عاشقانِ رسول کی دینی تحریک دعوتِ اسلامی کے تحت گزشتہ روز ”کورس فیضانِ حج و عمرہ“ اور ”کورس خواتینِ اسلام“ کے متعلق آن لائن ایک مدنی مشورہ ہوا جس میں نگرانِ پاکستان مجلسِ مشاورت اور تمام ریجن نگران اسلامی بہنیں شریک ہوئیں۔

تفصیلات کے مطابق نگرانِ عالمی مجلسِ مشاورت اسلامی بہن اور شارٹ کورسز کی ذمہ دار نے بذریعہ انٹرنیٹ شرکا اسلامی بہنوں کی تربیت و رہنمائی کرتے ہوئےے انہیں زیادہ سے زیادہ ملکوں میں یہ کورسز کروانے نیز دیگر زبانوں میں یہ کورسز تیار کرنے کے حوالے سے کلام کیا گیا جس پر ذمہ دار اسلامی بہنوں نے اچھی اچھی نیتیں کیں۔

شعبہ رابطہ برائے شخصیات  گلرز دعوتِ اسلامی کے تحت گزشتہ روز سنجوگ مارکی ملتان میں اسلامی بہنوں کے درمیان رمضانُ المبارک کے حوالے سے سیشن ہواجس میں دو (2) MPA کی اہلِ خانہ، سپریم کورٹ کے لائر کی زوجہ، ڈاکٹرز، بزنس مین، پروفیشنلز اور اہلِ ثروت سمیت کم و بیش 100 شخصیات نے شرکت کی۔

دورانِ سیشن مبلغۂ دعوتِ اسلامی نے سنتوں بھرا بیان کرتے ہوئے حاضرین کو دعوتِ اسلامی کی دینی و فلاحی خدمات کے بارے میں بتایااور انہیں دعوتِ اسلامی کے جملہ اخراجات کے لئے زیادہ سے زیادہ ڈونیشن دینے کی ترغیب دلائی جس پر ہاتھوں ہاتھ اسلامی بہنوں نے ڈونیشن جمع کروایا۔

دعوتِ اسلامی کے دینی کاموں کے سلسلے میں گزشتہ روز ذمہ دار اسلامی بہنوں نے گلشن D13 اور C13 کا دورہ کیا جہاں انہوں نے اہلِ ثروت اسلامی بہنوں سے ملاقات کی۔

دورانِ ملاقات نگرانِ عالمی مجلسِ مشاورت اسلامی بہن نے اہلِ ثروت اسلامی بہنوں کو دعوتِ اسلامی کے دینی ماحول سے منسلک ہونے اور دعوتِ اسلامی کے دینی و فلاحی کاموں کے لئے زیادہ سے زیادہ ڈونیشن جمع کروانے کا ذہن دیا۔

اسلامی بہنوں میں نیکی کی دعوت عام کرنے کے سلسلے میں پچھلے دنوں دعوتِ اسلامی کے تحت پی آئی بی کالونی کراچی میں علاقائی دورہ برائے نیکی کی دعوت  ہوئی جس میں نگرانِ عالمی مجلسِ مشاورت سمیت دیگر ذمہ دار اسلامی بہنوں نے شرکت کی۔

لوگوں کو دینِ اسلام کی باتیں سکھانے والی عاشقانِ رسول کی دینی تحریک دعوتِ اسلامی کے تحت گزشتہ روز آن لائن ایک میٹنگ ہوئی جس میں نگرانِ پاکستان مجلسِ مشاورت، نگرانِ ریجن اور شعبہ حج و عمرہ کی عالمی سطح کی ذمہ دار اسلامی بہنوں نے شرکت کی۔

تفصیلات کے مطابق اس میٹنگ میں نگرانِ عالمی مجلسِ مشاورت اسلامی بہن نے بذریعہ انٹرنیٹ ”مدنی پھول برائے حج“ کے حوالے سے کلام کیا اور ذمہ دار اسلامی بہنوں کی تربیت و رہنمائی کی۔

