دعوتِ اسلامی  کے تحت 14اپریل2024 ءبروز اتوار سے المرتضی مسجد فتح جنگ ضلع اٹک میں 13دن پر مشتمل حج و عمرہ تربیتی کورس کا آغاز کردیا گیا ہے جس میں کثیر تعداد میں عازمین (مرد و خواتین) حج و عمرہ کی شرکت ہورہی ہے۔

معلومات کے مطابق اس کورس میں خواتین عازمین کی تربیت مسجد سے ملحقہ گھر میں خاتون ماسٹر ٹرینرز مبلغہ اسلامی بہن کے ذریعے جاری ہے جبکہ عازمین حج کوپہلے دن سفر حج کی تیاری۔ حج کی اقسام۔ مسافر کی نماز کے متعلق رہنمائی دی گئی۔

٭ 15اپریل بروز پیر دوسرے دن کی تربیت میں مولانا دانش عطاری مدنی نے بیان کیا جس میں احرام باندھنے کا طریقہ۔ احرام کی پابندیاں۔ مکے کے فضائل اور خانہ کعبہ کا تعارف سے متعلق معلومات فراہم کیں۔

٭16 اپریل کورس کا تیسرا دن۔ اس میں طواف۔ سعی۔ حلق اور تقصیر کے بارے میں تربیت دی گئی۔(کانٹینٹ:رمضان رضا عطاری) 

دعوت اسلامی کے تحت نصیر آباد بلوچستان میں  نگران ڈویژن مشاورت قاری محمد آصف عطاری نے ڈسٹرکٹ نگران قاری محمد منیر عطاری کے ساتھ شخصیات سے ملاقاتیں کیں۔

دورانِ ملاقات نگران ڈویژن مشاورت قاری محمد آصف عطاری نے شخصیات کو ملک و بیرون ممالک میں دعوت اسلامی کی کاوشوں سے کے جانے والی دینی اور امدادی سرگرمیوں کے تعلق سے بتایا اور ان کو مدنی حلقے میں شرکت کرنے کی دعوت پیش کی ۔(رپورٹ :شعبہ رابطہ برائے شخصیات بلوچستان ، کانٹینٹ:رمضان رضا عطاری)

دعوت اسلامی شعبہ رابطہ برائے شخصیات کی  طرف سے 16 اپریل 2024ء کو ذمہ دار اسلامی بھائیوں نے سندھ سیکریٹریٹ میں اتھارٹی پرسنز (سینئر ممبر بورڈ آف ریونیو سندھ بقا اللہ انار، سیکرٹری (ریونیو) بورڈ آف ریونیو سندھ منظور احمد کلیری، ایڈیشنل سیکرٹری کھیل اور امور نوجوانان محمد توفیق، آفیسر آن اسپیشل ڈیوٹی صوبائی اسمبلی سندھ ثاقب سلیم ،اسسٹنٹ سیکرٹری صوبائی اسمبلی سندھ افتخار پیرزادہ، اسٹاف آفیسر، بورڈ آف ریونیو سندھ شاہد مغل اور سیکشن آفیسربورڈ آف ریونیو سندھ فیصل نظامانی) سے ملاقات کی۔

ذمہ داران نے ضروری گفتگو کے بعد ممبران کوعالمی مدنی مرکز فیضان مدینہ کراچی میں ہونے والے رمضان المبارک میں ایک ماہ اور آخری عشرے کے اعتکاف کے بارے میں آگاہی دی اور انہیں عالمی مدنی مرکز کا وزٹ کرنے کی دعوت پیش کی جس پر انہوں نے جلد وزٹ کرنے کی نیت کا اظہار کیا۔(رپورٹ:شعبہ رابطہ براے شخصیات عطاری مجلس کراچی، کانٹینٹ:رمضان رضا عطاری)

لودھراں میں 16 اپریل  2024ء کو دعوت اسلامی کے تحت ملتان ڈویژن کےنگران سادات عطاری نے ڈویژنل ذمہ دارفداعلی عطاری ودیگرذمہ داران کےہمراہ بزنس ٹائیکون و رہنماآئی پی پی راناارسلان احمدخان سےملاقات کی۔

انکےسسرکےانتقال پران سےتعزیت وفاتحہ خوانی کی اور انہیں مدنی مرکزفیضان مدینہ جوہرٹاؤن کا وزٹ کرنے کی دعوت دی۔آخر میں امیراہل سنت دامت برکاتہم العالیہ کی مایہ نازتصنیف ”فاتحہ و ایصالِ ثواب کاطریقہ“تحفےمیں پیش کیا۔اس موقع پرلیگل ایڈوائزر JKT جوائنٹ سیکریٹری ڈسٹرکٹ بارسینئرلائرچوہدری قدیراحمدکمبوہ ایڈووکیٹ سےبھی ملاقات ہوئی۔(رپورٹ:شعبہ رابطہ برائے شخصیات دعوت اسلامی ڈسٹرکٹ لودہراں ملتان ڈویژن، کانٹینٹ:رمضان رضا عطاری)

