20 ، 21 ، 22 مئی 2023ء  بروز ہفتہ ، اتوار ، پیر فیضانِ مدینہ ، سوساں روڈ مدینہ ٹاؤن فیصل آباد (پنجاب) میں تین دن کا روحانی علاج کورس ہوا جس میں ڈویژن فیصل آباد سے آنے والے مختلف عاشقانِ رسول نے شرکت کی۔

کورس میں شریک اسلامی بھائیوں کی معلم محمد طیب عطاری (شعبہ روحانی علاج ) نے تعویذاتِ عطاریہ لکھنے کے حوالے سے مختلف امور پر رہنمائی کی نیز دم کرنے اور کاٹ والے عمل کرنے کا طریقہ اور احتیاطیں سمجھائی ۔

ساتھ ہی ساتھ 12 دینی کاموں کا ذہن دیا اور خیر خواہی اُمّت کی کا جذبہ بھی دلایا۔ (رپورٹ: سمیر علی آفس ذمہ دار ، کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی  کی جانب سے 20 مئی 2023ء کو واہ کینٹ میں مدنی مشورے کا انعقاد ہوا جس میں واہ کینٹ ٹیکسلا ،مری،کوٹلی ستیاں،چک بیلی خان اور گجرخان کے تحصیل نگرانوں اور شعبہ جات کے ڈسٹرکٹ ذمہ داران نے شرکت کی۔

مدنی مشورے میں ڈسٹرکٹ نگران لیاقت عطاری نے اسلامی بھائیوں کے دینی کاموں کی سابقہ کارکردگی کا جائزہ لیتے ہوئے انھیں مدنی قافلے میں سفر کرنے اور شعبہ تحفظ اوراق مقدسہ کے دینی کام کو مزید بہتر کرنے کے حوالے سے تربیتی نکات فراہم کئے ۔

علاوہ ازیں اجتماعی قربانی و قربانی کی کھالوں کو جمع کرنے کے حوالے اہداف دیئے نیز تحصیل سطح پر کارکردگی ذمہ دار کا تقرر کرنے اور ڈونیشن سیل لگانے کے حوالے سے بھی مدنی پھول پیش کئے جس پر اسلامی بھائیوں نے نیک خواہشات کا اظہار کیا۔(رپورٹ: محمدبلال راولپنڈی سٹی وڈسٹرکٹ ذمہ دار،کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی کے تحت 20 مئی 2023ء بمطابق 30 شوال المکرم 1444ھ کی شب عالمی مدنی مرکز فیضانِ مدینہ کراچی میں مدنی مذاکرے کا انعقاد کیا گیا جسے بذریعہ مدنی چینل پاکستان سمیت  دنیا بھر میں دکھایا گیاجبکہ کراچی کے مختلف علاقوں سے کثیر اسلامی بھائیوں نے براہِ راست اس مدنی مذاکرے میں شرکت کی۔

اس مدنی مذاکرے میں عاشقانِ رسول نے شیخِ طریقت امیرِ اہلِ سنت علامہ محمد الیاس عطار قادری دامت بَرَکَاتُہمُ العالیہ سے دینی و دنیاوی معاملات کے حوالے سے سوالات کئے جس کے امیرِ اہلِ سنت نے علمِ و حکمت سے بھر پور جوابات دیئے۔

ان سوال و جواب میں سے بعض درج ذیل ہیں:

سوال: بندے میں کتنی قوتِ برداشت ہونی چاہیئے ؟

جواب: جب کوئی مشکل ومصیبت آئے تو بندہ صبرکرے ،اپنے اندرقوتِ برداشت پیداکرے ۔جتنا صبرمشکل ہوگا اتناثواب بھی زیادہ ہوگا۔

