لاہور کے علاقے گرین ٹاؤن فیز میں دعوت اسلامی کے ایک پرانے اسلامی بھائی   محمد انور عطاری فجر کی نماز کی ادائیگی کے دوران انتقال کرگئے جنہیں مقامی قبرستان میں سپرد خاک کردیاگیا۔مرحوم امیر اہل سنت دَامَتْ بَرَکَاتُہُمُ الْعَالِیَہ سے عقیدت رکھتے تھے اور ان کے مرید بھی تھے جبکہ باقاعدگی سے صدائے مدینہ بھی لگاتے تھے۔ امیر اہلِ سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے مرحوم کے انتقال پر اظہار افسوس کیا اور ان کےلواحقین سے تعزیت کی ۔ آپ دَامَتْ بَرَکَاتُہُمُ الْعَالِیَہ نےمرحوم کے لئے مغفرت اور بلندیِ درجات کے لئے دعائیں کیں۔

معروف عالم دین ،چیئر مین پنجاب قراٰن بورڈ، چیئر مین شعبہ امتحانات تنظیم المدارس اہلسنت پاکستان ،رکن اسلامی نظریاتی کونسل اور مہتمم شمس العلوم جامعہ رضویہ کر اچی مولانا ابو الظفر غلام محمد سیالوی  رحمۃ اللہ علیہ 6شوال المکرم1441ھ کو تقریباً68 سال کی عمر میں کراچی میں انتقال کرگئے۔امیر اہلِ سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے مرحوم کے انتقال پر اظہار افسوس کیا اور ان کےلواحقین سے تعزیت کرتے ہوئے صبر و ہمت سے کام لینے کی تلقین فرمائی۔ آپ دَامَتْ بَرَکَاتُہُمُ الْعَالِیَہ نےمرحوم کے لئے مغفرت اور بلندیِ درجات کے لئے دعائیں کیں۔

ٹھٹھہ شریف کابینہ  کےنگران حافظ محمد عابد عطاری پچھلے دنوں ہائی بَلڈ پریشر اور شوگر کے سبب انتقال کرگئے۔امیر اہلِ سنّت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے مرحوم کے انتقال پر اظہار افسوس کیا اور ان کےلواحقین سے تعزیت کی ۔ آپ دَامَتْ بَرَکَاتُہُمُ الْعَالِیَہ نےمرحوم کے لئے مغفرت اور بلندیِ درجات کے لئے دعائیں کیں۔

31مئی 2020ء بروز اتوار مدنی چینل پر سلسلہ ”دلوں کی راحت“براہ راست نشر کیا گیا۔ اس پروگرام میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ، نگرانِ شوریٰ مولانا محمد عمران عطاری اور رکنِ شوریٰ ومولانا عبدالحبیب عطاری نے شرکت کی۔

دوران سلسلہ مدنی پھول ارشاد فرماتے ہوئے امیر اہل سنت کا کہنا تھا کہ بچوں کی تربیت کے لئے کِڈز مدنی چینل بھی ایک بہترین ذریعہ ہےجس میں بچوں کو خاکوں (اسلامک اینی مینیٹڈ ویڈیوز) کے ذریعے سنت رسول صلَّی اللہ تعالٰی علیہ واٰلہٖ وسلَّم، اچھے آداب اور دینی تربیت کی جاتی ہے۔ امیر اہل سنت دَامَتْ بَرَکَاتُہُمُ الْعَالِیَہ نے عاشقان رسول کو اپنے گھروں میں بچوں کو کڈز مدنی چینل دکھانے اور اس میں مزید بہتری کے لئے تعاون کرنے کی ترغیب دلائی۔

عاشقان رسول نے بذریعہ کال ”دلوں کی راحت“ سلسلےکو خوب سراہااور اپنے سوالات کئے جن کے امیر اہل سنت دَامَتْ بَرَکَاتُہُمُ الْعَالِیَہ نے جوابات ارشاد فرما ئے۔

