دعوتِ  اسلامی کے زیر اہتمام فیضان ِ صحابیات پی آئی بی میں ڈسٹرکٹ تا عالمی سطح کا تین دن کا رہائشی سنتوں بھرا اجتماع منعقد ہواجس میں اراکین عالمی مجلس مشاورت اور جامعۃ المدینہ گرلز کی ملک بھر کی 5 بڑی سطحوں کی ذمہ داراسلامی بہنوں نے شرکت کی ۔

27جون 2022ء کو صاحبزادیِ عطار سلمھالغفار نے اسلامی بہنوں کو دعوتِ اسلامی کا دینی کام کرنے کی ترغیب دلائی جبکہ نگران عالمی مجلس مشاورت اسلامی بہن نے چند اُمور پر رہنمائی کی۔اس کے بعد شعبہ تعلیم و شعبہ رابطہ ذمہ دار عالمی سطح ذمہ دار اسلامی بہن نے مذکورہ شعبہ جات کے دینی کام پر بریفنگ دیتے ہوئے ان شعبہ جات کا کام بڑھانے کا ذہن دیا۔ اس کے بعد صاحبزایِ عطار نے دُعا کروائی ۔آخر میں اجتماع میں شریک اسلامی بہنوں سے ملاقات کرتے ہوئے انفرادی کوشش کی اور انہیں تحائف پیش کئے ۔

دعوتِ  اسلامی کے تحت 25 جون 2022ء کو نگران عالمی مجلس مشاورت اسلامی بہن نے اپنی آفس کی کارکردگی ذمہ داراسلامی بہنوں کے ساتھ مدنی مشورہ لیا جس میں اوورسیز کارکردگی کے نظام اور اورسیز میں دینی کام کی بہتری کے لئے غور و فکر اہداف کے ذریعے مزید کام مضبوط کیا جائے اس کی پلاننگ کی گئی۔

٭دوسری طرف 25 جون 2022ء کو نگران عالمی مجلس مشاورت اسلامی بہن نے انٹرنیٹ کے ذریعے یورپ میں شعبہ فنانس کا نظام کس طرح ہو اس پر مشاورت کی۔

٭اسی طرح 26 جون 2022ء کو نگران عالمی مجلس مشاورت اسلامی بہن نے بذریعہ انٹر نیٹ عالمی شعبہ کا مدنی مشورہ لیا جس میں اراکین عالمی مجلس مشاورت شعبہ بین الاقوامی امور کی اسلامی بہنوں نے شرکت کی۔

مدنی مشورے میں شعبہ جات میں تقسیمِ رسائل کا مضبوط سلسلہ بنانے اور اوور سیز میں دینی کام لینے کے انداز سے متعلق بات چیت ہوئی نیز شعبہ کفن دفن کے دینی کاموں سے متعلق فالو اپ کے انداز پر بھی مشاورت ہوئی۔

پچھلے دنوں دعوت اسلامی کے زیر اہتمام   بذریعہ انٹر نیٹ ’’کورس ایثار کے رنگ بڑی عید کے سنگ‘‘ کے حوالے سے مدنی مشورہ منعقد ہوا جس میں ریجن نگران اسلامی بہنوں نے شرکت کی۔

نگران عالمی مجلس مشاورت و کورسز ذمہ دار عالمی سطح اسلامی بہن نے زیادہ سے زیادہ مقامات پر کورس کروانے کی ترغیب دلاتے ہوئے اس بات کی اہمیت کو اجاگر کیا کہ اس کورس کے ذریعے اسلامی بہنوں کو کئی فرض علوم سیکھنے میں مدد ملے گی اس لئے یہ کورس ملک کے ساتھ ساتھ بیرون ملک میں کورسز ڈیپارٹمنٹ کے ذریعے زیادہ سے زیادہ کروایا جائے۔ 