سوال:کیا جنت میں ہرخواہش پوری ہوگی ؟

جواب:جی ہاں !جنت اللہ پاک کی رحمت وکرم کا مظہر ہے ۔جنت میں رنج وغم نہیں ۔جنت میں ہرنعمت ہوگی ۔جنّتی جس چیز کی خواہش کرے گا وہ اسے حاصل ہوگی ۔جنّتی کو سب سے بڑی نعمت یہ حاصل ہوگی کہ اُسے اللہ پاک کا دِیدار نصیب ہوگا۔

سوال : آم(Mango) کھانے کے کیاکیافوائدہیں ؟

جواب : آم پھلوں کا بادشاہ ہے،آم کھانا جلد بوڑھا ہونے سے بچاتاہے ۔یہ ہرقسم کے کینسراوردمے سے بچاسکتاہے ۔یہ ہڈیوں کے امراض دورکرتاہے ۔ آم جسمانی کمزوری کودورکرتااوراسے موٹاکرتاہے۔یہ پٹھوں کو سخت گرمی اورلُوسےبچاتاہے ۔اس کے کھانے سے سفیدبالوں میں کالک آسکتی ہے ۔ پہلے سیزن کا آم نہ کھایا جائے،کیونکہ یہ طبّی طورپر(Medically) مناسب نہیں۔

سوال: وضوکے بعد داڑھی میں کنگھی کرنے کاکیا فائدہ ہے ؟

جواب: وضوکے بعد داڑھی میں کنگھی کرنا تنگدستی کودورکرتاہے ،امام جلال الدین سیوطی رحمۃ اللہ علیہ لکھتے ہیں :حضرت وہب بن منبہ رحمۃ اللہ علیہ فرماتے ہیں : کھڑے ہوکرکنگھی کرنے سے قرض چڑھتاہے اوربیٹھ کر کنگھی کرنا قرض کودورکرتاہے ۔(الحاوی للفتاویٰ جلد2ص46،47،بیروت )

سوال: نبیِ کریم صلی اللہ علیہ والہ وسلم کاشجرۂ نسب یادکرنا کیسا؟

جواب: اچھا ہے ۔

سوال:شجرے سے کیا مرادہے، اوراس کے پڑھنے کے کیافائدے ہیں ؟

جواب:شجرکامعنی درخت ہے،شجرہ کامعنی بھی درخت ہی ہے ۔جس طرح حدیث کی سندیں ہوتی ہیں،اسی طرح سلسلۂ پیری مُریدی کابھی شجرہ ہوتاہے ۔شجرہ مشائخ کا نبیِ کریم صلی اللہ علیہ والہ وسلم سے ملنے کی سندہے ۔شجرہ پڑھنے سے نیک لوگوں کا ذکر کرنے کی سعادت حاصل ہوتی ہے ۔نیک لوگوں کے ذکرکے وقت اللہ پاک کی رحمت نازل ہوتی ہے اورایک روایت میں ہے کہ نیک لوگوں کاذکر گناہوں کا کفارہ ہے ۔ یعنی شجرہ پڑھنے کےبہت فوائد ہیں، مثلاً اوّل(1)۔ رسولُ اﷲ صلَّی اللہ علیہ وسلَّم تک اپنے اِتصال( یعنی سلسلہ کے ملنے )  کی سند کاحفظ۔دُوُم(2) :صالحین( یعنی نیک بندوں )  کا ذکر کہ مُوجِب نُزولِ رحمت( یعنی رَحمت کے نازل ہونے کا سبب )  ہے۔سِوُم (3): نام بنام اپنے آقایانِ نعمت( یعنی سلسلے کے مشائخِ کرام رحمۃُ اللہ علیہ  )  کو ایصالِ ثواب کہ اُن کی بارگاہ سے موجبِ نظر عنایت( یعنی نظر ِکرم ہونے کا سبب )ہے۔چہارم(4) :جب یہ( یعنی شَجَرَہ عالیہ پڑھنے والا )اوقاتِ سلامت( یعنی راحت )  میں ان کا( یعنی اپنے سلسلے کے مشائخِ کرام  رحمۃُ اللہ علیہم اجمعین کا )نام لیوا رہے گا تو وہ اوقاتِ مصیبت( یعنی کسی بھی پریشانی اور مشکل کے وقت )  میں اس کے دستگیر ہوں گے( یعنی اس کی مدد فرمائیں گے ) ۔ رسول اﷲ صلَّی اللہ تعالیٰ علیہ وسلَّم فرماتے ہیں : تُو خوشحالی میں اﷲ پاک کو پہچان وہ مصیبت میں تجھ پر نظر ِکرم فرمائے گا۔(جامع صغیر ، ص199 ، حدیث : 3317 ۔ فتاویٰ رضویہ ، 26 / 590 ، 591 )

