شمالی لاہور زون اور جنوبی لاہور زون کا مدنی مشورہ، حاجی شاہد عطاری نے شرکا کی تربیت کی

04 جولائی 2021ء بروز اتوار مدنی مرکز فیضانِ مدینہ فیصل آباد میں شمالی لاہور زون اور جنوبی لاہور زون کا مدنی مشورہ ہوا۔ مشورے کا آغاز بعد نمازِ ظہر دوپہر دو بجے ہوا جو اذانِ مغرب تک جاری رہا۔

مدنی مشورے میں نگران پاکستان مشاورت حاجی شاہد عطاری نے شرکا کی دینی، اخلاقی اور تنظیمی تربیت فرمائی۔ مشورے میں ریجن نگران، ریجن آفس نگران، متعلقہ زون کے کارکردگی ذمہ دار، نگرانِ زون، تمام نگرانِ کابینہ ، شعبہ مدرسۃا لمدینہ بالغان کے نگرانِ مجلس، زون و کابینہ ذمہ داران اور شعبہ اصلاحِ اعمال، قافلہ،کورسز، ہفتہ وار اجتماع اور مدنی مذاکرہ کے نگرانِ مجالس اورزون ذمہ داران نے شرکت کی۔

نگرانِ پاکستان مشاورت نے اس موقع پر کابینہ اور زون وائز 12 دینی کاموں کی کارکردگی کا پچھلی کارکردگی سے تقابلی جائزہ لیا۔ ذمہ داران نے حاجی شاہد عطاری کو مدرسۃ المدینہ بالغان کی جنوری 2021 تا جون 2021 تک کی کارکردگی بھی پیش کی جس پر انہوں نے بالغان میں پڑھنے والوں کی تعداد مزید بڑھانے کے متعلق مدنی پھول اور اہداف دیئے۔

اس موقع پر رکنِ شوریٰ حاجی یعفور رضا عطاری بھی موجود تھے۔ 

دعوتِ اسلامی کے  ہفتہ وار دینی کاموں میں ایک دینی کام ”مدنی مذاکرہ“ بھی ہے جس میں شرکت کرنے والوں کو علم دین، تجربات اور طب سے متعلق نہایت قیمتی مدنی پھول حاصل ہوتے ہیں۔ مدنی مذاکرے کی اہمیت و افادیت کے پیشِ نظر ملک و بیرونِ ملک کئی مقامات پر اسلامی بھائی جمع ہوکر مدنی چینل کے ذریعے مدنی مذاکرہ دیکھنے کی سعادت حاصل کرتے ہیں۔

اسی سلسلے میں 3 جولائی کو بعد نمازِ عشاء ہونے والے مدنی مذاکرہ دیگر مقامات کی طرح مدنی مرکز فیضان مدینہ فیصل آباد میں دیکھا گیا۔ مدنی مذاکرہ اجتماع کے موقع پر نگران پاکستان مشاورت حاجی شاہد عطاری ،جامعۃ المدینہ کے طلبا ئےکرام اور دیگر اسلامی بھائیوں نے شرکت کی۔

مدنی مذاکرے کے بعد نگران پاکستان مشاورت حاجی شاہد عطاری نے 12 دینی کام کرنے اورنماز کی اہمیت سے متعلق عاشقانِ رسول کی رہنمائی بھی فرمائی اور بالخصوص نماز کی پابندی کرنے ، باجماعت نماز ادا کرنے ، دوسروں کو نماز کی ترغیب دلانے اور فجر میں مسلمانوں کو جگانے کاذہن دیا۔

نگران پاکستان نے اسلامی بھائیوں کو عشق مرشد بڑھانے کے لئے محبوب عطار ومرحوم رکن شوری حاجی زم زم رحمۃ اللّٰہ علیہ کی سیرت کا مطالعہ کرنے کی ترغیب دلائی ۔

اختتام پر مدنی مذاکرہ دیکھنے والے اسلامی بھائیوں کے درمیان قرعہ اندازی کا سلسلہ ہوا جس میں نام نکلنے والے خوش نصیب اسلامی بھائی کو امیر اہل سنت دَامَتْ بَرَکَاتُہُمُ الْعَالِیَہ کی استعمال شدہ تسبیح تحفے میں پیش کی گئی۔ 

نگران پاکستان مشاورت حاجی شاہد عطاری پچھلے دنوں دینی کاموں کے سلسلے میں کراچی کے دورے پر  تھے جہاں آپ نے اپنے شیڈول کے دوران کراچی ریجن آفس میں اپنی خدمات انجام دینے والےذمہ دار اسلامی بھائیوں کا مدنی مشورہ فرمایا ۔

حاجی شاہد عطاری نے ان اسلامی بھائیوں سےآفس میں ہونے والے کاموں کے حوالے سے گفتگو فرمائی اور اپنے مدنی پھولوں سے نوازا۔ اس موقع پر رکنِ شوریٰ حاجی امین عطاری اور پاکستان مشاورت آفس کے نگران بھی موجود تھے۔

نگران پاکستان مشاورت حاجی شاہد عطاری پچھلے دنوں دینی کاموں کے سلسلے میں کراچی کے دورے پر  تھے جہاں آپ نے اپنے شیڈول کے دوران کراچی ریجن آفس میں اپنی خدمات انجام دینے والےذمہ دار اسلامی بھائیوں کا مدنی مشورہ فرمایا ۔

حاجی شاہد عطاری نے ان اسلامی بھائیوں سےآفس میں ہونے والے کاموں کے حوالے سے گفتگو فرمائی اور اپنے مدنی پھولوں سے نوازا۔ اس موقع پر رکنِ شوریٰ حاجی امین عطاری اور پاکستان مشاورت آفس کے نگران بھی موجود تھے۔