ہر ہفتے کی طرح 30 مئی 2020 ءکی شب عالمی مدنی مرکز فیضان مدینہ کراچی میں مدنی مذاکرے کا سلسلہ ہوا جس میں عالمی مذہبی اسکالر امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے عاشقان رسول کی جانب سے کئے گئے سوالات کے حکمت بھرے جوابات دیئے۔

اس مدنی مذاکرے میں دنیا بھر کے عاشقان رسول نے مدنی چینل اور سوشل میڈیا کے ذریعے بڑی تعداد میں شرکت کی۔

مدنی مذاکرے کے چند مدنی پھول ملاحظہ کیجئے:

سوال: اللّٰہ پاک سے حُسنِ ظن یعنی اچھا گُمان رکھنا چاہئے،کیا اس کے بارے میں کوئی حدیثِ قُدسی( یعنی فرمانِ الٰہی )ہے ؟

جواب:حدیثِ قُدسی میں ہے کہ اللّٰہ پاک نے اِرشادفرمایا :أَنَا عِنْدَ ظَنِّ عَبْدِيْ بِیْ یعنی میں اپنے بندے کے گُمان کے قریب ہوں جو وہ میرے بارے میں رکھتا ہے،یعنی میرا بندہ میری نسبت جو گُمان و خیال رکھتا ہے مَیں اس کے لئے ویسا ہی ہوں اور اس کے ساتھ ویسا ہی مُعاملہ کرتاہوں جس کی وہ مجھ سے اُمیدرکھتا ہے، اگر وہ مجھ سے مُعافی کی اُمید رکھتا ہے تو اس کو مُعافی دیتا ہوں۔

سوال: ماہِ رمَضان کے فرض روزوں کے بعد نفل روزے رکھنے کاکیا فائدہ ہے؟

جواب:ماہِ رمَضان کے بعد نفل روزوں کی عادتبنا نا اچھی علامت ہے، کیونکہ دوسری نیکی پہلی نیکی کے قبول ہونے کی علامت اورپہلی نیکی کے بعد بُرائی ہونا اس نیکی کے رَد ہونے کی عِلامت ہے ۔

سوال:اعلیٰ حضرت امام احمدرضا خان رحمۃ اللہ علیہ کایوم پیدائش کیا ہے؟

جواب: 10شوال المکرم 1272ھ ۔

سوال:ایک دن چھوڑکرروزہ رکھنا(یعنی ایک دن روزہ رکھنا اورایک دن روزہ نہ رکھنا) کیساہے؟

جواب:افضل ہے ،اسے’’صوم ِداؤدی‘‘کہتے ہیں،اللّٰہ پاک کے پیارے نبی حضرت داؤدعلیہ السلام اس طرح روزہ رکھتے تھے ۔

سوال:مُطالَعہ کرنے کے دوران توجہ بَٹ جاتی ہوتو کوئی ایساطریقہ ارشاد فرمائیں کہ تمام توجہ مُطالَعہ کی جانب رہے؟

جواب:کوشش کرتے رہیں گے ،اِنْ شَآءَاللہمنزل مل جائےگی ۔ مَنْ جَدَّوَجَدَیعنی جس نے کوشش کی اُس نے کامیابی پائی ۔

سوال:فصلوں پراگرٹِڈی دل کا حملہ ہوتو کوئی رُوحانی عمل بتائیں تاکہ فصلیں بچ جائیں ؟

جواب: اللّٰہ پاک کا نام ’’یاحلیم‘‘ایک کاغذپر ایسی سیاہی(Ink) کے ساتھ لکھ کر کسی پانی کے برتن میں ڈال دیں جو حل ہوسکتی ہو، اب وہ پانی اسپرے والی بوتل میں ڈال کرپودوں یا فصلوں کے اوپر چھڑک لیں،اِنْ شَآءَاللہفصلیں ٹِڈی دل کے حملے سے محفوظ رہیں گی۔

سوال:اَعراف کیا ہے اوراس کی حقیقت کیا ہے؟

جواب:ایک قول کے مطابق جنت اوردوزخ کے درمیان جوجگہ ہےوہ’’اَعراف‘‘ہے، اس میں مسلمان جنّات رہیں گےاورجنّت میں آتے جاتے رہیں گے۔