نیکی  کی دعوت دینے کے سلسلے میں بلوچستان کے علاقے جھڈیر 17 گوٹھ سبز علی عمرانی میں ڈویژن نگران محمد آصف عطاری نے میر ظہور احمد عمرانی سے ملاقات کی ۔

دورانِ ملاقات ڈویژن نگران نے دنیا بھر میں ہونے والے دعوت اسلامی کے دینی کاموں کے بارے میں بتایا اور انہیں مدنی مرکز فیضانِ مدینہ کا وزٹ کرنے کی دعوت پیش کی ۔اس پر انہوں نے بھلے جذبات کا اظہار کیا۔(رپورٹ :شعبہ رابطہ برائے شخصیات بلوچستان ، کانٹینٹ:رمضان رضا عطاری)

بلوچستان  میں شعبہ رابطہ برائے شخصیات دعوت اسلامی کے زیرِ اہتمام ڈویژن نگران نصیر آباد قاری محمد آصف عطاری نے قبائلی شخصیت حاجی محمد نواز کھوسہ اور وائس چیئرمین حاجی اللہ بچایا کھوسہ سے ملاقاتیں کیں۔

ڈویژن نگران قاری محمد آصف عطاری نے دعوت اسلامی کا تعارف کروایا اور مدرسۃ المدینہ فیضان سنت کا وزٹ کرنے کی دعوت دی نیز اپنے عشر جمع کروانے کی ترغیب بھی دلائی جس پر انہوں نے دینی معاملات میں دعوت اسلامی کے ساتھ تعاون کرنے کی اچھی نیت کا اظہار کیا۔(رپورٹ :شعبہ رابطہ برائے شخصیات بلوچستان ، کانٹینٹ:رمضان رضا عطاری)

شعبہ رابطہ برائے شخصیات  دعوت اسلامی کے زیرِ اہتمام 14اپریل 2024ء بروز اتوار ڈسٹرکٹ جامشورو میں سابق صوبائی وزیر اور پی پی پی ڈسٹرکٹ جامشورو کے ضلعی صدر سید آصف سبزواری کی والدہ کے چہلم پر ایصال ثواب کی محفل کا سلسلہ ہوا ۔

اس موقع پر ذمہ دار اسلامی بھائی نے شرکا کو ایصال ثواب کے تعلق سے فضائل بتائے اور انہیں کراچی فیضان مدینہ کا وزٹ کرنے کی دعوت پیش کی جس پر انہوں نے اچھی اچھی نیتیں کیں۔

آخر میں اسلامی بھائی نے مرحومہ سمیت تمام امت مسلمہ کے لئے دعائے مغفرت کروائی۔(رپورٹ: شعبہ رابطہ برائے شخصیات ڈسٹرکٹ جامشورو، ڈویژن حیدرآباد، کانٹینٹ:رمضان رضا عطاری)

عاشقانِ رسول کی دینی تحریک دعوتِ اسلامی کے زیر اہتمام 18 اپریل 2024ء بعد نماز مغرب دنیابھر میں ہفتہ وار سنتوں بھرے اجتماعات کا انعقاد کیا جائیگا جن میں اراکینِ شوریٰ و مبلغین دعوتِ اسلامی سنتوں بھرے بیانات فرمائیں گے۔ ہفتہ وار اجتماع میں تلاوت کلامِ پاک، نعت شریف، بیان، ذکر و اذکار اور رقت انگیز دعا کا سلسلہ ہوتا ہے جس میں ہزاروں عاشقانِ رسول شریک ہوکر اپنی اصلاح کرتے ہیں۔

تفصیلات کے مطابق مین بازار رندھیر باگڑیاں ضلع سیالکوٹ سے رکن شوریٰ حاجی محمد اظہر عطاری مدنی چینل پر براہِ راست سنتوں بھرا بیان فرمائیں گے۔

اس کے علاوہ عالمی مدنی مرکز فیضان مدینہ کراچی میں رکن شوریٰ حاجی فضیل عطاری، مدنی مرکز فیضان مدینہ جوہر ٹاؤن لاہور میں رکن شوریٰ حاجی منصور عطاری، مدنی مرکز فیضان مدینہ آفندی ٹاؤن حیدر آباد میں رکن شوریٰ حاجی محمد علی عطاری، جامع مسجد مدینہ کھارادر کراچی میں رکن شوریٰ حاجی محمد امین عطاری، بہزاد لکھنوی مسجد سخی حسن چورنگی کراچی میں رکنِ شوریٰ مولانا حاجی ابو ماجد محمد شاہد عطاری مدنی، رضائے مصطفٰے مسجد کورنگی نمبر 4 میں رکن شوریٰ حاجی محمد اطہر عطاری اور مدنی مرکز فیضان مدینہ 8/9TALBOT STREET, DUBLIN 1,DO1HC56 میں رکنِ شوریٰ حاجی محمد خالد عطاری سنتوں بھرا بیان فرمائیں گے۔

