10جنوری 2024 ء کو بہاولپور اور ملتان ڈویژن کے شفٹ تعلیمی ذمہ داران و معاونین کی ماہانہ میٹنگ ہوئی یہ میٹنگ آن لائن ہوئی اور  اس میں سابقہ مدنی مشورے کےنکات پر بات ہوئی۔

معاون رکن مجلس سید انس عطاری نے شرکا کو تعلیمی نظام میں مزید بہتری لانے کے حوالے سے مدنی پھول دیئے اور اپنے ٹیچرز اور اسٹوڈنٹس میں تعلیمی قابلیت کو کیسے بڑھا سکتے ہیں اس پر نکات بتائے۔(رپورٹ: محمد وقار یعقوب عطاری برانچ ناظم فیضان آن لائن اکیڈمی،کانٹینٹ:رمضان رضا عطاری )

دعوتِ اسلامی کی مرکزی مجلسِ شوریٰ کے رکن مولانا حاجی ابو ماجد محمد شاہد عطاری مدنی کی والدہ محترمہ علالت کے بعد 18 جنوری 2024ء کی رات لاہور، پنجاب میں انتقال کر گئیں۔

تفصیلات کے مطابق مرحومہ کی نمازِ جنازہ نشاط کالونی لاہو ر کینٹ پنجاب میں رکنِ مرکزی مجلسِ شوریٰ حاجی محمد اسلم عطاری نے پڑھائی اور دعائے مغفرت کروائی۔

مرحومہ کی نمازِ جنازہ میں رکنِ شوریٰ مولانا حاجی محمد شاہد عطاری مدنی کے اہلِ خانہ، رشتہ دار، دوست و احباب، علاقہ مکین اوررکنِ شوریٰ حاجی منصور عطاری سمیت دعوتِ اسلامی کے مختلف شعبہ جات کے اسلامی بھائی کثیر تعداد میں موجود تھے۔

محمد سفیان عطاری شعبہ رابطہ برائے شخصیات گجرانوالہ ڈویژن ذمہ دار نے 15جنوری2024ءکو سیالکوٹ میں ڈپٹی کمشنر ذوالقرنین ،ایڈیشنل ڈپٹی کمشنر جنرل اسد کاظمی،اسسٹنٹ کمشنر غلام سرور،ڈسٹرکٹ آفیسر ٹیکس اینڈ ایکسائیز دانیال ،ڈی پی او حسن اقبال،پی آر او ڈی پی او انسپکٹر نعمان بٹر،ڈی ایس پی ہیڈکوائٹر رانا جمیل،ڈی ایس پی پٹرولنگ عرفان الحق سلہریاں،کرنل جواد احمد،انچارچ خدمت مرکز محمد شہباز اورسب انسپکٹر سہیل احمد سمیت دیگر اعلی عہدیداران سے ملاقات کی اور انہیں دعوت اسلامی کے تحت مختلف شعبہ جات کے ذریعے دنیا بھر میں ہونے والی دینی اور فلاحی خدمات سے آگاہ کرتے ہفتہ وار سنتوں بھرے اجتماع میں شرکت کرنے اور فیضان مدینہ وزٹ کرنے کی دعوت پیش کی۔(رپورٹ: شہزاد عطاری شعبہ رابطہ برائے شخصیات پنجاب آفس،کانٹینٹ:شعیب احمد ) 

محمد سفیان عطاری شعبہ رابطہ برائے شخصیات گجرانوالہ ڈویژن ذمہ دار نے 16جنوری2024ء کو پسرور پاکستان میں سیکرٹری بار رانا ندیم،سیالکوٹ میں ایس پی انویسٹی گیشن ملک نوید،ڈی ایس پی سی آئی اے محمود الحسن،ڈی ایس پی ٹریفک محمد شاہد،شفٹ انچارچ لاسنسگ برانچ سب انسپکٹر عامراور ویسٹ انچارچ ملک کاشف سمیت دیگر اعلی عہدیداران سے ملاقات کی اور انہیں   دعوت اسلامی کے تحت مختلف شعبہ جات کے ذریعے دنیا بھر میں ہونے والی دینی اور فلاحی خدمات سے آگاہ کرتے ہفتہ وار سنتوں بھرے اجتماع میں شرکت کرنے اور فیضان مدینہ وزٹ کرنے کی دعوت پیش کی جبکہ پولیس لائن میں شجرکاری کے حوالے سے طے کیا۔(رپورٹ: شہزاد عطاری شعبہ رابطہ برائے شخصیات پنجاب آفس،کانٹینٹ:شعیب احمد )