دعوتِ اسلامی کی جانب سے 20جون 2022ء کو نگران عالمی مجلس مشاورت اسلامی بہن نے عالمی مجلس مشاورت و مجلس بین الاقوامی امور کی اسلامی بہنوں کا  مدنی مشورہ بذیعہ انٹر نیٹ کیا۔

مدنی مشورے میں نگران عالمی مجلس مشاورت کی اسلامی بہن نے 8 آٹھ دینی کاموں پر توجہ دلاتے ہوئے کہا کہ ہمیں ان آٹھ دینی کاموں پر اپنی توجہ بڑھانی ہے، چاہے کسی شعبہ کی ذمہ دار ،ریجن نگران ،ملک نگران ہو یا ذیلی حلقہ کی ذمہ دار ہم سب کو آٹھ دینی کام کرنے ہیں۔

اس کے ساتھ یہ بھی طے پایا کہ ہر جمعرات کو ممکنہ صورت میں صاحبزادیِ عطار سلمھاالغفار سے ان کے قیمتی وقت میں سے کچھ حصہ لیکر اسلامی بہنوں کے مدنی مرکز فیضا ن صحابیات میں کسی ایک شعبہ کی ذمہ دار اسلامی بہنوں کو جمع کر کے تربیت حاصل کی جائے گی ۔

صا حبزادی عطار کی براہ راست تربیت کے فوائدکو دیکھتے ہوئے ان مشوروں میں بیرون ملک کی اسلامی بہنوں کو بھی بذریعہ انٹرنیٹ شامل کرنے کا بھی طے پایا گیا ۔

پچھلے  دنوں جامعۃ المدینہ گرلز فیضانِ صحابیات پی آئی بی میں اجتماع کا انعقاد کیا گیا جس میں نگران عالمی مجلس مشاورت اسلامی بہن نے ’’عاجزی و انکساری ‘‘کے ٹاپک پر سنتوں بھرا بیان کیا۔

مزید جامعۃ المدینہ گرلز ذمہ دار عالمی سطح نے اپنے شعبے کی پریزنٹیشن پیش کی نیز صاحبزادیِ عطار سلمھا الغفار نے اسلامی بہنوں کی طرف سے کئے جانے والے سولات کے جوابات دیئے اور ناظمہ کو کیسا ہونا چاہیئے ؟ امیر اہل سنت کی گھر والوں کے ساتھ شفقت کیسی ہے ؟ سے متعلق بتایا ۔ 

دعوتِ اسلامی کے زیرِاہتمام 23 جون 2022ء  بروزجمعرات شعبہ مدرسۃ المدینہ گرلزکی ناظمات کے لئے ٹریننگ سیشن کا انعقاد کیا گیا جس میں 44 اسلامی بہنوں نے شرکت کی۔

ٹریننگ سیشن میں حفظ و ناظرہ کی بچیوں کا امتحان لینے کے طریقہ امتحان کے مدنی پھولوں کی دہرائی کی گئی امتحان سے قبل اور دورانِ امتحان کیا احتیاطیں رکھنی ہے وہ بتائی گئیں نیز بچیوں کے ساتھ رویہ و اندازکیسا اختیارکرنا چاہیئے اس کے بھی مدنی پھول پیش کئے گئے۔

آخرمیں امتحان لینے سے متعلق اسلامی بہنوں کے سوالات کے جوابات بھی دیئے گئے جس پر ناظمات نے مزید اچھے و بہتراندازمیں بچیوں کا امتحان لینے کی اچھی اچھی نیتیں کیں۔

دعوت اسلامی کے تحت  22 جون 2022ء کو علاقہ پی آئی بی کالونی میں علاقائی دورے کا سلسلہ ہوا جس میں نگران عالمی مجلس مشاورت ذمہ دار اسلامی بہن نے دیگر ذمہ دار اسلامی بہنوں کے ہمراہ گھر گھر جا کر اسلامی بہنوں پر انفرادی کوشش کرتے ہوئے انہیں ہفتہ وارسنتوں بھرے اجتماع میں شرکت کا ذہن دیا۔