تمام عاشقانِ رسول سے ہفتہ وار اجتماع میں شرکت کرنے کی درخواست ہے۔

سبی میں قبائلی رہنما میر جاوید مری ،ایڈووکیٹ حاجی میر مراد بخش مری اور  میر رسول بخش مری کے والد محترم حاجی میر فیض محمد مری کے انتقال پر دعوت اسلامی کے صوبائی ذمہ دار شعبہ رابطہ برائے شخصیات محمد وقار عطاری نے ملاقات کی۔

دورانِ ملاقات محمد وقار عطاری نے تعزیت کرتے ہوئے مرحوم کے ا یصال ثواب کے لئے فاتحہ خوانی کی اور دعائے مغفرت کروائی۔ بعدازاں فکر آخرت کا ذہن دیتے ہوئے انہیں دعوت اسلامی کے زیرِ اہتمام ہونے والے اجتماعات میں شرکت کرنے کی نیکی کی دعوت دی۔

اس موقع پر ڈسٹرکٹ نگران سبی محمد اسحاق عطاری و دیگر قبائلی شخصیات بھی موجود تھے۔(رپورٹ :شعبہ رابطہ برائے شخصیات بلوچستان، کانٹینٹ:رمضان رضا عطاری) 

دعوتِ اسلامی  کے دینی کاموں کی نشر و اشاعت کے سلسلے میں ڈویژن ساہیوال میں مدنی مشورہ ہوا جس میں ڈویژن اور ڈسٹرکٹ ذمہ دار ان سمیت محافظ اوراق مقدسہ کے اسلامی بھائیوں نے شرکت کی ۔

یہ مشورہ ڈویژن نگران مولانا بلال عطاری مدنی اور تحصیل نگران مولانا شفیق عطاری مدنی نے لیا جس میں اسلامی بھائیوں کے دینی کاموں کی سابقہ کارکردگی کا جائزہ لیا نیز آئندہ مزید بہتر انداز میں کام کرنے کے تعلق سے مدنی پھول دیئے اور اچھی کارکردگی والے اسلامی بھائیوں کو تحفے بھی پیش کئے ۔

آخر میں عشر جمع کرنے کے حوالے سے ذہن دیا اور نیو اہداف بھی دیئے۔(رپورٹ: حافظ نسیم عطاری سوشل میڈیا ڈیپارٹمنٹ ، کانٹینٹ:رمضان رضا عطاری)

دنیا بھر میں  دینی کام کرنے والی سنتوں بھری تحریک دعوت اسلامی کے تحت 14اپریل 2024ء بروز اتوار فیصل آباد کی تحصیل جڑانوالہ میں مدنی مشورہ ہوا جس میں نگران فیصل آباد ڈویژن مشاورت حاجی محمد سلیم عطاری نے ذمہ داران کو 12دینی کاموں میں عملی طور پر شرکت کرنے اور بالخصوص اپنے ہفتہ وار اجتماع کی تعداد کو بڑھانے کا ذہن دیا۔

بعد ازاں نگران ڈویژن مشاورت نے عُشر اِکھٹا کرنے کے اہداف طے کے اور شش عید کے روزے رکھنے کی ترغیب دلائی۔اس دوران نگران فیصل آباد ڈسٹرکٹ مشاورت محمد نعیم عطاری نے بھی شرکت کی۔ (رپورٹ: محمد عبدالرزاق عطاری شعبہ ہفتہ وار اجتماع و مدنی مذاکرہ فیصل آباد ڈویژن، کانٹینٹ:رمضان رضا عطاری)

12اپریل 2024ء  بروز جمعہ جھنگ کی تحصیل اٹھارہ ہزاری کے علاقے اقبال نگر میں مدرسۃ المدینہ فار گرلز کا سنگ بنیاد کا سلسلہ ہوا جس میں نگران فیصل آباد ڈویژن مشاورت حاجی محمد سلیم عطاری نے سنگ بنیاد رکھا۔

تفصیلات کے مطابق حاجی محمد سلیم عطاری نے مدرسے کے اچھے انتظامات چلانے کے حوالےسے مقامی مجلس بنائی اور اہل علاقہ کومدرسے کی تعمیراتی کام میں بھر پور تعاون کرنے کا ذہن دیا جس پر شخصیات نے اس مدرسۃالمدینہ فار گرلز کی تعمیرات میں جلدی کام شروع کرنے اور اسے 6ماہ میں مکمل تعمیرات کرنے کی نیت کی۔

دوسری جانب مقامی عاشقان رسول نے بہت خوشی کا اظہار کیا ۔ اس علاقے میں دعوت اسلامی کے تحت پہلا مدرسۃالمدینہ فار گرلز کا قیام ہورہا ہے۔ اس علاقے میں پہلے گرلز کا کوئی بھی مدرسہ نہیں تھا۔ اس موقع پر نگران اٹھارہ ہزاری مشاورت محمد عابد حسین عطاری بھی موجود تھے ۔ (رپورٹ: محمد عبدالرزاق عطاری شعبہ ہفتہ وار اجتماع و مدنی مذاکرہ فیصل آباد ڈویژن، کانٹینٹ:رمضان رضا عطاری)