سوال : نیکی کی دعوت/ دعوتِ اسلامی کے کسی دینی کام یاشعبے کے تعارف کا ویڈیو کلپ کس طرح بنایا جائے ؟

جواب : ہمیشہ خیال رکھیں کہ جب کوئی کلپ بنایاجائے تو اس کی ابتدامیں نیکی کی دعوت کے موضوع پر کوئی حدیث پاک یاکوئی روایت بیان کی جائے اورشروع میں کسی مجلس یاشعبے کا ذکر نہ کیاجائے تاکہ تمام لوگ اسے دیکھیں ۔

سوال: کیا مریضوں سے دعاکروانی چاہیئے ؟

جواب: مریض سے دعاکروانی چاہیئے کہ اس سے دعاکروانافرشتوں کی دعاکی طرح ہے ۔

سوال: اِس ہفتے کارِسالہ ” لوحِ محفوظ کے بارے میں دلچسپ معلومات “ پڑھنے یاسُننے والوں کوامیرِاہل سنت نے کیا دُعا دی ؟

عاشقانِ رسول کی دینی تحریک دعوتِ اسلامی کے تحت 13 مئی 2023ء بمطابق 23 شوال المکرم 1444ھ کی شب عالمی مدنی مرکز فیضانِ مدینہ کراچی میں مدنی مذاکرے کا انعقاد کیا گیا جسے بذریعہ مدنی چینل پاکستان سمیت دنیا بھر میں دکھایا گیاجبکہ کراچی کے مختلف علاقوں سے کثیر اسلامی بھائیوں نے براہِ راست اس مدنی مذاکرے میں شرکت کی۔

اس مدنی مذاکرے میں عاشقانِ رسول نے شیخِ طریقت امیرِ اہلِ سنت علامہ محمد الیاس عطار قادری دامت بَرَکَاتُہمُ العالیہ سے دینی و دنیاوی معاملات کے حوالے سے سوالات کئے جس کے امیرِ اہلِ سنت نے علمِ و حکمت سے بھر پور جوابات دیئے۔

ان سوال و جواب میں سے بعض درج ذیل ہیں:

سوال: اُولُوالْعزم رسول کون کون سے ہیں ؟

جواب: اُولُوالْعزم رسول 5 ہیں : پیارے آقا محمد رسول اللہ صلی اللہ علیہ واٰلہ وسلم ،حضرت ابراہیم خلیل اللہ ،حضرت موسیٰ کلیم اللہ، حضرت عیسٰی روح اللہ اورحضرت نوح نجی اللہ علیہم السلام ۔(بہارِشریعت ،1/54)

سوال:ہم نیک بننے کی کوشش کرتے ہیں مگر پھر بھی گنا ہ ہوجاتاہے ،اس کا کیا حل ہے ؟

جواب:معصوم توانبیائے کرام اورفرشتے ہیں ۔ہم عام انسان گنہگارہیں ،جب کبھی گناہ ہوجائے تو آئندہ گناہ نہ کرنے کے عزم کے ساتھ فوراً سچی توبہ کریں اور اللہ کی رحمت پر نظررکھیں ۔اس احساس ِکمتری میں مبتلاہوناکہ مَیں گنا ہ سے بچ ہی نہیں پاتا،یہ درست نہیں بلکہ دوبارہ گنا ہ ہوجائے تو پھر سچی توبہ کریں ، اِنْ شآء اللہ الکریم یہ توبہ کرنا ہمیں کبھی نہ کبھی گناہوں سے روک دے گا۔ہمیں ہمیشہ اللہ پاک کی رحمت پر نظررکھ کرگناہوں سے بچنے کی کوشش جاری رکھنی چاہیئے ۔

