سبی میں آئی جی پولیس Cpo آفس کوئٹہ کے سپرینڈنٹ بابو عرض محمد بلوچ سے شعبہ رابطہ برائے شخصیات بلوچستان کے صوبائی ذمہ دار محمد وقار عطاری نے ملاقات کی۔

اس موقع پر ضیاء الامت فاؤنڈیشن کے صوبائی رہنما فارغ التحصیل بھیرہ شریف حاجی حاکم علی چشتی اورریٹائرڈ آفس سپرینڈنٹ ٹو ڈی آئی جی سبی بابو خدا بخش پہنور اور ڈسٹرکٹ نگران سبی محمد اسحاق عطاری بھی موجود تھے۔

دورانِ ملاقات صوبائی ذمہ دار نے دنیا بھر میں ہونے والے دعوت اسلامی کے دینی کاموں کے بارے میں بتایا اور ان کو جمعرات کو ہونے والے ہفتہ وار اجتماع کی دعوت دی نیز فیضان مدینہ وزٹ کا شیڈول بتایا جس پر انہوں نے بھلے جذبات پیش کئے۔(رپورٹ: شعبہ رابطہ برائے شخصیات بلوچستان ،کانٹینٹ:رمضان رضا عطاری)

عاشقانِ  رسول کی دینی تحریک دعوت اسلامی کی جانب سے 15 اپریل 2024ء کو شعبہ رابطہ برائے شخصیات دعوت اسلامی کے ذمہ دار اسلامی بھائیوں نے سندھ سیکریٹریٹ کا دورہ کیا۔

وہاں محکمہ داخلہ ایڈیشنل سیکرٹری (ایڈمن) جاوید احمد ابڑو، ڈپٹی سیکرٹری (پولیس) نوید آرائیں، ڈپٹی سیکرٹری لوکل گورنمنٹ ڈیپارٹمنٹ قربان علی سومرو اور ڈپٹی سیکرٹری کھیل ملوک جھکڑو اور امور نوجوان عملے کے ارکان سے ملاقاتیں کیں۔

دورانِ ملاقات ذمہ دار اسلامی بھائی نے اتھارٹی پرسنز کو دعوت اسلامی کے تحت ہونے والے دینی و فلاحی کام کے بارے میں بتایا اور ان کو فیضانِ مدینہ کراچی کا وزٹ کرنے کی دعوت پیش کی جس پر انہوں نے خدماتِ دعوت اسلامی کو سراہتے ہوئے اچھے تاثرات دیئے۔(رپورٹ: شعبہ رابطہ براے شخصیات عطاری مجلس کراچی، کانٹینٹ:رمضان رضا عطاری)

سبی میں عید کے دوسرے دن معروف قبائلی سیاسی و سماجی شخصیت میر اصغر خان مری سے دعوت اسلامی کوآرڈینیشن ڈیپارٹمنٹ بلوچستان کے ہیڈ محمد وقار عطاری نے ملاقات کی۔

دورانِ ملاقات محمد وقار عطاری نے عید کی مبارکباد پیش کی اور ا نہیں ملک و بیرون ممالک میں دعوت اسلامی کی کاوشوں سے کئے جانے والی دینی اور امدادی سرگرمیوں کے تعلق سے بتایا اور ان کو مدنی مرکز فیضانِ مدینہ کا وزٹ کرنے کی دعوت پیش کی ۔

آخر میں میر اصغر خان مری کے والدین اور بھائی DSP شہید میر خالد زمان کی بخشش و مغفرت کے لئے دعا کروائی ۔اس موقع پر ڈسٹرکٹ نگران محمد اسحاق عطاری و دیگر مختلف شخصیات بھی موجود تھیں جن سے ملاقات کا سلسلہ رہا ۔(رپورٹ:شعبہ رابطہ برائے شخصیات بلوچستان، کانٹینٹ:رمضان رضا عطاری)

ڈویژن فیصل آباد میٹرو پولیٹن  میں 6 اپریل 2024ء کو محبین دعوت اسلامی میاں افضل فاروق،میاں ارشد طاہر،میاں محمد شاہد کی والدہ محترمہ کے ایصال ثواب کے لئے افطار اجتماع کا انعقاد ہوا جس میں کثیر تعداد میں شخصیات کی شرکت ہوئی۔