سوال:اِس ہفتے کارِسالہ’’گناہوں سے پاک صاف‘‘پڑھنے یاسُننے والوں کو امیرِاہلِ ِسُنّت دَامَتْ بَرَکاتُہُمُ الْعَالِیَہ نے کیا دُعا دی ؟

جواب:یا رَبَّ المُصطفےٰ ! جو کوئی رسالہ’’گناہوں سے پاک صاف‘‘کے 14 صفحات پڑھ یا سُن لے،اُس کو گناہوں سے پاک صاف کر کےبے حساب جنت الفردوس میں داخلہ عطا فرما۔اٰمِیْن بِجَاہِ النَّبِیِّ الْاَمِیْنصلَّی اللہ علیہ واٰلہٖ وسلَّم

عاشقان رسول کے لئے خوشی کی خبر آگئی،آج رات 10:30 بجے مدنی چینل کا مقبول عام سلسلہ ”دلوں کی راحت“ براہ راست نشر کیا جائیگا جس میں شیخ طریقت امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ ناظرین کو اپنے قیمتی مدنی پھول ارشاد فرمائیں گےاور عاشقان رسول کی جانب سے کئے گئے سوالات کے جوابات دینگے۔ عاشقان رسول آج رات بذریعہ مدنی چینل اس سلسلے میں ضرور بالضرور شرکت کریں۔

22مئی بروز جمعۃالمبارک کو لاہور سے کراچی آنے والا P.I.A کا طیارہ A-320کراچی انٹرنیشنل ایئرپورٹ کے قریب ماڈل کالونی میں گِر کر تباہ ہوگیا جس کے نتیجے میں 97 افراد جان کی بازی ہار گئےاور تقریباً 16 گھر اور متعدد گاڑیاں جل کر خاکستر ہوگئیں۔ اس موقع پر دیگر فلاحی اداروں کے ساتھ ساتھ دعوتِ اسلامی ویلفیئر کی امدادی سرگرمیاں بھی قابلِ ذکر ہیں کارکنان نے جائے وقوعہ، جناح اور سول اسپتال میں پہنچ کر متاثرین کی خیر خواہی کی ۔

اس افسوس ناک حادثے کی اطلاع ملنے پر عالمی اسکالر بانیِ دعوتِ اسلامی علامہ محمد الیاس عطار قادری دَامَتْ بَرَکَاتُہُمُ الْعَالِیَہ نے اپنا دعائیہ ویڈیو پیغام جاری فرمایا جس میں آپ کا کہنا تھا کہ یا رب المصطفےٰ جل جلالہ و صلیٰ اللہ علیہ وسلم 1441سن ہجری کے رمضان المبارک کے اٹھائیسویں روزے جمعۃ الوداع کے دن کراچی میں جو لاہور سے آنے والا ہوائی جہاز گر کر تباہ ہوا اس میں جتنے مسلمان فوت ہوئے ان سب کو بے حساب مغفرت سے مشرف فرما، الٰہ العالمین! ان سب کی خطاؤں کو معاف فرما، چھوٹے بڑے سارے ہی گناہ معاف کردے، مولیِٰ کریم! جہنم سے آزادی کا عشرہ ہے ان سب کو جہنم سے آزادی نصیب فرما ، الٰہ العالمین! ان کے اگر کوئی زخمی زندہ بچ گئے ہیں یا مکانات پر طیارہ گرنے کے سبب سے جو زخمی ہوئے ان سب کو رُو با صحت فرما، ان کے نقصانات کا نعم البدل عطا فرما، الٰہ العالمین!
سب پر رحمت کی نظر فرما، فضل و کرم فرما اور ان کے سوگواروں کو صبرِ جمیل اور صبر جمیل پر اجرِ جزیل مرحمت فرما۔ اٰمِیْن بِجَاہِ النَّبِیِّ الْاَمِیْن صلَّی اللہ علیہ واٰلہٖ وسلَّم۔