سوال : رمضان المبارک میں عموماً گناہوں سے بچت رہتی ہے ،عبادت میں بھی ذوق ہوتاہے ،نیکیاں کرنے کا جذبہ ملتا ہےمگر رمضان المبارک کے بعدیہ سب کچھ نہیں ملتا،نیکیاں کرتے رہنے کا جذبہ کس طرح سلامت رہے ؟

جواب : رمضان المبارک کی اپنی بہاریں ہیں ،اس میں عبادت کی طرف دل مائل ہوتاہے،گناہوں سے نفرت ہوتی ہے ،بعد میں یہ کیفیت بدل جاتی ہے ۔جب گناہ کرنے کا دل نہ کرے تو گناہ سے بچنااورجب دل کرتاہوتو اس وقت بچنادونوں میں فرق ہے ۔بہرحال دونوں صورتوں میں گناہوں سے تو بچنا ہی ہے۔گناہوں سے بچنے کے لئے دعوتِ اسلامی کے دینی ماحول سے وابستہ رہیں ،اسلامی بھائی ذیلی حلقے کے12 دینی کاموں اوراسلامی بہنیں 8 دینی کاموں میں مصروف رہیں۔اسلامی بھائی مدنی قافلے میں سفرکریں،نیک اعمال کے مطابق روزانہ جائزہ لیتے رہیں گے تو گناہوں سے بچنے کی صورتیں نکل آئیں گی ،ان شآء اللہُ الکریم ۔

سوال: اگرنیکی کی دعوت دینے کے دوران کوئی مذاق اُڑائے یا ڈانٹ دے تو اس پر ہمیں کیا کرنا چاہیئے؟۔

جواب: ایساکم ہی ہوتاہوگا۔کئی نوجوان سنجیدہ اوربڑی عمرکے لوگ سمجھدارہوتے ہیں،یہ نیکی کی دعوت سنتےہوں گے۔ اگرکوئی نوجوان مذاق اڑائے یا کوئی بوڑھا شخص ڈانٹ دے تو آپ پیچھے نہ ہٹیں بلکہ نیکی کی دعوت کاسلسلہ جاری رکھیں ۔میرے ساتھ بھی کئی واقعات ہوئے ہیں مگرمیں نے نیکی کی دعوت کاسلسلہ جاری رکھا۔کام کرنا ہے تو لوگ کمزورباتیں کرتے ہی ہیں، جیسے گاہک ایساکرے تو دکاندارمیٹھامیٹھا بنتاہے،کیونکہ اسے اپنا مال بیچنا ہے ۔ہمیں ایساہی بنناہےکیونکہ ہمیں نیکی کی دعوت کا ثواب حاصل کرناہے اوراپنی آخرت بہتربنانی ہے ۔اللہ پاک چاہے تو ایک شخص استقامت کے ساتھ دین کا کام کرے تو اس کی کوشش سے ایک گاؤں یا ایک شہرکا نقشہ ہی بدل سکتاہے ۔

سوال: اِس ہفتے کارِسالہ ” امیرِ اہلِ سنّت  سے قرآنِ پاک  کے بارے میں سوال جواب “ پڑھنے یاسُننے والوں کوجانشینِ امیرِ اہلِ سنت مدظلہ العالی نے کیا دُعا دی ؟

جواب: ‫یااللہ پاک جو کوئی17 صفحات کا رسالہ ”امیرِ اہلِ سنّت  سے قرآنِ پاک  کے بارے میں سوال جواب “پڑھ یا سُن لے،اس کے دل کو نورِ قرآن سے منوّر فرما اور اس کی بے حساب بخشش فرما ۔اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم۔