٭دوسری جانب ٹاؤن بن قاسم گلشن حدید میں ہفتہ وار سنتوں بھرے اجتماع کا انعقاد ہوا جس میں مقامی اسلامی بہنوں نے شرکت کی۔ صاحبزادیِ عطار سلمھا الغفارنے سنتوں بھرا بیان کیا اور اجتماعِ پاک میں شریک اسلامی بہنوں کو تربیتی مدنی پھول پیش کئے جبکہ نگران عالمی مجلس مشاورت اسلامی بہن نے دعا کروائی۔

٭اجتماع کے بعد صاحبزادیِ عطار و نگران عالمی مجلس مشاورت نے ایک شخصیت خاتون کے گھر جا کر ملاقات و انفرادی کوشش کی۔ دورانِ انفرادی کوشش ہفتہ وار سنتوں بھرے اجتماع میں پابندی سے شرکت کا ذہن دیتے ہوئے مدنی پھول پیش کئے پھر جامعۃ المدینہ کی ناظمہ کے گھر جا کر ان سے ملاقات کی اور ان سے بھی اچھی اچھی نیتیں کروائیں ۔ 

شعبہ گلی گلی مدرسۃ المدینہ کا پاکستان  سطح پر ہونے والا دو دن کا لرننگ سیشن جو فیصل آباد میں 11،12 جون 2022ء کو منعقد کیا گیا اس میں شعبہ کی ذمہ داراسلامی بہنوں نے شرکت کی۔

رکنِ عالمی مجلس مشاورت اسلامی بہن نے گلی گلی بچیوں کے مدرسے کھولنے کے حوالے اسلامی بہنوں کو اس شعبے کے متعلق مدنی پھول بیان کئے اور اس سلسلے میں اہداف بھی دیئے۔

٭اس کے علاوہ رکنِ عالمی مجلس مشاورت اسلامی بہن نے مزید پنجاب کے دیگر شہروں میں 13 تا 17 جون 2022ء میں مدنی مشوروں کا جدول بنایا جن میں فیصل آباد ، سرگودھا ، گجرانوالہ، لاہور اور شیخوپورہ میں تینوں شعبوں گلی گلی مدرسۃ المدینہ ، مدرسۃ المدینہ بالغات اور شعبہ ناظرہ کورسز کی ذمہ داران کے درمیان مدنی مشورے کئے۔

مدنی مشوروں میں اسلامی بہنوں کی طرف سے کئے گئےسوالات کے جوابات دیئے۔ ساتھ ساتھ دیگر دینی کاموں ہفتہ وار سنتوں بھرا جتماع، علاقائی دورہ ، سیکھنے سکھانے کے حلقوں میں بھی شرکت کی۔مزید اس جدول میں فیصل آباد میں ایک ذمہ دار اسلامی بہن سے ان کے گھر جاکر ان کے عزیز کی فوتگی پر تعزیت کی اور دارالسنّہ میں بیان بھی کیا۔ 

دعوت اسلامی کے تحت  20 جون 2022ء کو نگران عالمی مجلس مشاورت اسلامی بہن نےاپنے آفس کی اسلا می بہن کے گھر شادی کے سلسلے میں ہونے والی محفلِ نعت میں شرکت کی جس میں’’ اللہ کی نعمتوں کا شکر ادا کرنے‘‘ سے متعلق موضوع پر سنتوں بھرا بیان کیا نیز محفل نعت میں شریک اسلامی بہنوں کو نعمتوں پر اللہ کا شکر کرنے، گناہوں سے بچتے ہوئے شادی کی رسومات ادا کرنے سے متعلق مدنی پھول پیش کئے اور ہفتہ وار سنتوں بھرے اجتماع میں شرکت کی اچھی اچھی نیتیں کروائیں ۔