مزید کہا کہ میں طیارہ حادثے میں فوت ہوجانے والوں کے عزیزوں اور سوگواروں سے تعزیت کرتا ہوں اور صبر کی تلقین کرتا ہوں یاد رکھیئے شور شرابہ کرنے اور غُل مچانے سے جانے والے کو پلٹ کر نہیں آنا ہے۔

امیراہلسنت دَامَتْ بَرَکَاتُہُمُ الْعَالِیَہ اپنے ہوائی سفر کے معمولات بیان کرتے ہوئے فرمایا کہ میں جب بھی طیارے میں جاتا ہوں تو احتیاطی توبہ کرتا ہوں ، اگر کوئی کفر نکل گیا ہو تو ان کفریات سے توبہ کرتا ہوں ، کلمہ پڑھتا ہوں ، سارے گناہوں سے توبہ کرتا ہوں اور طیارہ گرنے سے محفوظ رہنے کی دعا بھی پڑھتا ہوں ۔

طیارہ حادثے کی اطلاع ملنے پر مرکزی مجلس شوریٰ کے نگران مولانا محمدعمران عطاری نے بھی جاں بحق ہونے والوں کے سوگواروں سے تعزیت کرتے ہوئے مرحومین کے لئے دعائے مغفرت کی اور موت کی یاد اور آخرت کی تیاری کرنے کا ذہن دیا۔

آج رات مدنی مذاکرے سے قبل 8:00 بجے شیخ الحدیث والتفسیر مفتی محمد قاسم عطاری مَدَّظِلُّہُ الْعَالِی”نیکی کی دعوت“ کے موضوع پر سنتوں بھرا بیان فرمائیں گے۔ یہ پروگرام براہ راست مدنی چینل پر نشر کیا جائیگا ۔

بعد ازاں مدنی مذاکرے کا سلسلہ ہوگا جس میں امیر اہل سنت علامہ محمد الیاس عطار قادری دَامَتْ بَرَکَاتُہُمُ الْعَالِیَہ عاشقانِ رسول کی جانب سے پوچھے جانے والے سوالات کے جوابات ارشاد فرمائیں گے۔

امیرِ اہلِ سنت حضرت علامہ محمد الیاس عطار قادری  دَامَتْ بَرَکَاتُہُمُ الْعَالِیَہ ہر ہفتے کسی ایک رسالے کے مطالعے کی ترغیب ارشاد فرماتے ہیں اور مطالعہ کرنے والوں کو اپنی دعا وں سے بھی نوازتے ہیں۔

اس ہفتے کا رسالہ "گناہوں سے پاک صاف"ہے۔ رسالے کا مطالعہ کرنے یا سننے والوں کو امیر اہلِ سنت دَامَتْ بَرَکَاتُہُمُ الْعَالِیَہ نے اپنی دعا سے بھی نوازا ہے۔ دعائے عطار کے حقدار بننے کے لئے اس رسالے کا ضرور مطالعہ کیجئے۔

دعائے عطار

یا رب المصطفےٰ ! جو کوئی رسالہ "گناہوں سے پاک صاف" کے 14 صفحات پڑھ یا سن لے اس کو گناہوں سے پاک صاف کر کےبے حساب جنت الفردوس میں داخلہ عطا فرما ۔ اٰمین ۔

یہ رسالہ دعوتِ اسلامی کی ویب سائٹ سے بالکل مفت ڈاون لوڈ کیجئے

Download Now

رسالہ آڈیو میں سننے کے لئے کلک کریں

22مئی 2020ءبروز جمعۃالمبارک دعوتِ اسلامی کی مرکزی مجلس شوریٰ کے رکن حاجی اطہر عطاری کی والدہ کا انتقال ہوگیا تھا۔ 24مئی 2020ء بروز اتوار جانشینِ امیر اہل سنت حاجی عبید رضا عطاری اور رکن شوریٰ حاجی امین عطاری نے نواب شاہ میں ان کی رہائش گاہ پہنچ کر حاجی اطہر عطاری و دیگر سوگواروں سے تعزیت کی اور مرحومہ کے لئے فاتحہ خوانی و دعائے مغفرت کی۔