قطع تعلقی حرام ہے جو کہ معاشرے میں عام ہو چکا ہے لوگوں میں الله پاک کا خوف ختم ہو چکا ہے ساری امت کا اس پر اتفاق ہے کہ صلہ رحمی واجب ہے قطع تعلقی حرام ہے۔ جب تک شریعت اجازت نہ دے تب تک قطع تعلقی نہیں کرنی چاہیے۔ قرآنِ پاک میں ارشاد ہے: وَ اتَّقُوا اللّٰهَ الَّذِیْ تَسَآءَلُوْنَ بِهٖ وَ الْاَرْحَامَؕ-اِنَّ اللّٰهَ كَانَ عَلَیْكُمْ رَقِیْبًا(۱) (پ 4، النساء: 1) ترجمہ کنز الایمان: اور اللہ سے ڈرو جس کے نام پر مانگتے ہو اور رشتوں کا لحاظ رکھو بے شک اللہ ہر وقت تمہیں دیکھ رہا ہے۔اس آیتِ مبارکہ کے تحت تفسیرِ مظہری میں ہے: یعنی تم قطع رحم (یعنی رشتے داروں سے تعلق توڑنے) سے بچو۔ (تفسیرِ مظہری، 2/3)

قطع تعلقی کے متعلق احادیث مبارکہ:

1۔ رشتہ کاٹنے والا جنت میں نہیں جائے گا۔ (بخاری، 6/97، حدیث:5986)

2۔ الله پاک فرماتا ہے: جو جوڑے گا میں اسے ملاؤں گا اور جو کاٹے گا میں اسے ہلاک کروں گا۔ (ابوداؤد، 2/183، حدیث: 1694)

3۔ جو یہ چاہے کہ اس کے رزق میں کشادگی اور عمر میں اضافہ کیا جائے تو اسے صلہ رحمی کرنی چاہیے۔ (مسلم، ص1384، حدیث:255)

4۔ جس قوم میں رشتہ داری توڑنے والا ہوتا ہے اس پر رحمت نہیں اترتی۔ (شعب الایمان،7/223، حدیث: 7962)

5۔ جس گناہ کی سزا دنیا میں بھی جلد ہی دے دی جائے اور اس کے لیے آخرت میں بھی عذاب رہے وہ بغاوت اور قطع رحمی سے بڑھ کر نہیں۔ (ترمذی، 4/229، حدیث: 2519)

رشتے جوڑیئے: صلہ رحمی (رشتے داروں کے ساتھ اچھا سلوک) اسکا نام نہیں کہ وہ سلوک کرے تو تم بھی کرو یہ چیز تو حقیقت میں مکافاۃ یعنی ادلا بدلا کرنا ہے کہ اس نے تمہارے پاس چیز بھیج دی تم نے اس کے پاس بھیج دی وہ تمہارے یہاں آیا تم اس کے پاس چلے گئے۔ حقیقتاً صلہ رحمی (یعنی کامل درجے کا رشتے داروں سے اچھا سلوک) یہ ہے کہ وہ کاٹے اور تم جوڑو وہ تم سے جدا ہونا چاہتا ہے بے اعتنائی (لا پرواہی) کرتا ہے اور تم اس کے ساتھ رشتے کے حقوق کی مراعات (لحاظ و رعایت) کرو۔ (رد المحتار، 9/687)

وہاں پیارا کعبہ یہاں سبز ِگنبد                                    وہ مکہ بھی میٹھا تو پیارا مدینہ(وسائل بخشش،ص 327)

