دعوتِ اسلامی کے تحت جامعۃالمدینہ گرلز حلیمہ سعدیہ فیصل آباد میں ادارتی شعبہ جات کا مدنی مشورہ ہوا جس میں ڈسٹرکٹ و ڈویژن سطح کی تنظیمی ذمہ دار اسلامی بہنوں نےبھی  شرکت کی۔

دعوتِ اسلامی کی نگرانِ عالمی مجلسِ مشاورت اسلامی بہن نے اسلامی بہنوں سے گفتگو کرتے ہوئے انہیں مدنی مذاکرہ سمیت 8 دینی کاموں میں عملی طور پر شرکت کرنے کا ذہن دیا۔

علاوہ ازیں نگرانِ عالمی مجلسِ مشاورت نے نرمی اختیار کرنے اور انفرادی عبادت میں توجہ دینے کے حوالے سے اسلامی بہنوں کی ذہن سازی کی نیز دارالمدینہ کی اسلامی بہنوں کو ایجوکیشن ڈیپارٹمنٹ میں اور جامعۃالمدینہ گرلز کی ناظمۂ اعلیٰ کو نیو سوسائٹی میں دینی کام کرنے کی ترغیب دلائی گئی۔بعدازاں اسلامی بہنوں کے درمیان تحائف بھی تقسیم کئے گئے۔

پچھلے دنوں فیصل آباد کے مفتی امین صاحب کے بیٹے مولانا سعید احمد اسد کے انتقال پر اُن کے گھر کی خواتین سے دعوتِ اسلامی کی ذمہ دار اسلامی بہنوں کی ملاقات ہوئی۔

اس موقع پر نگرانِ عالمی مجلسِ مشاورت، فیصل آباد میٹروپولیٹن اور ڈویژن نگران سمیت دیگر ذمہ دار اسلامی بہنوں نےاہلِ خانہ سے تعزیت کرتے ہوئے انہیں صبر کی تلقین کی اور مرحوم کے لئے زیادہ سے زیادہ ایصالِ ثواب کرنے کی ترغیب دلائی۔

علاوہ ازیں نگرانِ عالمی مجلسِ مشاورت نے مرحوم کے لئے بےحساب مغفرت کی دعا کروائی نیز ذمہ داران کی جانب سے اہلِ خانہ کو ”صحابیات و نصیحتوں کے مدنی پھول“ کتاب تحفے میں پیش کی گئی۔

قراٰن و حدیث کی تعلیمات عام کرنے والی عاشقانِ رسول کی دینی تحریک دعوتِ اسلامی کے تحت پچھلے دنوں کراچی کے علاقے صدیق آباد میں واقع دارالسنہ میں کراچی سٹی، صوبۂ سندھ اور صوبۂ بلوچستان کے شعبہ مدرسۃالمدینہ بالغات اور قراٰن ٹیچر ٹریننگ کورس کا 2 دن پر مشتمل لرننگ سیشن ہوا جس میں کثیر ذمہ دار اسلامی بہنوں نے شرکت کی۔

تفصیلات کے مطابق اس لرننگ سیشن میں صاحبزادیِ عطار سلمہا الغفار نے اسلامی بہنوں کی تربیت و رہنمائی کرتے ہوئے انہیں مدنی پھولوں سے نوازا نیز ذمہ دار اسلامی بہنوں کی حوصلہ افزائی فرمائی۔

اس کے علاوہ عالمی مشاورت شعبہ ذمہ دار اسلامی بہن نے سنتوں بھرا بیان کیا اور شعبہ جات میں مزید بہتری لانے کے لئے اسلامی بہنوں کی ذہن سازی کی۔

اسی طرح دعوتِ اسلامی کی مرکزی مجلسِ شوریٰ کے رکن مولاناحاجی ابوماجد محمد شاہد عطاری مدنی اور رکنِ شعبہ نے بھی بذریعہ آڈیو لنک اسلامی بہنوں کے درمیان سنتوں بھرا بیان کیا اور شعبے میں درپیش مختلف مسائل کا حل بتایا۔

سیشن کے اختتام پر اسلامی بہنوں نے دعوتِ اسلامی کے دینی کاموں میں بہتری کے لئے اچھی اچھی نیتوں کا اظہار کیا۔

عاشقانِ رسول کی دینی تحریک دعوتِ اسلامی کے تحت 17جنوری       بروز منگل صوبہ بلوچستان کی مکران ڈویژن نگران اور دیگر ذمہ دار اسلامی بہنوں کا آن لائن مدنی مشورہ ہوا۔

اس مدنی مشورے میں نگرانِ پاکستان مجلسِ مشاورت اسلامی بہن نے مکران ڈویژن میں دعوتِ اسلامی کے تحت اسلامی بہنوں کے درمیان ہونے والے دینی کاموں کا جائزہ لیا اور انہیں مضبوط کرنے کا ذہن دیا۔