مبلغ دعوت اسلامی نے بیان اور نیکی کی دعوت دیتے ہوئے شرکا کو دعوت اسلامی کے دینی کاموں کے لئے اپنے ڈونیشن سے تعاون کرنے کا ذہن دیا او ر مرحومہ کے علاوہ دیگر مرحومین مسلمانوں کے لئے دعائے مغفرت کروائی ۔(رپورٹ : شعبہ رابطہ برائے شخصیات دعوت اسلامی میٹرو پولیٹن و ڈویژن فیصل آبادکانٹینٹ:رمضان رضا عطاری) 

راقم الحروف فقیرقادری عفی عنہ کو کراچی کے دوکرم فرما مولانا محمد عمیر عطاری اور حاجی اشعر عطاری نے خبردی کہ نبیرۂ صدرالشریعہ،جگرگوشۂ محدثِ کبیر،استاذالعلماء حضرت علامہ مفتی عطاء المصطفی اعظمی مصباحی نوری رحمۃُ اللہِ علیہ بحالتِ سفرِ عمرہ ”طائف،عرب شریف“ میں ایکسیڈنٹ ہونے کے سبب 6شوال المکرم 1445ھ مطابق 15 اپریل 2024ء کوشہادت پاگئے ہیں۔ اِنَّا لِلہِ وَاِنَّا اِلَیْہِ رٰجِعُوْن ۔اللہ پاک ان کی مغفرت فرمائے ،ان کی تربت کو جنت کا باغ بنائے، بروزقیامت بلاحساب جنت میں داخل فرمائے ، انکی تدریسی، تصنیفی، فتاویٰ نویسی ،دینی وتبلیغی اورملی تمام خدمات قبول ہوں۔اللہ پاک ان کے والد گرامی محدث کبیرمفتی ضیاء المصطفی اعظمی دامت بَرَکَاتُہمُ العالیہ ،ان کے بھائیوں اور بیٹوں محترم ریاض المصطفی اعظمی، محترم عبدالمصطفی اعظمی، محترم مصطفی رضا اور دیگر لواحقین کو صبر و اجر عطا فرمائے۔ اٰمِیْن بِجَاہِ خاتم النَّبیّن صلَّی اللہ علیہ واٰلہٖ وسلَّم۔راقم الحروف نے زمانہ ٔطالبِ علمی میں ان کی کتاب ضیاء العارفین ترجمہ منہاج العارفین اوررسالہ مسئلہ کف ثوب کا مطالعہ کیاتھا۔مفتی صاحب کا مختصر تعارف ملاحظہ کیجئے :

پیدائش وخاندان :

استاذالعلماء حضرت مفتی عطاء المصطفیٰ اعظمی مرحوم کی پیدائش 14رجب 1384ھ مطابق 19نومبر 1964ء کو صدرالشریعہ مفتی امجدعلی اعظمی رحمۃُ اللہِ علیہ کے صاحبزادے محدث کبیرحضرت علامہ مفتی ضیاء المصطفی اعظمی دامت بَرَکَاتُہمُ العالیہ کے گھر بمقام بڑاگاؤں، مدینۃ العلماء گھوسی ،ضلع مؤسابق اعظم گڑھ اترپردیش ہند میں ہوئی ۔

تعلیم وتربیت:

ناظرہ قرآن پاک ،اردووفارسی قاعدہ اپنی دادی جان کے پاس قادری منزل میں پڑھا،1354ھ مطابق 1974ء کو شمس العلوم گھوسی میں داخلہ لیا،یہاں انھوں نے مولانا سیف الدین اور مولانا محمد عاصم اعظمی سے استفادہ کیا۔ایک سال بعد آپ ہندکے سب سے بڑے علمی مرکز جامعۃ الاشرفیہ مبارکپور،اعظم گڑھ ،ہند میں منتقل ہوگئے ،یہاں انھوں نے والدگرامی محدث کبیر مفتی ضیاءالمصطفی اعظمی ،بحرالعلوم مفتی عبدالمنان اعظمی ،شیخ القرآن علامہ عبداللہ خان عزیزی، محدث جلیل علامہ عبدالشکور گیاوی،استاذالعلماء علامہ نصیرالدین مصباحی،ادیب شہیر علامہ یاسین اختر مصباحی، مولانا حافظ افتخار احمد قادری، قاضی محمد شفیع اعظمی،علامہ محمد اعجاز مبارکپوری،قاری ابوالحسن مصباحی اور قاری محمد عثمان گھوسوی سے شرف تلمذ پایا۔ دوران تعلیم والدگرامی محدث کبیر کے حکم سے آپ حافظ ملت علامہ عبدالعزیز محدث مرادآبادی رحمۃُ اللہِ علیہ کے گھرکا سودا سلف لاتے ،حافظ ملت آپ پرانتہائی شفقت ومحبت فرماتے اور تربیت فرمایا کرتے تھے ۔ آپ کے استاذ سراج الفقہا،محقق مسائل جدیدہ حضرت علامہ مفتی نظام الدین رضوی صاحب تحریر فرماتے ہیں :حضرت مولانا عطاء المصطفی اعظمی مصباحی صاحب کی چندکتابیں بھی میرے زیرِ درس رہیں، مولانا محنتی ہونے کے ساتھ بڑےمؤدب تھے ،مطالعۂ کتب اور عبارات کے حل کرنے کا ذوق شوق بہت عمدہ تھا ۔

بیعت ودستارفضیلت :

زمانۂ طالب ِعلمی میں ہی آپ نے 17ربیع الاول 1396ھ مطابق 19مارچ 1976ء کو مفتیٔ اعظم ہند مفتی محمد مصطفی رضا خان نوری رحمۃُ اللہِ علیہ سے سلسلہ ٔقادریہ رضویہ نوریہ میں بیعت کا شرف حاصل کیا جبکہ سلسلہ ٔقادریہ و دیگر سلاسل کی خلافت تاج الشریعہ مفتی اختررضا خان رحمۃُ اللہِ علیہ نے ذوالحجہ1409ھ اوروالدگرامی محدث کبیرعلامہ ضیاء المصطفیٰ اعظمی مدظلہ نے1410ھ میں عطافرمائی۔ آپ 1403ھ مطابق 1983ء کو فارغ التحصیل ہوئےاوردرس نظامی مکمل کرنے پر دستارِفضلیت سے نوازے گئے۔آپ نے الہ آبادیونیورسٹی سے 1979ء میں عالم اور1982ء میں فاضل عربی کی اسنادحاصل کیں ۔

شادی واولاد:

آپ کا نکاح اگست 1984 ء میں اپنی پھوپھی زادبہن سے ہو ا،اور رخصتی جولائی 1987ء میں کی گئی ۔آپ کے تین بیٹے ریاض المصطفی اعظمی ، عبدالمصطفی اعظمی ، مصطفی رضا اعظمی اورتین بیٹیاں ہیں ۔

تدریس وفتاویٰ نویسی :

فارغ التحصیل ہونے کے بعد آپ نے درس نظامی کی تدریس کا آغازدارالعلوم علیمیہ جمداشاہی ضلع بستی یوپی ہندمیں کیا ،اسی دوران فتاویٰ نویسی کا بھی آغازکیا۔ایک سال بعد آپ دارالعلوم امجدیہ عالمگیرروڈ کراچی تشریف لے آئے اورستمبر 1985ء تا 15 جنوری 2011ء تک تقریبا 26سال تدریس فرماتے ہیں ،یہاں انہیں مفتی اعظم پاکستان مفتی وقارالدین قادری صاحب کی صحبت حاصل ہوئی اوران کے وصال (1993ء)تک ان کی نگرانی میں فتاویٰ نویسی کرتے رہے، ان کے وصال کے بعدمفتی دارالعلوم کےمنصب پرفائزہوئے۔2003ء میں انھوں نےدارالعلوم صادق الاسلام لیاقت آبادکراچی میں امجدی دارالافتاء قائم کیا اوراب تک اس میں رئیس امجدی دارالافتاء کے منصب پر فائز تھے ۔بلاشبہ آپ نے ہزاروں فتاویٰ جاری فرمائے،جنہیں جمع کیاجائے تو کئی جلدوں پر مشتمل فتاویٰ کا عظیم الشان اور ضخیم انسائیکلوپیڈیا بن سکتاہے ۔2003ء میں آپ نے دارالعلوم صادق الاسلام میں بعد عشاء درس نظامی کا آغاز فرمایا اور2011ء میں مکمل طورپر اپنی تدریسی خدمات یہیں سرانجام دینے لگے۔تاوقتِ وصال یہاں شیخ الحدیث کے منصب پرفائز تھے ۔تدریس سے آپ کو کتنا لگاؤتھا ،اس کا اندازا اس بات سے لگایا جاسکتاہے کہ جب کوئی طالبِ علم آپ سے کسی وقت بھی کوئی کتاب پڑھنے کی درخواست کرتا تو آپ ردنہ فرماتے اوراسے پڑھا دیا کرتے تھے۔