مکہ مکرمہ و مدینہ منورہ نہایت بابرکت اور صاحبِ عظمت شہر ہے، مکہ مکرمہ ہو یا مدینہ منورہ دونوں شہر اسلام کی بنیاد ہیں، دیگر انبیا بالخصوص حضرت ابراہیم علیہ السلام اور آپ کی آل و اولاد کا تذکرہ خیر مکہ مکرمہ سے منسوب ہے، جبکہ سید عالم صلی اللہُ علیہ واٰلہٖ وسلم نے مکہ مکرمہ اور مدینہ منورہ دونوں مقدس شہروں کو اپنی فیوض و برکات سے نوازا اور آپ سے نسبت کی وجہ سے ہی ان دونوں شہروں کو عظمت و شرف ملا۔آئیے!قرآنِ پاک سے ذکرِ مکہ و مدینہ پڑھتی ہیں اور اپنے دل و دماغ کو ان عظیم شہروں کے ذکر سے منور کرتی ہیں۔

ذکرِ مکہ مکرمہ:

دعائے ابراہیم:وَ اِذْ قَالَ اِبْرٰهِیْمُ رَبِّ اجْعَلْ هٰذَا الْبَلَدَ اٰمِنًا وَّ اجْنُبْنِیْ وَ بَنِیَّ اَنْ نَّعْبُدَ الْاَصْنَامَ ؕ ۔اوریاد کرو جب ابراہیم نے عرض کی:اے میرے ربّ! اس شہر کو امان والا کردے۔(سورہ ابراہیم، آیت 35)

حضرت ابراہیم علیہ السلام نے اللہ پاک سے دعا کی:اے میرے ربّ کریم! مکہ مکرمہ کو امن والا شہر بنا دے کہ قیامت کے قریب دنیا کے ویران ہونے کے وقت یہ شہر ویرانی سے محفوظ رہے یا شہر والے امن میں ہوں۔ حضرت ابراہیم علیہ السلام کی یہ دعا قبول ہوئی اور اللہ پاک نے مکہ مکرمہ کو ویران ہونے سے محفوظ فرما دیا۔

شہرِ مکہ کی قسم:

لَآقْسِمُ بِھٰذَاالْبَلَدِْ، وَاَنْتَ حِلٌّ بِھٰذَاالْبَلَدِ۔ترجمہ: مجھے اِس شہر کی قسم!جبکہ تم اِس شہر میں تشریف فرما ہو۔

یہاں ان آیات میں ارشاد فرمایا:اے حبیب! مجھے اس شہر مکہ کی قسم! جبکہ تم اِس شہر میں تشریف فرما ہو۔(تفسیر صراط الجنان)یہاں اللہ کریم نے مکہ مکرمہ کی فضیلت کی وجہ اس کی قسم ارشاد فرمائی اور مکہ مکرمہ کو یہ فضیلت حاصل ہے کہ اللہ کریم نے اِسے امن والی جگہ بنایا۔

مکہ مکرمہ میں ہی حرم ہے:

اِنَّ اَوَّلَ بَیْتٍ وُّضِعَ لِلنَّاسِ لَلَّذِیْ بِبَكَّةَ مُبٰرَكًا وَّ هُدًى لِّلْعٰلَمِیْنَ ۚ ۔بے شک سب سے پہلا گھر جو لوگوں کی عبادت کے لئے بنایا گیا وہ ہے جو مکہ میں ہے، برکت والا ہے اور سارے جہاں والوں کے لئے ہدایت ہے۔

ذکرِ مدینہ منورہ :

عزت والا مقام: یَقُوْلُوْنَ لَىٕنْ رَّجَعْنَاۤ اِلَى الْمَدِیْنَةِ لَیُخْرِجَنَّ الْاَعَزُّ مِنْهَا الْاَذَلَّ ؕوَ لِلّٰهِ الْعِزَّةُ وَ لِرَسُوْلِهٖ وَ لِلْمُؤْمِنِیْنَ وَ لٰكِنَّ الْمُنٰفِقِیْنَ لَا یَعْلَمُوْنَ۠ ۔

وہ کہتے ہیں: قسم ہے! اگر ہم مدینہ کی طرف لوٹ کر گئے تو ضرور جو بڑی عزت والا ہے، وہ اس میں نہایت ذلت والے کو نکال دے گا، حالانکہ عزت تو اللہ اور اس کے رسول اور مسلمانوں ہی کے لئے ہے، مگر منافقوں کو معلوم نہیں۔(سورہ منافقون، آیت8)