25 رمضان المبارک کو بعدِ عصر اور 26 رمضان المبارک کی شب مدنی مذاکروں کا انعقاد کیا گیا جن میں امیر اہل سنت حضرت علامہ محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے جوابات ارشاد فرمائے۔

مدنی مذاکرے کے چند مدنی پھول ملاحظہ کیجئے:

بعدِ عصر ہونے والا مدنی مذاکرہ

سوال:آپ کو کوئی تحفہ دینا چاہے تو کیاکرے؟

جواب:مجھے کچھ تحفہ دیناہو تو مجھے یہ دُعادیں کہ اے اللہ! الیاس کا ایمان سلامت رکھ ،بُرے خاتمےسے بچااوراسےبے حساب بخش دے۔جو مجھے نیکیوں کے تحفے دیتے ہیں تو وہ پہلے دُعا کیاکریں کہ میں نے فُلاں فُلاں نیکیاں الیاس قادری کو اِیصال کیں ،پھر آپ چاہیں تو مجھے بھی بتادیں کہ آپ کو یہ یہ نیکیاں اِیصال کی ہیں ۔

بعدِ تروایح ہونے والا مدنی مذاکرہ

سوال:عیدی کس نیّت اورکس اندازسے دینی چاہئے؟

جواب:اگررشتے دارہوں تو صِلہ رِحمی(یعنی رشتہ داروں سے حُسنِ سُلوک کرنا)ورنہ دِل خوش کرنے کی نیّت سے عیدی دینی چاہئے ،اگرنئےنوٹ ہوں تواچھاہے ،عُلمائے اہلِ سُنّت کورقم لفافےمیں ڈال کر ادب سے نذرکرنی چاہئے ،یہ اُن کی تعظیم کا انداز ہے۔

سوال:کوئی مشکل یا حاجت درپیش ہوتو کیا کریں ؟

جواب:کوئی مشکل وحاجت ہوتو 2رکعت’’صَلٰوۃ ُالحاجات‘‘اداکئی جائیں، اس کےبعدگِڑگڑاکراس طرح دُعا کی جائے کہ یااللہ!یہ میرے لیے بہترہوتو مجھےعطافرما۔

سوال:’’راہِ سُلوک کے مسافر‘‘کاکیا معنیٰ ہےاورشریعت وطریقت کے کیا معنیٰ ہے ؟

جواب:تصوف کی راہ پر چلنے والے کو"راہِ سلوک کا مسافر" کہا جاتاہے ۔یادرہے! شریعت اورطریقت جدانہیں٭شریعت قُرآن و سُنّت کے ظاہری اَحکام کو کہا جاتا ہے ٭ ’’طریقت‘‘قُرآن و سُنّت کے باطن کا نام ہے۔

سوال:مُریدبننے کی کیا کیابرکات ہیں ؟

جواب:مُرید بننانیکی اورثواب ہے اورہرنیکی سے عمرمیں اضافہ ہوتاہے ،جامع شرائط پیر کا مُرید ہونے سےعقائد وایمان کی حفاظت ہوتی ہے ۔جو مُریدصاحبِ نظرہوتووہ مُرید ہونے کے فوائد وبَرکات دُنیا میں ہی دیکھ لے گا اوراگرصاحبِ نظرنہیں ہوگا تو سَکرات اورمرنے کے بعد قبروحشرمیں دیکھ لے گا۔مُرید ہونے کا اصل مقصد آخرت کی تیاری کرنا ہے ۔

سوال: پیربننے کی کتنی شرائط ہیں؟

جواب: پیربننے کی چارشرائط ہیں۔

24 رمضان المبارک کو بعدِ عصر اور 25 رمضان المبارک کی شب مدنی مذاکروں کا انعقاد کیا گیا جن میں امیر اہل سنت حضرت علامہ محمدالیاس عطار قادری دَامَتْ بَرَکَاتُہُمُ الْعَالِیَہ نے عاشقانِ رسول کی جانب سے پوچھے گئے سوالات کے جوابات ارشاد فرمائے۔