نگرانِ عالمی مجلسِ مشاورت نے اسلامی بہنوں کے درمیان زیادہ سے زیادہ حج اجتماعات کروانے اور ان اجتماعات میں تقسیمِ رسائل کرنے کی ترغیب دلائی جبکہ مزید اہم نکات پر تبادلۂ خیال کیا۔ 

عاشقانِ رسول کی دینی تحریک دعوتِ اسلامی کے تحت پچھلے دنوں بذریعہ انٹرنیٹ شعبہ فیضان آن لائن اکیڈمی گرلز کا مدنی مشورہ ہوا جس میں عالمی سطح کی ذمہ دار اور ناظمات اسلامی بہنیں شریک ہوئیں۔

معلومات کے مطابق اس مدنی مشورے میں نگرانِ عالمی مجلسِ مشاورت اسلامی بہن نےآن لائن اسلامی بہنوں سے گفتگو کرتے ہوئے شعبے کے دینی کاموں کے حوالے سے کلام کیا نیز شعبے کے نظام میں مزید کس طرح بہتری لائی جاسکتی ہے اس پر مشاورت کی۔بعدازاں مدنی مشورے میں شریک اسلامی بہنوں نے اپنی اپنی رائے پیش کی اور دعوتِ اسلامی کے دینی کاموں میں ترقی کے لئے اچھی اچھی نیتیں کیں۔

دعوتِ اسلامی کے شعبہ دارالمدینہ کے تحت کراچی  ہیڈ آفس کی اسلامی بہنوں کا مدنی مشورہ ہوا جس میں صاحبزادیِ عطار سلمہاالغفارنے دارالمدینہ ہیڈ آفس ، کراچی ریجن کی پرنسپلز سمیت کو آرڈینیٹرز اور اوور سیز مجالس کی اسلامی بہنوں کی تربیت فرمائی ۔

مدنی مشورے میں صاحبزادیِ عطارنے اسلامی بہنوں کی طرف سے کئے گئے سوالات کے جوابات دیئے اور انہیں قیمتی مدنی پھولوں سے نوازا۔آخر میں کراچی اسٹاف کی اسلامی بہنوں کو اچھی کارکردگی پر سرٹیفکٹ دیئے جبکہ اسلامی بہنوں نے دینی کاموں میں شمولیت کی اچھی اچھی نیتیں بھی پیش کیں۔

پچھلے دنوں  دارالمدینہ کورنگی کراچی گرلز ہائی اسکول میں ٹریننگ سیشن کا اہتمام ہوا۔اس تربیتی سیشن میں عالمی مجلس مشاورت کی رکن اسلامی بہن نے طالبات سے ان کے مستقبل کے لائحہ عمل کے بارے میں بات چیت کی اور اپنی تعلیم جاری رکھنے کے ساتھ ساتھ دارالمدینہ سے جڑے رہنے اور دعوتِ اسلامی کے دینی کاموں کو اپنی روزمرہ سرگرمیوں کا حصہ بنانے کی ترغیب دلائی۔

انہوں نے دعوت اسلامی کے تحت ہونے والے شارٹ کورسز اور شعبہ تعلیم کے دینی کاموں میں شمولیت کا ذہن بھی دیا۔ اس کے علاوہ عالمی مجلس مشاورت کی رکن اسلامی بہن نے سیکنڈری کلاسز کی طالبات کو سوشل میڈیا کےغیرضروری استعمال سے بچنےاور اپنی توانائی کو مثبت کاموں میں استعمال کرنے کی ترغیب دلائی۔ مزید عبادت کا ذوق بڑھانے کے لیے رمضان المبارک میں خصوصی طور پر نیک اعمال کا رسالہ پُر کرنے کی بھی ترغیب دلائی جس پر طالبات نے اچھی اچھی نیتوں کا اظہار کیا ۔