دعوت اسلامی کے شعبہ تعلیم کے  زیر اہتمام ساؤتھ افریقہ کے علاقے ڈربن میں شعبہ تعلیم کی ذمہ دار اسلامی بہنوں کا مدنی مشورہ ہوا جس میں 11 اسلامی بہنوں نے شرکت کی۔

مدنی مشورے میں شریک اسلامی بہنوں کی کارکردگی کا جائزہ لیا گیا ور ان کی تربیت کی گئی نیز شعبے کے دینی کاموں کو مزید بڑھانے اور اس میں بہتری لانے کے حوالے سے نکات فراہم کئے۔ 

دعوت اسلامی کے زیر اہتمام  گزشتہ دنوں ساؤتھ افریقہ کے علاقے ویلکم میں قربانی کے حوالے سے ذمہ دار اسلامی بہنوں کا مدنی مشورہ ہوا جس میں اسلامی بہنوں کو قربانی کے متعلق اہم نکات بیان کئےگئے نیز دینی کاموں کو مزید بڑھانے اور اس میں بہتری لانے کے حوالے سے نکات فراہم کئےگئے۔ 

دعوت اسلامی کے زیر اہتمام گزشتہ دونوں ساؤتھ افریقہ کے علاقے لیسوتھو میں اجتماعِ ذکر و نعت کا انعقاد کیا گیا جس میں تقریباً 30اسلامی بہنوں نے شرکت کی۔

مبلغۂ دعوتِ اسلامی نے سنتوں بھرا بیان کیا اور اجتماعِ ذکر و نعت میں شرکت کرنے والی اسلامی بہنوں کو دعوتِ اسلامی کے دینی کاموں کے بارے میں بریفنگ دیتے ہوئے دعوتِ اسلامی کے دینی ماحول سے وابستہ رہنے، ہفتہ وار اجتماع میں باقاعدگی سے شرکت کرنے اور دینی کاموں میں عملی طور پر شرکت کرنے کی ترغیب دلائی۔ 

دعوت اسلامی کے شعبہ کفن دفن للبنات کے  زیر اہتمام گزشتہ دونوں ساؤتھ افریقہ کے علاقے ڈربن میں کفن دفن تربیتی اجتماع کا انعقاد ہواجس میں مقامی اسلامی بہنوں نے شرکت کی۔

علاقہ نگران اسلامی بہن نے سنتوں بھرا بیان کیا اورتربیتی اجتماع میں شرکت کرنے والی اسلامی بہنوں کو غسل میت دینے اور کفن پہنانے کے متعلق شرعی معلومات فراہم کیں نیز اسلامی بہنوں کو فکرِ آخرت کا ذہن دیتےہوئے نیکیوں بھری زندگی گزارنے کا ذہن دیا۔

دعوت اسلامی کے زیر اہتمام پچھلے دنوں کینیڈاکے شہرتھورن کلف( Thorncliffe)میں بذریعہ اسکائپ مقامی زبان میں ہفتہ وار سنتوں بھرے اجتماع کا انعقاد کیا گیا جس میں کم و بیش 14 اسلامی بہنوں نے شرکت کی۔

مبلغہ دعوت اسلامی نے ”Be kind to be relative“ کے موضوع پر سنتوں بھرا بیان کیا اور اجتماعِ پاک میں شرکت کرنے والی اسلامی بہنوں کو رشتے داروں کے ساتھ حسن سلوک سے پیش آنے کی ترغیب دلائی۔

دعوت اسلامی کے زیر اہتمام گزشتہ دنوں  کینیڈاکے شہرمونٹریال( Montreal) میں بذریعہ اسکائپ مقامی زبان میں ہفتہ وار سنتوں بھرے اجتماع کا انعقاد کیا گیا جس میں کم و بیش 16 اسلامی بہنوں نے شرکت کی۔

مبلغہ دعوت اسلامی نے ”وقت کا صحیح استعمال“ کے موضوع پر بیان کیا اور اجتماع پاک میں شریک اسلامی بہنوں کو اپنے وقت کو نیکیوں میں گزارنے ، اپنی آخرت کو بہتر بنانے اور عاملاتِ نیک اعمال بننے کا ذہن دیا۔

دعوتِ اسلامی کے زیر اہتمام   پچھلے دنوں کینیڈاکے شہرمسی ساگا( Mississauga) میں بذریعہ اسکائپ مقامی زبان میں ماہانہ سنتوں بھرے اجتماع کا انعقاد کیا گیا جس میں کم و بیش 30 اسلامی بہنوں نے شرکت کی۔

مبلغہ دعوت اسلامی نے ” A time will come “ کے موضوع پر بیان کیا اور اجتماعِ پاک میں شریک اسلامی بہنوں کو فتنوں سے بچنے، اپنی آخرت کو بہتر بنانے کی ترغیب دلائی۔

دعوت اسلامی کے زیر اہتمام گزشتہ دنوں  کینیڈاکے شہربرامپٹن( Brampton) میں بذریعہ اسکائپ ہفتہ وار سنتوں بھرے اجتماع کا انعقاد کیا گیا جس میں کم و بیش 53 اسلامی بہنوں نے شرکت کی۔

مبلغہ دعوت اسلامی نے ” رشتے داروں کے ساتھ حسن سلوک “ کے موضوع پر سنتوں بھرا بیان کیا اور اجتماعِ پاک میں شرکت کرنے والی اسلامی بہنوں کو رشتے داروں کے ساتھ صلہ رحمی اور حسن اخلاق سے پیش آنے کی ترغیب دلائی نیز دعوتِ اسلامی کے دینی ماحول سے منسلک رہنے اور اپنی آخرت کو بہتر بنانے کے لئے نیک اعمال کرنے کا ذہن دیا۔