مدینہ طابہ ہے:

وَ اِذْ قَالَتْ طَّآىٕفَةٌ مِّنْهُمْ یٰۤاَهْلَ یَثْرِبَ لَا مُقَامَ لَكُمْ فَارْجِعُوْا ۚوَ یَسْتَاْذِنُ فَرِیْقٌ مِّنْهُمُ النَّبِیَّ یَقُوْلُوْنَ اِنَّ بُیُوْتَنَا عَوْرَةٌ وَ مَا هِیَ بِعَوْرَةٍ ۚۛاِنْ یُّرِیْدُوْنَ اِلَّا فِرَارًا ۔ترجمۂ کنزالعرفان: اور جب ان میں سے ایک گروہ نے کہا، اے مدینہ والو! یہاں ٹھہرنے کی جگہ نہیں، تم گھروں کو واپس چلو اور ان میں سے ایک گروہ نبی سے اذن مانگتا تھا یہ کہہ کر کہ ہمارے گھر بے حفاظت ہیں اور وہ بے حفاظت نہ تھے وہ تو نہ چاہتے تھے مگر بھاگنا۔(سورہ احزاب، آیت13)

اس آیت میں یثرب کا لفظ ذکر ہوا،اس کے بارے میں اعلیٰ حضرت امام احمد رضا خان رحمۃ اللہ علیہ فرماتے ہیں:قرآنِ پاک میں لفظ یثرب آیا، ربّ کریم نے منافقین کا قول نقل فرمایا ہے،یثرب کالفظ فساد و ملامت سے خبر دیتا ہے، وہ ناپاک اسی طرف اشارہ کر کے یثرب کہتے، اللہ پاک نے ان پر ردّ کے لئے مدینہ منورہ کا نام طابہ رکھا۔حضوراقدس صلی اللہُ علیہ واٰلہٖ وسلم فرماتے ہیں:یَقُوْلُوْنَ یَثْرِبَ وَہِیَ الْمَدِیٌنَۃُوہ اسے یثرب کہتے ہیں اور وہ تو مدینہ ہے۔(بخاری، کتاب فضائل المدینہ، حدیث 1871، تفسیر صراط الجنان)اور فرماتے ہیں:بے شک اللہ کریم نے مدینہ کا نام طابہ رکھا۔

مدینہ اس لئے عطار جان و دل سے ہے پیارا کہ رہتے ہیں میرے آقا میرے دلبر مدینے میں

(وسائل بخشش، صفحہ 406)

دعوت اسلامی کے تحت 28 جون 2022 ء کو لودہراں میں شعبہ رابطہ برائے شخصیات کے ذمہ داران  نے تحصیل نگران کے ہمراہ ڈپٹی کمشنر آغا ظہیر عباس شیرازی ، ایڈیشنل ڈپٹی کمشنر جنرل ملک فراز اعوان،ایڈیشنل ڈپٹی کمشنر فنانس اینڈ پلاننگ فہد انور،پی اے ٹو فنانس عبد الرحمٰن،ایڈیشنل ڈائریکٹر لوکل گورنمنٹ راؤ اخلاق احمد،ڈپٹی ڈائریکٹر لوکل گورنمنٹ راؤ مختار احمد و میونسپل کمیٹی آفیسرز و دیگر سے ملاقاتیں کیں۔

دوران ملاقات دعوت اسلامی کے شعبہ جات کے حوالے سے انہیں بریف کیا اور ڈسٹرکٹ کونسل ہال میں قربانی کورس کروانے کے حوالے سے گفتگو ہوئی نیز مکتبۃ المدینہ کی کتب و رسائل تحائف میں پیش کئے۔(رپورٹ: شعبہ رابطہ برائے شخصیات دعوت اسلامی لودہراں، کانٹینٹ: محمد مصطفی انیس )

