پچھلے  دنوں فیضانِ مدینہ جوہر ٹاؤن میں خیبرپختونخواہ اور گلگت بلتستان سے آئے ہوئے ٹیچرز اور یونیورسٹی اسٹوڈنٹس کے درمیان میٹ اپ ہوا جس میں تقریباً 50 اسلامی بھائیوں نے شرکت کی ۔

مبلغ دعوت اسلامی ڈاکٹر احمد شہزاد عطاری (PhD-Vet.Surgery, Scholar) نے” جوانی کی عبادت کے فضائل“ کے موضوع پر بیان کیا اورشُرکا کو ہفتہ وار اجتماع میں آنے اور مدنی مذاکرہ دیکھنے کی دعوت دی جس پر انہوں نے نیک خیالات کا اظہار کیا۔(کانٹینٹ:رمضان رضا مدنی عطاری )

شعبہ مدنی کورسز کے تحت  کیماڑی ڈسٹرکٹ کے مختلف اسکولز میں 15 جنوری تا17 جنوری 2024 ء تین دن پر مشتمل وضو کورسز کا اہتمام کیا گیاہوا۔

معلومات کے مطابق یہ کورسز ڈسٹرکٹ کیماڑی کے شعبہ مدنی کورسز کے ذمہ دار مولانا محمد شعیب رضا عطاری مدنی اور ٹاؤن ذمہ دار محمد سلطان عطاری مدنی نے کروائے ۔

دوران کورس ذمہ داران نے اسکولز کے اسٹوڈنٹس کو وضو کے فرائص و سنتیں یاد کروائیں اور ساتھ ہی انہیں باوضو رہنے کے فضائل بیان کرتے ہوئے باوضو رہنے کی عادت بنانے کی ترغیب دلائی ۔(رپورٹ: عابد عطاری معلم جزوقتی مدنی کورسز، کانٹینٹ:رمضان رضا مدنی عطاری )

عاشقانِ رسول کی  دینی تحریک دعوت اسلامی کی جانب سے 15 جنوری 2024ء کو گلبرگ صدر ٹاؤن میں قائم مدنی مرکز فیضان مدینہ پشاور میں مدنی مشورہ ہوا جس میں ڈویژن، ٹاؤن اور صوبائی ذمہ داران سمیت امام صاحب ،مدرسین ،مدرس کورس کے طلبہ اور مقامی ذمہ داران نے شرکت کی ۔

مدنی مشورے میں صوبائی مشاورت کے نگران قاری محمد اشفاق عطاری نے اسلامی بھائیوں کو 12 دینی کام اور انفرادی کوشش کرنے کا ذہن دیتے ہوئے 12 د ینی کاموں کی ذمہ داریاں دی ۔

اس موقع پر ڈویژن مشاورت کے نگران کامران عطاری،ٹاؤن نگران ساجد عطاری، صوبائی ذمہ دار ٹرانسپورٹ ڈیپارٹمنٹ قاری محمد زاہد نواز عطاری، مدرس کورس معلم قاری ابرارعطاری، فیضان مدینہ کے امام صاحب و مدرس قاری ناصر عطاری ، مدرسۃ المدینہ بوائزکے ذمہ دارقاری عبدالسلام عطاری اورقاری فیاض عطاری نے اپنے ماتحت مشاورتوں کی تقریوں کے اعلانات کئے۔(رپورٹ: قاری محمد زاھد نواز عطاری صوبائی ذمہ دار رابطہ برائے ٹرانسپورٹ ڈیپارٹمنٹ، کانٹینٹ:رمضان رضا مدنی عطاری )

گورنمنٹ بوائز ہائی ا سکول ڈھوک چراغ دین چکلالہ کینٹ راولپنڈی   کے پرنسپل ولید عزیز جو کہ اعلی تعلیم یافتہ ہیں۔دعوت اسلامی کے زیرِ اہتمام 15 جنوری 2024ء کو اسپیشل پرسنز ڈیپاٹمنٹ کے ذمہ دار حاجی محمد حنیف عطاری اور صوبائی ذمہ دار کامران عطاری نے ولید عزیز سے ملاقات کی ۔

دورانِ گفتگو حاجی محمد حنیف عطاری نے ان کو نیکی کی دعوت پیش کرتے ہوئے دعوتِ اسلامی اور اسپیشل پرسنز ڈیپاٹمنٹ کا تعارف پیش کیا جس پر انہوں نے دعوت اسلامی کی کوششوں کو سراہا اور خوشی کا اظہار کرتے ہوئے اسپیشل پرسنز ڈیپاٹمنٹ کا وزٹ کرنے نیز دعوتِ اسلامی کےدینی کاموں میں شرکت کا اظہار اچھی اچھی نیتوں کے ساتھ کیا۔(رپورٹ: پاکستان ذیلی شعبہ نابینا افراد ، کانٹینٹ:رمضان رضا مدنی عطاری )