مدنی مذاکرے کے چند مدنی پھول ملاحظہ کیجئے:

بعدِ عصر ہونے والا مدنی مذاکرہ

سوال:ماہِ رمضان کی طاق راتوں میں کس طرح عبادت کرنی چاہئے؟

جواب:ایک ہی طرح کی عبادت کریں گے تو ہوسکتاہے کہ اُکتاہٹ ہوجائے ،اس لیے ایک گھنٹہ تلاوتِ قرآن،ایک گھنٹہ ذِکْرُاللہ اوردُرُود شریف ،ایک گھنٹہ کسی اسلامی کتاب کا مطالعہ کرلیں ،پھر نوافل اداکرلیں ،اس طرح رات گزارنے میں آسانی ہو گی ۔

سوال:مسجدکوجاتے ہوئے کیا وِردکرناچاہئے ؟

جواب:کوئی خاص وِردنہیں ہے، البتہ دُرُود وسلام پڑھنا اچھا ہے۔

سوال:بچوں کی گالیوں کی عادت کیسے دُورہو؟

جواب:گالیاں دینا بُراکام ہے ،اچھےلوگوں کی زبان سے اچھے اور بُرے لوگوں کی زبان سے بُرےالفاظ نکلتے ہیں ،جو اچھے بچے ہوتے ہیں وہ اچھے الفاظ بولتے ہیں اورگالیوں سے بچتے ہیں۔ مدنی چینل دیکھتے رہیں گے تو آپ بھی اچھے ہوجائیں گے ،ذِکْرُاللہ کریں گے ،نعتیں پڑھیں گے، یوں گالیوں کی عادت بھی ختم ہوجائے گی ۔

سوال:سگریٹ نوشی(Smoking) کی عادت ہوتوکیسے ختم کی جائے؟

جواب:کسی عادت کوڈالنے یا نکالنے کے لیےسنجیدہ (Serious) ہوناپڑتاہے ،سگریٹ پینے والابھی اس عادت کو چھوڑنے کیپکی نیّت کرے ،اِسے سنجیدہ (Serious)لے ،اپنے آپ کو اس طرح ڈرائے کہ سگریٹ کی ڈبی پر بعض اوقات لکھا ہوتاہے کہ سگریٹ پینے سےکینسر کاخطرہ ہے ،اس لیے مجھے یہ نہیں پینا ،اسی طرح منہ میں بدبوہوتومسجد کا داخلہ ممنوع ہے ۔سگریٹ پینے والا کیسامحروم شخص ہے مسجدمیں نہیں جاسکتا،مسجدمیں جانے کے لیے ایسے شخص کو اپنا منہ اچھی طرح صاف کرکے مسجدمیں جانا ہوگا اورمسجدمیں جاکر نمازپڑھے اورہرنمازکے بعدسو(100)مرتبہ یَاکَرِیْمُ یَاکَرِیْمُ کا وِردکرے اوراس عادت کے چُھوٹنے میں کامیابی کے لیے اللہ پاک سے دُعاکرے ۔

بعدِتراویح ہونے والا مدنی مذاکرہ

سوال:تمام عاشقانِ رسول زُلفیں رکھیں ،اس کےبارے میں کچھ ارشادفرمائیں ؟

جواب:تمام عاشقانِ رسول پیارے آقاصلی اللہ علیہ وسلم کی سنّت پورے سرکے بال(زُلفیں )رکھیں ،یہ سنّت ہے ،ہوسکتاہےیہی نیکی بخشش کاسبب ہوجائے۔

سوال:کوئی تعریف کرے تو کیاکرناچاہئے ؟

جواب: کوئی تعریف کرے تو پُھول نہیں جانا چاہئے ،اپنی تعریف سُن کر نفس کو مزہ تو آتاہے اورنفس اسے پسند کرتاہے ،کوئی تعریف کرے تو اُس وقت اِسْتِغْفَارکرناچاہئے ۔