دعوت اسلامی کے زیر اہتمام23 جون 2022ء بروز جمعرات بہاولپور ڈویژن میں ڈاکٹر نعیم عطاری کے کلینک پر نیو مسلم اسلامی بھائیوں کے  سیکھنے سکھانےکا حلقہ ہوا جس میں نگران مجلس محمد شاہ زیب عطاری نے 7دن کا نیو مسلم کورس اور 7دن کا فیضان نماز کورس کرنے کی دعوت پیش کی۔

نیو مسلم اسلامی بھائیوں نے کورسز کرنے کی نیت کا اظہار کیا۔ اس کے علاوہ انہیں ہفتہ وار اجتماع کی دعوت دی اور مدرسۃ المدینہ میں نیو مسلم کو اپنے بچوں کو داخلہ دلوانے کی ترغیب دلائی ۔

نیو مسلم اسلامی بھائیوں نے کورسز کرنے کی نیت کا اظہار کیا۔ اس کے علاوہ انہیں ہفتہ وار اجتماع کی دعوت دی اور مدرسۃ المدینہ میں نیو مسلم کو اپنے بچوں کو داخلہ دلوانے کی ترغیب دلائی ۔

پچھلے دنوں  دعوت اسلامی کے زیر اہتمام فیضانِ مدینہ میانوالی میں جزء وقتی فیضان نماز کورس کا انعقاد کیا گیا جس میں دور و نزدیک سے آئے ہوئے اسلامی بھائیوں نے شرکت کی۔

نماز کورس میں شریک اسلامی بھائیوں کو نماز کے فضائل و برکات سمیت فرائض و واجبات سکھائے گئے نیز اس موقع پر اسپیشل پرسنز ڈیپارٹمنٹ کے تحت بھی حلقہ لگایاجس میں اسپیشل پرسنز اسلامی بھائیوں نے شرکت کی۔ ان کے لئے ڈویژن ذمہ دار سرگودھا محمد ابو بکر عطاری اور ڈسٹرکٹ میانوالی ذمہ دار مجاہد عطاری نے اشاروں کی زبان میں ترجمانی کی ۔(رپورٹ: محمد سمیر عطاری ،کانٹینٹ:رمضان رضا عطاری) 

فیضان مدینہ پشاور میں جاری کورس میں پشاورڈویژن کے نگران محمد توصیف عطاری کا جدول بنا جس میں انہوں نے شرکائے کورس  کو دینی کام کرنے سے متعلق تربیتی مدنی پھول دیئے۔ بعدازاں معلم کورس ذمہ دار محمد بدرعطاری سے اس کورس میں مزید بہتری لانے کے حوالے سے مشاورت بھی کی ۔(رپورٹ: محمد سمیر عطاری اسلام آباد ،کانٹینٹ:رمضان رضا عطاری)

دعوتِ اسلامی کے زیرِ اہتمام صوبۂ خیبر پختونخوا کے شہر ڈیرہ اسماعیل خان میں قصوریہ خاندان کے گھر پر شخصیات اجتما ع کا انعقاد کیا گیا جس میں کثیر تعداد میں عاشقانِ رسول کی شرکت رہی۔

اس اجتماعِ پاک میں مرکزی مجلسِ شوریٰ کےرکن حاجی یعفور رضا عطاری نے سنتوں بھرا بیان کیا اور شرکا کو دعوتِ اسلامی کے دینی ماحول سے ہر دم وابستہ رہنے کاذہن دیا جس پر انہوں نے اچھی اچھی نیتیں کیں۔

واضح رہے قصوریہ خاندان نے ڈیرہ اسماعیل خان میں دعوتِ اسلامی کو فیضان اسلامک اسکول سسٹم بنا کر دیا ہے مزید دارالمدینہ اور فیضان آن لائن اکیڈمی بنا کر دینے کی نیتیں کیں ہیں۔(رپورٹ:محمد ابوبکر عطاری معاون رکن شوری حاجی یعفور رضا عطاری، کانٹینٹ:غیاث الدین عطاری)