محمد فدا عطاری شعبہ رابطہ برائے شخصیات ڈی جی خان ڈویژن ذمہ دار تحصیل تونسہ شریف  ذمہ داران دعوت اسلامی کے ہمراہ تونسہ شریف میں 15جنوری2024ء کو سٹی تھانہ کے SHOانسپکٹر کرم الہی ،ا سپیشل برانچ کے افسر انسپکٹرعلمدارترابی سے ملاقات کی اور انہیں دعوت اسلامی کے تحت مختلف شعبہ جات کے ذریعے دنیا بھر میں ہونے والی دینی اور فلاحی خدمات سے آگاہ کرتے ہوئے جامعہ المدینہ بوائز تونسہ کا تعارف کروایا اور ہفتہ وار سنتوں بھرے اجتماع میں شرکت کرنے اور فیضان مدینہ وزٹ کرنے کی دعوت پیش کی۔(رپورٹ: شہزاد عطاری شعبہ رابطہ برائے شخصیات پنجاب آفس،کانٹینٹ:شعیب احمد )

محمد ذیشان عطاری شعبہ رابطہ برائے شخصیات ساہیوال ڈویژن ذمہ دار نے پچھلے دنوں فیصل آباد میں رانا آصف سرور ایس ایچ او تھانہ سٹی ساہیوال سے ملاقات  کی اور انہیں دعوت اسلامی کے تحت دنیا بھر میں ہونے والی دینی اور فلاحی خدمات سے آگا ہ کرتے ہوئے ماہنامہ فیضان مدینہ تحفے میں پیش کیا جبکہ ایس ایچ او صاحب سمیت تمام عملے کو ہفتہ وار سنتوں بھرے اجتماع میں شرکت کرنے اور فیضان مدینہ وزٹ کرنے کی دعوت پیش کی۔(رپورٹ: شہزاد عطاری شعبہ رابطہ برائے شخصیات پنجاب آفس،کانٹینٹ:شعیب احمد )

پچھلے دنوں  محمد مبارک عطاری شعبہ رابطہ برائے شخصیات فیصل آباد ڈویژن ذمہ دار اور صوبائی ذمہ دار فیضان ریہبلیٹیشن سنٹر محمد ثاقب عطاری نے فیصل آباد ٹریفک پولیس آفس میں سی ٹی او فیصل آباد مقصود احمد لون ، ڈی ایس پی محمد خالد اور ڈسٹرکٹ آفیسر ویلفیئر برانچ ٹریفک پولیس سمیت دیگر شخصیات سے ملاقات کی اور انہیں دعوت اسلامی کے تحت دنیا بھر میں ہونے والی دینی اور فلاحی خدمات سے آگا ہ کیا جس پر حاضرین نے خدمات دعوت اسلامی کو سراہا اور مدنی چینل کو اپنے تاثرات دیتے ہوئے دعوت اسلامی کے ساتھ بھر پور تعاون جاری رکھنے کی نیت بھی کی اس موقع پر وارڈن کے special child کی مختلف تھراپی کے حوالے سے ایم او یو سائن کیا ۔

یاد رہے پچھلے دنوں سی ٹی او صاحب نے اپنے اسٹاف کے ہمراہ مدنی مرکز فیضان مدینہ فیصل آباد کا وزٹ بھی کیا تھا اور طلبہ کرام و عملے کو ٹریفک قوانین پر عملدرآمد کے حوالے سے لیکچر بھی دیا تھا ۔ (رپورٹ: شہزاد عطاری شعبہ رابطہ برائے شخصیات پنجاب آفس،کانٹینٹ:شعیب احمد )

دنیا  بھر میں دینی کام کرنے والی سنتوں بھری تحریک دعوت اسلامی کے تحت 14 جنوری 2024ء کو ٹاؤن میر شیر محمد ٹالپر کی فیضان اولیا مسجد