دیگر دینی خدمات :

تدریس وفتاویٰ نویسی کے ساتھ امامت وخطابت اورروحانی علاج کاسلسلہ بھی جاری رکھا۔احقاقِ حق ہویاابطال باطل، جلوس میلادہویا گھرگھرمحافل ومجالس آپ سب میں متحرک رہتے تھے ۔کتابوں کے مطالعے سے تو آپ کا خاص شغف تھا،تصنیف وتالیف پر نظرڈالیں تو آپ تین درجن کے قریب کتب رسائل لکھ چکے تھے ۔جن میں سے مطبوع و غیرمطبوع کچھ کتابوں کےنام یہ ہیں: (1) ضیاء النحو (2) ضیاء الصرف (3) ضیاء فارسی (4) فارسی کی پہلی کتاب کا حاشیہ (5) ضیاء المنطق (6) ضیاء اصول حدیث (7) ترجمہ صرف میر (9) ترجمہ مشکوة المصابیح شریف (10) ترجمہ منیۃ المصلی ( 11) منہاج العارفین ترجمہ منہاج العابدین (12)جنوں کی دنیاترجمہ لقط المرجان فی احکام الجان (13) جشنِ عید میلاد النبی صلی اللہ علیہ وسلم (14) فضائل سیدنا صدیق اکبر (15) حسن قرات (16)کف ثوب (17)بہار ِ اعتکاف (18) راحت القلوب (19) سلام کےفضائل واہمیت (20) سماع موتیٰ (21) نماز کا طریقہ (22)فضائل شعبان المعظم (23) فضائل رمضان المبارک (24) پرائز بانڈ پر انعام لینا جائز ہے۔(25) حج وعمرہ ایک نظر میں (26) سوانح رئیس التحریر حضرت علامہ ارشد القادری وغیرہم۔

اللہ پاک ان کی دینی خدمات کو قبول فرمائے ،اٰمِیْن بِجَاہِ النّبیِّ الْاَمِیْن صلَّی اللہ علیہ واٰلہٖ وسلَّم

مضمون کا ماخذ: راقم فقیرقادری عفی عنہ نے یہ مضمون مفتی صاحب کے شاگرداوردعوت اسلامی کے اسلامک ریسرچ سینٹرالمدینۃ العلمیہ کے محقق عالم دین مولاناابوسائل ندیم مدنی عطاری (فاضل جامعۃ المدینہ )کی تحریک پر مولانا عامرامجدی مدظلہ کے 16صفحات پر مشتمل رسالے ’’تذکرہ مفتی عطاء المصطفی اعظمی ‘‘پیشکش تاج الشریعہ فاؤنڈیشن کراچی کی مددسے لکھا ہے ۔

فقیرقادری ابوماجدمحمدشاہدمدنی عطاری عفی عنہ

7شوال 1445ھ مطابق 16،اپریل 2024ء

15 اپریل  2024ء کو بنگلہ دیش سے آئے ہوئے مدنی قافلے کے اسلامی بھائیوں نے فیصل آباد میں کنزالمدارس بورڈ آفس کا وزٹ کیا اور وہاں صدر کنزالمدارس بورڈ و رکن شوری حاجی محمد جنید عطاری مدنی سے ملاقات کی۔