نگرانِ پاکستان مجلسِ مشاورت نے اجارہ اوقات کا درست استعمال کرنے اور ٹائم مینجمنٹ کے حوالے سے شرکا کو مدنی پھول دیئے۔

دنیا کے مختلف شعبہ ہائے زندگی سے تعلق رکھنے والےافراد کی دینی و اخلاقی تربیت کرنے والی عاشقانِ رسول کی دینی تحریک دعوتِ اسلامی کے تحت 17 جنوری 2023ء بروز منگل آن لائن مدنی مشورہ ہوا جس میں شعبہ فیضانِ مرشد کی ملک و صوبائی سطح کی نگران اور سٹی نگران اسلامی بہنیں شریک ہوئیں۔

تلاوتِ قراٰنِ پاک اور نعتِ رسولِ مقبول صلی اللہ علیہ و سلم سے اس مدنی مشورے کا آغاز کیا گیا جبکہ نگرانِ پاکستان مجلسِ مشاورت اسلامی بہن نے سنتوں بھرا بیان کیا۔

بعدِ بیان نگرانِ پاکستان مجلسِ مشاورت نے شعبہ فیضانِ مرشد کے تحت ہونے والے دینی کاموں کو مزید بڑھانے کے حوالے سے ذمہ دار اسلامی بہنوں کی تربیت کی اور پیش آنے والے مسائل کو حل کرنے کے لئے مدنی پھولوں سے نوازا۔

16 جنوری 2023ء بروز پیر دعوتِ اسلامی کے تحت پاکستان مشاورت کی ذمہ دار اسلامی بہنوں کا آن لائن مدنی مشورہ منعقد ہوا۔

معلومات کے مطابق نگرانِ پاکستان مجلسِ مشاورت اسلامی بہن نے سال 2023ء کے سالانہ ڈونیشن اہداف کا جائزہ لیتے ہوئے اسلامی بہنوں کو ڈونیشن بڑھانے کی ترغیب دلائی۔

علاوہ ازیں نگرانِ پاکستان مجلسِ مشاورت نے مختلف چند اہم امور پر تبادلۂ خیال کیا جس پر وہاں موجود اسلامی بہنوں نے اچھی اچھی نیتیں کیں۔

دعوتِ اسلامی کے تحت 16جنوری بروز پیر پاکستان کے دارالحکومت اسلام آباد کی سٹی نگران، سٹی سطح شعبہ ذمہ داران، زون نگران، شعبہ ذمہ داران، یوسی اور سیکٹر نگران اسلامی بہنوں کا مدنی مشورہ منعقد ہوا۔

نگرانِ پاکستان مجلس مشاورت اسلامی بہن نے ماہ ِ رمضان کے مدنی پھولوں کے حوالے سے گفتگو کرتے ہوئے ڈونیشن کو بڑھانے کی ترغیب دلائی۔

اس موقع پر نگران و شعبہ ذمہ دار اسلامی بہنوں نے اہداف لئے اور فیضانِ زکوٰۃ کورس 42 مقامات پر کروانے نیز ماہنامہ فیضانِ مدینہ کی بکنگ کے حوالے سے اسلامی بہنوں نے اچھی اچھی نیتوں کا اظہار کیا۔

پچھلے دنوں شعبہ مدرسۃالمدینہ بالغات اور قراٰن ٹیچر ٹریننگ کورس دعوتِ اسلامی کے زیرِا ہتمام کراچی دارالسنہ صدیق آباد  میں 2 دن کا لرننگ سیشن منعقد ہوا جس میں کراچی سٹی، صوبۂ سندھ اور صوبۂ بلوچستان کی کثیراسلامی بہنوں نے شرکت کی۔

تفصیلات کے مطابق اس لرننگ سیشن میں صاحبزادیِ عطار سلمہا الغفار نے اسلامی بہنوں کی تربیت و رہنمائی کرتے ہوئے انہیں مدنی پھولوں سے نوازا اور اسلامی بہنوں کی حوصلہ افزائی کی۔

اس کے علاوہ نگرانِ عالمی مجلسِ مشاورت اسلامی بہن نے شعبے میں مزید بہتری لانے کے حوالے سے اسلامی بہنوں کی ذہن سازی کی جس پر انہوں نے اچھی اچھی نیتوں کا اظہار کیا۔

علاوہ ازیں رکنِ شعبہ ذمہ دار اور مرکزی مجلسِ شوریٰ کے رکن مولانا ابو ماجد حاجی محمد شاہد عطاری مدنی نے بھی بذریعہ آڈیو لنک شرکا کو مدنی پھولوں سے نوازا اور اخلاص کے ساتھ دینی کام کرنے کی ترغیب دلائی نیز شعبے میں درپیش متفرق مسائل کا حل بتایا۔