میں مدنی مشورہ منعقد کیا گیا جس میں ٹاؤن و یوسی نگران اور ٹاؤن کے نئے پرانے اسلامی بھائیوں نے شرکت کی۔

نواب شاہ ڈویژن نگران سید دانش عطاری نے 12 دینی کاموں کے حوالے سے اسلامی بھائیوں کی ذہن سازی کی اور 12 دینی کاموں کی تقرریاں پوری کیں۔ (رپورٹ:فرحان عطاری ڈویژن ذمہ دار ڈونیشن بکس، کانٹینٹ:رمضان رضا مدنی عطاری )

مدنی   مرکز فیضان ِمدینہ مظفر گڑھ میں 15 جنوری 2024ء کو عاشقانِ رسول کی دینی تحریک دعوتِ اسلامی کے زیرِ اہتمام سحری اجتماع ہوا جس میں مقامی ذمہ داران و عاشقان رسول نے شرکت کی ۔

اس موقع پر ڈویژن ذمّہ دار غلام عباس عطاری نے ” نفل روزوں کے فضائل“ کے موضوع پر بیان گیا۔بعدازاں اسلامی بھائیوں نے سحری کی اور رجب المرجب کا نفل روزہ رکھنے کی سعادت حاصل کی ۔(کانٹینٹ:رمضان رضا مدنی عطاری )

8تا 16 جنوری 2024ء خواجہ غریب نواز مسجد رنچھوڑ لائن کراچی میں روحانی علاج کورس ہوا جس میں کراچی ساؤتھ ڈسٹرکٹ کے مختلف شعبہ جات سے تعلق رکھنے والے عاشقانِ رسول نے شرکت کی ۔

کورس میں شریک اسلامی بھائیوں کی تربیت کرتے ہوئے شعبہ روحانی علاج ذمہ دار محمد زاہد عطاری نے تعویذات عطاریہ لکھنے کے حوالے سے مختلف امور پر شرکا کی رہنمائی کی ۔

علاوہ ازیں شرکا کو دم اور کاٹ والے عمل کرنے کا طریقہ اور اس کی احتیاطیں بیان کیں۔ ساتھ ہی ساتھ 12 دینی کاموں کا ذہن دیا نیز امت کی غمخواری کا جذبہ بھی دلایا۔ (رپورٹ: سمیر علی عطاری آفس ذمہ دار، کانٹینٹ:رمضان رضا عطاری)

15 جنوری 2024ء  کو مدنی مرکز فیضان مدینہ بہاولپور میں مدنی مشورہ ہوا جس میں بہاولپور سٹی مشاورت اور ٹاؤن نگران اسلامی بھائی شریک ہوئے۔

مدنی مشورے کے دوران نگران بہاولپور ڈویژن ڈاکٹر حافظ عبدالرؤف عطاری نے دینی کاموں کے حوالے سے گفتگو کرتے ہوئے اسلامی بھائیوں کو ہفتہ وار اجتما ع میں شرکت کرنے کی دعوت دی اور تقرری مکمل کرنے کا ذہن دیا۔(رپورٹ: احمدرضا عطاری ڈویژن میڈیا ڈیپارٹمنٹ،کانٹینٹ:رمضان رضا عطاری)

13 جنوری 2024ء کو مدنی مرکز فیضانِ مدینہ خانپور ڈسٹرکٹ رحیم یار خان میں مدنی مشورہ منعقد ہوا جس میں نگران بہاولپور ڈاکٹر حافظ عبدالرؤف عطاری نے ذمہ داران کو 12 دینی کاموں کو مزید بڑھانے کے حوالے سے مدنی پھول دیئے ۔

علاوہ ازیں تقرری مکمل کرنے ، ہفتہ وار اجتماع میں شرکت کرنے اور ماہانہ میگزین بنام ماہنامہ فیضان مدینہ کی بکنگ کروانے کا ذہن دیا جبکہ 12 دینی کام، خود کفالت اور رمضان عطیات کی ترغیب بھی دلائی ۔(رپورٹ: احمدرضا عطاری ڈویژن میڈیا ڈیپارٹمنٹ،کانٹینٹ:رمضان رضا عطاری)