ بالغان کے تحت 11 دسمبر بروز بدھ 2019 ء کو قصور کابینہ دلیاڑی شہرمیں مدرسۃالمدینہ بالغان کےرکن کابینہ  ذمہ دار اسلامی بھائی نے اسلامی بھائیوں کے ہمراہ علاقائی دورہ کیا اور مقامی لوگوں سے ملاقاتیں کرتے ہوئے انہیں مدرسۃالمدینہ بالغان میں شرکت کرنے کی دعوت پیش کی۔

دعوتِ  اسلامی کی مجلس مدرسۃ المدینہ بالغان کے تحت گورنمنٹ ہائی ا سکول نور پور واستہ محمد ڈیرہ اللہ یار زون میں مدنی حلقے کا انعقاد کیا گیا جس میں اسکول کے اساتذہ نے شرکت کی۔ ریجن ذمہ دار مجلس مدرستہ المدینہ بالغان نے شرکا کو نیکی کی دعوت پیش کرتے ہوئے دعوتِ اسلامی کے تحت دنیا بھر میں ہونے والے مدنی کاموں سے متعلق آگاہی فراہم کی اور 13 دسمبر 2019ء کو ایک ماہ کے قافلے میں سفر کرنے کی تر غیب دلائی۔(رپورٹ: محمد دانش عطاری، ریجن ذمہ دار ،مجلس مدرسۃ المدینہ بالغان)