15 جنوری 2024ء کو مؤمن آباد اورنگی ٹاؤن سیکٹر F/4 کراچی میں ایصال ثواب اجتماع کا اہتمام کیا گیا جس میں ذمہ داران اور مقامی عاشقانِ رسول نے شرکت کی ۔

اجتماع کا آغاز تلاوتِ قرآن پاک و نعت رسول مقبول صلَّی اللہ علیہ واٰلہٖ وسلَّم سے ہوا۔بعدازاں مبلغِ دعوتِ اسلامی مولانا غیاث الدین عطاری مدنی نے ”ایصال ثواب“ کے موضوع پر بیان کیا ‫ اور شرکا کو اپنے والدین میں سے جو انتقال کر ہیں اُن کی قبر پر جانے کا ذہن دیا نیز دعوتِ اسلامی کے 12دینی کاموں میں بالخصوص ہفتہ وار سنتوں بھرےاجتماع اور مدنی مذاکرے میں شرکت کرنے کی ترغیب دلائی۔

آخر میں مولانا غیاث الدین عطاری مدنی نے حاضرین و اہل علاقہ کے مرحومین کے لئے ایصال ثواب کیا اور دعائے مغفرت کروائی۔بعدازاں تمام اسلامی بھائیوں نے حضور صلی اللہ علیہ و سلم کی بارگاہ میں صلوٰۃ و سلام کا نذرانہ پیش کیا۔(کانٹینٹ:رمضان رضا مدنی عطاری )

یورپی ملک جرمنی کے شہر Frankfurt میں ہونے والے ہیم ٹیکسٹائل ایگزیبیشن میں دعوتِ اسلامی کی مرکزی مجلسِ شوریٰ کے رکن مولانا حاجی عبد الحبیب عطاری کی مختلف کاروباری حضرات سے ملاقات ہوئی۔

لوگوں کو دینی مسائل سکھانے والی عاشقانِ رسول کی عالمی تحریک دعوتِ اسلامی کے تحت پچھلے دنوں ایسٹن برمنگھم UK میں سنتوں بھرے اجتماع کا انعقاد کیا گیا جس میں ذمہ داران سمیت دیگر اسلامی بھائیوں نے شرکت کی۔

اجتماع کا آغاز معمول کے مطابق تلاوتِ قراٰن سے کیا گیا اور نعت خواں اسلامی بھائی نے حضور سرورِ کونین حضرت محمد مصطفیٰ صلی اللہ علیہ و سلم کی بارگاہ میں نذرانۂ عقیدت پیش کیا۔

اس اجتماعِ پاک میں نگرانِ Wales and FGRF UK سیّد فضیل رضا عطاری نے ”سورۂ فاتحہ کی برکتیں“ کے موضوع پر بیان کیا اور وہاں موجود اسلامی بھائیوں کو دعوتِ اسلامی کے دینی وفلاحی خدمات میں حصہ لینے کا ذہن دیا۔اجتماع کے اختتام پر دعا و صلوٰۃ و سلام پڑھا گیا اور اسلامی بھائیوں نےاپنی اپنی اچھی اچھی نیتوں کا اظہار کیا۔(کانٹینٹ:غیاث الدین عطاری)

عرس سلطانُ الہند حضرت خواجہ غریب نواز رحمۃُ اللہِ علیہ کی مناسبت سے امیر اہلسنت علامہ محمد الیاس عطار قادری دامت بَرَکَاتُہمُ العالیہ نے عاشقانِ رسول کو اس ہفتے 14 صفحات کا رسالہ ”فیضانِ غریبِ نواز“پڑھنے /سننے کی ترغیب دلائی ہے اور پڑھنے/ سننے والوں کو اپنی دعاؤں سے بھی نوازا ہے۔

دعائے عطار

یا اللہ پاک! جو کوئی 14صفحات کا رسالہ ”فیضانِ غریبِ نواز“پڑھ یا سُن لے اُس کے ایمان کی حفاظت کراور اُس کی ماں باپ سمیت بے حساب مغفرت فرما۔ اٰمِیْن بِجَاہِ خَاتمِ النّبیِّین صلَّی اللہ علیہ واٰلہٖ وسلَّم