اس موقع پر رکن شوریٰ نے اسلامی بھائیوں کو خوش آمدید کہا اور انہیں کنزالمدارس بورڈ کی طرف سے نافذ کردہ قرآن و حدیث کی تعلیمات پر مشتمل نصاب کے متعلق بتایا جس پر مدنی قافلےکےاسلامی بھائیوں نے اچھے تاثرات کا اظہار کیا۔(رپورٹ: شعبہ رابطہ برائے شخصیات ڈسٹرکٹ و ڈویژن فیصل آباد، کانٹینٹ:رمضان رضا عطاری) 

شعبہ رابطہ برائے  شخصیات دعوت اسلامی کے زیرِ اہتمام 13 اپریل 2024ء کو لودھراں کہروڑپکا میں ڈویژنل ذمہ دارفداعلی عطاری نے ذمہ داران کےہمراہ رہنماشہیدکانجوگروپ وتحصیل صدر(PMLn) محمداشرف گجر سےملاقات کی ۔

دورانِ ملاقات ذمہ داران نے ان کےوالدمعروف بزنس مین وسابق وائس چیئرمین میونسپل کمیٹی حاجی محمداسماعیل گجرکےانتقال پران سےتعزیت وفاتحہ خوانی کی اور دعوت اسلامی کی مرکزی مجلس شوریٰ کےرکن وصوبائی نگران حاجی محمداسلم عطاری سےانکی فون پربات کرائی ۔رکن شوریٰ نےبھی ان سےتعزیت کی اور دعاؤں سےنوازا۔(رپورٹ:شعبہ رابطہ دعوت اسلامی ڈسٹرکٹ لودہراں ملتان ڈویژن، کانٹینٹ:رمضان رضا عطاری)

10 اپریل  2024ء عید کے دن ایم پی اے عامر صدیقی نے عالمی مدنی مرکز فیضانِ مدینہ کراچی کا وزٹ کیا اور وہاں رکن شوریٰ سید لقمان عطاری سے ملاقات کی۔

رکن ِ شوریٰ نے عامر صدیقی کو دعوت اسلامی کے تحت ہونے والے دینی و فلاحی کاموں کےبارے میں معلومات فراہم کیں اور انہیں مکتبۃ المدینہ کی مطبوعہ اصلاحی کتاب تحفتاً پیش کرتے ہوئے ہفتہ وار اجتماع اور مدنی مذاکرے میں آتے رہنے کی دعوت پیش کی۔(کانٹینٹ:رمضان رضا عطاری)

عید  کے دنوں میں سابق ڈائریکٹر جنرل محکمہ زراعت، معروف قبائلی سیاسی و سماجی شخصیت ملک محمد رفیق سیلاچی سے دعوت اسلامی بلوچستان کوآرڈینیشن ڈیپارٹمنٹ کے محمد وقار عطاری نے سیلاچی ہاؤس سبی میں ملاقات کی اورعید سعید کی مبارک باد پیش کی۔

دوران گفتگو دعوت اسلامی کی عالمی سطح پر ہونے والی دینی اور فلاحی خدمات کے حوالے سے گفتگو ہوئی جس کو ملک محمد رفیق سیلاچی نے سراہا اور اپنی نیک خواہشات کا اظہار کیا۔

دوسری طرف محمد وقار عطاری نے ملک محمد رفیق سیلاچی کو دعوت اسلامی کے عالمی مدنی مرکز فیضان مدینہ کراچی کا وزٹ کرنے کی دعوت پیش کی جو کہ انہوں نے قبول کی۔

آخر میں مبلغ دعوت اسلامی محمد وقار عطاری نے ملک و قوم کے امن و سلامتی،سیکیورٹی فورسز ، سیلاچی عاشقانِ رسول اور فلسطین کےمظلوم مسلمانوں کے لئے خصوصی دعا کروائی۔اس موقع پر ڈسٹرکٹ نگران محمد اسحاق عطاری و دیگرمعززین بھی موجود تھے۔ (رپورٹ:شعبہ رابطہ برائے شخصیات بلوچستان، کانٹینٹ:رمضان رضا عطاری)