دعوتِ اسلامی کے زیرِا ہتمام 17 جنوری 2023ء بروز منگل صوبۂ پنجاب پاکستان کے شہر لاہو ر مزنگ میں واقع  دارالسنہ میں ڈویژن تا سب نگران اسلامی بہنوں کا مدنی مشورہ ہوا جس میں شعبہ روحانی علاج اور شعبہ تعلیم کی ذمہ دار اسلامی بہنوں نے شرکت کی۔

معلومات کے مطابق اس مدنی مشورے میں نگرانِ عالمی مجلسِ مشاورت اسلامی بہن نے ایجوکیشن ڈیپارٹمنٹ کا کام بڑھانے نیز ایجوکیشن سے تعلق رکھنے والیوں میں تقسیمِ رسائل کرنے پر کلام کیا۔

اس کے علاوہ نگرانِ عالمی مجلسِ مشاورت نے گاؤں اورگوٹھوں میں دعوتِ اسلامی کے دینی کام مضبوط کرنے کے متعلق شرکا کو مدنی پھول دیئے۔

مزید نگرانِ عالمی مجلسِ مشاورت نے گھریلو صدقہ بکس زیادہ سے زیادہ رکھوانے، ہفتہ وار سنتوں بھرا اجتماع شروع کرنے اور گلی گلی مدرسۃالمدینہ کے اہداف دیئے۔بعدازاں اسلامی بہنوں نے نگرانِ عالمی مجلسِ مشاورت سے ملاقات کی۔

16 جنوری 2023ء کو جامعۃالمدینہ شاہین آباد اروپ ٹاؤن گجرانوالہ میں  دعوتِ اسلامی کے شعبہ جامعۃالمدینہ و مدرسۃالمدینہ گرلز اور فیضان آن لائن اکیڈمی کی اسلامی بہنوں کا مدنی مشورہ ہوا۔

اس مدنی مشورے میں نگرانِ عالمی مجلسِ مشاورت اسلامی بہن نے شرکا کی تربیت و رہنمائی کرتے ہوئے انہیں انفرادی عبادت میں توجہ دینے اوردینی کاموں میں شمولیت اختیار کرنے کا ذہن دیا۔

اسی طرح نگرانِ عالمی مجلسِ مشاورت نے مدنی مشورے میں شریک اسلامی بہنوں کو پابندی کے ساتھ مدنی مذاکرہ سننے اور نرمی اختیار کرنے کی ترغیب دلائی۔بعدازاں اسلامی بہنوں نے دینی کاموں میں ترقی کے لئے اچھی اچھی نیتوں کا اظہار کیا۔

پچھلے دنوں دعوتِ اسلامی کے تحت گجرانوالہ ڈسٹرکٹ، ناروال ڈسٹرکٹ اور گجرانوالہ میٹروپولیٹن کی ڈویژن تا یوسی نگران اسلامی بہنوں کا مدنی مشورہ ہوا جس میں گلی گلی مدرسۃ المدینہ اور قرآن ٹیچر کورس کی ذمہ داران نے بھی شرکت کی۔

اس مدنی مشورے میں ابتداءً نگرانِ عالمی مجلس مشاورت اسلامی بہن نے احساسِ ذمہ داری کے ساتھ دینی کام کرنے، اپنے وعدے کو پورا کرنے، نرمی اختیار کرنے اور گناہوں سے بچنے کے متعلق شرکا کو مدنی پھول دیئے۔

اس کے علاوہ نگرانِ عالمی مجلسِ مشاورت نے اسلامی بہنوں سے گفتگو کرتے ہوئے دارالسنہ میں داخلے بڑھانے، سافٹ ویئر میں انٹری کرنے اور دینی کاموں کو مضبوط کرنے کی ترغیب دلائی۔

گزشتہ روز سیالکوٹ اور ڈسکہ کی ادارتی شعبہ ذمہ داران، جامعۃالمدینہ و مدرسۃالمدینہ گرلز، دارالمدینہ اور فیضان آن لائن اکیڈمی کی ذمہ دار اسلامی بہنوں کی میٹنگ ہوئی۔

اس میٹنگ میں نگرانِ عالمی مجلسِ مشاورت اسلامی بہن نے دعوتِ اسلامی کے 12 دینی کاموں کے حوالے سے گفتگو کرتے ہوئے ان میں بڑھ چڑھ کر حصہ لینے کا ذہن دیا جس پر اسلامی بہنوں نے مختلف دینی کاموں میں شمولیت اختیار کرنے کی اچھی اچھی نیتیں کیں۔علاوہ ازیں نگرانِ عالمی مجلسِ مشاورت نے انفرادی عبادت کرنے، نرمی اختیار کرنے، مدنی مذاکرہ اوّل تا آخر سننے اور سنوانے کے بارے میں ذمہ داران کی ذہن سازی کی۔