یہ رسالہ دعوتِ اسلامی کی ویب سائٹ سے ابھی مفت ڈاؤن لوڈ کیجئے

Download

Daegu شہر، ساؤتھ کوریا کے علاقے سنگ سو میں قائم دعوتِ اسلامی کے مدنی مرکز فیضانِ مدینہ میں شرافت علی رندھاوا کی والدہ مرحومہ کے لئے ایصالِ ثواب اجتماع کا انعقاد کیا گیا جس میں بزنس کمیونٹی سمیت دیگر اسلامی بھائیوں نے شرکت کی۔

تلاوتِ قراٰن و نعتِ رسولِ مقبول صلی اللہ علیہ و سلم کے بعد مبلغِ دعوتِ اسلامی نے سنتوں بھرا بیان کرتے ہوئے شرکا ئے اجتماع کو نیکی کے کام کرنے کا ذہن دیا جبکہ مرحومہ کے لئے دعا و فاتحہ خوانی بھی کی گئی۔آخر میں صلوٰۃ و سلام پڑھا گیا۔

عاشقانِ رسول کی دینی تحریک  دعوتِ اسلامی کے تحت پچھلے دنوں افریقی ملک تنزانیہ میں قبولِ اسلام کی مدنی بہار دیکھنے کو ملی۔

رپورٹ کے مطابق تنزانیہ میں بعد نمازِ عصر علاقائی دورہ برائے نیکی کی دعوت کا سلسلہ ہوا جس میں مبلغِ دعوتِ اسلامی نے ایک غیر مسلم پر انفرادی کوشش کی جس پر اُس غیر مسلم نے کلمہ طیبہ پڑھ کر اسلام قبول کر لیا۔

موزمبیق کے مدنی مرکز فیضانِ مدینہ Nampula میں دعوتِ اسلامی کے تحت سنتوں بھرے اجتماع کا انعقادکیا گیا جس میں مختلف مقامات سے ائمۂ کرام، مبلغینِ دعوتِ اسلامی اور مقامی عاشقانِ رسول کی شرکت ہوئی جبکہ ذمہ داران بھی موجود تھے۔

تلاوت و نعت سے اجتماعِ پاک کا آغاز کیا گیا جبکہ دینی کاموں کے سلسلے میں افریقہ شیڈول پر موجود مرکزی مجلسِ شوریٰ کے رکن حاجی محمد اطہر عطاری نے سنتوں بھرا بیان کرتے ہوئے شرکا کو دینی کاموں میں بڑھ چڑھ کر حصہ لینے، ہفتہ وار سنتوں بھرے اجتماع میں شرکت کرنے اور مدنی قافلوں میں سفر کرنے کا ذہن دیا۔

دورانِ بیان رکن شوریٰ حاجی محمد اطہر عطاری نے عاشقانِ رسول کو مصافحہ کرنے (ہاتھ ملانے) کا سنت طریقہ بتایا اور اختتامی دعا کروائی نیز صلوٰۃ و سلام بھی پڑھا گیا۔سنتوں بھرے اجتماع کے بعد مقامی اسلامی بھائیوں کی رکنِ شوریٰ سے ملاقات ہوئی۔ (کانٹینٹ:غیاث الدین عطاری)

افریقی ملک کینیا کے شہر Malindi میں موجود دینی ادارے ”دار المدثر للدراست الاسلامیہ“ کے مہتمم حضرت مولانا فیصل العمودی شافعی دامت برکاتہم القدسیہ کی مرکزی مجلسِ شوریٰ کے رکن مولانا حاجی محمد جنید عطاری مدنی سے ملاقات ہوئی۔

دورانِ ملاقات کنیا سمیت مختلف ممالک میں عاشقانِ رسول کی دینی تحریک دعوتِ اسلامی کے تحت ہونے والے دینی و فلاحی کاموں نیز دیگر امور پر گفتگو کا سلسلہ ہوا جبکہ اختتام پر دعا بھی کی گئی۔

علاوہ ازیں رکنِ شوریٰ نے مولانا فیصل العمودی شافعی دامت برکاتہم القدسیہ کو امیرِ اہلِ سنت دامت بَرَکَاتُہمُ العالیہ کی مایاناز کتاب ”نیکی کی دعوت“ کا عربی ایڈیشن و دیگر کتابیں تحفے میں پیش کیں۔

اسی طرح کینیا میں ہی رکنِ شوریٰ مولانا حاجی محمد جنید عطاری مدنی نے دیگر اسلامی بھائیوں کے ہمراہ حضرت استاذ محمد البیض رحمۃ اللہ علیہ کے مزار شریف پرحاضری دی اور دعا و فاتحہ خوانی کی۔(کانٹینٹ:غیاث الدین عطاری)