سوال: ایک مرید کااپنے پیرصاحب کے معاملے میں کیساجذبہ ہوناچاہئے؟

جواب:بیعت ہونے کا ایک مطلب ہے بِک جانا،مُریدایساہوجیسے مُردہ بَدسْتِ زندہ ،جس طرح غَسال (غسل دینے والے)کے ہاتھ میں مُردہ ہوتاہے،ایسے ہی مُریدکو ہوناچاہئے۔بُزرگوں کی حکایات پڑھنےسے بھی ذہن بنتاہے ۔ایسے لوگ جوپیری مُریدی کو تسلیم نہیں کرتے جنہیں ’’فرقۂ بےپیر‘‘کہاجاسکتاہے ،ان کے مضامین وغیرہ ہرگز نہ پڑھیں ،غورتوکریں ،غوث الاعظم رحمۃ اللہ علیہ سمیت جتنے بھی بُزرگ ہوئے ہیں یہ سب کسی نہ کسی کے مُرید تھے،کسی کامل پیرکی بیعت کرنے سے کوئی نقصان نہیں، دنیا وآخرت کے فوائدہی فوائد ہیں ۔

سوال:آپ کے ہاں جو گھریلوکسب ہوتاتھا، اس کے بارے کچھ بتائیے ؟

جواب:ہمارے گھروالوں نے غُربت کے باوُجودکسی سے سُوال نہیں کیا ،کسی سے کوئی زکوۃو خیرات نہیں لی بلکہ گھریلوکسب کرتے تھے ،مونگ پھلی کے چھلکوں سے دانے نکالتے ،بھُنے ہوئے چنوں کے چھلکے جداکرتے ،سُوکھی اِملی سے اُس کے دانے جُداکرتےوغیرہ اوراس پر ایک آنے ،چارآنےوغیرہ اُجرت ملتی تھی،اِس سے گزربسرہوتی تھی ۔

سوال:دُنیا میں کچھ لوگوں کی آپس میں جان پہچان ہوتی ہےاوربعض میں نہیں، اِس کی کیا وجہ ہے ؟

جواب:عالم ِاَرواح میں جن کی جان پہچان ہوئی ،اِن کی دُنیا میں بھی جان پہچان ہوتی ہے اورعالمِ اَرواح میں جن رُوحوں میں اجنبیّت رہی تو دُنیا میں بھی اجنبیّت رہتی ہے ۔

سوال:جنّتوں کی تعدادکتنی ہے اوراِن کےنام کیا ہے؟

جواب:جنّتوں کی تعداد آٹھ (8)ہے، جن کے نام یہ ہیں: (1)دارُالجلال (2)دارُالقرار (3)دارُالسلام (4)جنّتِ عَدن (5)جنّتُ الماویٰ (6) جنتُ الْخُلْد (7)جنّت ُالِفردوس(8)جنّتُ النَّعِیْم ،اِن میں سے اعلیٰ جنّت الفردوس ہے۔

سوال:شبِ قدرکی رات اورلَیْلَۃُ القدرکی رات کہناکیسا ؟

جواب:شب اور لَیْل کا معنی رات ہے،جب لفظ شب اورلیل آجائے تو پھر لفظ ’’رات ‘‘ بولنے کی حاجت نہیں ،شب ِقدراور لَیْلَۃُ القدرکہنا کافی ہے ۔

سوال:بال(Hair) کیوں جھڑتے ہیں ؟

جواب:آجکل خوراک میں ملاوٹ،صابن اورشیمپومیں کیمیکل ہوتے ہیں، جس کی وجہ سے بال جھڑتے ہیں ،عموماًجڑسے جدانہیں ہوتے بلکہ ٹُوٹتے ہیں ۔

سوال:نبیِ کریم صلی اللہ علیہ وسلم کے زمانے میں حج کے دوران زم زم شریف پلانے کی ذمہ داری (سِقایۃ ُالحاج)کس کےسپرد تھی ؟

جواب: نبی کریم صلی اللہ علیہ وسلم کے چچاحضرت عباس بن عبدالمطلب رضی اللہ عنہ کی