نگرانِ پاکستان مجلس مشاورت اسلامی بہن نے شعبہ علاقائی دورہ ذمہ داران کو شعبے کے دینی کاموں کے سلسلے میں نکات بتائے۔ اس کے علاوہ شعبے کے دینی کام کو بڑھانے کا ذہن دیا اور اس پر رہنمائی کرتے ہوئے اہم نکات بھی بیان کئے نیز جنوری 2022ءتا مئی 2022 ءکی شعبہ کارکردگی کا تقابل کرتے ہوئے دینی کاموں کا جائزہ لیاجس پراسلامی بہنوں نے اچھی اچھی نیتوں کا اظہار کیااوراہداف بھی دئیے۔ مدنی مشورے کے اختتام پر ذمہ داران کی حوصلہ افزائی کرتے ہوئے ان میں تحائف تقسیم کئے ۔

16 جون 2022ء  کو دعوت اسلامی کی جانب سے نگران عالمی مجلس مشاورت اسلامی بہن نے ذمہ دار اسلامی بہنوں کے ساتھ ملکر پی آئی بی میں گھر گھر جا کر اسلا می بہنوں پر انفرادی کوشش کی اور اسلا می بہنوں کو ہفتہ وار اجتماع میں شرکت کا ذہن دیتے ہوئے نیتیں کروائیں ۔

٭دوسری جانب گلشن دارالسنہ میں سیکھنے سکھانے کے ماہانہ دینی حلقے کا سلسلہ ہوا۔ اس میں صاحبزادیِ عطار سلمھاالغفار اور نگران عالمی مجلس مشاورت اسلامی بہن نے ’’قربانی کی اہمیت‘‘ کے موضوع پر سنتوں بھرا بیان کیا۔

آخر میں نگران عالمی مجلس مشاورت نے دعا کروائی اس کے بعد اسلامی بہنوں سے ملاقات و انفرادی کوشش کی۔ صاحبزادیِ عطار و نگران عالمی مجلس مشاورت اسلامی بہن نے سیکھنے سکھانے کے حلقے کے بعد ایک اسلامی بہن کے بھائی کے انتقال پر ان کے گھر جاکر ان سے تعزیت کی ۔ آخر میں فاتحہ خوانی و دعائے مغفرت کروائی۔

دعوتِ اسلامی کےتحت  17جون 2022ء بروز جمعہ کو پاکستان کے شہر فیصل آباد میں مدنی مشورہ ہوا جس میں کراچی اور اسلام آباد سٹی نگران ، سندھ، پنجاب ، خیبر پختون خواہ اور کشمیر صوبہ نگران اسلامی بہنوں نے شرکت کی ۔

نگران پاکستان مشاورت اسلامی بہن نے ہفتہ وار سنتوں بھرے اجتماع و ذمہ داران کے مدنی پھولوں کے سلسلے میں اہم نکات سمجھائے نیز جنوری 2022 ءتا مئی 2022 ءکی ماہانہ کارکردگی کا تقابل کرتے ہوئے سابقہ دینی کاموں کا جائزہ لیا اوراہداف بھی دئیے اس پر اسلامی بہنوں نے اچھی اچھی نیتوں کا اظہار کیا۔

٭جبکہ دوسری جانب 18جون 2022 ءبروز ہفتہ فیصل آباد میں پاکستان نگران کا پاکستان مجلس مشاورت ذمہ داران اور پاک سطح ادارتی و غیر ادارتی شعبہ ذمہ داراسلامی بہنوں کے ساتھ مدنی مشورہ ہوا جس میں کراچی، اسلام آباد سٹی نگران ، سندھ، پنجاب ، خیبر پختون خواہ اور کشمیر صوبہ نگران اور پاکستان کی ادارتی و غیر ادارتی شعبہ ذمہ دار اسلامی بہنوں نے شرکت کی ۔