دعوتِ اسلامی کے  شعبہ رابطہ برائے شخصیات کی جانب سے 12 اپریل 2024ء کو ڈویژنل ذمہ دارفداعلی عطاری نے دیگر ذمہ داران کے ہمراہ مہرآبادشریف میں پیرسیدامام شاہ رحمۃ اللہ علیہ کےمزار شریف پرحاضری دی ۔

بعدازاں ذمہ دار اسلامی بھائیوں نے وہاں موجود سجادۂ نشین MPA پیرسیدرفیع الدین صاحب سےملاقات کی اور انہیں عیدکی مبارک باد پیش کرتے ہوئے دعوت اسلامی کا تعارف کروایا اور ان کو مدنی مرکز فیضان مدینہ کا وزٹ کرنے کی دعوت دی جس پر انہوں نے اچھی نیت کا اظہار کیا۔(رپورٹ:شعبہ رابطہ دعوت اسلامی ڈسٹرکٹ لودہراں ملتان ڈویژن، کانٹینٹ:رمضان رضا عطاری)

امسال ماہِ  رمضان المبارک 1445ھ سن 2024ء کو وفاقی دارالحکومت اسلام آبادکے سیکٹر G11 میں قائم مدنی مرکز فیضان مدینہ میں اسپیشل پرسنز ( گونگے ،بہرے، نابینا اور جسمانی معذور افراد )نے ایک ماہ اور آخری عشرے کا رمضان اعتکاف کرنے کی سعادت حاصل کی جن میں 16 نابینا،7 ڈیف،7 جسمانی معذور اور 10 سرپرست سمیت 40 افراد نے اعتکاف کیا ۔

اعتکاف میں اسپیشل پرسنز کو صوبائی ذمہ دار نابینا افراد کامران عطاری سمیت دیگر ذمہ داران نے فرض علوم ۔ درست مخارج سے قرآن پاک ۔ سنتیں و آداب نیز مختلف دعائیں یاد کروائی ۔

اس کے ساتھ ساتھ ذمہ داران نے دعوت اسلامی کا تعارف کروایا اور دینی کام کرنے، نیکی کی دعوت کو عام کرنے کاذہن دیا جبکہ اعتکاف میں موجود اسپیشل اسلامی بھائیوں نے سر پر عمامہ شریف سجایا اور ہاتھوں ہاتھ داڑھی شریف رکھنے کی نیت کا اظہار کرتے ہوئے سنت کے مطابق اپنی زندگی گزارنے کے بھلے جذبات پیش کئے۔(رپوٹ : کامران عطاری نابینا افراد ذمہ دار اسلام آباد، کانٹینٹ:رمضان رضا عطاری)

عاشقانِ رسول   کی دینی تحریک دعوت اسلامی کے دینی کاموں کے سلسلے میں 12اپریل بروز جمعہ2024ء کو ڈسٹرکٹ جھنگ کی تحصیل اٹھارہ ہزاری میں مدنی مشورے کا انعقاد کیا گیا جس میں تحصیل اٹھارہ ہزاری سے ذمہ داران شریک ہوئے۔

مدنی مشورے میں نگران فیصل آباد ڈویژن مشاورت حاجی محمد سلیم عطاری نے ذمہ داران کو 12 دینی کام عملی طور پر کرنے اور ہفتہ وار اجتماع میں شرکت کرنے کا ذہن دیا۔

مزید ہفتہ وار رسالے کا مطالعہ کرنے کا ذہن دیا نیز ہر ذمہ دار کو روزانہ 4 چوک درس دینے کا ہدف طے ہوا۔ اس موقع پر نگران جھنگ ڈسٹرکٹ مشاورت مولانامحمد فاروق عطاری اور نگران اٹھارہ ہزاری مشاورت محمد عابد حسین عطاری نے بھی شرکت کی۔ )رپورٹ: محمد عبدالرزاق عطاری شعبہ ہفتہ وار اجتماع و مدنی مذاکرہ فیصل آباد ڈویژن،کانٹینٹ:رمضان رضا عطاری)