لوگوں کو بھلائی کی باتیں سکھانے اور انہیں نیکی کی دعوت دینے والی عاشقانِ رسول کی دینی تحریک دعوتِ اسلامی کے تحت گزشتہ روز راجہ بازار راولپنڈی میٹروپولیٹن کے ذیلی حلقہ بھابڑہ بازار میں سنتوں بھرے اجتماع کا انعقاد کیا گیا۔

اس اجتماعِ پاک کا آغاز تلاوتِ کلامِ پاک اور نعتِ رسولِ مقبول صلی اللہ علیہ و سلم سے کیا گیا جبکہ نگرانِ پاکستان مجلسِ مشاورت اسلامی بہن نے ”اللہ والوں کے روزے“ کے موضوع پر سنتوں بھرا بیان کیا۔

دورانِ بیان نگرانِ پاکستان مجلسِ مشاورت نے شرکا اسلامی بہنوں کوبزرگانِ دین کے طریقۂ کار کے مطابق رمضان شریف کے روزے رکھنے کا ذہن دیا جس پر انہوں نے اچھی اچھی نیتیں کیں۔بعدِ اجتماع اجتماع میں شریک شخصیات اسلامی بہنوں نے نگرانِ پاکستان مشاورت سے ملاقات بھی کی۔

دعوتِ اسلامی کے تحت پچھلے دنوں راولپنڈی میٹروپولیٹن  کے راجہ بازار ٹاؤن میں فیضانِ قراٰن کورس کا انعقاد کیا گیا جس میں نگرانِ پاکستان مجلسِ مشاورت اسلامی بہن کی آمد ہوئی۔

اس موقع پر مبلغۂ دعوتِ اسلامی نے کورس میں آنے والی اسلامی بہنوں کی تربیت و رہنمائی کرتے ہوئے انہیں مختلف شعبہ جات کا تعارف کروایا نیز دعوتِ اسلامی کے جملہ اخراجات کے لئے ڈونیشن جمع کروانے کی ترغیب دلائی جس پر وہاں موجود اسلامی بہنوں نے اچھی اچھی نیتوں کا اظہار کیا۔

دعوتِ اسلامی کےتحت  گزشتہ روز صوبہ بلوچستان کی نصیر آباد ڈویژن کاآن لائن مدنی مشورہ منعقد کیا گیا جس میں نگرانِ صوبہ بلوچستان ، نگرانِ نصیر آباد ڈویژن و ڈسٹرکٹ اور تحصیل نگران کی اسلامی بہنوں نے شرکت کی ۔

اس مدنی مشورے میں نگرانِ پاکستان اسلامی بہن نے بذریعہ انٹرنیٹ 8 دینی کاموں کا جائزہ لیتے ہوئے دینی کاموں کو بڑھانے کے حوالے سے ذمہ دار اسلامی بہنوں کی ذہن سازی کی۔

بعدازاں نگرانِ پاکستان مجلسِ مشاورت نے دعوت ِ اسلامی کے جملہ اخراجات کو پورا کرنے کے لئے دیئے گئے سالانہ ڈونیشن کے اہدف کو کیسے پورا کیا جائے ؟ اس پر تبادلۂ خیال کیا۔

پچھلے دنوں  عاشقانِ رسول کی دینی تحریک دعوتِ اسلامی کے تحت صوبہ بلوچستان کی کوئٹہ ڈویژن کا بذریعہ انٹرنیٹ مدنی مشورہ ہوا جس میں نگرانِ صوبہ بلوچستان، نگرانِ کوئٹہ ڈویژن و ڈسٹرکٹ، نگرانِ کوئٹہ میٹرپولیٹن اور نگرانِ ٹاؤن کی ذمہ دار اسلامی بہنوں نے شرکت کی۔

معلومات کے مطابق دعوتِ اسلامی کی نگرانِ پاکستان مجلسِ مشاورت اسلامی بہن نے راولپنڈی سے آن لائن ذمہ داران کی تربیت و رہنمائی کرتے ہوئے اسلامی بہنوں کے 8 دینی کاموں کی کاکردگی کا جائزہ لیا نیز دینی کاموں میں مزید بہتری کے لئے انہیں مدنی پھولوں سے نوازا۔